Estyniad ac addasiadau i'r tŷ yn cynnwys codi lefel to a gosod ffenestr gromen cefn (cais diwygiedig).
AELOD LLEOL: Cynghorydd
Dewi Wyn Roberts
Cofnod:
Estyniad ac addasiadau i'r tŷ yn cynnwys codi lefel to a gosod
ffenestr gromen cefn (cais diwygiedig).
(a) Ymhelaethodd y Swyddog Rheolaeth Datblygu ar gefndir y cais, gan
nodi bod rhai o’r aelodau wedi ymweld â’r safle cyn y cyfarfod.
Cyfeiriodd at yr ymgynghoriadau gan nodi bod y Cyngor
Cymuned yn gwrthwynebu oherwydd gor-ddatblygiad,
roedd yr Uned AHNE yn fodlon efo’r bwriad a ni dderbyniwyd unrhyw
sylwadau/gwrthwynebiadau yn ystod y cyfnod ymgynghori cyhoeddus.
Eglurodd mai’r prif newid i ddrychiad blaen yr eiddo, sef y
drychiad amlycaf, fyddai’r cynnydd o 0.42m i uchder y to a chyflwyno nen
oleuadau i’r to blaen a hynny er mwyn darparu ystafelloedd gwely yng ngofod y
to. Nododd bod y pedwar byngalo yn gymharol unffurf yn bresennol, fodd bynnag o
ystyried graddfa fechan y cynnydd mewn uchder, ni ystyrir y byddai’n golygu
newid gweledol niweidiol nac arwyddocaol yn y cyd-destun adeiledig hwn nac yn
ddigon drwg i’w wrthod.
Nododd bod llecyn llawr caled gyda lle parcio i ddau gar ger
gwaelod gardd flaen yr eiddo a oedd gyfochrog a’r ffordd ystâd. Tynnodd sylw
bod llefydd parcio hefyd ar ochr ffordd yr ystâd. Nid oedd gan yr Uned
Drafnidiaeth wrthwynebiad i’r bwriad, felly ystyrir y bwriad yn dderbyniol o
agwedd polisïau diogelwch ffyrdd a pharcio.
Argymhellwyd bod y bwriad yn dderbyniol i’w ganiatáu o
agwedd dyluniad, mwynderau gweledol a chyffredinol, tirlun a thrafnidiaeth ac
yn cydymffurfio gyda gofynion polisïau lleol a chenedlaethol perthnasol yn unol
â’r hyn a nodwyd yn yr adroddiad.
(b)
Gwrthwynebwyd y cais gan yr aelod lleol (nad oedd yn aelod o’r Pwyllgor Cynllunio hwn), nodwyd y prif
bwyntiau canlynol:-
·
Bod y bwriad yn or-ddatblygiad
o’r safle a byddai gor-edrych;
·
Tai yn yr ardal yn cael eu
defnyddio fel tai haf ac yn creu aflonyddwch i drigolion eraill;
·
Gosod cynsail wrth ganiatáu
cais o ran codi uchder y to;
·
Effaith niweidiol ar bobl y
stad a’r ardal leol o ran parcio a sbwriel;
·
Bod y Cyngor Cymuned yn
gwrthwynebu’r bwriad;
·
Prisiau tai yn mynd tu hwnt i
bobl leol.
(c) Mewn ymateb i
sylwadau’r aelod lleol, nododd y Rheolwr Cynllunio:
·
Ei fod yn anodd
datgan bod y bwriad yn or-ddatblygiad o’r safle o ystyried yr ardd eang yn y
cefn;
·
Byddai’r estyniad ar
lefel is na’r tŷ tu cefn i’r safle a ni fyddai gor-edrych
annerbyniol;
·
Bod Polisi PCYFF 2 o’r CDLl yn gwarchod mwynderau, ni fyddai cynnydd arwyddocaol
yn yr effaith bresennol;
·
Er yn nodi pryderon o ran
sbwriel, roedd y mater tu allan i’r drefn cynllunio;
·
Bod y ddarpariaeth parcio
yn ddigonol;
·
Derbyn a nodi pryderon
lleol ond nid oedd cyfiawnhad cynllunio i wrthod y cais.
(ch) Cynigwyd i wrthod y cais yn groes i argymhelliad y swyddogion ar
sail dyluniad. Nodwyd y byddai’r dyluniad to fflat yn amharu ar weddill y stad
ac fe fyddai to llechi yn fwy derbyniol. Eiliwyd y cynnig.
Yn ystod y drafodaeth ddilynol nodwyd y prif sylwadau canlynol gan aelodau:
·
Dylid talu sylw i sylwadau’r
aelod lleol a’r Cyngor Cymuned;
·
Pryder o ran effaith codi
uchder y to;
·
Pryder o ran y ddarpariaeth
parcio;
·
Ni dderbyniwyd gwrthwynebiad
i’r bwriad yn ystod yr ymgynghoriad cyhoeddus;
·
Bod y dyluniad yn fwy modern o
gymharu â thai eraill yn y stad;
·
Cynnydd bach a fyddai yn uchder
y to;
·
Ni fyddai’r bwriad yn
or-ddatblygiad o’r safle oherwydd maint y safle a’i fod yn guddiedig;
·
Bod y bwriad yn cyd-fynd a
thai eraill ar y stad a bod graddfa’r estyniad yn dderbyniol;
·
Bod defnydd o do fflat ar
dŷ arall cyfagos, ddim yn gweld sail i wrthwynebu’r bwriad;
·
Byddai’r bwriad yn effeithio’n
weledol ar yr adeilad a byddai to crib yn gweddu yn well i’r stad.
(d)
Mewn ymateb i’r
sylwadau uchod, nododd y Rheolwr Cynllunio:
·
Bod lleoliad yr
estyniad mewn safle cuddiedig a byddai ond yn weladwy o bosib o’r tŷ drws
nesaf. Roedd y safle cuddiedig yn gwneud y bwriad yn fwy derbyniol.
(dd) Pleidleisiwyd
ar y cynnig i wrthod y cais, fe ddisgynnodd y cynnig.
Cynigwyd ac eiliwyd i
ganiatáu’r cais.
PENDERFYNWYD caniatáu’r cais.
Amodau:
1. Cychwyn o fewn 5 mlynedd.
2. Yn unol gyda’r cynlluniau.
3. Llechi i gydweddu
4. Gorffeniad i gydweddu
5. Ffenestri talcen (gogledd orllewinol) i fod
yn afloyw
Nodiadau:
1.
Ni
chaniateir defnyddio to’r estyniad fel balconi.
2.
Dŵr
Cymru
Dogfennau ategol: