Rhaglen a chofnodion
Lleoliad: Swyddfeydd GwE, Bryn Eirias, Ffordd Abergele, Bae Colwyn, LL29 8BF
Cyswllt: Bethan Adams 01286 679020
Rhif | eitem |
---|---|
YMDDIHEURIADAU Derbyn unrhyw ymddiheuriadau am absenoldeb. Cofnod: Dafydd Edwards (Pennaeth Cyllid yr Awdurdod Lletyol – Cyngor Gwynedd), Alison Fisher (Cynrychiolydd Llywodraethwyr) a Jonathan Morgan (Cynrychiolydd Ysgolion Arbennig). |
|
DATGAN BUDDIANT PERSONOL Derbyn unrhyw ddatganiad o fuddiant personol. Cofnod: Ni dderbyniwyd datganiad o fuddiant personol gan unrhyw aelod oedd yn bresennol. |
|
MATERION BRYS Nodi unrhyw eitemau sy’n fater brys
ym marn y Cadeirydd fel y gellir eu hystyried. |
|
COFNODION Y CYFARFOD BLAENOROL PDF 235 KB (copi’n amgaeedig) Cofnod: Llofnododd y Cadeirydd gofnodion o’r
pwyllgor hwn a gynhaliwyd ar 12 Tachwedd 2015, fel rhai cywir. |
|
SAFONI A CHYMEDROLI CLWSTWR CA2 A 3 PDF 339 KB (copi’n amgaeedig) Dogfennau ychwanegol: Cofnod: Cyflwynodd Rheolwr Gyfarwyddwr GwE adroddiad
a oedd yn manylu ar drefniadau safoni a chymedroli rhanbarthol a chenedlaethol
ar gyfer dilysu asesiadau athrawon yn niwedd cyfnod allweddol 2 a 3. Yn ystod y drafodaeth ddilynol, amlygwyd y
prif bwyntiau canlynol: ·
Ei fod yn hawdd anghofio disgyblion na all gyrraedd
y meincnod ac felly dylid asesu cynnydd
disgybl ers y cyfnod sylfaen; ·
Mewn ymateb i gwestiwn gan aelod, nododd Cyfarwyddwr
Cynorthwyol (Safonau) GwE bod Dafydd Rhys, Ymgynghorydd Her GwE wedi cysylltu
efo’r 6% o arweinwyr asesu CA2 a CA3 na fynychodd sesiwn gwybodaeth; ·
Yn dilyn y gwaith y gobeithir y bydd gwell
dealltwriaeth cenedlaethol gan olygu gwella dibynadwyedd a chysondeb asesiadau
athrawon; ·
Ei fod yn anodd nodi amser penodol o ran cymharu yn
deg yn genedlaethol. PENDERFYNWYD derbyn a nodi’r adroddiad. |
|
YMCHWILIO I'R DREFN GOSOD TARGEDAU, TRACIO CYNNYDD AC YMYRRAETH PDF 401 KB (copi’n amgaeedig) Dogfennau ychwanegol: Cofnod: Cyflwynodd Rheolwr Gyfarwyddwr GwE adroddiad
a oedd yn darparu gwybodaeth ar ganfyddiadau ymchwil i’r drefn gosod targedau,
tracio cynnydd ac ymyrraeth yn deillio o wahaniaeth arwyddocaol rhwng
targedau/amcangyfrifon terfynol a gwir berfformiad 2015 CA4 mewn nifer o
ysgolion y rhanbarth. Tynnwyd sylw at yr argymhellion yn deillio
o’r ymchwil ar gyfer GwE, awdurdodau lleol ac ysgolion. Nodwyd y cyflwynir yr
adroddiad mewn cynhadledd ranbarthol ar 12 Chwefror. Mewn ymateb i gwestiwn gan aelod parthed yr
argymhelliad i GwE/Awdurdodau Lleol sefydlu gweithgor o arweinwyr ysgolion ac
arbenigwyr technegol er mwyn llunio system generig i dracio’r dangosyddion
newydd, nododd Cyfarwyddwr Cynorthwyol (Safonau) GwE y cyd-weithir efo SIMS i
greu system gyffredin ar gyfer y rhanbarth gyfan. Nododd yr aelod yr angen i
weithredu ar fyrder o ystyried bod y dechnoleg yn bodoli’n barod er sicrhau
cysondeb ar draws y rhanbarth. Cyfeiriodd aelodau at effaith absenoldebau
staff a prinder argaeledd athrawon llanw / wrth gefn ym Mathemateg a Saesneg ar
berfformiad rhai ysgolion. Nododd Rheolwr Gyfarwyddwr GwE yr edrychir ar
sefydlu ymgyrch recriwtio cenedlaethol i geisio denu athrawon i weithio yng
Nghymru. PENDERFYNWYD derbyn a nodi’r adroddiad. |
|
CYFNOD ALLWEDDOL 4 LEFEL 2+ - CYNNYDD TUAG AT DARGEDAU 2016 PDF 377 KB (copi’n amgaeedig) Dogfennau ychwanegol: Cofnod: Cyflwynodd Rheolwr Gyfarwyddwr GwE adroddiad
a oedd yn manylu ar y cynnydd tuag at dargedau 2016 CA4 Lefel 2+ fesul Awdurdod
Lleol. Nodwyd bod camau wedi eu cymryd i adrodd yn gyson a byddai casgliad
canolog o ddata cynnydd yn cymryd lle diwedd Chwefror a diwedd Ebrill 2016. Nododd Karen Evans (Cyngor Sir Ddinbych), yr
angen i nodi’n eglur mai targedau'r ysgolion a nodir yn y tabl ‘Tymor yr
Hydref: Targedau a Rhagfynegiadau Cyfanredol Ysgolion 2016’ ac nid rhai a
osodir gan yr Awdurdod Lleol. Ychwanegodd bod cadernid targedau ysgolion yn
amrywio. Nododd Rheolwr Gyfarwyddwr GwE yr heriwyd
targedau rhai ysgolion ymhellach i’r her cychwynnol gyda’r targedau wedi eu
mireinio o ganlyniad i’r ymyrraeth. Mewn ymateb i sylwadau gan aelodau parthed
sicrwydd y gwelir gwellhad yng nghanlyniadau Haf 2016, nododd Ian Budd
(Cyfarwyddwr Arweiniol - Cadeirydd y Bwrdd Rheoli (Cyngor Sir y Fflint)) bod y
materion a oedd angen sylw wedi eu hadnabod a chynllun gweithredu mewn lle
felly ei fod yn obeithiol y bydd y canlyniadau yn well. Ategodd John Davies
(Cyngor Bwrdeistref Sirol Wrecsam), y sylwadau gan nodi mai canlyniadau’r
arholiadau a fyddai’n rhoi cadarnhad pendant ond ei fod yn ffyddiog y byddai’r
canlyniadau yn well. Amlygwyd pryder bod ystadegau yn cael eu
casglu mewn ffyrdd gwahanol ar draws Cymru. PENDERFYNWYD derbyn a nodi’r adroddiad. |
|
RHAGLEN DATBLYGU ARWEINYDDIAETH (adroddiad ar lafar) Cofnod: Derbyniwyd cyflwyniad gan Gyfarwyddwr
Cynorthwyol (Cefnogaeth a Broceru) GwE ar y rhaglen datblygu arweinyddiaeth. Rhoddwyd cyfle i’r aelodau ofyn cwestiynau
ac ymatebwyd iddynt fel a ganlyn: ·
Bod proses ymgeisio i gymryd rhan yn y Rhaglen
Datblygu Arweinwyr; ·
Bod 102 o arweinwyr canol wedi cymryd rhan yn y Rhaglen
Datblygu Arweinwyr Canol; ·
Bod swyddog cymeradwyo yn yr Awdurdod Lleol i wirio
bod unigolyn yn barod i geisio am y
Cymhwyster Proffesiynol Cenedlaethol ar gyfer Prifathrawiaeth (CPCP); ·
Bod 47 unigolyn wedi eu cymeradwyo i geisio am y
CPCP yn 2016 ond bod cyllid gan Lywodraeth Cymru ond yn ddigonol ar gyfer 41
unigolyn; ·
Bod derbyn y cymhwyster CPCP yn golygu bod unigolyn
yn addas i weithio fel Pennaeth mewn unrhyw ysgol yng Nghymru, gan gynnwys
Ysgolion Eglwysig; ·
Bod yr ymrwymiad angenrheidiol yn gallu arwain at
anhawster i gael Penaethiaid o’r sectorau Uwchradd ac Arbennig i weithredu fel
panelwyr yn y Ganolfan Asesu. Cyhoeddwyd y cynhelir cynhadledd i oddeutu 1,400 o athrawon am 5.00pm, 12 Chwefror 2016 yn Venue Cymru, Llandudno lle rhoddir cyflwyniad gan Syr John Jones. Estynnwyd gwahoddiad i’r aelodau. |
|
RHWYDWAITH CYFRWNG CYMRAEG AC ADEILADU CYNHWYSEDD PDF 362 KB (copi’n amgaeedig) Dogfennau ychwanegol: Cofnod: Cyflwynodd Arwyn Thomas (Cyngor Gwynedd)
adroddiad a oedd yn rhoi diweddariad ar weithgarwch a deilliannau’r Rhwydwaith
Cyfrwng Cymraeg ac Adeiladu Cynhwysedd. Adroddwyd yn dilyn adroddiadau
cadarnhaol am lwyddiant y Siarter Iaith yng Ngwynedd derbyniwyd cais gan
Lywodraeth Cymru i ddefnyddio arbenigedd ac arferion da Gwynedd er mwyn ymestyn
y prosiect i ardaloedd eraill yng Nghymru. Nodwyd y cynhaliwyd cynhadledd lwyddiannus i
lansio’r Siarter Iaith yn rhanbarthol ar 22 Ionawr 2016. Tynnwyd sylw at
gynllun gweithredu ehangu’r Siarter ar draws y rhanbarth. Nododd Geraint Rees (Cynrychiolydd
Llywodraeth Cymru) ei fod yn llongyfarch y rhwydwaith ar ei waith ar draws y
rhanbarth ac y gallai ardaloedd eraill elwa o’r arfer da. Nodwyd sylwadau cadarnhaol o ran y
cyd-weithio a nodwyd bod brwdfrydedd i wneud y Siarter yn llwyddiannus ar draws
y rhanbarth. Mewn ymateb i sylw gan aelod, nododd Arwyn Thomas (Cyngor Gwynedd) y byddai’n trefnu i’r aelodau dderbyn y papurau a gyflwynwyd yn y gynhadledd ynghyd â gwerthusiad o’r diwrnod. |
|
CYNLLUN BUSNES 2015-18: ADRODDIAD MONITRO PDF 336 KB (copi’n amgaeedig) Dogfennau ychwanegol: Cofnod: Cyflwynodd Rheolwr Gyfarwyddwr GwE adroddiad
monitro cynnydd ar Gynllun Busnes 2015-18. Nododd Arwyn Thomas (Cyngor Gwynedd) yr
angen i sicrhau bod yr hyn a nodir o dan ‘Penawdau/Lliniaru’ yn y dangosfwrdd
monitro yn cyfarch y cerrig milltir. PENDERFYNWYD derbyn a nodi’r adroddiad. |
|
TREFNIADAU AROLYGIADAU CONSORTIWM RHANBARTHOL ESTYN (EBRILL 2016) PDF 250 KB (copi’n amgaeedig) Cofnod: Cyflwynodd Rheolwr Gyfarwyddwr GwE adroddiad
yng nghyswllt trefniadau arolygiadau Estyn o’r consortia rhanbarthol, gan nodi
y byddai arolwg GwE yn cael ei gynnal yn ystod y cyfnod 18 – 29 Ebrill 2016.
Nodwyd y cynhelir arolygiad dilynol ymhen oddeutu 12 mis i edrych ar y cynnydd
yn erbyn yr argymhellion. Adroddwyd y byddai arolygwyr Estyn yn
cyfarfod ag aelodau’r Cyd-bwyllgor yn ystod yr wythnos yn cychwyn 25 Ebrill
2016. Mewn ymateb i ymholiad parthed capasiti
Estyn i gynnal y cyfweliadau yn yr Iaith Gymraeg, nododd Rheolwr Gyfarwyddwr
GwE y byddai’n cysylltu efo arweinwyr Estyn i dderbyn cadarnhad. PENDERFYNWYD derbyn a nodi’r adroddiad. |