Agenda item
Creu cwrs 4 weiren sip i gymryd lle
4 weiren sip bach wedi eu lleoli
is-law y brif weiren sip, gosod cyfarpar ac isadeiledd cysylltiedig a llwyfannau i'r rhai presennol ac ymestyn cloddiau aciwstig presennol (cais rhannol ol-weithredol
AELOD LLEOL: Cynghorydd
Dafydd Owen
Dolen i’r dogfennau
cefndir perthnasol
Cofnod:
Creu cwrs 4 weiren sip i gymryd lle 4 weiren sip bach wedi eu lleoli
islaw'r brif weiren sip, gosod cyfarpar ac isadeiledd cysylltiedig â llwyfannau
i'r rhai presennol a thirweddu (cais rhannol ol-weithredol).
(a)
Ymhelaethodd yr Uwch Swyddog Rheolaeth
Datblygu ar gefndir y cais, gan dynnu sylw at y
sylwadau ychwanegol a dderbyniwyd a oedd yn cynnwys llythyrau gwrthwynebiad.
Eglurodd bod perchnogion Parc Gwyliau Ogwen Bank wedi tynnu eu gwrthwynebiad yn
ôl yn dilyn trafodaeth efo’r ymgeisydd ar y safle.
Cyfeiriwyd at sylwadau Uned Gwarchod y Cyhoedd a oedd yn
cynnig amodau y dylid eu cynnwys pe caniateir y cais. Nododd o ystyried safle’r
cais bod cyfyngu amser defnyddio’r gwifrau o 08:00 dan 20:00 fel yr argymhellir
yn rhesymol o ystyried lleoliad y safle.
Nodwyd
bod atyniad menter Zip World wedi ei
sefydlu ers 2013, felly roedd egwyddor y fenter ynghyd â’r gweithgareddau a
oedd yn ymwneud a’r fenter, eisoes wedi ei dderbyn.
Derbyniwyd
gwrthwynebiadau i’r cais ar sail colli preifatrwydd a pharhad yn effaith negyddol
sŵn yn deillio o’r atyniad yn bresennol ynghyd a’r effaith sŵn a all
deillio o’r atyniad yn y dyfodol ar fwynderau trigolion lleol. Fodd bynnag,
mewn ymateb i’r pryderon hyn roedd yr ymgeisydd wedi cadarnhau’n ysgrifenedig y
byddai’r 4 gwifren sip, a oedd yn destun y cais hwn, yn cael eu gweithredu’n
unol â’r amodau a gynhwyswyd yn y cais blaenorol yn ymwneud ag oriau agor
ynghyd â chyfyngu ar lefelau sŵn sy’n deillio o’r atyniad.
Pwysleisiwyd mai cais i
ail-leoli 4 gwifren fach (islaw'r gwifrau presennol) oedd y bwriad diweddaraf
hwn yn hytrach nag ychwanegu at y niferoedd presennol. Gan ystyried gosodiad y
4 gwifren newydd mewn perthynas â’r anheddau cyfagos i’r dwyrain (Stryd Jams a
Braichmelyn) credir na fyddai lefel, natur na’r math o sŵn a oedd yn
deillio’n bresennol o’r gwifrau yn dwyshau pe caniateir y cais diweddaraf hwn.
Nodwyd wedi ystyried yr holl sylwadau ac
ymatebion a dderbyniwyd, yr holl bolisïau a materion cynllunio perthnasol ni
chredir y byddai’r datblygiad yn cael effaith negyddol arwyddocaol ar fwynderau
preswyl, defnyddwyr tir, eiddo cyfagos, mwynderau gweledol, diogelwch ffyrdd,
bioamrywiaeth, asedau treftadaeth nac ar osodiad y Parc Cenedlaethol a chan
ystyried yr asesiad hwn ni chredir bod y bwriad diweddaraf hwn yn groes i’r
polisïau perthnasol.
(b) Yn manteisio ar yr hawl i siarad nododd
gwrthwynebydd y prif bwyntiau canlynol:-
·
Nid oedd sgrinio acwstig y llwyfan glanio newydd
cystal â sgrinio acwstig y llwyfan glanio presennol;
·
Dim bwnd acwstig yn rhan o’r cais;
·
Bod Uned Gwarchod y Cyhoedd yn argymell cyfyngiad
lefel sŵn mecanyddol i LAFMAX 10 eiliad o 43dB fel y’i mesurir o anheddau
Stryd Jams ac os oedd mecanwaith newydd y wifren sip bach mor dawel fel y nodir
gan yr ymgeisydd ni fyddai’n anodd bod yn unol â'r cyfyngiad felly pan
argymhellir lefel o 47dB?
·
Dylid gosod amod yn unol â chynnig Uned Gwarchod y
Cyhoedd i gyfyngu amser defnyddio’r gwifrau o 08:00 i 18:00 7 diwrnod yr
wythnos gan fod yr oriau yn agosach at yr oriau a nodwyd yn 2011.
(c) Yn manteisio ar
yr hawl i siarad nododd asiant yr ymgeisydd y prif bwyntiau canlynol:-
·
Y byddai’r bwriad yn gwella
diogelwch gan na fyddai rhaid i ddefnyddwyr groesi ffordd fel y gwneir ar hyn o
bryd i fynd at y wifren sip mawr;
·
O ran pryderon sŵn, y byddai’r
gwifrau yn bellach o’r tai a’r maes carafanau a bod y cwmni’n gweithio ar
system ddistawach o ran y troliau ac yn edrych ar fecanwaith stopio gwahanol;
·
Nid oedd y busnes eisiau creu
niwsans i drigolion.
(ch) Cynigwyd ac eiliwyd i
ganiatáu’r cais.
Holodd aelod a
fyddai’n bosib gosod amod ar y caniatâd cynllunio bod angen creu bwnd acwstig
ger y llwyfan glanio. Mewn ymateb, nododd yr Uwch Reolwr Gwasanaeth Cynllunio y
gellir gofyn i’r ymgeisydd greu bwnd acwstig ond o ystyried nad oedd gan Uned
Gwarchod y Cyhoedd wrthwynebiad i’r bwriad pe gosodir amodau, nid oedd yn
angenrheidiol darparu bwnd.
Mewn ymateb i sylw gan aelod parthed yr angen i sicrhau bod y llwybr a
arallgyfeiriwyd ar gael i’w ddefnyddio cyn gynted a bo modd, nododd yr Uwch
Reolwr Gwasanaeth Cynllunio y byddai’n gwneud ymholiadau.
Nododd aelod bod cais y gwrthwynebydd am fwnd acwstig ger y llwyfan
glanio yn un rhesymol a bod angen rhoi ystyriaeth i ddarparu bwnd.
Penderfynwyd: Caniatáu yn unol â’r amodau isod:
1.
Yn unol â’r
cynlluniau.
2.
Diogelu nodweddion
bioamrywiaeth leol drwy gydymffurfio ag argymhellion y ddogfen Arolygon
Ecolegol dyddiedig 1.11.17.
3.
Cyfyngu amser defnyddio’r gwifrau rhwng 08:00 a
20:00 am 7 diwrnod yr wythnos.
4.
Cyfyngu ar lefelau sŵn i’r lefelau cytunwyd
gydag Uned Gwarchod y Cyhoedd ar y cais blaenorol.
5.
Tirlunio.
6. Cytuno gyda deunyddiau allanol yr adeilad fydd at
ddefnydd y cyhoedd.
Dogfennau ategol: