Gosod fferm solar ffotofoltaidd (pv) ar y tir gyda chapasiti o 5mw ar 9.05 ha o dir amaethyddol ynghyd a chyfarpar cyswllt, trac mynediad, compownd adeiladu, ffens ddiogelwch a gwelliannau tirweddu.
Aelod Lleol: Cynghorydd Aled Ll. Evans
Cofnod:
Gosod fferm solar ffotofoltaidd (pv) ar y
tir gyda chapasiti o 5mw ar 9.05 ha o dir amaethyddol ynghyd a chyfarpar cyswllt, trac mynediad,
compownd adeiladu, ffens ddiogelwch a gwelliannau tirweddu.
(a)
Ymhelaethodd y Rheolwr
Rheolaeth Datblygu ar gefndir y cais, gan nodi bod y datblygiad yn
cydymffurfio gyda Chynllun Datblygu Unedol Gwynedd (CDUG) ynghyd â Pholisi Strategol 9 ar gyfer darparu
ynni o ffynonellau adnewyddadwy am y rhesymau a roddwyd yn yr
adroddiad.
Derbyniwyd gohebiaeth yn gwrthwynebu oddi wrth dai cyfagos yn bennaf ar
sail yr effaith ar y tirlun a'r golygfeydd o'i eiddo, tra’n cydnabod y byddai’n
bosibl bod rhannau o'r safle yn weladwy o'r eiddo, oherwydd ffurf y tir,
tyfiant presennol a phellter yr eiddo o'r safle, ni chredir byddai’r datblygiad
yn ormesol i breswylwyr ac na fyddai'r effaith ar y tirlun mor niweidiol i
gyfiawnhau gwrthod y cais.
Nodwyd y derbyniwyd gwrthwynebiadau hefyd ar sail effaith y datblygiad ar
ddiogelwch priffyrdd. Ystyrir mai ond yn ystod y cyfnod adeiladu y byddai
cynnydd mewn llif traffig. Ychwanegwyd bod y datblygiad yn dderbyniol mewn
egwyddor gan yr Uned Drafnidiaeth ond eu bod yn nodi’r angen i gytuno Cynllun
Rheoli Trafnidiaeth cyn dechrau’r datblygiad.
Cyfeiriwyd at wrthwynebiadau
a dderbyniwyd o ran pryder effaith y datblygiad ar fioamrywiaeth a phresenoldeb rhywogaethau a warchodir yn yr
ardal. Nodwyd nad oedd
gan yr Uned
Bioamrywiaeth na Chyfoeth Naturiol Cymru wrthwynebiadau i'r agwedd hon o'r cais o sicrhau
mesurau lliniaru a rheolaethol priodol ar gyfer y safle
a'i gyffiniau a fydd yn amddiffyn
buddiannau nodweddion bioamrywiaeth.
(b)
Yn manteisio ar yr hawl i siarad
nododd asiant yr ymgeisydd y prif bwyntiau canlynol:-
·
Y byddai’r datblygiad yn cynhyrchu
ynni adnewyddol glân wedi ei
gynhyrchu’n lleol ar gyfer oddeutu
1,300 o dai;
·
Bwriedir plannu coed ychwanegol i gryfhau’r gwrychoedd
presennol ynghyd â phlannu blodau
gwyllt, gosod bocys nythod i adar ac ystlumod a chychod gwenyn;
·
Bod gosodiad y paneli
solar wedi ei ddiwygio er ceisio
ymateb i wrthwynebiad;
·
Bod defnydd pori yn parhau ar
y safle;
·
Y byddai’r datblygiad yn rhoi
incwm sefydlog i’r busnes gan
warchod ei ddyfodol;
·
Cynhaliwyd ymgynghoriad cyhoeddus a derbyniwyd 22 ffurflen adborth a dim ond 3 o’r rhain
oedd yn erbyn
y datblygiad;
·
Gofyn i’r Pwyllgor
ganiatáu’r cais.
(c) Adroddwyd
nad oedd
gan yr Aelod
Lleol wrthwynebiad i’r cais.
Cynigwyd ac eiliwyd i ganiatáu’r cais.
(ch) Yn ystod
y drafodaeth nodwyd y prif sylwadau canlynol:
·
Y dylid gohirio’r cais
oherwydd y nifer cynyddol o geisiadau am ddatblygiadau solar, yr angen i
sefydlu maint priodol ar gyfer datblygiadau o’r math yma gan ystyried
pwysigrwydd twristiaeth i Wynedd a’r effaith ar
harddwch yr ardal;
·
Bod cynghorau yn Lloegr yn
gwrthod datblygiadau o’r fath a fyddai’n hagru’r dirwedd;
·
Pryder o ran effaith gronnol datblygiadau o’r fath ar y dirwedd a’r effaith
economaidd o ganlyniad;
·
Bod y datblygiad oddi mewn i’r
polisïau cyfredol ond yn anghyfforddus nad oedd Canllawiau Cynllunio Atodol. O
ganlyniad dylai’r Cyngor osod moratoriwm ar geisiadau am ddatblygiadau solar er
mwyn deall yr oblygiadau ac adnabod rhinweddau’r datblygiadau;
·
Yn gefnogol i ddatblygiadau
ynni adnewyddadwy;
·
Yr angen i sicrhau bod y
mesurau lliniaru o ran bioamrywiaeth yn bresennol ar gyfer oes y datblygiad;
·
Yr angen i ffermwyr
arallgyfeirio gan fod eu cymhorthdal yn lleihau;
·
Bod twristiaeth yn bwysig i’r
ardal ond yr angen i edrych ar ôl y bobl gynhenid er mwyn cadw’r iaith Gymraeg
a’r diwylliant Cymreig yn fyw.
(d) Mewn
ymateb i’r sylwadau uchod, nododd y swyddogion:-
·
Penderfynir ar geisiadau yn
unol â’r polisïau cyfredol. Nodwyd y comisiynwyd
cwmni Gillespies
yn ddiweddar i asesu sensitifrwydd a chapasiti'r
dirwedd i ymdopi gyda mathau penodol o ddatblygiadau;
·
Nad oedd tystiolaeth i
gyfiawnhau gwrthod ar sail effaith ar dwristiaeth;
·
Bod y gwasanaeth wedi bod yn
mapio datblygiadau ffermydd solar ynghyd â datblygiadau domestig ar draws
Gwynedd. Ystyrir y darlun presennol pan ystyrir effaith cronnol datblygiadau
solar o ran capasiti y dirwedd i ymdopi efo
datblygiadau pellach;
·
Cyflwynwyd Cynllun
Bioamrywiaeth fel rhan o’r cais ac argymhellir amod yn nodi y cwblheir y
datblygiad yn unol â’r cynllun.
PENDERFYNWYD caniatáu’r cais.
Amodau:
1. Amser cychwyn y datblygiad
2. Cwblhau’r datblygiad yn unol â’r cynlluniau
3. Rhaid lleoli’r paneli yn y lleoliadau a
ddangosir ar y cynlluniau neu fel y cytunwyd mewn ysgrifen gyda’r Awdurdod
Cynllunio Lleol.
4. Caniatâd 30 mlynedd, datganiad dull i
glirio’r safle ac atgyweirio’r tir.
5. Cytuno deunyddiau/lliwiau'r fframiau a’r gorchudd
di-llacharedd.
6. Cytuno ar ddeunyddiau/lliwiau'r ffens a’r
polion camerâu
7. Cytuno a chwblhau cynllun tirlunio a chynllun
rheolaeth tirlunio
8. Cytuno a
gweithredu Rhaglen Waith Archeolegol.
9. Dylid
gosod unrhyw geblau trydan o’r datblygiad i’r cysylltiad trydanol o dan ddaear.
10. Cytuno
unrhyw systemau goleuo’r safle.
11. Amodau
Priffyrdd – Cynllun rheoli trafnidiaeth.
12. Cwblhau’r datblygiad yn unol â’r Cynllun rheoli bioamrywiaeth a’r cynllun monitro.
13. Cytuno a gweithredu Cynllun Rheolaeth Adeiladu
Amgylcheddol.
14. Dim gwaith
clirio llystyfiant yn ystod y tymor nythu adar.
15. Cytuno deunyddiau allanol yr holl adeiladau.
Dogfennau ategol: