YR HEN GWRT, CAERNARFON
I ystyried y cais uchod
Cofnod:
Yr Hen Gwrt, Caernarfon
Ar ran yr eiddo: Ms Moira Hartley (ymgeisydd)
Eraill a wahoddwyd:
Mr
Ian Williams, Heddlu Gogledd Cymru
a)
Adroddiad yr Adran Trwyddedu
Cyflwynwyd
adroddiad y Rheolwr Trwyddedu yn manylu ar gais am drwydded eiddo ar gyfer Yr
Hen Lys, Pen Deitch, Caernarfon. Gwnaed y cais mewn perthynas â gwerthu alcohol
oddi ar ac ar yr eiddo; dangos ffilmiau a dramâu; cerddoriaeth fyw ac wedi ei
recordio, unrhyw adloniant arall a lluniaeth hwyr y nos.
Tynnwyd sylw at fanylion y gweithgareddau trwyddedig a’r oriau arfaethedig
yn yr adroddiad. Nodwyd bod gan Swyddogion yr Awdurdod Trwyddedu dystiolaeth
ddigonol bod y cais wedi ei gyflwyno yn unol â gofynion Deddf Trwyddedu 2003
a’r rheoliadau perthnasol.
Cyfeiriwyd at y
mesurau yr oedd yr ymgeisydd yn ei argymell i hyrwyddo’r amcanion trwyddedu
ynghyd a’r ymatebion a dderbyniwyd yn ystod y cyfnod ymgynghori. Amlygwyd y
byddai’r amcanion hyn yn cael eu cynnwys ar y drwydded
Nodwyd bod dau
sylw wedi ei derbyn, un gan Heddlu Gogledd Cymru yn awgrymu i’r ymgeisydd osod
system Teledu Cylch Cyfyng ar yr eiddo a defnydd goruchwylwyr drysau ac un gan
y Gwasanaeth Tan.
Wrth ystyried y cais dilynwyd y drefn ganlynol-:
·
Rhoi
cyfle i aelodau’r Is-bwyllgor a’r ymgeisydd ofyn cwestiynau i’r Rheolwr Trwyddedu.
·
Gwahodd
yr ymgeisydd i ymhelaethu ar y cais
·
Rhoi cyfle i’r ymgynghorai
gyflwyno eu sylwadau
·
Gwahodd
deilydd y drwydded neu ei gynrychiolydd i ymateb i’r sylwadau
·
Rhoi
cyfle i aelodau’r Is-bwyllgor ofyn cwestiynau i ddeilydd y drwydded.
·
Rhoi
cyfle i aelodau’r Is-bwyllgor ofyn cwestiynau i’r ymgynghorai
b)
Wrth ymhelaethu ar y cais, nododd yr ymgeisydd ei
bod yn hapus gyda’r hyn oedd wedi ei gyflwyno.
Ategodd y sylwadau canlynol:
·
Bod
bwriad cynnal system camerâu teledu cylch cyfyng
·
Ei bod yn derbyn awgrym gan yr Heddlu i ddefnyddio
goruchwylwyr drysau ar gyfer digwyddiadau unigol yn unig
·
Bod ymweliad safle gyda’r Gwasanaeth Tân a Swyddog
Stadau'r Cyngor wedi bod yn fuddiol
·
Bod angen cynnal trafodaethau pellach ar oleuo’r
llwybr dianc
·
Bod
dodrefn yn cael ei osod ar y stryd er mwyn denu cwsmeriaid i’r adeilad
c)
Yn manteisio ar ei hawl i siarad, amlygodd Swyddog
o’r Heddlu nad oedd gan yr Heddlu wrthwynebiad i’r cais. Ategodd bod amodau
wedi eu cynnig i’r ymgeisydd a bod angen ffurfioli’r amodau hynny. Cynigiwyd
amod yn ymwneud a gosod teledu cylch cyfyng ar yr eiddo ynghyd a defnydd
goruchwylwyr drysau. Amlygwyd, bod yr ymgeisydd yn Adran M (b) o’r cais yn
datgan ‘Licensed door supervisors on duty for all events’. Nodwyd bod yr Heddlu
o’r farn nad oes angen goruchwylwyr drysau ar gyfer pob digwyddiad oherwydd
natur y digwyddiadau fydd yn cael eu cynnal yn yr adeilad. O ganlyniad,
byddai’n ofynnol i’r ymgeisydd asesu digwyddiadau unigol cyn penderfynu os oes
angen goruchwylwyr drysau. Cynigiwyd yr amod, ‘Each event will be risk
assessed to establish whether door supervisors are required’. Awgrymwyd bod
amod ynglŷn â gweithredu Her 25 yn hytrach na Her 21 yn cael ei gynnwys ar
y drwydded. Cadarnhawyd bod yr ymgeisydd wedi cytuno derbyn yr
amodau hyn ar y drwydded.
ch) Adroddwyd bod yr ymateb gwreiddiol gan y
Gwasanaeth Tân wedi ei dderbyn 16 Awst yn datgan nad oedd yr eiddo yn
cydymffurfio â rhagofalon tân; yn benodol gan fod y llwybr dianc mewn argyfwng
yng nghefn yr adeilad yn arwain at giât wedi ei gloi tu ôl i adeiladau
Pencadlys y Cyngor. Yn dilyn archwiliad safle gyda’r ymgeisydd a Swyddog
Stadau’r Cyngor 21 Awst, derbyniwyd cadarnhad fod y Gwasanaeth Tân yn tynnu eu
gwrthwynebiad i’r cais yn ôl. Cafwyd cytundeb gan y Swyddog Stadau i wneud
newidiadau i banel ffens fel bod modd ei agor yn hawdd heb ddefnydd goriad.
Byddai hyn yn sicrhau llwybr dianc clir mewn argyfwng tân.
Mewn ymateb i bryder yr Aelodau
ynglŷn â’r llwybr dianc, nododd yr ymgeisydd bod bwriad cynnal
trafodaethau pellach ynglŷn â goleuo’r llwybr sydd wëid ei leoli tu ôl i
adeiladau’r Cyngor.
d)
Ymneilltuodd
yr ymgeisydd o’r ystafell tra bu i aelodau’r Is-bwyllgor
drafod y cais
dd) Wrth
gyrraedd y penderfyniad ystyriodd yr Is-bwyllgor ffurflen gais yr ymgeisydd, sylwadau ysgrifenedig a gyflwynwyd gan y
partïon â diddordeb, adroddiad y Swyddog Trwyddedu,
yn ogystal â sylwadau llafar yr ymgeisydd yn y gwrandawiad. Ystyriwyd hefyd Polisi Trwyddedu’r Cyngor a
chanllawiau’r Swyddfa Gartref. Roedd yr holl ystyriaethau
yn cael eu pwyso a’u mesur yn erbyn yr
amcanion trwyddedu o dan y Ddeddf
Trwyddedu 2003, sef:
i.
Atal
trosedd ac anhrefn
ii.
Atal
niwsans cyhoeddus
iii.
Sicrhau
diogelwch cyhoeddus
iv.
Gwarchod
plant rhag niwed
PENDERFYNWYD caniatáu y cais
Ystyriwyd nad oedd
sylwadau’r Heddlu yn gwrthwynebu’r cais ond yn argymell
cynnwys amodau ychwanegol mewn perthynas â Theledu Cylch Cyfyng, Cynllun Her 25
a goruchwyliaeth drysau. Cynigiwyd yr amodau hyn er mwyn hyrwyddo’r amcanion
trwyddedu o atal trosedd ac anhrefn ac i warchod plant rhag niwed a
chadarnhawyd bod yr ymgeisydd yn gytûn. Ni ystyriwyd sylwadau Gwasanaeth Tân Gogledd Cymru oherwydd iddynt gael eu
tynnu’n ôl.
Roedd yr Is-bwyllgor yn fodlon bod y cais am
drwydded fel y’i diwygiwyd, gyda chynnwys yr amodau arfaethedig oddi wrth
Heddlu Gogledd Cymru yn gydnaws â’r amcanion trwyddedu
Adroddodd y Cyfreithiwr y byddai’r
penderfyniad yn cael ei gadarnhau yn ffurfiol drwy lythyr i bawb oedd yn
bresennol.
Dogfennau ategol: