Rhaglen a chofnodion
Lleoliad: Siambr Hywel Dda, Swyddfa'r Cyngor, Caernarfon LL55 1SH
Cyswllt: Lowri Haf Evans 01286 679878
Rhif | eitem |
---|---|
YMDDIHEURIADAU Derbyn unrhyw ymddiheuriadau am absenoldeb. Cofnod: Derbyniwyd ymddiheuriadau gan y Cynghorwyr Aled Ll. Evans, John Brynmor Hughes, Huw G. Wyn Jones a John Pughe Roberts |
|
DATGAN BUDDIANT PERSONOL Derbyn unrhyw ddatganiad o fuddiant personol. Cofnod: Ni dderbyniwyd datganiad
o fuddiant personol gan unrhyw aelod oedd yn bresennol. |
|
MATERION BRYS Ystyried unrhyw fater arall sydd yn teilyngu sylw brys
ym marn y Cadeirydd. Cofnod: Dim i’w nodi |
|
CYFRIFON TERFYNOL CYNGOR GWYNEDD 2018/19 AC ARCHWILIAD PERTHNASOL PDF 69 KB Cyflwyno: (i)
adroddiad y Pennaeth Cyllid (ii)
adroddiad
ISA 260 yr Archwilwyr Allanol Dogfennau ychwanegol:
Cofnod: Diolchodd y Pennaeth Cyllid i’r Aelodau am eu hymdrech i fynychu’r
cyfarfod arbennig. Er mai’r bwriad
oedd cyflwyno adroddiad yr Archwilydd
Cyffredinol ym Mhwyllgor 29ain Gorffennaf 2019 gyda’r cyfrifon terfynol, bu i
archwilwyr allanol Cyngor
Gwynedd fethu a rhyddhau eu hadroddiad o fewn yr amserlen.
Eglurodd y Pennaeth Cyllid bod y Datganiadau o Gyfrifon 2018/19 (cyn archwiliad) wedi eu cyflwyno a’u
craffu’n briodol yn y cyfarfod ar
y 29ain o Orffennaf. Ynghyd a fersiwn terfynol (ôl archwiliad) o’r Datganiad o’r
Cyfrifon 2018/19, cyflwynwyd
adroddiad ‘ISA260’ Archwilydd
Cyffredinol Cymru gan Clare Skivens
Arweinydd Ymgysylltu Archwilio Ariannol,
Deloitte. Amlygwyd
nad oedd
gan yr archwilwyr
allanol unrhyw bryderon ynglŷn â’r agweddau ansoddol
ar arferion cyfrifyddu ac adrodd ariannol y Cyngor. Cymeradwywyd y
tîm cyfrifo am ansawdd a chyflwyniad y cyfrifon. Cyfeiriwyd
yr Aelodau at un ‘camddatganiad’ sef ail brisiad meysydd parcio'r Cyngor. Yn dilyn ail brisiad gan y Cyngor yn ystod 2018-19, nodwyd gwahaniaeth rhwng y rhagdybiaethau a ddefnyddiwyd gan y Cyngor a rhai a awgrymir mewn
canllawiau RICS perthnasol. Roedd
y Cyngor wedi addasu’r fersiwn derfynol o’r cyfrifon i
adlewyrchu’r canllawiau ar gyfer datganiadau
ariannol 2018/19, a chytuno
i ailedrych ar ddulliau prisio
ar y cyd gyda’r archwilwyr allanol i’r dyfodol. Mewn ymateb i gwestiwn
ynglŷn ag os yw ‘gwahaniaethau prisiad’ yn fater
cyffredin, mynegodd y Pennaeth Cyllid bod archwilwyr allanol sawl Cyngor wedi edrych yn fanwl
ar werth asedau eiddo eleni,
a bod prisiwr mewnol
Gwynedd wedi newid y sail prisio. O ganlyniad i’r gwahaniaethau, bu i’r archwilydd
allanol benodi prisiwr arbenigol i drafod y sefyllfa
unigryw yma. Ategwyd, fel ymateb
i gwestiwn ategol am y fethodoleg a phwy sydd yn
penderfynu ar y fethodoleg, bod sawl methodoleg yn y maes ond byddai’r
mater dan sylw yn cael ei
adolygu ar gyfer cyfrifon blynyddoedd dilynol. Nododd y Pennaeth Cyllid ei ddiolch am yr
adroddiad a gyflwynwyd gan Deloitte, a’u
cydweithrediad arferol drwy’r archwiliad. PENDERFYNWYD: (i)
cymeradwyo Datganiad
o Gyfrifon Cyngor Gwynedd 2018/19 (ôl-archwiliad); (ii)
derbyn adroddiad
archwiliad ‘ISA260’ Deloitte ar
ran Archwilydd Cyffredinol Cymru; (iii) awdurdodi’r Pennaeth Cyllid ac
Is-gadeirydd y Pwyllgor i ardystio’r “llythyr
cynrychiolaeth” ynghylch cyfrifon y Cyngor a’i gyflwyno i Archwilydd
Cyffredinol Cymru. |