Rhaglen a chofnodion
Lleoliad: Swyddfeydd GwE, Bryn Eirias, Ffordd Abergele, Bae Colwyn, LL29 8BF
Cyswllt: Annes Sion 01286 679490
Rhif | eitem |
---|---|
YMDDIHEURIADAU I ddebyn unrhyw ymddiheuriadau am absenoldeb Cofnod: Derbyniwyd ymddiheuriadau gan Cyng. Garffild Lewis (Cyngor Bwrdeistrefol Conwy), Cyng. Huw Hilditch-Roberts (Cyngor Sir Ddinbych), Alison
Fisher (Cynrychiolydd Llywodraethwyr), Arwyn Williams (Cyngor Sir Ynys Mon), Claire Homard
(Cyngor Sir y Fflint), Iwan Evans (Swyddog Monitro Awdurdod Lletyol
– Cyngor Gwynedd) a Steve Vincent (Llywodraeth Cymru). |
|
DATGAN BUDDIANT PERSONOL I dderbyn unrhyw ddatganiad o fuddiant personol. Cofnod: Ni dderbyniwyd unrhyw ddatganiad o fuddiant personol gan unrhyw aelod oedd yn
bresennol. |
|
MATERION BRYS I nodi unrhyw faterion brys Cofnod: Nid oedd unrhyw faterion brys. |
|
COFNODION Y CYFARFOD BLAENOROL - 28 TACHWEDD 2018 PDF 89 KB Copi amgaedig Cofnod: Llofnododd y Cadeirydd gofnodion o’r
pwyllgor hwn a gynhaliwyd ar y 28 Tachwedd 2018, fel rhai cywir. |
|
CYLLIDEB GwE 2018-19 - ADOLYGU CHWARTER 3 PDF 137 KB Adroddiad gan Dafydd L Edwards Dogfennau ychwanegol: Cofnod: PENDERFYNIAD Derbyn yr Adroddiad. TRAFODAETH Cyflwynwyd yr adroddiad gan nodi fod GwE yn
cadw o fewn y cyllid craidd am 2018-19, a bod yr amcangyfrif yn nodi tanwariant
net o £994. Sylwadau yn codi o’r drafodaeth: -
Cafwyd trafodaeth ar amlder arolygiadau Estyn yn benodol
mewn rhai ysgolion uwchradd. -
Nodwyd fod llawer o’r arian sydd yn dod i GwE yn cael ei ddatganoli’n
uniongyrchol i’r ysgolion. -
Tynnwyd sylw at gynnydd mewn costau teithio a mynegwyd
fod hyn oherwydd fod cymaint o gyfarfodydd yn cael eu cynnal yng Nghaerdydd.
Nodwyd fod angen codi’r mater â’r Llywodraeth, ac efallai cynnig fod y
cyfarfodydd yn cael eu trefnu mewn lleoliadau eraill yn ogystal. |
|
CYLLDIEB GwE 2019/20 PDF 100 KB Adroddiad gan Dafydd L Edwards Dogfennau ychwanegol: Cofnod: PENDERFYNIAD Mabwysiadau’r gyllideb sylfaenol ar gyfer 2019/20 fel y’i cyflwynir yn
Atodiad 2 yr adroddiad. TRAFODAETH Cyflwynwyd yr adroddiad gan nodi fod cyllideb GwE yn parhau i
ddatblygu. Nodwyd fod effaith ariannol
chwyddiant/cynnydd mewn prisiau wedi’u hamcangyfrif a’u cynnwys yn y gyllideb
sylfaenol, gan gynnwys codiadau cyflog a chynnydd CPI. Ychwanegwyd fod y
gyllideb yn adlewyrchu penderfyniad Bwrdd Arweinyddiaeth Gogledd Cymru i
gynnwys targed arbedion sy’n cyfateb i leihad o 1% yn nhermau arian, yng
nghyfraniadau craidd y 6 awdurdod; mynegwyd yn nhermau real fod 3.19% o gynnydd
mewn costau. Ychwanegwyd gyda’r cynnydd mewn costau, yr angen am gynllun parhaol ar
gyfer arbedion 2018/19 a gorwariant blynyddol yn y Cyflenwadau a Gwasanaethau y
bydd angen darganfod cyfanswm cronnus arbedion o £206,485 ar gyfer 2019/20. Sylwadau’n codi o’r drafodaeth -
Holwyd os yw’r codiadau mewn cyflogau a phensiwn athrawon
sydd ar secondiadau yn GwE wedi eu cynnwys yn y gyllideb. Nodwyd o ran yr
athrawon sydd ar restrau cyflogaeth GwE, mae’r rhain wedi eu cynnwys.
-
Nodwyd fod grantiau wedi lleihau yn ystod y blynyddoedd
diwethaf, a bod trafodaethau dwys wedi eu cynnal, ac yn parhau am gyllidebau addysg.
-
Diolchwyd i Dr Gwynne Jones a
Dafydd Edwards am eu cefnogaeth. |
|
CYNLLUN ARIANNOL TYMOR CANOLIG PDF 70 KB Adroddiad gan Dafydd L Edwards Dogfennau ychwanegol: Cofnod: PENDERFYNIAD Derbyn yr adroddiad TRAFODAETH Cyflwynwyd yr adroddiad gan nodi
nad oes llawer o newidiadau i’r Cynllun. Ychwanegwyd ei bod yn anodd rhagweld
beth fydd yn digwydd yn y dyfodol gan fod llawer yn ddibynnol ar
benderfyniadau’r Llywodraeth, sydd hefyd yn creu llawer o ansicrwydd. Nodwyd pwysigrwydd o edrych ar arbedion yn
barod i’r dyfodol. Sylwadau’n
codi o’r drafodaeth -
Nodwyd ei bod yn anodd cyflwyno
cynllun ariannol tymor canolig tair
blynedd gan fod y gyllideb mor annelwig,
ond pwysleisiwyd pwysigrwydd y cynllun. -
Mynegwyd yr angen am drafodaethau â Gweinidogion Llywodraeth Cymru i drafod
os oes digon
o gefnogaeth ar gael i ysgolion. Ychwanegwyd fod angen fwy
o eglurdeb o rôl GwE pan fydd newidiadau yn y cwricwlwm. Nodwyd fod angen codi
hyn gyda’r Gymdeithas Llywodraeth Leol Cymru. |
|
CYNLLUN BUSNES 2018-19 - MONITRO CHWARTER 3 PDF 68 KB Adroddiad gan Arwyn Thomas Dogfennau ychwanegol: Cofnod: PENDERFYNIAD Derbyn yr Adroddiad. TRAFODAETH Cyflwynwyd yr adroddiad gan nodi mai'r brif
flaenoriaeth yw Cyfnod Allweddol 4, gan fod pryderon wedi codi am yr arholiadau
Saesneg. Tynnwyd sylw at adran 3 o’r Cynllun –
Arweinyddiaeth – yn benodol gwella ansawdd arweinyddiaeth adrannol mewn pynciau
craidd mewn ysgolion. Ychwanegwyd fod
gwaith da yn cael ei wneud mewn partneriaeth â’r ysgolion. Tynnwyd sylw yn ogystal at adran 4 o’r
Cynllun – Lles – angen parhau i edrych
ar gynlluniau i gefnogi plant mewn gofal a disgyblion sydd yn cael cinio am
ddim. |
|
CYNLLUN BUSNES LEFEL 1 - BLAENORIAETHAU 2019-20 PDF 109 KB Adroddiad gan Arwyn Thomas Dogfennau ychwanegol: Cofnod: PENDERFYNIAD Derbyn yr adroddiad. TRAFODAETH Cyflwynwyd yr adroddiad gan nodi fod y prif flaenoriaethau gwella wedi
eu hadnabod. Nodwydd y blaenoriaethau a oedd yn cynnwys gwella perfformiad yn y
sector uwchradd, cwricwlwm trawsnewidiol, lles, rhaglenni datblygu
arweinyddiaeth a’r model ymgysylltu a chymheiriaid. Cytunwyd i gyflwyno copi o’r Cynllun Busnes
yn y cyfarfod nesaf. |
|
COFRESTR RISG 2018-19 - ADOLYGU CHWARTER 3 PDF 101 KB Adroddiad gan Arwyn Thomas Dogfennau ychwanegol: Cofnod: Cyflwynwyd yr adroddiad gan nodi fod
cofrestr risg GwE yn ddogfen fyw sydd yn cael ei hadolygu yn gyson. Mynegwyd
fod yr holl risgiau wedi ei hadolygu a’u diweddaru a bod 9 o risgiau wedi ei
diwygio, sef risg 2,5,6,8,12,13,14,15 ac 17. |
|
Y GYMRAEG MEWN ADDYSG - CYLCH GORCHWYL PDF 109 KB Adroddiad gan Alwyn Jones Cofnod: Penderfynwyd gohirio trafod yr eitem hon tan y cyfarfod nesaf. |
|
CATEGOREIDDIO CENEDLAETHOL PDF 77 KB Adroddiad gan Alwyn Jones Dogfennau ychwanegol: Cofnod: PENDERFYNIAD Derbyn yr Adroddiad TRAFODAETH Cyflwynwyd yr adroddiad gan nodi fod
categoreiddio yn broses barhaus. Mynegwyd fod y Gweinidog dros addysg wedi
nodi’r posibilrwydd y bydd y broses yn cael ei addasu. Nodwyd fod pob ysgol uwchradd gyda chynllun
cefnogaeth a bod trafodaethau wedi eu cynnal am lefel y gefnogaeth i ysgolion. Mynegwyd fod yr adroddiad am y broses yn
unig. Nodwyd fod 35 o ysgolion wedi eu dethol o’r chwe awdurdod ar gyfer y
Cymedroli Rhanbarthol, a chafwyd trafodaeth gadarn yn ystod y cymedroli. Nodwyd
nad oedd unrhyw newidiadau wedi eu gwneud i’r ysgolion yn ystod y broses a ni
dderbyniwyd unrhyw ymholiadau gan Lywodraeth Cymru yn dilyn cyflwyno’r sampl
iddynt. |
|
CALENDR CYFARFODYDD 2019/20 PDF 78 KB Adroddiad gan Arwyn Thomas Cofnod: Penderfynwyd derbyn y dyddiadau ar gyfer y
flwyddyn sydd i ddod. |
|
CENHADAETH EIN CENEDL: CWRICWLWM GWEDDNEWIDIOL - CYNIGION AM FFRAWAITH DEDDFWRIAETHOL NEWYDD Cyflwyniad gan Ruth Thackray |
|
ADY - YMGYNGHRIAD AR Y COD ADY DRAFFT |