Gosod system ynni ffotovoltaidd (pv) ar ddaear hyd at 4.42 mw ar 14.22 o dir amaethyddol a gwaith cysylltiol gan gynnwys dau adeilad is-orsaf a ffensys diogelwch a strwythurau trawsnewid.
Aelod Lleol: Cynghorydd Aled Ll. Evans
Cofnod:
Gosod system ynni ffotofoltaidd (pv)
ar ddaear hyd at 4.42 MW ar 14.22 o dir amaethyddol a gwaith cysylltiol gan gynnwys dau
adeilad is-orsaf a ffensys diogelwch a strwythurau trawsnewid.
(a) Ymhelaethodd y Rheolwr Rheolaeth Datblygu ar gefndir y cais gan nodi bod y safle yng nghefn
gwlad agored yn y dirwedd donnog
sydd rhwng ucheldiroedd canol Llŷn â Bae Ceredigion gyda chloddiau a gwrychoedd o amgylch caeau'r safle a chaeau eraill yr ardal.
Nodwyd yr ystyrir bod egwyddor y bwriad yn dderbyniol o safbwynt polisïau C1, C27 a C28 o’r CDUG ac yn cyd-fynd gyda Pholisi
Strategol 9 ar gyfer darparu ynni
o ffynonellau adnewyddadwy.
Amlygwyd gwrthwynebiad a dderbyniwyd oddi wrth berchennog ffermdy cyfagos yn bennaf ar
sail yr effaith ar y tirlun a'r
golygfeydd o'i eiddo. Wrth dderbyn
ei fod yn
bosibl bydd rhannau o'r safle
yn weladwy o'r eiddo, oherwydd
ffurf y tir, tyfiant presennol a phellter yr eiddo
o'r safle, dros 360m, ni chredir
bydd y datblygiad yn ormesol i
breswylwyr y ffermdy ac na fyddai'r effaith
ar y tirlun mor niweidiol i
gyfiawnhau gwrthod y cais.
Tynnwyd sylw at gynllun lleoli’r paneli solar a rannwyd gyda’r aelodau yn y cyfarfod ynghyd
â sylwadau ychwanegol a dderbyniwyd gan nodi bod y Swyddog Coed wedi adnabod
bod helygen lwyd hynafol yn tyfu
ar y safle ac argymhellir gosod amod bod rhaid amddiffyn y goeden yn ystod y datblygiad.
Roedd y datblygiad yn cydymffurfio gyda’r CDUG am y rhesymau a roddwyd yn yr
adroddiad.
(b) Yn manteisio ar yr
hawl i siarad
nododd gwrthwynebydd y prif bwyntiau canlynol:-
·
Bod eu fferm deuluol gyfagos
i safle’r cais a tra’n gefnogol
i ddatblygiadau solar eu bod o’r farn
y dylid eu gosod ar doeau
adeiladau yn hytrach nac ar
y tir;
·
Nad oedd y Cyngor Cymuned yn ymwybodol
o’u pryderon;
·
Y dylai’r
aelodau wedi ymweld â’r safle;
·
Bod cae
rhif 2 wedi ei leoli ar
fryn sydd yn edrych i
lawr ar y fferm;
·
Nad oedd plannu coed yn ymateb
priodol o ran sgrinio;
·
Eu pryder o ran graddfa a maint y datblygiad a fyddai’n gyfystyr â 15 cae pêl droed;
·
Byddai’r tir yn ddiwydiannol yn hytrach na amaethyddol
os caniateir y cais;
·
Y byddai
effaith ar fwynderau’r ffermdy oherwydd llacharedd yn ogystal â’r
risg o gynyddu damweiniau.
(c)
Yn manteisio ar yr hawl
i siarad nododd cynrychiolydd asiant yr ymgeisydd y prif bwyntiau canlynol:-
·
Bod yr adroddiad yn arfarniad
helaeth o’r cais a chytunir efo’r casgliadau;
·
Na fyddai
effaith gweledol sylweddol o ganlyniad i’r datblygiad;
·
Bod y tir lle bwriedir lleoli’r
datblygiad yn dir amaethyddol dosbarth 4 a 5 felly ni chollir tir amaethyddol
gwerthfawr;
·
Nad oedd y bwriad yn groes i
unrhyw bolisi;
·
Y parchir
barn y gwrthwynebydd ond
bod y materion perthnasol wedi eu hystyried
yn yr asesiad;
·
Y byddai rhai rhannau o’r
datblygiad i’w weld o fannau eraill ond
y gwnaed ymgais i ddethol y caeau
byddai’n effeithio lleiaf a bwriedir cyfoethogi’r cysgod aeddfed o goed a gwrychoedd ar hyd
ffin orllewinol y datblygiad;
·
Y derbyniwyd llythyr o gefnogaeth gan gynrychiolwyr Hafan y Môr ac os caniateir y cais fe gynhelir trafodaethau â’r cwmni yng
nghyswllt bodloni eu hanghenion ynni
gwyrdd.
Cynigwyd
ac eiliwyd i ganiatáu’r cais.
(ch) Nodwyd y sylwadau canlynol o blaid yr argymhelliad::
·
Bod
y cais yn cyrraedd y gofynion a’i fod yn hynod bwysig cynnal diwydiant yng
nghefn gwlad gan ddod i gyfaddawd o ran gwarchod y dirwedd a ffyniant
economaidd;
·
Bod
effaith gweledol yn orddrychol;
·
Bod
ffordd yr ariannir datblygiadau ynni adnewyddol yn
newid diwedd mis heblaw bod datblygiad wedi derbyn caniatâd cynllunio;
·
Er
yn cydymdeimlo efo’r gwrthwynebydd yn gefnogol i’r bwriad gan fod safle’r cais
wrth ymyl is orsaf drydan;
·
Bod
darpar brynwr posib yn lleol i’r ynni a gynhyrchir;
·
Bod datblygiadau ynni adnewyddol yn bwysig o ystyried ein gorddibyniaeth ar olew
a nwy;
·
Bod
astudiaethau niferus rhyngwladol yn dangos nad oes effaith ar dwristiaeth.
(d) Nodwyd
y sylwadau canlynol yn groes i’r
argymhelliad:
·
O
ystyried bod safle’r cais wedi ei leoli wrth ymyl Ardal Cadwraeth Arbennig Pen
Llŷn a’r Sarnau, a fyddai’n bosib lleihau’r datblygiad?
·
Y nodir
na welir y datblygiad llawer o’r briffordd ond nodwyd hyn yn ogystal wrth
ystyried cais Parciau Farm, Griffiths Crossing,
Caernarfon sydd yn weladwy o’r briffordd;
·
Ni
fyddai’r datblygiad yn creu cyflogaeth leol;
·
Effaith
ar y ffermdy cyfagos yn annerbyniol;
·
Ddim
yn cydweld efo ynni gwyrdd a’r ffordd yr ariannir;
·
Y
byddai effaith gweledol o ganlyniad i’r datblygiad;
·
Nad oedd asesiad ardrawiad
effaith ynni o’r math hwn ar y dirwedd wedi ei wneud fel y gwnaed yng
nghyd-destun tyrbinau gwynt ac felly bod peryg gosod cynsail i geisiadau’r
dyfodol heb wybod yr effaith;
·
Amheuaeth
o ran maint y datblygiad a’r effaith y gallai gael ar dwristiaeth.
(dd) Mewn ymateb i’r sylwadau uchod, nododd y swyddogion:-
·
Rhoddwyd ystyriaeth i
ddynodiadau bioamrywiaeth wrth asesu’r cais a bod yr hyn a welir yn dderbyniol
gyda dim ond cipolwg o’r datblygiad i’w weld oherwydd y dirwedd donnog a’r
coed;
·
Nad oedd Canllawiau Cynllunio
Atodol wedi eu llunio ar gyfer ynni solar fel a greuwyd
ar gyfer ynni gwynt ar y tir ond comisiynwyd cwmni Gillespies
yn ddiweddar i asesu sensitifrwydd a chapasiti'r
dirwedd i ymdopi gyda mathau penodol o ddatblygiadau;
·
Bod tystiolaeth gadarn o’r capasiti ar gyfer datblygiadau o’r fath a’r CDUG yn cefnogi
datblygiadau solar sydd yn llai na 5 MW;
·
O ran ceisiadau o’r fath yn y
dyfodol, bod angen dod i benderfyniad ar y cais hwn drwy ystyried y tystiolaeth
presennol a byddai ystyriaethau o ran effaith gronnus datblygiadau o’r math yma
i’w wneud efallai pan ddaw ceisiadau eraill gerbron;
·
Bod ymgais i liniaru’r effaith
weledol.
PENDERFYNWYD caniatáu’r cais.
Amodau:
1. 5 mlynedd
2. Cwblhau’r datblygiad yn unol
â’r cynlluniau
3. Rhaid lleoli’r
paneli yn y lleoliadau a ddangosir ar y cynlluniau neu fel y cytunwyd
mewn ysgrifen gyda’r Awdurdod Cynllunio Lleol.
4. Cytuno deunyddiau/lliwiau'r fframiau a’r gorchudd
di-llacharedd.
5. Cytuno ar ddeunyddiau/lliwiau'r ffens a’r polion camerâu
6. Cytuno a chwblhau cynllun tirlunio a chynllun rheolaeth tirlunio
7. Cytuno a gweithredu Cynllun Rheolaeth Dŵr Wyneb a Chynllun Rheolaeth Adeiladu Amgylcheddol.
8. Cytuno a gweithredu Cynllun Rheolaeth Bioamrywiaeth ac Asesiad Risg Bioddiogelwch.
9. Cytuno a gweithredu cynllun rheoli llif traffig
gwaith
10. Cytuno a gweithredu Rhaglen Waith Archeolegol
11. Dylid gosod unrhyw geblau
trydan o’r datblygiad i’r cysylltiad trydanol o dan ddaear, a’i
gytuno yn gyntaf gyda’r Awdurdod
Cynllunio Lleol.
12. O fewn 25 mlynedd i gwblhau'r
datblygiad neu o fewn 12 mis i'r
paneli solar a ganiateir drwy hyn beidio
cael ei ddefnyddio
ar gyfer cynhyrchu trydan, rhaid eu tynnu’n
barhaol oddi ar y tir ac adfer
y safle yn ôl i’w gyflwr
gwreiddiol.
13. Amodau safonol Dŵr Cymru
14. Cytuno deunyddiau allanol yr holl adeiladau.
15. Amodau Priffyrdd.
16. Rhaid gyrru manylion
system goleuo'r safle, gan gynnwys math, union leoliad, lefel goleuedd a'r modd
o ddiogelu rhag llygredd neu orlif
golau i'r Awdurdod Cynllunio Lleol am gymeradwyaeth ysgrifenedig ac i fod yn gwbl
weithredol cyn fo'r datblygiad a ganiateir trwy hyn yn cael
ei gwblhau a'r safle yn
dod yn
weithredol.
17. Gwarchod coeden helygen lwyd hynafol sydd ar y safle
Dogfennau ategol: