Rhaglen a chofnodion drafft
Lleoliad: Siambr Dafydd Orwig, Swyddfa'r Cyngor, Caernarfon, Gwynedd. LL55 1SH. Gweld cyfarwyddiadau
Cyswllt: Lowri Haf Evans E-bost: lowrihafevans@gwynedd.gov.uk 01286 679 878
Rhif | eitem |
---|---|
CADEIRYDD I ethol
Cadeirydd am cyfarfod yma yn
unig Cofnod: PENDERFYNWYD ethol y Cynghorydd Stephen Churchman yn gadeirydd am y
cyfarfod. |
|
IS-GADEIRYDD I ethol Is-gadeirydd
am y cyfarfod yma yn unig Cofnod: PENDERFYNWYD ethol y Cynghorydd Peredur Jenkins yn is-gadeirydd
am y cyfarfod. |
|
YMDDIHEURIADAU Derbyn unrhyw
ymddiheuriadau am absenoldeb Cofnod: Y Cynghorydd Seimon Glyn
(Cyngor Gwynedd), Cynghorydd H. Eifion Jones (Cyngor Sir Ynys Môn), Sharon Warnes (Cadeirydd Bwrdd Pensiwn), Victoria Hallaron (Cartrefi
Cymunedol Gwynedd / Bwrdd Pensiwn), Caroline Owen (Ysgol Bryn Elian), Kate
Jackson (Comisiynydd Heddlu), Jackie Waddicor (Cyngor Tref Biwmares), Fiona
Jones (Cyngor Sir Ynys Môn), Ann Coxton
(Cyngor Tref Blaenau Ffestiniog), Kathryn Coughlin (Grŵp Llandrillo
Menai), Gwyn Jones (Ysgol Eirias), Angela Middleton-Jones (Grŵp Llandrillo
Menai), Emyr Roberts (Parc Cenedlaethol Eryri), David O’Neill (CVSC), Paul
McGrady (Cartrefi Cymunedol Gwynedd), Jo Cavill (Gyrfa Cymru), Geraint Owen
(Cyngor Gwynedd), Helen Barritt (Cyngor Tref Conwy), Tina Earley, (Cyngor Tref
Bae Colwyn), Caren Bryon (Cwmni Gyrfa), June Jeremy (WEA Cymru), Einir Wyn
Griffith (Cyngor Gwynedd), Huw Ifor Jones (Conwy), Clifford Everett (Cyngor
Tref Caergybi), Delyth Gwyn Williams (Cartrefi Cymunedol Gwynedd), Medrwn Môn a
Chyngor Tref Llandudno. |
|
DATGAN BUDDIANT PERSONOL Derbyn unrhyw ddatganiad
o fuddiant personol Cofnod: Ni dderbyniwyd datganiad o fuddiant personol gan unrhyw aelod oedd yn
bresennol |
|
MATERION BRYS Nodi unrhyw eitemau sy’n
fater brys ym marn y cadeirydd fel y gellir eu
hystyried. Cofnod: Dim i’w nodi |
|
Derbyn Adroddiad Blynyddol y Gronfa Bensiwn am 2015-2016 Cofnod: Cyflwynodd y Pennaeth
Cyllid Adroddiad Blynyddol y Cynllun Pensiwn am 2015/16. Rhoddwyd sylw penodol i
brif faterion yr adroddiad sef: ·
Perfformiad Buddsoddi Gwerth
asedau: Adroddwyd cynnydd
yng ngwerth asedau’r Gronfa o £1,497m (31/03/2015) i £1,525m (31/03/2016) -
cynnydd o £28m yn ystod y flwyddyn. Roedd y meincnod perfformiad safonol yn
-0.3% ar gyfer 2015/16, ac felly lle i ddiolch i reolwyr y Gronfa am lwyddo i
gael +1.3% mewn blwyddyn. Rhwng 1af o Ebrill
2016 a’r 30 Mehefin 2016, nodwyd bod gwerth marchnad y Gronfa wedi codi £58m
arall i £1,583m, ond yn dilyn refferendwm y Deyrnas Unedig ar aelodaeth Undeb
Ewropeaidd a chanlyniad y bleidlais i adael, gwelwyd effaith uniongyrchol ar
werth y bunt a chyfraddau llog y DU. Bu i’r marchnadoedd byd-eang wella ar ôl y
gostyngiad gwreiddiol yn dilyn canlyniad y refferendwm, ond anodd oedd rhagweld
effaith hir dymor penderfyniad ‘Brexit’ ar Gronfa Bensiwn Gwynedd. Amlygwyd perfformiad rhagorol gan Veritas
(buddsoddwyr mewn ecwiti ar ran y Gronfa) ynghŷd â pherfformiad da iawn
gan Threadneedle ac UBS (buddsoddwyr mewn eiddo), a dychweliadau eithriadol o
dda gan Partners Group yn 2015/16, wrth i fuddsoddiadau Ecwiti Preifat ddwyn
ffrwyth, wedi buddsoddiad tymor hir gan y Gronfa i’r categori yma. ·
Cyd-fuddsoddi Adroddwyd bod Llywodraeth
San Steffan wedi penderfynu pŵlio
buddsoddiadau y CPLlL yn hytrach nac uno cronfeydd. Golygai hyn bod Cronfa Bensiwn Gwynedd am
barhau ar wahân i gronfeydd fel Clwyd, Powys, ayb, ond bydd buddsoddiadau yn
cael eu gwneud trwy strwythur cydweithredol. Ategwyd bod yr 8 Cronfa Gymreig
eisoes wedi cychwyn cyd-fuddsoddi. Cynhaliwyd ymgynghoriad gan yr Adran Cymunedau a Llywodraeth
Leol (“DCLG”) yn mynnu cyflwyniadau gan holl gronfeydd Lloegr a Chymru, yn
esbonio eu cynlluniau cydweithio a’r arbedion y disgwylid i’w cyflawni.
Eglurwyd nad oedd prosiect cydweithio Cymru gyfan (gwerth deuddeg biliwn o
bunnoedd) yn cyrraedd gofynion safonol y Trysorlys o ran maint (pump ar hugain
biliwn), ond cytunodd y Llywodraeth y dylai’r gwaith cydweithio, barhau. Nodwyd bod strwythur llywodraethol y pŵl
yn cael ei ddylunio, a chyfrifoldebau yn cael eu cytuno, cyn i’r strwythur
newydd fod yn weithredol yn 2017. Y
gobaith yw sefydlu cydbwyllgor llywodraethu, gydag un bleidlais arno i bob un
o’r 8 Cronfa. Bydd y drefn pŵl yn
symud penderfyniadau apwyntio, monitro a therfynu rheolwyr buddsoddi unigol
oddi wrth pob Cronfa. Fodd bynnag, bydd Pwyllgor Pensiynau Gwynedd yn parhau yn
gyfrifol am y strategaeth fuddsoddi, a’r dyraniad asedau rhwng categorïau
ecwiti, eiddo, ayb. sef y gyrrwr mwyaf
arwyddocaol ar ddychweliadau buddsoddi. Cyhoeddwyd bod gwybodaeth
pellach am y cynlluniau cyd-fuddsoddi ar gael ar wefan y Gronfa. Sicrhaodd y Cadeirydd bod yr atebolrwydd yn parhau
yn lleol sydd yn galluogi i’r Gronfa ymateb i anghenion yr aelodau. Nododd
mai'r cam nesaf fydd creu Cyd-Bwyllgor Cysgodol. Hyd yma, ategodd bod yr
arwyddion yn galonogol gyda chydweithio buddiol rhwng Cadeiryddion yr 8 Cronfa,
ac arbedion sylweddol eisoes wedi eu cyflawni ar y ffioedd am fuddsoddiadau
ecwiti goddefol. ·
Bwrdd Pensiwn Adroddwyd bod cyfansoddiad Bwrdd Pensiwn Cronfa Gwynedd wedi ei sefydlu ym Mawrth 2015 a’r cyfarfod cyntaf wedi ... gweld y cofnod llawn ar gyfer eitem 6. |