Agenda item
I ystyried yr adroddiad sydd yn codi ymwybyddiaeth am drefniadau a
chyfrifoldebau rheoli parcio’r Cyngor,
allbynnau’r gwaith a’r heriau ar gyfer y dyfodol
Cofnod:
Cyflwynwyd adroddiad gan yr Uwch Reolwr Eiddo yn manylu a’r drefniadau a
chyfrifoldebau rheoli parcio'r
Cyngor, allbynnau gwaith a’r heriau ar gyfer y dyfodol. Dengys y strwythur staffio bod y Gwasanaeth, ers 2012, wedi
wynebu arbedion / toriadau sylweddol
er yn ymateb i’r un llwyth gwaith. Amlygwyd bod y trefniadau talu ac arddangos
sydd mewn bodolaeth mewn 60 o feysydd parcio y Sir, ynghyd a Thocynnau Parcio Blynyddol a’r taliadau a ddaw o orfodaeth parcio wedi
arwain at incwm o £2.65m erbyn
2018/19. Nodwyd bod yr incwm yn rhan allweddol o incwm refeniw blynyddol y Cyngor ac yn cyfrannu tuag ar gynnal
gwasanaethau. Yn unol â gofynion deddfwriaethol, bydd unrhyw incwm sydd yn cael ei gasglu o reoli parcio yn
cael ei ail fuddsoddi yn y
rhwydwaith
priffyrdd.
Tynnwyd sylw at yr
heriau ar gyfer y blynyddoedd i ddod ynghyd ar amrediad opsiynau ar gyfer sicrhau cynnydd yn yr incwm
parcio. Os am gyfarch effaith chwyddiant a chyfrannu £180,000 tuag at y targed arbedion amlygwyd erbyn 2022/23 yr
angen i’r incwm blynyddol fod
oddeutu £450,000 yn uwch nag ydyw yn 2018/19.
Diolchwyd
am y wybodaeth
Mewn ymateb i sylw
ynglŷn â cholled incwm o oddeutu £45,000 am gynnig parcio am ddim dros gyfnod y Nadolig, amlygwyd y
sylwadau canlynol gan Aelodau unigol:
·
Bod angen ystyried trothwy amser cyn diddymu’r
gwasanaeth
·
Posib nad yw yn cynnig gwerth am arian gan mai
gweithwyr 9 - 5pm sydd yn ei ddefnyddio?
·
Angen ystyried dulliau fel nad yw gweithwyr yn ei
ddefnyddio
·
Angen gwell amseriad - diwedd Tachwedd - cyd fynd a
Dydd Gwener Gwallgo’?
Penwythnosau sydd yn rhedeg i fyny at y Nadolig?
·
Cynnig nosweithiau parcio am ddim pan fydd
digwyddiadau yn cael eu cynnal yn y dref
·
Parcio am ddim yn gynllun da ac yn gefnogol i
Fusnesau Lleol
Roedd yr Uwch Reolwr
Eiddo yn derbyn y sylwadau a nodwyd bod bwriad i adolygu’r drefn bresennol.
Mewn ymateb i sylw
ynglŷn â’r graff apeliadau oedd wedi ei gynnwys yn yr adroddiad a’r angen am wybodaeth fanylach am y nifer sydd yn
cael ei dyrannu a’r nifer sydd yn cael eu
herio, derbyniwyd bod y graff yn elfennol a bod modd cyflwyno data manylach.
Mewn ymateb i sylw
ynglŷn â sut fydd cyllido cyfleusterau gwefru ceir trydan adroddwyd y byddai’r cynllun yn debygol o gael ei ariannu
drwy grantiau yn ystod y cyfnod cyntaf. Ategwyd
bod y galw am y math yma o gyfleuster yn isel ar hyn o bryd, ond bod angen paratoi ymlaen llaw drwy gynnal
gwaith asesu lleoliadau addas o fewn y Sir.
Yn ystod y drafodaeth ddilynol, amlygwyd y
pwyntiau canlynol gan Aelodau unigol:
·
Bod angen amlygu gwahaniaeth rhwng perchnogaeth
maes parcio preifat a maes parcio'r Cyngor
·
Bod angen peiriannau dwbl sydd yn cynnig gwasanaeth
talu gydag arian parod neu dalu gyda cherdyn
·
Bod
cyfansymiau cynnydd yn ffioedd parcio yn ymddangos yn anodd o ran ceiniogau /
arian parod – angen cadw’r symiau yn syml
·
Awgrym
i gyflwyno talu am docyn parcio blynyddol mewn rhandaliadau misol
·
Beth yw costau cynnal a chadw'r 57 maes parcio sydd
yn ddi-dâl? A fyddai modd trosglwyddo’r adnodd i gymunedau lleol eu rheoli
byddai yn lleihau costau i’r Cyngor?
·
Angen
sicrhau bod y gwasanaeth yn effeithiol. Dim esgus nad yw peiriannau yn gweithio
ar benwythnosau prysur!
·
Bod
angen cysoni ffioedd parcio ar draws y Sir
·
Tocyn Parcio Lleol - a oes modd cynyddu criteria'r
tocyn ar gyfer parcio mewn maes parcio tymor hir?
·
Gyda
galw cynyddol am orfodaeth, a oes modd ystyried gosod camerâu mewn rhai meysydd
parcio fel bod modd rhyddhau swyddogion i orfodi mewn meysydd parcio eraill
Mewn ymateb i rai
sylwadau uchod, amlygodd y swyddogion,
·
Bod defnydd o gamerâu yn amhersonol, cudd a
drudfawr ond yn opsiwn posib ar gyfer y dyfodol
·
Bod galw cynyddol ar swyddogion i orfodi ystod eang
o feysydd. Er bod modd cynnig gwasanaeth traws adrannol golygai hyn
hyfforddiant dwys i’r swyddogion mewn nifer o feysydd deddfwriaethol. Ategwyd
bod trafodaethau yn parhau ond bod angen symleiddio’r ddeddfwriaeth a phwyso a
mesur materion ymarferol.
·
Bod sicrhau a sefydlu tegwch mewn gosod ffioedd
parcio ar draws y Sir wedi bod yn un o’r prif ystyriaethau wrth gyflwyno
trefniadau rheoli parcio yn 2015. Y bwriad yw parhau i geisio sefydlu cysondeb
a thegwch drwy’r Sir wrth ystyried opsiynau posib o gynyddu’r incwm parcio i’r
dyfodol.
·
Bod modd cynnal trafodaethau ‘achos wrth achos’
gyda Chynghorau Cymuned / Tref ynglŷn â throsglwyddo cyfrifoldebau meysydd
parcio di-dâl o fewn y Sir.
·
Bydd modd cyflwyno amrediad o opsiynau posib wedi
i’r Cyngor Llawn benderfynu ar gyllideb 2019/2020 ar y 7fed o Fawrth 2019.
PENDERFYNWYD derbyn
yr adroddiad gyda chais i’r swyddogion ystyried sylwadau’r Aelodau wrth ddarparu diweddariad maes o law ar yr
amrediad opsiynau ar gyfer
sicrhau cynnydd yn yr incwm parcio
Dogfennau ategol: