Rhaglen a chofnodion

Derbyn unrhyw ymddiheuriadau am absenoldeb.

Croesawyd pawb i’r cyfarfod gan y Cadeirydd y Cynghorydd Tudor Owen. Cyflwynwyd y panel ar swyddogion i bawb oedd yn bresennol. Ni dderbyniwyd unrhyw ymddiheuriadau.

Derbyn unrhyw ddatganiad o fuddiant personol.

Ni dderbyniwyd datganiad o fuddiant personol gan unrhyw aelod oedd yn bresennol.

Nodi unrhyw eitemau sy’n fater brys ym marn y Cadeirydd fel y gellir eu hystyried.

Dim i’w nodi

Bydd y Cadeirydd yn cynnig y dylid cau’r wasg a’r cyhoedd allan o’r cyfarfod yn ystod y drafodaeth ar yr eitemau canlynol gan ei fod yn debygol y datgelir gwybodaeth eithriedig fel y’i diffinnir ym mharagraff 12, Rhan 4, Atodiad 12A, Deddf Llywodraeth Leol 1972. Mae’r paragraff yma’n berthnasol oherwydd bod gan yr unigolion dan sylw’r hawl i breifatrwydd ac nad oes unrhyw fudd cyhoeddus sy’n gofyn am ddatgelu gwybodaeth bersonol am yr unigolion nac yn gofyn am eu hadnabod. Fel canlyniad, mae’r budd cyhoeddus o gadw’r wybodaeth yn eithriedig yn gorbwyso’r budd cyhoeddus o’i ddatgelu.

PENDERFYNWYD cau’r wasg a’r cyhoedd allan o’r cyfarfod yn ystod y drafodaeth ar yr eitemau canlynol gan ei fod yn debygol y datgelir gwybodaeth eithriedig fel y’i diffinnir ym mharagraffau 12 ac 13, Rhan 4, Atodiad 12 A, Deddf Llywodraeth Leol 1972.  Mae’r paragraffau yma yn berthnasol oherwydd bod gan yr unigolion dan sylw'r hawl i breifatrwydd ac nad oes unrhyw fudd cyhoeddus sy’n gofyn am ddatgelu gwybodaeth bersonol am yr unigolion nac yn gofyn am eu hadnabod.  O ganlyniad mae’r budd cyhoeddus o gadw’r wybodaeth yn eithriedig yn gorbwyso’r budd cyhoeddus o’i datgelu.

Ystyried cais Mr A

(copi ar wahân i aelodau’r Is-bwyllgor yn unig)

a)    Cyflwynodd y Swyddog Trwyddedu adroddiad ysgrifenedig ar gais a dderbyniwyd gan Mr A am drwydded gyrru cerbyd hacni/hurio preifat o’r newydd.  Nodwyd bod datganiad o gollfarnau wedi ei gyflwyno, ac oherwydd bod troseddau yn parhau yn berthnasol yn y maes trwyddedu, gofynnwyd i’r Pwyllgor ystyried y cais yn unol â’r cofnod DAS, ac yn unol â’r canllawiau ar droseddau a chollfarnau perthnasol.

b)    Gwahoddwyd yr ymgeisydd i ymhelaethu ar ei gais. Cydnabuwyd bod y  troseddau  a ddatgelwyd wedi digwydd  o fewn cyfnod ei arddegau o ganlyniad i benderfyniadau anaeddfed.  Ymhelaethodd ei fod yn edifarhau a'i fod bellach yn dad cyfrifol gydag agwedd bositif at fywyd a gwaith. Nododd hefyd ei fod wedi cael cynnig swydd gyda chwmni lleol.

Cyflwynwyd llythyr geirda o gymeriad yr ymgeisydd a cadarnhaodd y Rheolwr Trwyddedu bod cais ar lafar wedi ei wneud i gyflogi’r ymgeisydd, ei fod wedi pasio prawf meddygol ac wedi pasio prawf gwybodaeth.

c)    Ymneilltuodd yr ymgeisydd o’r ystafell  tra y bu i aelodau’r Is-bwyllgor drafod y cais.

ch)  Ar ôl ystyriaeth fanwl, penderfynodd yr Is-bwyllgor bod yr ymgeisydd yn berson addas i gael trwydded yrru, a chaniatawyd y cais. Teimlai’r Is-bwyllgor i’r ymgeisydd gydnabod difrifoldeb y drosedd ac nid oedd yn cuddio ar ei fai. Cydnabuwyd hefyd ei fod wedi tystiolaethu dros newid ei ffordd o fyw.

PENDERFYNWYD caniatáu cais Mr A am drwydded hacni/hurio preifat.

Adroddodd y Cyfreithiwr y byddai’r Uned Trwyddedu yn anfon llythyr i’r ymgeisydd yn cadarnhau penderfyniad yr Is-bwyllgor.

Dechreuodd y cyfarfod am 3:30pm a daeth i ben 4:10pm