Rhaglen a chofnodion
Lleoliad: Ystafell Gwyrfai - Swyddfeydd y Cyngor
Cyswllt: Eirian Roberts 01286 679018
Rhif | eitem |
---|---|
YMDDIHEURIADAU Derbyn unrhyw ymddiheuriadau am absenoldeb. Cofnod: Ymddiheuriad:- Y Cynghorydd Lesley Day |
|
DATGAN BUDDIANT PERSONOL Derbyn unrhyw
ddatganiad o fuddiant personol. Cofnod: Ni
dderbyniwyd datganiad o fuddiant gan unrhyw aelod oedd yn bresennol.
|
|
MATERION BRYS Nodi unrhyw eitemau sy’n
fater brys ym marn y Cadeirydd fel y gellir eu hystyried. |
|
Bydd y Cadeirydd yn cynnig y dylid llofnodi cofnodion y
cyfarfod blaenorol o’r pwyllgor hwn a gynhaliwyd ar 29 Mehefin, 2015 fel rhai
cywir (ynghlwm). Cofnod: Llofnododd y
Cadeirydd gofnodion y cyfarfod blaenorol o’r pwyllgor hwn a gynhaliwyd ar 29
Mehefin, 2015 fel rhai cywir. |
|
AELODAETH Y PWYLLGOR Cyflwyno adroddiad llafar y Swyddog Monitro. Cofnod: Nododd y Swyddog Monitro
â thristwch y disgwylid cadarnhad meddygol ynglŷn â sefyllfa Linda Byrne a’i bod yn ymddangos
felly y byddai yna sedd wag ar y pwyllgor.
Byddai’n gwneud datganiad ac yn trefnu i ffurfioli hynny yn yr wythnosau
nesaf gan hysbysebu am aelod annibynnol newydd ar y pwyllgor maes o law. |
|
CEISIADAU AM ODDEFEB PDF 27 KB Cyflwyno adroddiad y Swyddog Monitro (ynghlwm). Dogfennau ychwanegol: Cofnod: Cyflwynwyd – adroddiad y Swyddog Monitro yn gofyn i’r pwyllgor ystyried
a phenderfynu ar ddau gais am oddefeb gan aelodau o
Gyngor Cymuned Bethesda mewn perthynas â thrafodaethau ynglŷn
â throsglwyddo canolfannau lleol o berchnogaeth
Cyngor Gwynedd i berchnogaeth y Cyngor Cymuned (neu gorff cymunedol arall). Manylwyd ar y ddau gais yn unigol, sef:- ·
Cais gan y Cynghorydd Godfrey Northam, oedd yn
Gadeirydd Pwyllgor Canolfan Rachub ac yn aelod o Bwyllgor Canolfan Cefnfaes, am
hawl i siarad yn unig pan drafodir y mater. ·
Cais gan y Cynghorydd Walter Watkin
Williams, oedd yn aelod o Bwyllgor Canolfan Cefnfaes, am hawl i siarad a
phleidleisio pan drafodir y mater. Nododd y Swyddog Monitro ymhellach:- ·
Nad oedd yr un o’r ddau aelod wedi’u
penodi ar y cyfryw bwyllgorau gan y Cyngor Cymuned. ·
Bod gan y Pwyllgor Safonau hawl i
ganiatáu goddefeb os yw’r sefyllfa yn dod o fewn un
(neu fwy) o’r sefyllfaoedd a restrir yn y rheoliadau perthnasol ac nad oedd
rheswm i gredu nad oedd y ddau gais dan sylw yn cyrraedd y sefyllfa olaf ar y
rhestr, sef “mae’r busnes yn berthnasol i
arian neu eiddo corff gwirfoddol yr wyf yn aelod o’i bwyllgor neu ei fwrdd rheoli ac nid oes gennyf unrhyw fuddiant arall”. ·
Nad oedd y ffaith bod y ceisiadau’n
cyrraedd y sail yma’n golygu y caniateid goddefeb yn awtomatig ac ‘roedd yn rhaid i’r pwyllgor
ystyried a oedd budd cyhoeddus o ganiatáu i’r aelodau gymryd rhan, er bod y Cod
Ymddygiad yn darparu na ddylent gael gwneud hynny. ·
Nad
oedd yn eglur yn yr achosion hyn pam bod angen i’r ddau aelod penodol yma
siarad ar y mater. ‘Roedd y Cynghorydd Northam yn teimlo bod rhaid iddo gymryd rhan er mwyn
sicrhau bod y Cyngor Cymuned yn llawn ddeall y sefyllfa ynglŷn â’r neuadd bentref, ond diau y gallai rhywun arall esbonio hynny. ‘Roedd y Cynghorydd Northam
hefyd wedi nodi ar ei ffurflen bod raid i 4 allan o’r 13 aelod ar y Cyngor
Cymuned ddatgan buddiant yn y mater, ond ni fyddai hynny’n
effeithio ar gworwm. ·
Pe caniateid y ceisiadau hyn, byddai’n
rhaid i’r pwyllgor ganiatáu ceisiadau tebyg yn y dyfodol, a heb wybodaeth ynglŷn â pham mae’r angen i siarad yn cyfiawnhau goddefeb, ei bod yn anodd gwybod pa gynsail sy’n cael ei
greu. Cytunodd yr aelodau â sylwadau’r Swyddog Monitro gan nodi bod yr
wybodaeth yn denau ac yn annelwig ac nad oedd yn hysbys i’r pwyllgor pam yn
union fod y ceisiadau hyn wedi’u cyflwyno. Nodwyd ymhellach y gallai’r pwyllgor hwn
dderbyn llu o geisiadau tebyg gan fod nifer o gynghorau cymuned yn trafod
trosglwyddo asedau ar hyn o bryd ac awgrymwyd y byddai’n fuddiol darparu nodyn
cynghori ar gyfer y clercod yn amlinellu’r disgwyliadau. Atebodd y Swyddog Monitro fod cyfres o
gyrsiau ar gyfer clercod ac aelodau cynghorau cymuned yn cychwyn y noson honno
ac y gellid codi’r mater hwn yno. PENDERFYNWYD gwrthod y ddau gais am oddefeb ar sail diffyg gwybodaeth. |
|
FFRAMWAITH LLYWODRAETHU CYNGOR GWYNEDD PDF 391 KB Cyflwyno adroddiad yr Uwch Reolwr Refeniw a Risg (ynghlwm). Dogfennau ychwanegol: Cofnod: Cyflwynwyd – adroddiad yr Uwch Reolwr Refeniw a Risg yn egluro:- ·
Sut y datblygwyd y Fframwaith
Llywodraethu; ·
Beth yw’r drefn ar gyfer adolygu’r
fframwaith ac adrodd ar y canlyniadau; ·
Rôl y
Pwyllgor Safonau o fewn y fframwaith. Codwyd cwestiynau gan aelodau ynglŷn â’r Ddeddf Llesiant a Gofal Iechyd a Chymdeithasol
Integredig. Ymatebodd yr Uwch Reolwr i’r
cwestiynau hynny, gan egluro y byddai’r gofynion newydd a gyflwynir gan y
Ddeddf yn cael eu hystyried yng nghyd-destun y Fframwaith Llywodraethu, ond nad
oedd yn disgwyl y byddai llawer o elfennau newydd yn cael eu hychwanegu gan fod
y Fframwaith wedi ei ddylunio i gwmpasu holl weithgareddau’r Cyngor. PENDERFYNWYD cymeradwyo’r
adroddiad a chroesawu’r cynnydd yn sgôr effeithiolrwydd y Pwyllgor
Safonau. |
|
HONIADAU YN ERBYN AELODAU PDF 7 KB Cyflwyno adroddiad y Swyddog Monitro (ynghlwm). Cofnod: Cyflwynwyd, er gwybodaeth – adroddiad y Swyddog Monitro ar gwynion
ffurfiol yn erbyn aelodau. Ymhellach i’r adroddiad, nododd yr Uwch Gyfreithiwr fod yr Ombwdsmon
bellach wedi penderfynu peidio ymchwilio i gŵyn 2.3 Achos 201503255,
ac felly nad oedd yn ymwybodol o unrhyw gŵyn agored ar hyn o bryd
yn erbyn cynghorwyr Gwynedd. PENDERFYNWYD nodi’r adrodddiad. |
|
ADRODDIAD BLYNYDDOL YR OMBWDSMON PDF 5 KB Cyflwyno adroddiad y Swyddog Monitro (ynghlwm). Dogfennau ychwanegol: Cofnod: Cyflwynwyd, er gwybodaeth – adroddiad y Swyddog Monitro yn amgáu’r
rhannau hynny o adroddiad blynyddol yr Ombwdsmon am y flwyddyn 2014-15 sy’n
berthnasol i gwynion cod ymddygiad. Croesawyd bwriad yr Ombwdsmon i gymryd sefyllfa gadarnach
yn y dyfodol wrth gyfeirio cwynion ‘lefel isaf’ yn ôl i swyddogion monitro i
gael eu trin yn lleol. PENDERFYNWYD nodi’r adroddiad. |
|
ARSYLLU CYFARFODYDD Derbyn adborth ar lafar gan yr aelodau annibynnol yn dilyn arsyllu cyfarfodydd Cyngor Gwynedd/cynghorau tref a chymuned. Cofnod: Gwahoddwyd yr aelodau annibynnol i roi adborth ar lafar yn dilyn
arsyllu cyfarfodydd Cyngor Gwynedd neu gynghorau tref / cymuned. Nododd aelod nad oedd rhestr o gyfarfodydd cynghorau cymuned ar gael yn
unman. Atebodd yr Uwch Gyfreithiwr fod
gan y Cyngor restr o glercod y cynghorau cymuned a bod rhaid cysylltu â hwy yn
unigol. Awgrymwyd hefyd y gallai’r aelodau arsyllu ar we-ddarllediadau o gyfarfodydd
Cyngor Gwynedd. Cyflwynodd Miss Margaret Jones adborth yn dilyn
arsyllu cyfarfod o Gyngor Cymuned Llanystumdwy gan nodi:- ·
Bod y Cyngor Cymuned yn cyfarfod mewn
gwahanol leoliadau, sydd i’w groesawu o safbwynt bod yn gynhwysol ac ystyried y
gymuned gyfan. ·
Bod
ystod dda o’r gymuned yno, gyda’r oedran yn amrywio o 20 i 80, a merched yn
bresennol. ·
Bod y clerc yn effeithiol iawn, yn
egluro popeth ac yn dilyn popeth i fyny. ·
Bod
y cyfarfod yn un trefnus a chynhwysfawr iawn. ·
Bod yr agenda’n amrywiol, gyda 12
eitem, gan gynnwys un eitem eithriedig, dan ystyriaeth. ·
Bod y clerc wedi sôn wrth yr aelodau am
yr hyfforddiant a ddarperir ar eu cyfer gan y Swyddog Monitro. ·
Bod y Cyngor Cymuned yn adrodd yn fisol
i’r papur bro a bod hyn yn ffordd dda o godi ymwybyddiaeth ynglŷn â
gweithgarwch y Cyngor Cymuned. Trafodwyd rhai
materion cysylltiol, sef:- ·
Rôl aelod sy’n
dyst i achos o dorri’r Cod Ymddygiad. Nododd y Swyddog Monitro y gallai aelod ofyn
i’r clerc roi arweiniad ar y mater neu gysylltu ag ef gan fod gan y Pwyllgor Safonau ddyletswydd i hyrwyddo safonau uchel o ymddygiad yn y Cyngor hwn
ac yn y cynghorau
cymuned a thref. Pwysleisiwyd, fodd bynnag, mai cyfrifoldeb yr aelod ei hun yw
ymrwymo i’r Cod. ·
Mynediad i’r cyhoedd i gyfarfodydd y Cyngor. Atebodd y Swyddog Monitro nad oedd
trefn i rwystro’r cyhoedd i mewn, ond yn ymarferol
ac o safbwynt iechyd a diogelwch, na ellid cael sefyllfa
lle mae adeiladau’r
Cyngor yn gwbl agored. |