COSTCUTTER,
90 PENRHYN AVENUE, MAESGEIRCHEN, BANGOR
Ystyried
y cais uchod
Cofnod:
CAIS AM DRWYDDED EIDDO – COST CUTTER, 90
PENRHYN AVENUE, MAEGEIRCHEN, BANGOR
Croesawyd
pawb i’r cyfarfod gan y Cadeirydd, y Cynghorydd Eryl
Jones Williams. Cyflwynwyd y panel ar swyddogion i bawb oedd yn
bresennol. Cyhoeddwyd bod gan bawb hyd
at 10 munud i gyflwyno sylwadau uniongyrchol ar y cais.
Ar ran yr eiddo: Mr M Shoker a Mr Williams
(ymgeiswyr)
Eraill a fynychwyd: Cynghorydd Chris O’Neil (Aelod Lleol)
Adroddiad
ac argymhelliad yr Adain Trwyddedu.
a) Cyflwynwyd adroddiad y Rheolwr Trwyddedu yn manylu ar
gais am drwydded eiddo ar gyfer
Costcutter, 90 Penrhyn
Avenue, Bangor gan ymhelaethu
bod y cais ar gyfer siop hwylus
(convenience store) un llawr a fydd
yn gwerthu alcohol i’w yfed oddi
ar yr eiddo.
Nodwyd bod yr ymgeisydd wedi cynnwys camau priodol
i hyrwyddo’r pedwar amcan trwyddedu fel rhan
o’r cais. Ategwyd bod tystysgrif eiddo clwb yn
bodoli ar gyfer yr adeilad
a daeth i ben Tachwedd
2015.
Yn dilyn cyfnod ymgynghori, nodwyd nad oedd
sylwadau wedi eu derbyn gan
Gwasanaeth Iechyd Amgylchedd, Gwasanaeth Tân ac Achub ac nid o fewn yr
amser penodol gan Heddlu Gogledd
Cymru. Derbyniwyd dau wrthwynebiad i’r cais gan
Cyngor Dinas Bangor a’r Aelod Lleol
oherwydd oriau gwerthu alcohol gormodol. Y gwrthwynebiadau yn seiliedig ar yr
amcanion trwyddedu o Atal Niwsans Cyhoeddus, Trosedd ac Anhrefn, Diogelwch y Cyhoedd ac Amddiffyn Plant rhag Niwed. Nodwyd bod yr ymgeisydd
wedi bod mewn trafodaethau gyda’r heddlu ac wedi ystyried addasu oriau cau'r eiddo
i 1:00am.
Wrth ystyried y cais dilynwyd y drefn ganlynol-:
• Rhoddwyd cyfle i aelodau’r Is-bwyllgor a’r ymgeisydd ofyn
cwestiynau i’r Rheolwr Trwyddedu.
• Gwahoddwyd yr ymgeisydd i ymhelaethu ar y cais
• Rhoddwyd cyfle i’r ymgynghorai
gyflwyno eu sylwadau
• Gwahoddwyd deilydd y drwydded neu ei gynrychiolydd
i ymateb i’r sylwadau
• Rhoddwyd cyfle i aelodau’r Is-bwyllgor ofyn cwestiynau i ddeilydd y drwydded.
• Rhoddwyd cyfle i aelodau’r Is-bwyllgor ofyn cwestiynau
i’r ymgynghorai.
b) Mewn ymateb i gwestiwn
ynglŷn ag Aelod Lleol arall ward Marchog, nodwyd bod y Cynghorydd Nigel Pickavance (Aelod
Marchog 2) wedi cael cyfle i gyflwyno
sylwadau ond nid oedd rhai
wedi eu derbyn.
c) Mewn ymateb i gwestiwn
ynglŷn ag oriau agor siopau eraill
yn yr ardal
cadarnhaodd y Rheolwr Trwyddedu, bod ‘The Stores’ yn agor 8 - 11pm (Llun i Sadwrn) a 10 - 11pm (dydd Sul) a bod y ‘Corner Shop’ yn agor 8am - 8pm (Llun i Sul).
ch) Wrth ymhelaethu ar y cais nododd
yr ymgeisydd ei fod yn
hapus gyda’r hyn oedd wedi
ei gyflwyno ac ategodd y sylwadau canlynol o’i fwriad:
• Bod y siop yn adeilad o’r
newydd – buddsoddiad da i’r ardal
• Bod y siop yn cynnig gwasanaeth
i drigolion lleol
• Bod caffi yn rhan o’r
eiddo
• Bod ganddo berthynas dda gyda’r
heddlu
• Bod
bwriad gosod system Teledu Cylch Cyfyng
(TCC) o’r radd flaenaf. 64 camera wedi eu hargymell - hyn yn cael
ei gymeradwyo gan yr heddlu.
Ategwyd y byddai cofnod yn cael
ei gadw am 30 diwrnod a byddai staff yn derbyn hyfforddiant
priodol (pecyn hyfforddiant yn cael ei ddarparu
gan Cyngor Gwynedd)
• Bod swyddi yn cael eu
creu yn lleol
• Dim yn rhagweld unrhyw broblemau - y bwriad yw rhedeg busnes
proffesiynol
• Eisoes yn rhedeg busnesau
llwyddiannus tebyg
d) Mewn ymateb i gwestiwn
ynglŷn â’r caffi, nodwyd nad
oedd oriau agor y caffi wedi
eu cadarnhau ac ni fydd alcohol yn cael i werthu
yn y caffi. Ategwyd bod y caffi yn rhan o’r
siop - un fynedfa sydd i’r eiddo.
Y bwriad yw creu ardal o fewn
y siop i oddeutu 35 o bobl fwynhau prydau
ysgafn.
dd) Cydnabuwyd sylwadau Cyngor Dinas Bangor
e) Yn manteisio ar
ei hawl i siarad, nododd yr Aelod Lleol
(Marchog 1), Y Cynghorydd
Chris O’Neal nad oedd ganddo unrhyw amheuaeth
am safon y siop. Ei unig wrthwynebiad
a phryder oedd bod alcohol a’r werth am 6:00 y bore.
Sylwadau
a nodwyd:
• Bod yr eiddo wedi ei
leoli yng nghalon y gymuned
• Bysys ysgol yn
codi nifer o blant ysgol tu
allan i’r eiddo felly prysurdeb amlwg yma yn
y bore
• Dim
eisiau gweld plant yn cymysgu gyda
phobl yn prynu alcohol yn gynnar yn y dydd
• Pryder ynglŷn â gwerthu alcohol i blant dan ddeunaw
• Nid yw TCC yn atal
anrhefn
• Ystâd fwyaf yn
y Sir gyda phroblemau hanesyddol - dim eisiau annog problemau o’r newydd
• Cais i ystyried gwerthu alcohol o 9:00 y
bore
• Nid oedd ganddo unrhyw
wrthwynebiad i oriau gwerthu alcohol hwyr y nos
Gofynodd y Cynghorydd
O’Neal am eglurhad oddi wrth y Cyfreithiwr am gyfreithlondeb y cais yn sgil y ffaith
bod Adrannau I ac L ar y ffurflen gais heb
eu cwblhau. Nododd y Cyfreithiwr nad oedd yr
ymgeisydd wedi dynodi eu bod yn
gwneud cais am drwydded i ddarparu lluniaeth hwyr nos felly mae’n ymddangos na fyddai
angen iddynt gwblhau Adran I. Mae Adran L ar gyfer
gwybodaeth yn unig ac yn dechnegol
nid oedd yn hanfodol ar
gyfer y cais gan nad yw
oriau agor i’r cyhoedd yn
weithgaredd trwyddedadwy o dan y Ddeddf Trwyddedu
2003.
f) Wrth grynhoi ei
gais, nododd yr ymgeisydd bod yr adeilad yn
wag ac roedd yn buddsoddi arian i’r gymuned a’r
ardal leol. Nododd bod ganddo siop debyg ym
Modedern ac nad oedd unrhyw broblemau
yno gyda’r oriau agor.
ff) Ategodd y Rheolwr Trwyddedu bod cynllun yr adeilad newydd
i bwrpas siop. Atodwyd cynllun bras o’r siop gyda’r
cais a thrafodwyd y cais yn seiliedig
ar y cynllun hwn. Petai unrhyw
newid i gynllun y siop, eglurwyd bod rhaid cyflwyno cais am amrywiad trwydded. Cadarnhawyd bod yr Is Bwyllgor i wneud penderfyniad ar y cynllun a oedd yn rhan
o’r cais.
g) Gwnaed cais i’r
ymgeisydd sicrhau bod digon o finiau tu allan i’r
siop i atal sbwriel
h) Gadawodd y partïon perthnasol y cyfarfod.
i) Trafodwyd y cais gan aelodau’r Is Bwyllgor gan ystyried
yr holl dystiolaeth
a gyflwynwyd gan roddi sylw penodol
i egwyddorion Deddf Trwyddedu 2003 sef
• Trosedd ac Anhrefn
• Diogelwch y
Cyhoedd
• Rhwystro Niwsans Cyhoeddus
• Amddiffyn
Plant rhag Niwed
Roedd yr Is-Bwyllgor yn fodlon
caniatáu'r drwydded yn unol â’r
cais. Nodwyd nad oedd tystiolaeth
ddigonol y byddai‘r drwydded yn cyfrannu at egwyddorion Deddf Trwyddedu 2003 ac na ellid ystyried
sefyllfaoedd rhagdybiaethol.
Gofynnwyd i’r ymgeisydd gydweithio gyda Heddlu Gogledd
Cymru a’r Gwasanaeth Tân ac Achub, a phetai problemau yn codi
i’r dyfodol bydd posib gwneud
cais am adolygiad.
PENDERFYNWYD caniatáu
y cais am drwydded eiddo. Rhoddir y drwydded yn unol
â’r cais ond yn ddarostyngedig
i’r canlynol:
1. Un
unol â chais yr ymgeisydd yn
y gwrandawiad, gosodir awr terfynol o 01:00 Llun-Gwener ar gyfer darparu alcohol oddi ar yr
eiddo
2. Ymgorfforir y
canlynol fel amodau mewn perthynas
â Theledu Cylch Cyfyng:
a. Cedwir cofnodion Teledu Cylch Cyfyng am 30 diwrnod
b. Bydd staff yn derbyn
hyfforddiant priodol ar y sustem Teledu
Cylch Cyfyng, yn unol a’r
pecyn hyfforddiant a ddarperir gan Gyngor
Gwynedd
Adroddodd
y Cyfreithiwr y byddai’r penderfyniad yn cael ei gadarnhau
yn ffurfiol drwy lythyr i bawb oedd
yn bresennol. Hysbysebwyd hefyd o’u hawl i apelio i’r
dyfarniad o fewn 21 diwrnod i dderbyn y llythyr hwnnw.
Dechreuodd y cyfarfod
am 2:30pm a daeth i ben am 3:30pm
Dogfennau ategol: