Cais i ddymchwel modurdy a chodi anecs cysylltiol yn ei le.
AELOD LLEOL: Cynghorydd
E. Selwyn Griffiths
Cofnod:
Cais i ddymchwel modurdy
a chodi anecs cysylltiol yn ei le.
(a)
Ymhelaethodd y Swyddog Rheolaeth Datblygu ar gefndir y
cais, gan nodi bod yr eiddo yn dŷ ben teras gyda thrac mynediad yn rhedeg
wrth ei ochr a heibio ei gefn er mwyn darparu mynediad cerbydol i dai eraill tu
cefn. Saif y modurdy presennol yng
nghefn pellaf cwrtil yr eiddo, ac mae gan dai eraill yn y teras yr un math o
drefniant.
Golyga’r bwriad i ddymchwel y modurdy presennol a chodi adeilad newydd ar
yr un ôl-troed i ffurfio anecs cysylltiol i’r prif
eiddo fydd yn darparu ystafell gardd, ystafell
ymolchi, ynghyd ag ystafell sbâr ar gyfer defnydd fel ystafell
wely/swyddfa.
Cyfeiriwyd at y polisïau perthnasol ynghyd á’r
ymatebion i’r ymgynghoriadau cyhoeddus.
Tynnwyd sylw bod y safle wedi ei leoli o fewn ffin datblygu pentref Borth y
Gest ac er nad oes cysylltiad ffisegol rhwng y prif dy a’r anecs,
yr unig ffordd i mewn i’r anecs yw drwy ardd y prif
eiddo, sydd o fewn yr un berchnogaeth.
Ystyrir bod y bwriad yn dderbyniol ac yn ffordd addas a chynaliadwy o
ddarparu ystafelloedd ychwanegol heb danseilio polisïau cynllunio’r Cynllun
Datblygu Undebol Gwynedd, ac yn cydymffurfio a gofynion y polisïau cynllunio
perthnasol.
Tynnwyd sylw bod perchnogion yr eiddo drws nesaf wedi gwrthwynebu yn seiliedig ar ffenestr ystafell ymolchi
sydd wedi ei leoli ar yr edrychiad deheuol sy’n edrych dros lwybr sy’n darparu
mynediad i ardd yr eiddo drws nesaf. Ni
ystyrir y byddai’r ffenestr yn debygol o achosi goredrych
sylweddol nac annerbyniol yn yr achos hwn.
Nodwyd bod Uned Trafnidiaeth y Cyngor yn fodlon gyda’r trefniant parcio
presennol ac nad oedd gwrthwynebiad ar sail diogelwch ffyrdd.
Argymhellir y swyddogion cynllunio i ganiatáu’r cais oherwydd ni ystyrir
nad oedd y bwriad arfaethedig yn groes i bolisïau perthnasol.
(b)
Yn manteisio ar yr
hawl i siarad nododd y gwrthwynebydd y prif bwyntiau canlynol:
·
Pryder
y gall yr anecs gael ei ystyried
fel uned breswyl ar wahân
·
Bod yr anecs yn or-ddatblygiad
o’r safle
·
Nad oedd unrhyw gyswllt
rhwng y prif eiddo a’r anecs
dim ond mynediad
yn unig drwy
giât ar yr
ochr o'r
ffordd sydd heb ei
mabwysiadu
·
Bod
cwympiad serth o 3-4m rhwng ardal y tŷ a’r modurdy a dim mynediad i’r
tŷ
·
Bod yr
adroddiad yn datgan nad oedd unrhyw gysylltiad ffisegeol
gyda’r prif annedd a’r anecs – felly yn atgyfnerthu y
byddai’r anecs yn uned ar wahân
·
Bod yr adroddiad yn datgan na ddylai’r anecs weithredu ar wahân o’r prif annedd gan y byddai hyn
yn risg o isrannu’r annedd i’r dyfodol ac yn nodi ymhellach bod yr anecs yn darparu uned hunangynhwysol - felly gall yr uned
gael ei werthu ar wahân i’r dyfodol
·
Bod llawer
iawn o fflatiau mewn dinasoedd o’r un maint yn darparu llety parhaol
·
Bod
20 eiddo gydag adeiladau ynghlwm ar y ffordd sydd
heb ei mabwysiadu
sydd yn addas
i’w trosi - byddai caniatau’r cais yn creu
cynsail ar gyfer ceisiadau cyffelyb ac o’r herwydd ni fyddir
yn gallu diogelu mwynderau’r gymdogaeth leol
·
Nad oedd y gymdogaeth leol yn gefnogol
i’r cais
·
Nodwyd
bod y
drysau llithro arfaethedig yn gwbl weladwy o ffenestr llofft y
gwrthwynebydd ac felly bydd yn achosi goredrych sylweddol
·
Bod wal yr anecs
ddwywaith yn hirach na wal y modurdy presennol ac yn gyfan gwbl gyda drysau
gwydr
·
Ar hyn o bryd nid oes unrhyw ffenestri ar
unrhyw edrychiad yn edrych dros eiddo'r gwrthwynebydd ond bwriedir rhoi
ffenestr “velux” yn y to ar gyfer yr ystafell ymolchi
·
Byddai
effaith ar breifatrwydd yn sylweddol ac yn achosi mwy o aflonyddwch a gor-edrych
·
Bod
potensial i gynyddu’r defnydd o’r eiddo masnachol cofrestredig yn rhif 25 fel
llety gwyliau gydag effaith i fwynderau a thrigolion lleol
·
Bod
parcio ar gael ar gyfer un cerbyd yn unig a bod dau le parcio yn cael eu dileu
– rhagwelir angen am barcio ychwanegol ar gyfer yr anecs
·
Apeliwyd i’r Pwyllgor Cynllunio wrthod y
cais oherwydd ei fod yn annedd ar wahân
(c)
Yn manteisio ar yr hawl i siarad
nododd asiant yr ymgeisydd y prif bwyntiau canlynol:-
·
Nodwyd bod yr ymgeisydd, o’r
cychwyn cyntaf, wedi ceisio ymgynghori
gyda’r cynllunwyr ac wedi derbyn Cyngor cyn-gynllunio
·
Bod un o’r amodau yn nodi
i’r anecs fod yn gysylltiedig
â’r prif dŷ
·
Bod
y gwrthwynebiadau yn disgyn i dri category - parcio, preifatrwydd a defnydd yr anecs
ac yn enwedig ei ddefnydd fel
annedd ar wahân
·
Bod
yr ymgeisydd yn fodlon ymrwymo
i amod i atal yr anecs fod
ar wahân
·
O
ran parcio, nodwyd bod dau le parcio o fewn y safle ei
hun a darn bychan concrid sy’n berchnogaeth
y Cyngor - os oes problemau gellir rhoi arwyddion i wahardd parcio ar y tir dan
sylw
·
Bod y modurdy wedi bod yn ddolur
llygaid a bwriedir rhoi gorffeniad to llechi arno i’w
dacluso ac felly y bydd yn gaffaeliad i’r
ardal
·
Pwysleiswyd
mai cynllun bychan o 37 metr sgwâr ydoedd ac y bydd yn welliant
i’r hyn sydd
yno’n barod
·
Apeliwyd i’r Pwyllgor Cynllunio
gefnogi’r cais.
(d)
Nododd
yr Aelod Lleol (nad oedd
yn aelod o’r Pwyllgor Cynllunio
hwn) bod gwrthwynebiad cryf i’r bwriad
gan drigolion Borth y Gest yn ogystal â’r Cyngor Cymuned a thynnwyd sylw at y pwyntiau canlynol:
·
Bod
y perchennog yn rhedeg busnes o’r
eiddo
·
Y
byddai’n creu cynsail ar gyfer
gweddill y teras
·
Gor-ddatblygiad
·
Pryder
ynglyn a pharcio o ystyried bod problemau parcio yn y pentref
yn bodoli’n barod
·
Dim
linc rhwng y tŷ a’r anecs
heblaw am y llwybr
(ch) Mewn ymateb i’r
uchod, eglurodd yr Uwch Beiriannydd
Rheolaeth Datblygu drwy ddymchwel y modurdy nid oes
angen mwy o le parcio gan fod
2 lecyn yn ddigonol ar gyfer
anghenion yr eiddo.
Nododd
yr Uwch Reolwr
Gwasanaethau Cynllunio ymhellach bod y cais gerbron am anecs i dŷ annedd ac nid i fusnes. Nodwyd
ymhellach y byddai wedi bod yn bosibl
trosi’r modurdy presennol yn anecs
heb ganiatâd cynllunio. Esboniwyd bod yr anecs yn eitha’
bach ei faint, ac yn unol a’r
hyn y disgwylir anecs fod o ran ei faint, gosodiad mewnol a’i berthynas
gyda’r tŷ presennol. Roedd mwy neu
lai ar ôl-troed
y modurdy presennol a thynnwyd sylw bod amod cynllunio wedi ei gynnwys
i sicrhau bod yr anecs ar gyfer
defnydd is-wasanaethol y tŷ presennol.
(d) Yn ystod
y drafodaeth nodwyd y prif sylwadau canlynol:
·
Pryder ynglyn a cholli modurdy
ar gyfer parcio a fyddai’n dwysau problemau parcio i’r eiddo
·
Nifer o ystafelloedd cysgu yn yr anecs
(d) Cynigwyd ac eiliwyd i’r
Pwyllgor Cynllunio ymweld â’r safle.
Penderfynwyd: Trefnu ymweliad i’r safle.
Dogfennau ategol: