skip to main content

Rhaglen a chofnodion

Lleoliad: Siambr Hywel Dda - Swyddfeydd y Cyngor, Caernarfon. Gweld cyfarwyddiadau

Cyswllt: Lowri Haf Evans 01286 679 878  E-bost: lowrihafevans@gwynedd.gov.uk

Eitemau
Rhif eitem

1.

YMDDIHEURIADAU

Derbyn unrhyw ymddiheuriadau am absenoldeb

Cofnod:

Dim i’w nodi

 

2.

DATGAN BUDDIANT PERSONOL

Derbyn unrhyw ddatganiad o fuddiant personol

Cofnod:

Ni dderbyniwyd datganiad o fuddiant personol gan unrhyw aelod oedd yn bresennol.

 

3.

MATERION BRYS

Nodi unrhyw eitemau sy’n fater brys ym marn y cadeirydd fel y gellir eu hystyried.

Cofnod:

Dim i’w nodi

4.

CAU ALLAN Y WASG A'R CYHOEDD

Bydd y Cadeirydd yn cynnig y dylid cau’r wasg a’r cyhoedd allan o’r cyfarfod yn ystod y drafodaeth ar yr eitemau canlynol gan ei fod yn debygol y datgelir gwybodaeth eithriedig fel y’i diffinnir ym mharagraff 12, Rhan 4, Atodiad 12A, Deddf Llywodraeth Leol 1972. Mae’r paragraff yma’n berthnasol oherwydd bod gan yr unigolion dan sylw’r hawl i breifatrwydd ac nad oes unrhyw fudd cyhoeddus sy’n gofyn am ddatgelu gwybodaeth bersonol am yr unigolion nac yn gofyn am eu hadnabod. Fel canlyniad, mae’r budd cyhoeddus o gadw’r wybodaeth yn eithriedig yn gorbwyso’r budd cyhoeddus o’i ddatgelu.

 

Cofnod:

PENDERFYNWYD cau’r wasg a’r cyhoedd allan o’r cyfarfod yn ystod y drafodaeth ar yr eitemau canlynol gan ei fod yn debygol y datgelir gwybodaeth eithriedig fel y’i diffinnir ym mharagraffau 12 ac 13, Rhan 4, Atodiad 12 A, Deddf Llywodraeth Leol 1972.  Mae’r paragraffau yma yn berthnasol oherwydd bod gan yr unigolion dan sylw'r hawl i breifatrwydd ac nad oes unrhyw fudd cyhoeddus sy’n gofyn am ddatgelu gwybodaeth bersonol am yr unigolion nac yn gofyn am eu hadnabod.  O ganlyniad mae’r budd cyhoeddus o gadw’r wybodaeth yn eithriedig yn gorbwyso’r budd cyhoeddus o’i datgelu.

 

5.

CAIS AM DRWYDDED HACNI/HURIO PREIFAT

Ystyried cais  Mr A

 

(copi arwahan i aelodau’r Is Bwyllgor yn unig)

Cofnod:

Croesawyd pawb i’r cyfarfod gan y Cadeirydd y Cynghorydd Tudor Owen. Cyflwynwyd y panel ar swyddogion i bawb oedd yn bresennol.

 

Mewn ymateb i gais gan yr ymgeisydd, cynhaliwyd y gwrandawiad yn Saesneg.

 

a)    Cyflwynodd y Rheolwr Trwyddedu adroddiad ysgrifenedig ar gais a dderbyniwyd gan Mr A am drwydded gyrru cerbyd hacni/hurio preifat o’r newydd. 

 

b)    Ategwyd bod  datganiad o gollfarnau wedi ei gyflwyno. Nid oedd collfarnau perthnasol i’r maes trwyddedu wedi eu cynnwys ar ddatganiad yr ymgeisydd, ond tynnwyd sylw at  wybodaeth ychwanegol a gyflwynwyd gan yr Heddlu oedd yn berthnasol i’r cais. Gofynnwyd i’r Pwyllgor ystyried y cais yn unol â’r cofnod DBS, ac yn unol â’r canllawiau ar droseddau a chollfarnau perthnasol.

 

c)    Argymhelliad y Rheolwr Trwyddedu oedd gwrthod y cais oherwydd materion a ddatgelwyd gan yr Heddlu, ac yn unol â pholisi tacsiMeini Prawf Addasrwydd ar gyfer Gyrwyr a Gweithredwyr’ y Cyngor.

 

ch)   Gwahoddwyd yr ymgeisydd i ymhelaethu ar ei gais.  Cyfeiriodd yr ymgeisydd at lythyr a ysgrifennodd at  Bwrdd Iechyd Prifysgol Betsi Cadwaladr  yn egluro ei sefyllfa.

 

d)    Ymneilltuodd yr ymgeisydd o’r ystafell  tra bu i aelodau’r Is-bwyllgor drafod y cais.

 

dd)      Wrth gyrraedd eu penderfyniad, roedd yr Is-bwyllgor wedi ystyried  y ffactorau canlynol

·         ffurflen gais yr ymgeisydd

·         adroddiad yr Adran Drwyddedu ynghyd a’r datganiad DBS

·         llythyr Cyngor Gwynedd  17  Rhagfyr 2012

·         llythyr dyddiedig 4 Tachwedd, 2015 a gyflwynwyd i Brifysgol Betsi Cadwaladr Bwrdd Iechyd

·         gofynionPolisi Trwyddedu ar gyfer Hurio Preifat a Cherbydau Hacni  Cyngor Gwynedd’ -  paragraffau penodol 7.1, 7.2 a 7.5 mewn perthynas â throseddau rhyw ac anwedduster.

·         sylwadau llafar

 

e)    Derbyniodd yr Is Bwyllgor y wybodaeth a gofnodwyd yn y datganiad DBS fel disgrifiad cywir o'r digwyddiadau. Atgoffwyd wrth yr Is-bwyllgor, yn unol ag adran 59 o Ddeddf Llywodraeth Leol (Darpariaethau Amrywiol) 1976, ni ellid rhoi trwydded oni bai eu bod yn fodlon  bod yr ymgeisydd yn berson addas a phriodol i ddal trwydded.

 

Cynghorwyd yr Is Bwyllgor ar ystyr "person addas a phriodol" a cyfeiriwyd at ddyfarniad McCool v Cyngor Bwrdeistref Rushcliffe [1988] 3 All ER 889, lle cadarnhaodd yr Uchel Lys ystyr hynny: "... i’r rhai trwyddedig i yrru ... yn bersonau addas i wneud hynny,  eu bod yn yrwyr diogel gyda chofnod da o yrru ynghyd a phrofiad digonol, yn sobr, yn feddyliol ac yn gorfforol iach, yn onest, ac nid yn bobl fyddai'n manteisio ar eu cyflogaeth i gam-drin neu ymosod ar deithwyr. "

 

f)     Wrth ystyried y digwyddiadau rhywiol ac anweddus, treisgar eu natur, nid oedd yr Is-bwyllgor wedi eu perswadio bod yr ymgeisydd yn berson addas ac na fyddai yn cymryd  mantais o’i gyflogaeth. Amlygwyd pryder bod yr ymgeisydd wedi cyflwyno cwyn i Fwrdd Iechyd Prifysgol Betsi Cadwaladr am rannu manylion personol, cyfrinachol gyda’r Heddlu. Barn yr Is-bwyllgor, er budd gwarchod diogelwch y cyhoedd, bod y wybodaeth yma  ...  gweld y cofnod llawn ar gyfer eitem 5.