Aelod Cabinet: Cyng. Gareth Thomas
I ystyried adroddiad yr Aelod Cabinet Addysg ar yr uchod.
1.15 p.m. – 2.00 p.m
Cofnod:
(a) Cyflwynwyd
cynllun gweithredu gan yr Aelod
Cabinet Addysg yn nodi cynnydd o’r hyn
sydd wedi ei gyflawni yn
deillio o argymhellion yr Ymchwiliad Craffu
Ansawdd Addysg yn y meysydd canlynol:
(b) Ymatebodd y
Pennaeth Addysg a’r Swyddog
Gwella Ansawdd Addysg i sylwadau gan Aelodau unigol, fel a ganlyn:
(i)
Bod “Cynllun Y Moelwyn” yn gynllun peilot
arloesol lle gwahoddir Penaethiaid y dalgylch i gwrdd yn rheolaidd i rannu arbenigedd ar draws y cynradd a’r uwchradd. Nodwyd bod y cynllun yn llwyddiannus
ac yn esgor cydweithio bwriadus gyda phob Ysgol yn y dalgylch yn
manteisio ar rannu arbenigedd o safbwynt arweinyddiaeth a’r cwricwlwm. O safbwynt ehangu’r cynllun i ysgolion eraill y Sir, nodwyd bod y cynllun wedi gweithio’n hynod o dda yn
nalgylch y Moelwyn a’r her ydoedd cynnig model ar gyfer pob ardal
yn enwedig o ystyried lleihad yn y cyllidebau a rhaid fyddai ystyried
gwahanol ffyrdd o weithio.
(ii)
Bod cynnydd yng nghyraeddiadau
dysgwyr bregus eleni o’i gymharu
a llynedd ond pwysleiswyd ei fod yn anodd
i’w fesur gan bod y disgyblion yn wahanol o un flwyddyn i’r llall. Atgoffwyd yr Aelodau bod y Llywodraeth yn ariannu ysgolion
ar gyfer disgyblion sydd a hawl i brydau ysgol
am ddim a rhaid sicrhau eu bod yn cael cyfleoedd
i wneud eu gorau yn yr
ysgolion.
(iii)
Pryder o safbwynt Mathemateg – nodwyd bod hysbyseb rhanbarthol am Ymgynghorydd Her Mathemateg wedi ei ryddhau
gan GwE gyda’r dyddiad cau wedi
dod i ben diwedd wythnos diwethaf a chydnabuwyd bod angen yr arweiniad penodol
i Benaethiaid Adran.
(iv) O safbwynt athrawon yn gorfod
bod yn fwy hyblyg i ddysgu gwahanol bynciau, gofynnwyd a oedd hyn yn cael
ei adlewyrchu yn y Colegau i’w
paratoi am y maes gwaith. Esboniwyd o safbwynt yr uwchradd bod unigolion rhan amlaf yn dewis
pwnc arbenigol gyda’r cynradd yn dysgu ystod
o bynciau. Nodwyd ei fod
yn ofynnol i’r Gwasanaeth Addysg ystyried ffurf amgen megis unigolion
i ddysgu’n drawsbynciol i fyny at 14 oed ac i’r unigolion sydd
gyda arbenigedd pwnc ddysgu yr
oedran uwch a bod hyn yn her o safbwynt
nifer disgyblion a lleihad yn y gyllideb. Ymddengys bod ESTYN
wedi bod yn feirniadol yn ddiweddar
o’r hyn a welwyd yn y Canolbarth
a’r Gogledd mewn paratoi darpar
athrawon i’r byd gwaith. Efallai bod angen cael trafodaeth
ar yr hyn
sy’n cael ei gynnig gan
y Colegau ac a yw yn gymwys ar
gyfer anghenion y farchnad.
(v)
Pa drefniadau a wneir gan y Gwasanaeth yn draws-adrannaol i sicrhau bod disgyblion sydd yn gymwys
i brydau Ysgol am ddim yn ei gael? Sicrhawyd bod ysgolion yn targedu’r
disgyblion er mwyn i deuluoedd gael yr hyn
sy’n ddyladwy iddynt ac yn ogystal
ei fod yn
ddangosydd ar gyfer cyllido ysgolion
ac yn fesurydd mewn cymhariaeth ag ysgolion eraill. Eglurwyd ymhellach bod Gwynedd yn colli allan ar
swm sylweddol o arian o’i gymharu
a’r ysgolion yn Ne Cymru sydd
yn rhan o raglen Her Cymru y Llywodraeth lle maent yn buddsoddi
i gadw safonau addysg. Sicrhaodd y Pennaeth
Addysg y byddai’n dilyn i fyny ar drefniadau
traws-adrannol i dargedu disgyblion sy’n haeddiannol o brydau Ysgol am ddim.
(vi)
A yw yn parhau’n
anodd i benodi Llywodraethwyr ac ymha ardaloedd? Cydnabuwyd ei fod
yn amrywio o ardal i ardal a bod y cyrsiau mandadol a gyfeirir ato yn
y cynllun gweithredu yn rhai ar
gyfer llywodraethwyr newydd, Cadeiryddion a Chlercod. Nodwyd ymhellach bod rhaglen newydd yn ei le sy’n
cynnig hyfforddiant ddiwedd prynhawn, fin nos, er mwyn
hwyluso y llywodraethwyr hynny sy’n gweithio
i fynychu ynghyd a’u cynnal yn
rhanbarthol. O
safbwynt cwblhau’r hyfforddiant ar y we, teimlwyd bod hyfforddiant wyneb yn wyneb
yn fwy manteisiol
ond wrth gwrs bod modd cwblhau
rhai modiwlau ar y we.
(vii)
Bod problem o recriwtio llywodraethwyr yn broblem mewn
sawl awdurdod yn enwedig mewn
ardaloedd gwledig.
Penderfynwyd:
Derbyn, a nodi cynnwys y cynllun gweithredu gan nodi y byddai’r Pwyllgor Craffu yn herio dilyniant
a chanlyniad y gwaith hwn wrth edrych
ar Adroddiad Blynyddol y Gwasanaeth Addysg sydd i’w gyflwyno
i’r Pwyllgor Craffu hwn ym
mis Mawrth 2016.
Dogfennau ategol: