Cais i godi 10 uned fforddiadwy.
AELOD LLEOL: Y Cynghorydd
Eirwyn Williams
Cofnod:
Bu
i’r Is-gadeirydd gadeirio’r cais uchod gan fod y Cadeirydd wedi datgan buddiant
personol ac wedi gadael y Siambr.
Cais i godi 10 uned fforddiadwy.
(a) Ymhelaethodd y Rheolwr Cynllunio ar gefndir y cais, gan nodi
bod y cais wedi ei gyflwyno gan Cartrefi Cymunedol Gwynedd ar dir sydd yn eu
perchnogaeth, sydd wedi ei leoli o fewn ffin datblygu Cricieth ac wedi ei
ddynodi yn lecyn chwarae. Gohirwyd
penderfynu ar y cais yng nghyfarfod y Pwyllgor Cynllunio ar 27 Tachwedd 2017
oherwydd diffyg cworwm a bellach nodwyd bod y cais wedi ei ddiwygio i ddarparu palmant
a man croesi ar y B4411 a llecyn agored o fewn y safle. Cyfeirwyd at y ffurflen sylwadau hwyr a oedd
yn nodi nad oedd y Cyngor Tref yn gwrthwynebu’r cais. Nodwyd bod egwyddor y datblygiad yn
dderbyniol ac yn cydymffurfio â’r polisïau perthnasol gan bod y cynllun safle
wedi ei ailwampio ar gyfer darparu llecyn agored / chwarae 261 medr sgwâr o
fewn y safle. Byddai’r llecyn agored yn
cael ei ddefnyddio ac yn cynnig budd gwell i’r gymuned na’r tir gwag sydd yn
bodoli ar hyn o bryd. Nodwyd bod yr Uned
Drafnidiaeth yn gefnogol i’r bwriad a phryderon gwreiddiol Cyfoeth Naturiol
Cymru ynglyn â llifogydd bellach wedi eu datrys drwy amodau perthnasol. Argymhelliad y swyddogion cynllunio ydoedd
caniatáu gydag amodau priodol ynghyd ag amod datblygiad a ganiateir (permitted
development) ac amod tai fforddiadwy.
(b)
Yn
manteisio ar yr hawl i siarad nododd yr ymgeisydd y prif bwyntiau canlynol:
·
bod
y datblygiad arfaethedig wedi ei leoli ar dir sydd wedi ei ddynodi yn lecyn
agored ond pwysleisiwyd bod y tir yn segur ac wedi gordyfu yn wyllt ers dros 15
mlynedd
·
bod
y tirwedd yn wael ac angen gwario swm sylweddol i’w ail-ddatblygu fel cae
chwarae ac nid oedd ffynhonellau arian ar gyfer y math yma o ddarpariaeth ac
nad oedd bwriad i greu maes chwarae ar y llecyn
·
fodd
bynnag, nodwyd bod cyfle i ddatblygu’r safle ar gyfer tai fforddiadwy drwy
ddefnydd ffynhonnell grant tai cymdeithasol Llywodraeth Cymru
·
yn
dilyn ymgynghoriad gyda’r Adran Gynllunio, dangosir darpariaeth o lecyn chwarae
ar y cynlluniau a thynnwyd sylw bod lle chwarae gyferbyn tua 500 medr o’r safle
arfaethedig ac ymrwymir i ddarparu croesfan i blant fedru croesi’r ffordd fydd
o fudd i’r tenantiaid newydd a hefyd i breswylwyr a phlant stad Waen Helyg
·
bod
dros 130 o unigolion wedi cofrestru ar restr Tim Opsiynau Tai Gwynedd sydd yn
cynnwys eiddo fforddiadwy 2 / 3 llofft yng Nghricieth
·
byddai’r
cais yn fodd o ddatblygu tai modern, cynaliadwy ac yn cyfarch yr angen yn
lleol
(c)
Cynigwyd
ac eilwyd i ganiatáu’r cais.
(ch) Nododd Aelod tra ei fod yn gefnogol i’r cais
o ran egwyddor, nid oedd yn hapus gyda’r cyfleusterau chwarae a phwysleisiwyd
bwysigrwydd i blant fedru chwarae yn ddiogel yn eu hardaloedd. ‘Roedd dan yr argraff bod unrhyw ddatblygiad
i fod i hyrwyddo mannau chwarae diogel a gofynnwyd faint o gyllid a roddir gan
y datblygwr i wella’r cyfleusterau chwarae yn sgil amddifadu’r ardal o’r llecyn
agored/chwarae hwn.
Mewn ymateb, cyfeiriodd
y Rheolwr Cynllunio at baragraff 5.7 o’r adroddiad ac ychwanegodd nad oedd
bwriad i ofyn am gyfraniad ariannol oherwydd bod bwriad gan y datblygwyr i ddarparu
261 medr sgwâr o lecyn agored ar y safle sydd yn ddigonol a’r ffaith bod bwriad
i wella’r cyswllt troed gyda’r ddarpariaeth chwarae sydd wedi ei leoli dros y
briffordd i’r safle.
PENDERFYNWYD caniatáu yn
ddarostyngedig i’r amodau isod:
1. 5 mlynedd
2. Cwblhau yn unol â’r
cynlluniau
3. Llechi
4. Gorffeniad
5. Amodau Priffyrdd
6. Amod sicrhau cwblhau’r palmant a’r groesfan cyn preswylio’r tai
7. Amodau lefel llawr gorffenedig
8. Mesurau lliniaru ystlumod
9. Tirlunio a manylion ffin
10. Cytuno ar gynllun i warchod ymlusgiaid
11. Cytuno ar goed i’w gwaredu o flaen llaw.
12. Gwaredu llysiau’r dial
13. Cynllun draenio
14. Amod datblygiad a ganiateir
15. Amod tai fforddiadwy
Dogfennau ategol: