I ystyried yr adroddiad a rhoi cyfle i Aelodau’r Pwyllgor i graffu’r
Drafft Strategaeth Toiledau Lleol a chynnig unrhyw adborth cyn mynd gerbron y
Cabinet.
Cofnod:
Cyflwynwyd adroddiad yn diweddaru’r Pwyllgor ar effaith y toriadau ar
doiledau cyhoeddus y Sir a chynlluniau
sydd gan y Gwasanaeth i’r dyfodol drwy ddatblygiad y strategaeth arfaethedig fydd i’w mabwysiadu a’i chyhoeddi erbyn 31
Mai 2019. Nodwyd, yn dilyn
penderfyniad Her Gwynedd i gyflawni toriad o £244,000 yn y gwasanaeth drwy wireddu’r Cynllun
Partneriaethau gyda Chynghorau Cymuned a Thref bod
y Cyngor wedi llwyddo i gadw hyd at 63 o
doiledau ar agor yn y Sir. Ategwyd bod gan
y Sir ddarpariaeth o 35 o doiledau cymunedol sydd yn rhan o Gynllun Grant
Toiledau Cymunedol.
Mewn ymateb i Rhan 8 o
Ddeddf Iechyd y Cyhoedd (Cymru) 2017 rhaid i bob Awdurdod Lleol yng
Nghymru asesu anghenion eu cymuned o ran toiledau ac yna defnyddio
dulliau strategol a thryloyw i
ddiwallu’r angen hwnnw yn y modd gorau posib. Wrth ddatblygu’r strategaeth, amlygwyd bod opsiynau ehangach
wedi eu hystyried fydd yn mynd i’r afael a’r
heriau presennol sydd yn ymwneud a darparu cyfleusterau mewn cymunedau a hynny gyda lleihad yng nghyllideb y gwasanaeth.
Tynnwyd sylw at yr amserlen oedd yn amlygu’r
camau allweddol at gyhoeddi’r strategaeth.
Croesawyd y wybodaeth a’r gwaith
calonogol oedd wedi ei wneud
Yn ystod y drafodaeth ddilynol,
amlygwyd y pwyntiau canlynol gan Aelodau unigol:
·
Bod
angen arwyddion ffordd i dynnu sylw at yr adnoddau oddi ar lonydd prysur – yr
arwyddion i gynnig gwybodaeth a chyfarwyddiadau
·
Croesawu
Cynllun Toiledau Cymunedol, ond angen addasu a gwella cyflwr rhai o’r adeiladau
– rhaid sicrhau bod y toiledau yn safonol
·
Angen
hysbysu a hyrwyddo toiledau cymunedol yn
well
·
Bod
angen i unrhyw wybodaeth am doiledau sy’n cael ei roi ar y wefan fod yn
gyfredol a bod fersiwn ar gael i’w argraffu
·
Angen
annog mwy o doiledau cymunedol – derbyn bod rhestr aros, ond angen adolygu’r
sefyllfa
·
Pellter
rhwng toiledau yn bryder – a oes posib mapio fesul 10 milltir?
·
Awgrym
i gynnwys gwybodaeth ar ap Gwynedd
·
Bod
angen ystyried sefydliadau sydd yn cynnig oriau hwy a hyblyg
·
Bod
angen cyfleusterau cydradd – efallai
ystyried nad oes angen dynodiad
·
Posib
creu dolen gyda Google Maps o leoliadau toiledau
·
Targedu rhai busnesau ar brif ffyrdd i gynnig
defnydd o’u toiledau.
·
Bod mwy o sylw yn cael ei roi ar anghenion
twristiaid; pobl leol sydd yn talu trethi
Mewn ymateb i sylw
ynglŷn ag os yw’r cynllun toiledau cymunedol yn cynnig gwerth am arian, nodwyd bod gwerth i’r cynllun yn y
darlun llawn ond bod cyfle i adolygu’r cynllun gan
edrych i ardaloedd sydd heb adnodd. Nodwyd bod y cynllun yn cael ei ariannu gan
Lywodraeth Cymru a’i fod bellach yn
arian sydd yn cael ei gynnwys fel rhan o’r setliad blynyddol ac wedi ei warchod ar gyfer y defnydd yma yn unig. Nodwyd bod grant hefyd yn cael ei dderbyn gan yr Asiant Cefnffyrdd. Ategwyd bod
modd adolygu’r niferoedd a
hefyd y lleoliadau gan addasu yn ôl yr angen ynghyd a’r swm sydd yn cael ei dalu i bob busnes sydd yn rhan o’r
cynllun. Nodwyd hefyd, yn dilyn y cyhoeddi’r Strategaeth
ym Mai 2019 bydd darn o waith yn cael ei wneud i fapio ac adnabod y gwagle.
Mewn ymateb i sylw
ynglŷn ag uchafu safon a chyflwr y cyfleusterau, amlygwyd bod grant
wedi ei dderbyn yn ddiweddar i uwchraddio 3 toiled oedd yn cynnwys cyfleusterau
newid plant. Ategwyd bod gwaith
yn cael ei wneud i ddenu cyllid i wneud gwaith uwchraddio
ar 5 eiddo arall a bod grantiau yn rhoi cyfle i’r gwasanaeth edrych ar gyfleoedd newydd ac arloesol. Mewn
ymateb i sylw bod y gwasanaeth yn ddibynnol ar grantiau
i uwchraddio safon a chyflwr y toiledau a
petai’r grant yn dod i ben byddai’r cyfrifoldeb
a’r gost yn disgyn ar y Cyngor Cymuned, cadarnhawyd mai'r Cyngor sydd
yn gyfrifol am gyflwr y
toiledau.
Mewn ymateb i sylw am
ddefnyddio Google Maps neu ap priodol, amlygwyd bod hyn yn rhan statudol o’r strategaeth a cham naturiol
fyddai llunio ap.
PENDERFYNWYD derbyn
yr adroddiad gan argymell i’r Aelod Cabinet gyfarch y sylwadau wrth lunio’r Strategaeth Doiledau terfynol
Dogfennau ategol: