Agenda item

Newid defnydd sied coedwigaeth a compownd i uned storio a chynnal a chadw ar swyddfeydd safle symudol ac unedau toiledau ynghyd a chreu mynedfa newydd

AELOD LLEOL: Cynghorydd Sion W Jones

Dolen i'r dogfennau cefndir perthnasol

Newid defnydd sied coedwigaeth a compownd i uned storio a chynnal a chadw ar swyddfeydd safle symudol ac unedau toiledau ynghyd a chreu mynedfa newydd

         Roedd yr Aelodau wedi ymweld â’r safle

Tynnwyd sylw at y ffurflen sylwadau hwyr

a)      Ymhelaethodd yr Arweinydd Tim Rheolaeth Datblygu ar gefndir y cais, gan nodi bod y cais            yn un llawn rannol ôl-weithredol ar gyfer defnyddio’r safle a’r         adeiladwaith    presennol ar    gyfer cadw ac atgyweirio swyddfeydd safle   symudol ynghyd ac unedau toiledau ar ffurf portaloos a portakabins. Byddai’r           cais yn golygu cau'r fynedfa bresennol. Bydd yr adeilad         presennol yn cael       ei ddefnyddio ar gyfer swyddfa, storfa a gwagle agored ar gyfer         ymgymryd       â gwaith cynnal a chadw’r strwythurau symudol.  Bydd yr ardal agored         yn        cael ei ddefnyddio ar gyfer gofynion parcio staff (x4), gwagle troi ar gyfer            cerbydau trwm            ynghyd a         chadw’r strwythurau yn yr awyr agored. Mae            rhan o’r safle eisoes yn cael ei       ddefnyddio ar gyfer diben storio awyr agored.

          Mynegwyd bod cais blaenorol (C15/1362/18/LL) ar  gyfer newid defnydd ysgubor/adeilad melin goedwigaeth fel man storio ac amgaefa ar gyfer defnydd diwydiannol gyda swyddfa fewnol a thir cysylltiedig i’w ddefnyddio fel man storio ar gyfer portakabins wedi ei wrthod yn Chwefror, 2016. Gwrthodwyd ar sail bod y defnydd yn rhy fawr ac anghydnaws gyda defnyddiau presennol cyfagos, heb brofi anghenion lleol arbennig ynghyd â’r potensial o gynyddu traffig a all achosi niwed i fwynderau deiliaid Rhos y Wylfa.  Apeliwyd yn erbyn y penderfyniad hwn a gwrthodwyd yr apêl ar sail byddai’r cynnig yn niweidio cymeriad a golwg cefn gwlad, methiant i gyfiawnhau bod y bwriad yn gynaliadwy ynghyd â’i effaith andwyol ar fwynderau deiliaid Rhos y Wylfa ar sail aflonyddwch a sŵn.

          Ers hynny mae’r  Cynllun Datblygu Lleol wedi ei fabwysiadau a pholisïau wedi newid. Nodwyd bod yr anghenion a’r ystyriaethau yn wahanol a bod yr ymgeisydd wedi ymateb i bryderon Rhos y Wylfa drwy symud y fynedfa a phlannu'r trac presennol  fyddai o ganlyniad yn lliniaru yn erbyn yr effaith. Ategwyd bod yr egwyddor o ailddefnyddio ac addasu adeiladau gwledig ar gyfer defnydd busnes a diwydiant wedi ei selio ym Mholisi CYF6 sydd yn datgan y caniateir cynigion i drosi adeiladau gwledig ar gyfer defnydd busnes os gellid cwrdd gyda nifer o feini prawf oedd wedi eu rhestru yn yr adroddiad

Derbyniwyd y byddai'r safle yn cael effaith, ond wedi pwyso a mesur yr effeithiau, ystyriwyd bod y cais bellach yn dderbyniol. Ni fyddai cerbydau trwm yn pasio Rhos y Wylfa a thrwy osod amodau perthnasol byddai modd rheoli sut bydd symudiadau yn cael eu gweithredu er mwyn lleihau effaith ar y preswylwyr. Nodwyd hefyd bod yr Uned Trafnidiaeth yn derbyn y bwriad.

b)      Cynigiwyd ac eiliwyd i ganiatáu y cais

c)      Yn ystod y drafodaeth ddilynol, amlygwyd y pwynt canlynol gan Aelod unigol:

·            Bod angen sicrhau bod cynllun rheoli coedwigaeth tymor hir.yn cael ei gynnwys gyda’r amodau

PENDERFYNWYD caniatáu y cais

Amodau

1. Yn unol â’r cynlluniau.

2.         Cyfyngu gweithgareddau cynnal a chadw oddi fewn i’r adeilad ynghyd â chyfyngu ar ardaloedd storio allanol.

3.         Amodau Priffyrdd parthed cau’r fynedfa bresennol i gerbydau a chreu’r fynedfa a’r rhodfa newydd.

4.         Amod mesuriadau lliniaru colli coed fel y’i cynhwysir yn yr Arolwg Coed.

5.         Oriau gweithredu wedi eu cyfyngu i 8:00 - 18:00 Llun i Wener; 8:00 - 13:00 Sadwrn a dim gweithio o gwbl yn ystod y Sul a gwyliau Gŵyl y Banc.

6.         Cyfyngu defnydd y safle i ddefnydd B2 (diwydiant cyffredinol) a B8 (storio a dosbarthu) yn unig.

7.         Tynnu hawliau a ganiateir parthed estyniadau i’r adeilad presennol.

8.         Ni chaniateir gosod mwy na un lefel o strwythurau symudol ar y safle.

9.         Cytuno manylion system draenio dŵr wyneb a dŵr aflan o fewn y safle gyda’r Awdurdod Cynllunio Lleol cyn i’r adeilad cael ei ddefnyddio ar gyfer unrhyw ddiben.

10.       Cynllun rheoli coedwigaeth tymor hir.