Rhaglen a chofnodion
Lleoliad: Hen Eglwys y Santes Fair, Tremadog
Cyswllt: Glynda O'Brien (01341) 424301
Rhif | eitem |
---|---|
YMDDIHEURIADAU I dderbyn unrhyw ymddiheuriadau am absenoldeb. Cofnod: Derbyniwyd
ymddiheuriadau am absenoldeb gan Iwan Trefor Jones (Cyfarwyddwr Corfforaethol),
Dafydd Edwards (Pennaeth Cyllid), Iona Wyn Jones (Ysgol Bro Cynfal ac Ysgol
Edmwnd Prys), Kerry Parry (Ysgol y
Ganllwyd) |
|
DATGAN BUDDIANT PERSONOL I dderbyn unrhyw ddatganiad o fuddiant personol. Cofnod: Ni dderbyniwyd datganiad o fuddiant personol. |
|
I gadarnhau cofnodion y cyfarfod diwethaf a gynhaliwyd ar 29 Tachwedd 2016. (Copi’n amgaeedig) Cofnod: Llofnododd y
Cadeirydd gofnodion cyfarfod o’r Fforwm Cyllideb Ysgolion a gynhaliwyd ar 29
Tachwedd 2016 fel rhai cywir. |
|
MATERION YN CODI O’R COFNODION (i) Penderfyniad Y Cabinet 13 Rhagfyr 2016 OO (gweler tud. 5
ar y ddolen isod) (ii)
Adrodd ar waith ymchwil i gyllideb a chynnydd diffyg ariannol Ysgol
Tywyn OO (iii) Diweddariad
Cytundebau Lefel Gwasanaeth 2017/18 i 2019/20 OO Cofnod: (i)
Penderfyniad y Cabinet 13 Rhagfyr 2016 Atgoffwyd y Fforwm gan yr Uwch Reolwr
Gwasanaeth Adnoddau yn deillio o drafodaethau
yn y cyfarfod diwethaf o fwriad yr Aelod Cabinet i gyflwyno pryder y sector uwchradd o leihad niferoedd disgyblion yn disgyn
yn 2017/18 ond yn cynyddu yn
y ddwy flynedd ganlynol. Gwnaed cais i’r Aelod
Cabinet Addysg a fyddai modd ystyried cynllun
pontio i gynorthwyo ysgolion mewn sefyllfaoedd
ariannol anodd ac fel bod ysgolion unigol yn osgoi
diswyddo ac ail benodi
staff mewn cyfnod cymharol fyr. Tynnwyd sylw’r Fforwm gan yr Uwch
Reolwr Gwasanaeth Adnoddau Addysg o benderfyniad y Cabinet yn ei gyfarfod ar
13 Rhagfyr 2016 fel a ganlyn: (i)
Fod y Cabinet yn comisiynu cynllun i’w osod yn
ein Cynllun Strategol ar gyfer 2017/18 i asesu ble ddylai’r
llinell warchodaeth fod ar gyfer
y Sector Uwchradd er mwyn defnyddio’r wybodaeth hwnnw wrth sefydlu cyllideb
2018/19; (ii)
Gan dderbyn fod yna
drafodaethau wedi cychwyn gyda rhanddeiliaid
ar asesu’r broblem, y dylid tanlinellu’r angen i’r Cyngor newydd ystyried canlyniadau’r trafodaethau hynny yn fuan yn
oes y Cyngor er mwyn sefydlu datrysiad
hir dymor cynaliadwy ar gyfer
y sector Uwchradd; (iii)
Er mwyn prynu amser
i hynny ddigwydd, ein bod yn gofyn
i’r Aelod Cabinet dros Adnoddau geisio
pontio am ddwy flynedd y £298,990 y mae disgwyl i’r sector Uwchradd ei ddarganfod
i’w ariannu o falansau; (iv)
Er mwyn osgoi gwastraffu
adnoddau drwy ddiswyddo ac ail gyflogi, fod gofyn i’r
Aelod cabinet dros Adnoddau hefyd ystyried cynnwys yn ei gyllideb
ar gyfer 2017/18 arian pontio i’r
ysgolion hynny fyddai’n colli arian oherwydd lleihad yn y niferoedd
plant gan ystyried hefyd y defnydd o falansau ysgolion unigol mewn unrhyw
gynllun a gynigir. Mewn ymateb, nodwyd werthfawrogiad gan y sector uwchradd o’r penderfyniad
a’r gweithrediad uchod a fydd o gymorth i ysgolion unigol. Penderfynwyd: Derbyn a nodi’r uchod. (ii)
Adrodd ar waith ymchwil i gyllideb a chynnydd
diffyg ariannol Ysgol Tywyn Tynnwyd sylw’r Fforwm gan yr Uwch Reolwr Gwasanaeth Adnoddau Addysg at
benderfyniad y Cyngor fel amlinellir ym mhwynt 2.1 (i) er mwyn asesu y llinell
warchodaeth. I’r perwyl hwn, nodwyd bod
gwaith wedi ei gomisiynu ar sefyllfaoedd cyllidol Ysgol y Berwyn ac Ysgol
Uwchradd Tywyn. Penderfynwyd: Derbyn a nodi’r uchod. (iii)
Diweddariad Cytundebau Lefel Gwasaneth
2017/18 i 2019/20 Adroddodd yr Uwch
Reolwr Gwasanaeth Addysg bod y gwasanaethau i gyd wedi cyflwyno Cytundebau
Lefel Gwasanaeth ar gyfer 2017/18 ond nodwyd ymhellach bod 2 wasanaeth wedi
gofyn am ymestyn y gwasanaeth am flwyddyn oherwydd sefydliad y Swyddfeydd Ardal
a phenodiad y Swyddogion Busnes Ardal (sef CLG Uned Gefnogi Addysg (cynradd) a
CLG Personél, Cyflogau a chefnogaeth Gyfreithiol). Yng nghyd-destun
cytundeb hefo cwmni CYNNAL, roedd y Gwasanaeth Addysg wedi llwyddo i gael
gostyngiad yn y pris a bydd dyranidau ysgolion yn
cael ei lleihau i adlewyrchu’r gostyngiad hwn. Nodwyd na fyddai unrhyw effaith
ariannol ar ysgolion. O safbwynt CLG Cynnal
Tiroedd, dymunir ymestyn y gytundeb bresennol am flwyddyn er mwyn caniatáu i
gwasanaeth adnabod anghenion ysgolion unigol. Nododd ... gweld y cofnod llawn ar gyfer eitem 4. |
|
RHAGOLWG BALANSAU YSGOLION 31 MAWRTH 2017 I dderbyn adroddiad
y Rheolwr Cyllid. . HO Cofnod: Cyflwynodd y Rheolwr Cyllid i’r aelodau yn
ystod y cyfarfod daenlen yn nodi rhagolwg balansau
ysgolion 31 Mawrth 2017 a gwir falans 2013/14,
2014/15 a 2015/16. Eglurwyd bod yr ysgolion hynny sydd wedi eu
lliwio’n felyn wedi bod mewn diffyg neu
gyda balansau dros 5% yn ystod y tair blynedd
diwethaf. O safbwynt y cynradd, rhagwelwyd gostyngiad
sylweddol o £2,479,441 ar ddiwedd Mawrth 2016 i oddeutu £2,000,500 ym Mawrth
2017 (gostyngiad yn canran balansau o 6.91% i 5.5%),
gyda’r uwchradd yn gostwng o £791,815 i £656,993 ym Mawrth 2017 (gostyniag yn canran balansau o
2.37% i 2.0%). Hyderir y gellir ym mis Mehefin eleni adrodd ar wir falansau ac ym mis Tachwedd cyflwyno gwybodaeth
cenedlaethol o gymhariaethau balansau
ysgolion awdurdodau eraill Cymru. Croesawyd y lleihad cyffredinol ym malansau ysgolion cynradd. Penderfynwyd: Derbyn a
nodi’r rhagolygon. |
|
I ystyried adroddiad
gan yr Uwch Reolwr Gwasanaeth Adnoddau Addysg. OO
(Copi’n amgaeedig) Dogfennau ychwanegol: Cofnod: (a) Cyflwynwyd adroddiad gan yr Uwch Reolwr Gwasanaeth Adnoddau Addysg ynglyn ag ymgynghoriad ar newid geiriad cynllun ariannu
ysgolion mewn perthynas a throsglwyddo balansau
ysgolion sy’n cau. (b) Nodwyd y derbyniwyd 27 ymateb gan yr ysgolion sef 20 o’r sector cynradd a
7 o’r sector uwchradd, gyda phob ysgol, ac eithrio un, o blaid newid geiriad
cymal 4.8 i ddarllen: “Bydd gweddill unrhyw ysgol sy’n cau (boed y gweddill hwnnw yn warged
neu’n ddiffyg) yn eiddo i’r awdurdod; ni ellir ei drosglwyddo fel gweddill i
unrhyw ysgol arall, heblaw i ysgol a sefydlwyd fel canlyniad i’r cau
hwnnw. Mewn sefyllfa o’r fath
trosglwyddir y gweddill i’r ysgol newydd o dan ddarpariaethau Rheoliadau
Cyllido Ysgolion (Cymru) 2010. Penderfynwyd: Derbyn a nodi cynnwys yr adroddiad a chymeradwyo i’r
Cabinet newid geiriad cymal 4.8 o’r Cynllun Ariannu Ysgolion yn unol â’r geiriad yn (b) uchod. |
|
GWASANAETH TALU AR-LEIN PDF 271 KB I ystyried adroddiad yr Uwch Reolwr Gwasanaeth Adnoddau Addysg. OO (Copi’n amgaeedig) Dogfennau ychwanegol: Cofnod: (a) Cyflwynwyd adroddiad yr Uwch Reolwr Gwasanaeth Adnoddau Addysg yn
amlinellu’r bwriad a’r ymgysylltu a fu
ynglŷn â chynllun fyddai’n galluogi rieni dalu ar-lein am ginio
ysgol mewn ysgolion cynradd ac arbennig y Sir. (b) Derbyniwyd ymateb gan 8 ysgol ac fe nodwyd nad oedd gwrthwynebiad i’r
cynllun ond codwyd rhai pryderon ynglyn â’r effaith i swyddi clercod arian cinio. (c) Mewn ymateb i’r sylwadau wnaed gan ysgolion, nodwyd: ·
Y byddai ysgolion angen
gweld effaith y system ar arferion yr ysgol cyn dod i benderfyniad ynglŷn
â gwaith y clercod arian ac mai mater lleol fyddai hyn ·
Y byddai modd i deuluoedd
sydd heb gyfrifiaduron wneud taliadau electroneg ar ffurf “PayPoint”
(fel a welir mewn siopau ar gyfer talu am nwy a thrydan). ·
Yn ogystal, fe fydd modd
defnyddio ffonau symudol / tablet ar gyfer gwneud
taliadau (ch) O safbwynt y
sector uwchradd, esboniwyd bod trafodaethau wedi eu cynnal ond bod y sefyllfa
ychydig mwy cymhleth yn nhermau dewisiadau o’r fwydlen ac angen system arall ar
gyfer “till”.
Fodd bynnag, cyn symud ymlaen gyda’r uwchradd roedd dipyn mwy o waith
i’w wneud i sefydlu’r system yn y sector cynradd yn gyntaf. Nodwyd ymhellach
bod trafodaethau yn parhau gyda Phennaeth ysgol newydd Bro Idris yn nhermau’r
model cynradd o gasglu’r arian. (d) Nodwyd bod 6 ysgol yn gweithio fel
rhan o gynllun peilot i’r system ac fe welir manteision o fedru talu am dripiau
ysgol, llefrith, gwersi offerynnau cerdd, a.y.b. ac mewn ysgolion lleiaf yn
fodd o leihau gorfod cadw arian parod ar safle’r ysgol. (dd) Nododd Pennaeth Ysgol y Moelwyn bod yr ysgol honno yn
defnyddio’r system ac yn fanteisiol i deuluoedd yn enwedig ers i’r banc gau ym Mlaenau Ffestiniog. Penderfynwyd: Derbyn a nodi cynnwys yr adroddiad. |
|
GRANT 6ed DOSBARTH 2017/18 I dderbyn adroddiad llafar ar yr
uchod. HO Cofnod: Adroddodd y Rheolwr Cyllid bod y grant oddeutu
£195,000 yn uwch na’r hyn roedd wedi’i rhagweld yn y rhagolygon ariannol. Er
fod y nifer disgyblion 6ed yn ein ysgolion wedi lleihau ychydig, mae’r nifer
disgyblion sy’n cael ei ariannu gan Llywodraeth Cymru wedi cynyddu. Er hynny
mae dull ariannu Llywodraeth Cymru yn parhau i ariannu nifer disgyblion 6ed
sy’n llai na’r hyn yn ein ysgolion, a hynny yn gyson ar draws y 4 mlynedd
diwethaf ers cychwyn y dull ariannu newydd.
Fe fyddir yn rhyddhau’r wybodaeth i’r ysgolion hynny yn y dyddiau nesaf. Mewn ymateb i’r uchod, nododd Aelod bod angen
eglurhad o’r tan-gyllido, ac awgrymwyd i’r Rheolwr Cyllid wneud darn o waith
ymchwil i ganfod y rhesymau pam. Penderfynwyd: Gofyn i’r
Rheolwr Cyllid gyflwyno adroddiad ar ei ganfyddiadau i gyfarfod nesaf y Fforwm
ym mis Mehefin. |
|
GRANT AMDDIFADEDD DISGYBLION 2017/18 I dderbyn adroddiad llafar ar yr
uchod. HO Cofnod: Adroddodd y Rheolwr Cyllid ni dderbyniwyd
cadarnhad, hyd yma, o arian y Grant Amddifadedd. Penderfynwyd: Derbyn a
nodi’r uchod. |
|
GRANT GWELLA ADDYSG 2017/18 I dderbyn adroddiad llafar ar yr
uchod. HO Cofnod: Mewn perthynas â’r
Grant Gwella Addysg, nodwyd bod gwybodaeth wedi cyrraedd ar lefel Gogledd Cymru
yn cynnwys toriad o 0.7%. Nid oedd yn ymwybyddus ar hyn o bryd beth oedd blaenoriaethau Bwrdd
Rheoli GwE gyda’r grant ar gyfer 2017/18. Penderfynwyd: Derbyn a
nodi’r wybodaeth uchod. |
|
GRANT £100 miliwn AR LEFEL CENEDLAETHOL DROS 5 MLYNEDD Y CYNULLIAD YMA 2016-2020 I dderbyn adroddiad llafar ar yr
uchod. . HO Cofnod: Adroddodd y Rheolwr Cyllid nad oedd gwybodaeth
ynglyn â’r uchod wedi ei
dderbyn hyd yma gan Lywodraeth Cymru, bod y grant ar gyfer nifer o
flaenoriaethau’r Llywodraeth, er enghraifft y mater maint dosbarthiadau ac fe
ddarllenwyd erthygl ynglyn a’r mater gan nodi
byddai’n anfon y wybodaeth ymlaen i
aelodau’r Fforwm. Penderfynwyd: Derbyn a
nodi’r uchod. |