Agenda item

Aelod Cabinet :  Cyng. Mair Rowlands

I ystyried adroddiad yr Aelod Cabinet Plant a Phobl Ifanc ar yr uchod.

11.15 a.m. – 12.00

Cyflwynwyd adroddiad gan yr Aelod Cabinet Plant a Phobl Ifanc yn amlinellu’r hyn a gyflawnwyd gan y Panel rhwng Ebrill 2014 a Mawrth 2015. 

Ynghyd ag archwiliadau allanol a dderbyniwyd yn ystod y cyfnod, a’r bwriadau ar gyfer y dyfodol.

Nodwyd bod yr adroddiad yn canolbwyntio ar drefniadau corfforaethol diogelu yn hytrach nac achosion penodol yn y maes.  Pwysleiswyd bod trefniadau eraill statudol yn bodoli yn rhanbarthol ar gyfer plant ac oedolion bregus.  Ymgais y Panel uchod ydoedd sicrhau bod y trefniadau yn gadarn a’r gwir lwyddiant ydoedd profi bod y gwasanaeth yn gwneud gwahaniaeth i unigolion. 

Rhoddwyd cyfle i Aelodau graffu’r adroddiad, ac fe ymatebodd yr Aelod Cabinet Plant a Phobl Ifanc a’r swyddogion yn briodol iddynt fel a ganlyn:

(i)            o safbwynt faint o achosion o drefniadau chwythu’r chwiban a fu, addawodd y Cyfarwyddwr Corfforaethol anfon y ffigyrau at Aelodau’r Pwyllgor Craffu

(ii)          mai’r Cynghorydd Annwen Daniels a benodwyd fel pencampwr Plant a Phobl Ifanc - Rhiantu Corfforaethol

(iii)         rhoddwyd addewid y byddir yn trafod gydag Aelod ynglyn ag asesiad  unigolion hefo anableddau sy’n dod allan o’r Coleg a ddim yn cael eu cyfeirio i wasanaeth gofal dydd

(iv)         bod materion gwrthfwlio “Cyber” yn cael eu hychwanegu i’r polisiau  perthnasol a sicrhawyd nad oedd yn broblem enfawr yng Ngwynedd

(v)          bod ysgolion yn allweddol i drefniadau diogelu plant a phobl ifanc a phwysleiswyd bwysigrwydd i gyfathrebu a hwy.  Cadarnhawyd bod nifer uchel o gyfeiriadau yn cael eu cyflwyno o ysgolion a’u bod yn derbyn gwahoddiad i gyfarfodydd a gynhelir o dderbyn unrhyw gyfeiriad.  Cydnabuwyd ymhellach bod ysgolion yn greiddiol i gyfrannu at drafodaethau.  Tra’n derbyn bod staff ysgolion yn ei chael yn anodd presenoli eu hunain mewn cyfarfodydd, sicrhawyd eu bod yn derbyn adroddiadau ysgrifenedig ac nad oedd unrhyw bryder ynglyn a chydweithio.

(vi)         O safbwynt sut y rhoddir hyder mewn plant i chwythu chwiban yn fuan, eglurwyd bod chwythu chwiban ac annog hyder yn ddau beth gwahanol. Ychydig iawn o blant sydd yn cyfeirio eu hunain, fe gyflwynir cyfeiriadau drwy’r asiantaethau eraill perthnasol.  Yng nghyswllt trefniadau cyn oed ysgol, nodwyd bod bydwragedd yn hynod bwysig.  Sicrhawyd bod sustemau effeithiol yng Ngwynedd a bod perthynas dda ar lawr gwlad. 

(vii)        Mai ychydig iawn o gyfeiriadau a dderbynnir gan rieni ynglyn a bwlio ac eglurwyd y broses y gallent ddilyn drwy ffonio Galw Gwynedd, rhifau ffon dynodedig i’r Tim sydd wedi eu lleoli ym Mhwllheli a hefyd rhifau ffon tu allan i oriau gwaith.

(viii)      Bod plant yn treulio llawer o’u hamser mewn ysgolion a rhan o waith y Panel yw sicrhau bod pob Adran, gan gynnwys Aelodau etholedig yn chwarae rhan yn y trefniadau.

(ix)         O safbwynt arolygu sut mae ysgolion yn ymdrin a bwlio, esboniwyd bod y Cyfarwyddwr Corfforaethol wedi cwrdd gyda’r Pennaeth Addysg yn ddiweddar a sicrhawyd bod trefniadau mewn lle i:  

·         Benodi swyddog diogelu plant

·         Edrych ar y polisiau a gweithdrefnau gan gynnwys yr elfen bwlio

(x)          Bod gan pob corff llywodraethol bencampwr i ymdrin a diogelu plant 

(xi)         Bod cyfrifoldeb ar athrawon i gyfeirio unrhyw achos sy’n wybyddus iddynt o gam drin yn y cartref, a sicrhawyd nad oedd pryder wedi ei amlygu i’r Panel nac ychwaith gan y Pennaeth Addysg ynglyn a chapasiti ysgolion i wneud hyn

(xii)        Nodwyd y pryderon ynglyn ag adroddiad AGGC ar gartref preswyl preifat Plas y Bryn, Bontnewydd.  Esboniwyd bod trefniadau mewn lle i arolygwyr archwilio cartrefi preswyl a bod trafodaethau yn mynd rhagddo ar gyfer mabwysiadau’r trefniadau gorau ond cydnabuwyd nad oedd yn faes hawdd i’w ddatrys.  Fe fyddir yn cyflwyno adroddiad i gyfarfod paratoi nesaf y Pwyllgor Craffu hwn ar 15 Rhagfyr ynglŷn â threfniadau ac yn benodol i drafod goblygiadau yn deillio o adroddiad AGGC ar y cartref penodol uchod.

(xiii)      Disgwylir ddiweddariad ar drefniadau a gweithdrefnau ar gyfer diogelu oedion bregus yn sgil argymhellion adolygiad Winterbourne ac fe sicrhawyd y byddir yn rhannu’r wybodaeth gyda Aelodau.

(xiv)      Mynegwyd siom nad oedd cyfeiriad yn y rhaglen waith at unigolion gydag anabledd dysgu.

(xv)        Sicrhawyd y byddir yn rhyddhau copi o’r adroddiad prosiect sicrhau perchnogaeth Cyngor gyfan i’r maes diogelu i’r Aelodau

(xvi)      Cadarnhawyd bod proses yn ei le i sicrhau archwiliadau DBS pob 3 blynedd ac yn cael ei fonitro gan yr Adran Cefnogaeth Gorfforaethol

(xvii)     Sicrhawyd y byddir yn ail-drefnu’r cyfarfod ym Meirion/Dwyfor ac Arfon hefo rhieni pobl ifanc gydag anabledd dysgu ac ymddiheurwyd am ohirio’r cyfarfod ym mis Mai ond bod hyn am amrywiol resymau.

Penderfynwyd:       (a)    Derbyn a nodi cynnwys yr adroddiad.

                                 (b)    Gofyn i’r swyddogion perthnasol gyflwyno gwybodaeth pellach ar y canlynol i gyfarfod paratoi y Pwyllgor Craffu sydd i’w gynnal ar 15 Rhagfyr 2015:

• Ffigyrau ar y nifer o achosion chwythu’r chwiban

Goblygiadau yn deillio o adroddiad AGGCC ar gartref preswyl preifat Plas y Bryn, Bontnewydd