Agenda item
Cyflwyno adroddiad gan Uwch Swyddogion
Polisi Cynllunio, Uned Polisi Cynllunio ar y Cyd
Cofnod:
i) Canllaw Cynllunio Atodol: Tai Marchnad Lleol
Cyflwyniad gan Rhodri Owen yn
egluro’r newidiadau i’r canllaw ers iddo gael ei gyflwyno i’r Panel Cynllun
Datblygu Lleol ar y Cyd ar y 25 Ionawr 2019 ac yn gofyn i’r Pwyllgor
gymeradwyo’r ymateb arfaethedig i’r sylwadau a dderbyniwyd yn ystod y cyfnod
ymgynghori cyhoeddus ynglŷn â’r Canllaw Cynllunio Atodol a mabwysiadu’r
Canllaw.
Materion a godwyd:
• Gofynnwyd am eglurder
pellach ar gyfer yr ymateb i sylw 7 o ran
nad oes bwriad i gyfyngu ar bris tai marchnad leol.
• Codwyd cwestiwn os oedd
modd i gystadleuaeth ar gyfer tai fforddiadwy olygu fod ei prisiau hwy yn
cynyddu.
• Nodwyd fod y system
gynllunio yn Lloegr wedi newid i alluogi mwy o hyblygrwydd ar gyfer newid
defnydd adeiladau i ddefnydd preswyl yn y cefn gwlad. Holwyd os oedd hyn yn
debygol o ddigwydd yng Nghymru? Hefyd a oes modd pwyso am hyn trwy deddfwriaeth
o Caerdydd efo pwyslais ar bobl leol i gael blaenoriaeth am fath ddatblygiadau?
• Cwestiynwyd os oedd yna
broblem efo’r ardaloedd lleol ym Mholisi TAI 5 os diffinnir ardaloedd gwahanol
ar gyfer tai fforddiadwy o dan Polisïau TAI 4 a TAI 6.
Ymateb:
• Esboniwyd nad yw tai
marchnad lleol yn cyd fynd â’r diffiniad cynllunio a roddir yn NCT 2 ar gyfer
tai fforddiadwy ac felly maint y tai a maint y farchnad fydd yn rheoli pris y
tai yma yn hytrach na mecanwaith cynllunio. Fe ellid cael esiampl ble mae dau
unigolyn lleol yn cystadlu am dŷ a all olygu fod ei werth yn cynyddu i fod
yn agos i werth tŷ marchnad agored.
• Oherwydd bod mecanwaith
penodol wedi ei osod ar gyfer unedau fforddiadwy ni all eu gwerth gynyddu
uwchben y lefel disgownt sydd yn berthnasol ar gyfer unedau penodol.
• Mae’r broses yn wahanol
yng Nghymru a ni rhagwelir a hyn o bryd y buasai yna gefnogaeth yng Nghymru i
gael proses tebyg i Lloegr ar gyfer hyn oherwydd deallir bod y newid yn y
rheoliadau yn achosi anawsterau ac oherwydd nad oes dim rheolaeth dros
feddiannaeth y tai a fyddai’n cael eu creu, h.y. ni chyfyngir yr unedau i fod
yn dai i bobl leol ac ni ellir atal iddynt gael eu defnyddio fel tai haf/ ail
gartrefi. Mae Polisi yn y Cynllun eisoes yn galluogi adeiladau ar fferm gael caniatâd
cynllunio i’w trosi i fod yn dai fforddiadwy angen lleol (os ellir dangos nad
oes defnydd economaidd yn ymarferol). Mater i’r Cynghorau yw os ydynt eisio
pwyso ar Llywodraeth Cymru i gael deddfwriaeth newydd am y math yma o
ddatblygiadau.
• Mae ardaloedd Tai
marchnad Lleol wedi cael ei diffinio yn y Polisi a felly nid oes problem efo
creu ardal gwahanol ar gyfer diffinio’r ardal wledig gyfagos yn Mholisïau TAI 4
a TAI 6.
Penderfyniad – Derbyn yr argymhelliad i gymeradwyo’r ymateb i’r
sylwadau a dderbyniwyd am y Canllaw Cynllunio Atodol a mabwysiadu’r Canllaw
hwn.
ii) Canllaw Cynllunio Atodol: Llecynnau Agored mewn Datblygiadau
Tai Newydd
Cyflwyniad gan Linda Lee yn
egluro’r newidiadau i’r canllaw ers iddo gael ei gyflwyno i’r Panel Cynllun Datblygu
Lleol ar y Cyd ar y 25 Ionawr 2019 ac yn gofyn i’r Pwyllgor gymeradwyo’r ymateb
arfaethedig i’r sylwadau a dderbyniwyd yn ystod y cyfnod ymgynghori
cyhoeddus am y Canllaw Cynllunio Atodol
a mabwysiadu’r Canllaw.
Materion a godwyd:
• O edrych ar yr esiampl o
50 o dai sydd yn y Canllaw beth sydd yn digwydd pan mae Pentref efo mwy o dir
na beth yw’r angen?
• Cafodd cais diweddar ei
wrthod er fod y bwriad yn darparu llecyn agored.
Ymateb
• Mae Cam 1 o’r Canllaw yn
adnabod os oes diffyg yn y gymuned, os nad oes diffyg yna ni fydd angen darparu
llecynnau agored efo bwriad. Mae’r llecynnau agored o fewn aneddleoedd wedi eu
mapio ac mae’n bwysig trafod unrhyw ddarpariaeth arfaethedig gyda’r Cyngor
Cymuned. Efallai na fyddai ond angen math penodol o lecynnau agored o fewn
anheddle penodol, e.e. ddim yn angenrheidiol i bentref bychan ddarparu cae pêl
droed ond o bosib byddai llecyn chwarae plant ei angen yno.
• Bydd rhaid i bob cais
fodloni polisïau eraill o fewn y CDLl ar y cyd i gael cymeradwyaeth. Felly hyd
yn oed os yw’n darparu y llecyn agored perthnasol yn unol â’r angen a gafodd ei
sefydlu, gall fod yna resymau eraill pam na yw’r bwriad yn cael cefnogaeth. Nid
yw’r canllaw hwn yn nodi ble ddylid lleoli unrhyw lecyn agored o fewn safle. Yn
hytrach mae’n sefydlu’r fethodoleg dros ganfod os oes angen gwneud darpariaeth
pellach o’r fath. Caiff union leoliad llecyn agored ei drafod o fewn y broses o
ymdrin â chais cynllunio.
Penderfyniad – Derbyn yr argymhelliad i gymeradwyo’r ymateb i’r
sylwadau dderbyniwyd am y Canllaw Cynllunio Atodol a mabwysiadu’r Canllaw hwn.
Dogfennau ategol:
- CANLLAWIAU CYNLLUNIO ATODOLI I'W MABWYSIADU: TAI MARCHNAD LLEOL A LLECYNNAU AGORED MEWN DATBLYGIADAU TAI NEWYDD, eitem 5. PDF 368 KB
- Atodiad 1 CANLLAWIAU CYNLLUNIO ATODOL – TAI MARCHNAD LLEOL, eitem 5. PDF 566 KB
- Atodiad 2 TAI MARCHNAD LLEOL DRAFFT TERFYNOL, eitem 5. PDF 4 MB
- Atodiad 3 CANLLAWIAU CYNLLUNIO ATODOL - LLECYNNAU AGORED MEWN DATBLYGIADAU PRESWYL NEWYDD, eitem 5. PDF 533 KB
- Atodiad 4 LLECYNNAU AGORED MEWN DATBLYGIADAU TAI NEWYDD, eitem 5. PDF 1 MB