Cais o dan
Adran 73 i amrywio amod 2 ar ganiatad cynllunio
C15/1081/11/LL er mwyn ymestyn y cyfnod i gwbwlhau'r datblygiad
yn unol â chynlluniau'r cais
AELOD LLEOL: Cynghorydd Huw Gruffydd Wyn Jones
Dolen i'r dogfennau
cefndir perthansol
Cofnod:
Cais o dan Adran 73 i amrywio amod 2 ar ganiatâd
cynllunio C15/1081/11/LL er mwyn ymestyn y cyfnod i gwblhau’r datblygiad yn
unol â chynlluniau'r cais.
Tynnwyd sylw at y
ffurflen sylwadau hwyr
a)
Ymhelaethodd yr Uwch Swyddog Cynllunio Mwynau a Gwastraff ar gefndir y cais, gan nodi bod caniatâd eisoes wedi
ei roi ar y cais yn Rhagfyr 2016. Amlygwyd bod y cais hwnnw yn destun amodau
cynllunio ac un o’r rheiny oedd gweithredu o fewn cyfnod o 9 mis. Nodwyd bod y
cais yn un i newid yr amod i sicrhau amser digonol i gwblhau'r datblygiad yn
unol â chynlluniau’r cais. Eglurwyd bod y gwaith o godi lefelau'r tir wedi ei
weithredu ac mai diben hyn oedd codi lefel y tir uwchlaw lefel llifogydd C2 fel
byddai modd ystyried gwaith peirianyddol i ddarparu’r tir ar gyfer datblygiad
pellach. Byddai unrhyw gais yn y dyfodol ar y safle yn gais o’r newydd.
Nodwyd bod y gwaith o godi lefel y tir wedi ei weithredu
rhwng Ebrill a Gorff 2017 o fewn cyfnod o 8 - 10 wythnos. Y cam nesaf fydd
gosod cerrig o amgylch y safle fyddai’n creu amddiffynfa i sicrhau nad yw’r
gwastraff llechi yn golchi i ffwrdd. Adroddwyd yn y cais gwreiddiol bod angen
tyllu rhywfaint ar y blaendraeth er mwyn gosod cerrig fel sylfaen gadarn.
Amlygwyd bod rhai o’r gwrthwynebiadau a’r sylwadau hwyr yn
pryderu am drwytholch o’r safle fyddai yn llygru pysgodfeydd. Ategwyd bod hyn
wedi ei ystyried yn y cais gwreiddiol. Yn ogystal, tynnwyd sylw at sylwadau
Gwarchod y Cyhoedd oedd yn nodi bod rhaid sicrhau nad oedd y gwaith o osod y
cerrig o amgylch y safle yn creu effaith andwyol ar fwynderau trigolion
cyfagos. Adroddwyd bod angen symud 7 mil o gerrig mawr i’r safle mewn cyfnod o
14 wythnos. Bydd effeithiau sŵn yn fwy tebygol nag effeithiau llwch.
Nodwyd bod yr ymgeisydd wedi bod yn cyflwyno canlyniadau
samplau dwr i’r Awdurdod a bod y canlyniadau, ar hyn o bryd, yn nodi mai annhebygol
y byddai trwytholch yn llygru'r amgylchedd morol. Ategwyd bod yr Uned
Bioamrywiaeth a Chyfoeth Naturiol Cymru wedi derbyn pryderon am yr adar sydd ar
y safle yn gaeafu yno yn ystod llanw uchel. Nodwyd bod yr ymgeisydd wedi cynnal
dau arolwg (un yn 2016 ac un yn parhau) yn dangos bod cynnydd yn nifer yr adar
oedd yn ymgasglu, ond byddai hyn yn gostwng
wrth i’r tymor ddirwyn i ben.
Nodwyd bod llysiau dial wedi dod i’r safle a mynegwyd bod
rhaid i’r ymgeisydd ymdrin â’r planhigyn yma cyn dechrau unrhyw waith datblygu.
Ategwyd mai cyfrifoldeb Cyfoeth Naturiol Cymru fyddai monitro hyn.
b)
Yn
manteisio ar yr hawl i siarad nododd gwrthwynebydd i’r cais y pwyntiau
canlynol:-
·
Ei
bod yn cynrychioli barn trigolion o 22 eiddo cyfagos
·
Siomedig
nad yw’r ymgeisydd wedi cwblhau'r gwaith o fewn yr amserlen
·
Cyngor
Dinas Bangor yn amlygu pryderon am yr hyn sydd wedi ei gladdu o dan y tir ers
yr 80au
·
Yn
ystod gwaith Haf 2017, roedd llwch ymhob man, loriau yn gyrru ar gyflymder oedd
yn uwch na 5mya. Rhan fwyaf o’r amodau wedi eu torri - wedi gwneud cais, drwy’r
Awdurdod i gynnal cyfarfod gyda’r ymgeisydd. Pa sicrwydd fydd yr ymgeisydd yn
cydymffurfio gyda’r amodau eleni?
·
Cyfeiriad
yn yr adroddiad bod amserlen y gwaith yn ‘weddol fyr’ - nid yw 14 wythnos yn
fyr!
·
Siomedig
bod oriau gwaith yn cynnwys bore Sadwrn - cais i’r Pwyllgor ddileu hyn
·
Materion
traffig a mynediad – cylchfan Ffordd y Traeth yn beryglus iawn, pryder y bydd
damweiniau yma yn y dyfodol agos yn enwedig gyda symudiadau traffig ychwanegol
c) Yn manteisio ar yr hawl i siarad, nododd
asiant yr ymgeisydd y sylwadau canlynol:
·
Bod y cais gwreiddiol wedi
ei gymeradwyo Rhagfyr 2016
·
Gwaith wedi ei wneud i
godi lefel gyfredol y safle. O ganlyniad, Cyfoeth Naturiol Cymru wedi ail gategoreiddio’r
safle drwy ei symud allan o barth gorlifo a cham ymlaen at greu safle gyda
photensial i’w ddatblygu
·
Bod angen gosod rip rap er
mwyn cwblhau’r gwaith i warchod y safle
·
Ni ellid gwneud cais am
drwydded forol hyd nes bod y tir wedi ei ail gategoreiddio. Disgwyl cael
trwydded Gwanwyn 2018 fydd yn galluogi i’r gwaith symud yn ei flaen
·
Yr ymgeisydd wedi gweithio
yn agos gyda Chyfoeth Naturiol Cymru i
fynd i’r afael a materion amgylcheddol ac adeiladol
·
Caniatâd am y gwaith
eisoes wedi ei gymeradwyo
·
Bydd argymhellion ac
amodau yn sicrhau rheolaeth dros y gwaith
ch) Yn manteisio ar yr hawl i siarad nododd yr
aelod lleol (oedd yn aelod o’r Pwyllgor Cynllunio hwn), y sylwadau canlynol:
·
Bod
yr ardal yn un cynhennus ym Mangor
·
Pryderon
ynglŷn â llysiau’r dial. Bod dyletswydd foesol i ddifa’r planhigyn
·
Byddai
gan y tyfiant effaith ar werth y safle
·
Angen
sicrhau bod y tyfiant yn cael ei waredu cyn dechrau unrhyw waith ar y safle
·
Awgrym
i gynnwys amod
d) Mewn ymateb i sylw’r Aelod Lleol nodwyd y byddai
angen ystyried beth fyddai goblygiadau gosod amod. Byddai angen yn gyntaf
tystiolaeth bod y planhigyn yn bodoli ac yna
ystyried sut i ymdrin â’r tyfiant. Ymddengys y byddai’n bosib ystyried
yr amserlen a hyd y cytundeb ynghyd ac amod i ymdrin â llysiau’r dial.
dd) Cynigiwyd
ac eiliwyd i ohirio y cais
e) Yn ystod y drafodaeth
ddilynol, amlygwyd y pwyntiau canlynol gan Aelodau unigol:
·
Angen ymdrin â llysiau’r
dial cyn cymryd camau pellach
·
Angen galw arbenigwr i
mewn i gael barn broffesiynol a sicrhau bod y planhigyn yn cael ei waredu yn
gywir
·
Angen sicrhau y byddai yn
cael ei drin gyda chemegyn na fyddai yn cael effaith ar y cregyn gleision
·
Cais am brawf / tystysgrif
bod y planhigyn wedi ei waredu cyn dechrau datblygu
·
Petai y cais yn cael ei
gymeradwyo i’r dyfodol – gweithio ar ddydd Llun i Gwener yn unig – dim Dydd
Sadwrn
PENDERFYNWYD
gohirio y cais
- angen mwy o
wybodaeth a thystiolaeth sut bydd y datblygwr yn ymdrin â’r planhigyn
Dogfennau ategol: