Codi ty deulawr fforddiadwy,
mynedfa newydd a sied bren
AELOD
LLEOL: CYNGHORYDD AERON MALDWYN JONES
Dolen i'r Dogfennau
Perthnasol
Cofnod:
Codi
tŷ deulawr fforddiadwy, mynedfa newydd a sied bren
(a) Ymhelaethodd y Swyddog Rheolaeth Datblygu
ar gefndir y cais gan nodi mai ail-gyflwyniad ydoedd ar gyfer codi tŷ
fforddiadwy, mynedfa a sied bren i’r cais a wrthodwyd yn Awst, 2015 o dan
hawliau dirprwyedig y Cyngor. Amlygwyd bod y cais diweddaraf hwn wedi cael ei
ddiwygio ar sail y canlynol:-
• Mae maint y safle wedi ei
leihau o 2,049m2 i 1,157m2.
• Mae’r tŷ wedi ei
leoli 1.83m yn agosach i’r ffordd sirol gyfagos.
• Mae dyluniad y to a rhai
o’r ffenestri wedi eu diwygio.
Eglurwyd nad oed
dy safle yn gorgyffwrdd adeilad wedi ei liwio yn goch ar fap mewnosodiad Saron
sydd wedi ei ddynodi fel pentref gwledig yn CDUG gyda’r tŷ agosaf wedi ei
leoli 21m i’r gorllewin gyda’r ffordd sirol a rhodfa’r stad yn gwahanu safle’r
cais o’r tŷ ei hun. Nodwyd bod y bwriad felly yn golygu codi annedd yng
nghefn gwlad agored heb unrhyw gysylltiad ffisegol i batrwm datblygu
cyffredinol pentref gwledig Saron.
Mae’r egwyddor o
ddatblygu anheddau preswyl yng nghefn gwlad wedi ei gynnwys mewn nifer o
ddogfennau polisïau a chyngor strategol gan y Cyngor a gan Lywodraeth Cymru ac
fe gyfeiriwyd atynt yn yr adroddiad.
Amlygwyd hefyd o ran yr elfen fforddiadwy nad oedd tystiolaeth gref wedi
ei dderbyn fel rhan o’r cais cyfredol hwn i argyhoeddi’r ACLL bod wir angen am
dy fforddiadwy ar y safle arbennig hwn. Mae gofynion CCA: Tai Fforddiadwy yn
datgan yn glir “bydd rhaid i ymgeiswyr brofi eu bod yn lleol, nad ydynt yn
gallu fforddio tŷ ar y farchnad agored, eu bod yn byw mewn sefyllfa
annerbyniol megis tŷ wedi ei orlenwi a bod angen llety arall arnynt”.
Atgoffwyd y Pwyllgor y dylid penderfynu ar
geisiadau am ganiatâd cynllunio yn unol â’r cynllun datblygu cymeradwy oni bai
bod ystyriaethau perthnasol sy’n nodi fel arall. Rhaid i’r ffactorau sydd i’w
hystyried fod yn ystyriaethau perthnasol i gynllunio. Yn yr achos arbennig yma
nodwyd nad oedd y wybodaeth a gyflwynwyd yn ddigonol i alluogi caniatáu’r cais
yn groes i bolisïau a chanllawiau mabwysiedig y Cyngor ynghyd a’r cyngor a
gynhwysir yn nogfennau Llywodraeth Cymru. Daw’r Awdurdod Cynllunio Lleol i’r
casgliad nad yw’r safle yn safle addas ar gyfer codi ty arno (fforddiadwy neu
beidio) gan nad yw’n un y gellid ei ddehongli fel safle mewnlenwi nac ydyw wedi
ei leoli union gerllaw adeilad sydd wedi ei liwio yn goch ar y map mewnosodiad
ar gyfer Saron, nid yw dyluniad, ffurf na graddfa’r tŷ arfaethedig yn
dderbyniol ac nid oedd tystiolaeth wedi
ei dderbyn gyda’r cais sydd yn argyhoeddi’r Awdurdod Cynllunio Lleol bod yr ymgeiswyr mewn gwir
angen ac yn gymwys am dy fforddiadwy ym mhentref gwledig Saron.
Tynnwyd sylw at y sylwadau
ychwanegol a gyflwynwyd.
(a) Yn
manteisio ar yr hawl i siarad nododd asiant ar ran yr ymgeisydd y prif bwyntiau
canlynol:-
·
Y cais yma yn ymateb i
gais tebyg a wrthodwyd yn Awst 2015 - addasiadau wedi eu gweithredu yn unol â
gofynion y swyddog, a thystiolaeth wedi ei gynnwys i brofi yr angen am dŷ
fforddiadawy
·
Derbyn nad yw'r
ymgeisydd yn gymwys am dŷ fforddiadwy ond cafodd ei asesu ar waith tal
uchel dros dro heb statws parhaol.
·
Buasai’r teulu yn cynnal
a chryfhau cymuned – ymateb i CH5
·
Bod y Canllaw Cynllunio
Atodol ar Dai newydd mewn pentrefi gwledig yn caniatáu eithriadau – nid yw hyn yn cael ei gyfarch gan y swyddog
·
Cynllun Adnau Drafft-
statws ystyriaeth berthnasol - y geiriad yn wahanol i’r Cynllun
Datblygu Lleol
·
Trigolion lleol wedi
derbyn y cyfle i graffu a thrafod a holi
bwriad yr ymgeisydd
·
Yr annedd yn cwrdd ag
anghenion lleol
·
Nid yw yn groes i batrwm
datblygu cyffredinol
(b) Gwnaed y prif bwyntiau
canlynol gan yr aelod lleol (nad oedd
yn aelod o’r Pwyllgor Cynllunio hwn):-
·
Pentref gwledig Cymraeg
yw Saron fydd yn croesawu teulu newydd
o Gymry Cymraeg
·
Wedi canfod barn gyffredinol trigolion lleol; dim
gwrthwynebiad i un tŷ gael ei adeiladu yn y cae (awgrym bod
ymrwymiad cyfreithiol i sicrhau mai un tŷ yn unig fydd yn y cae)
·
Noson agored lwyddiannus wedi ei threfnu i rannu
gwybodaeth am y bwriad
·
Ystyried bod safle y
cais gwreiddiol yn well, ond wedi trafod gyda’r ymgeisydd cytuno ar y safle presennol
·
Gwrychoedd yn cuddio'r
datblygiad yn rhannol
·
Y safle o fewn ardal 30m yr awr
·
Bod diffyg llofftydd yn eu tŷ presennol
·
Y safle yn ddelfrydol
·
Caniatáu y cais ond
sicrhau un tŷ yn unig ar y safle.
Mewn ymateb i sylwadau’r uchod nododd yr Uwch Reolwr Gwasanaeth
Cynllunio mai eithriadau yn unig yw caniatáu tai yng nghefn gwlad ac y dylid
gwneud penderfyniadau yn unol â
pholisïau cyfredol. Ategwyd bod yr ymgeiswyr wedi cael eu hasesu gan Tai Teg a
chanlyniad yr asesiad hwnnw oedd nad oedd yr ymgeisydd yn gymwys am dy
fforddiadwy. Ychwanegwyd nad oedd y lleoliad yn cydymffurfio a gofynion y
Cynllun Datblygu Lleol ac yn gwbl groes i bolisïau. Buasai caniatáu y cais yn
gosod cynsail perygl.
(ch) Cynigwyd
a eiliwyd i ganiatáu’r cais yn groes i argymhelliad y swyddogion am y rhesymau
canlynol:
·
Bod y datblygiad yn
eithriad i bolisïau
·
Datblygiad
ydyw o fewn pentref gwledig
·
Angen lleol am dŷ
(c)
Mewn ymateb i gwestiwn
nododd y Rheolwr Rheolaeth Datblygu, er
bod y datblygiad yn gyfochrog agos i safle sydd wedi ei liwio yn goch ar y map
mewnosod, mae yn cael ei wahanu yn ffisegol gan ffordd sirol sy’n golygu nad
ydynt yn gyfochrog (polisi sydd yn cael
ei weithredu yn gyson). Cadarnhawyd bod asesiad Tai Teg wedi ystyried yr
ymgeiswyr fel cwpl a bod lefel y cyflog yn golygu nad oeddent yn gymwys am dy
fforddiadwy oherwydd natur gyfrinachol y wybodaeth a gyflwynwyd i’r asesiad,
nid oedd modd rhannu'r wybodaeth yma.
Mewn ymateb i eiriad y Cynllun Adnau Drafft sydd yn cyfeirio at
ddatblygiad ‘union gyferbyn’, amlygodd yr Uwch Reolwr Gwasanaethau Cynllunio
nad yw’r Cynllun Adnau wedi ei fabwysiadu ac felly nid yw’r sylw yn berthnasol.
(dd)
Yn
ystod y drafodaeth
ddilynol nodwyd y prif sylwadau canlynol o blaid y cais
·
Bod y cynlluniau wedi eu
haddasu ar ôl trafodaethau ac felly posib bod ystyriaeth i ganiatáu?
·
Angen cefnogi a gwarchod
teuluoedd Cymraeg
·
Caniatáu ar sail mai
eithriad yw'r datblygiad
(d)
Yn
ystod y drafodaeth ddilynol nodwyd y prif sylwadau canlynol yn erbyn y cais:
·
Nad yw'r polisïau wedi
newid ers Awst 2015
·
Nad oes rhesymau
cynllunio dros ganiatáu
Gwnaed cais am bleidlais gofrestredig.
(e)
Yn unol â’r Rheolau
Gweithdrefn, cofnodwyd y bleidlais ganlynol i ganiatáu y cais:
O blaid y cynnig i ganiatáu y cais, (3)
Y Cynghorwyr: Simon Glyn, Gruffydd Williams ac Owain Williams.
Yn erbyn y cynnig i ganiatau y
cais, (8)
Y Cynghorwyr Elwyn Edwards, Gwen Griffith, Anne T. Lloyd Jones, June Marshall,
Michael Sol Owen, W. Tudor Owen, John Pughe
Roberts a Hefin Williams:
Atal,(0)
Gwnaed ac eiliwyd cynnig i
wrthod y cais
PENDERFYNWYD gwrthod
y cais yn unol ag argymhellion y swyddogion.
1.
Mae’r bwriad yn annerbyniol ar sail egwyddor ac yn groes i ofynion
Polisi C1, CH5 a CH9 o Gynllun Datblygu Unedol Gwynedd, Canllawiau Cynllunio
Atodol: Adeiladu Tai Newydd yng Nghefn Gwlad, Tai Newydd Mewn Pentrefi Gwledig
a Tai Fforddiadwy, Nodyn Cyngor Cynllunio 2 ar Dai Fforddiadwy, Nodyn Cyngor
Technegol 6 ar Cynllunio ar Gyfer Cymunedau Gwledig Cynaliadwy ynghyd a Pholisi
Cynllunio Cymru, Pennod 9 ar dai gan nad yw’r bwriad yn cwrdd gyda’r meini
prawf ar gyfer lleoli ty newydd mewn pentref gwledig ac, felly, ei fod yn
gyfystyr a chodi ty newydd yng nghefn gwlad heb unrhyw gyfiawnhad.
2.
Mae’r bwriad yn
annerbyniol ac yn groes i ofynion Polisi B23 a C1 o Gynllun Datblygu Unedol
Gwynedd, Canllawiau Dylunio Gwynedd,
Canllaw Cynllunio Atodol: Adeiladu Tai Newydd yng Nghefn Gwlad, Nodyn Cyngor
Technegol 12 ar Dylunio ynghyd a Pholisi Cynllunio Cymru, Pennod 9 Tai gan ei
fod yn creu nodwedd anghydnaws yn y dirwedd agored.
3.
Mae’r bwriad yn annerbyniol ac yn groes i ofynion Polisi CH5 o Gynllun Datblygu Unedol Gwynedd,
Canllaw Cynllunio Atodol: Tai Fforddiadwy, Nodyn Cyngor Technegol 2 Tai
Fforddiadwy a Pholisi Cynllunio Cymru, Pennod 9 Tai gan nad oes tystiolaeth wedi ei dderbyn sy’n
profi’n ddiamheuol bod angen lleol cymunedol am dy fforddiadwy ar y safle hwn.
Dogfennau ategol: