Rhaglen a chofnodion
Lleoliad: Ystafell Gwyrfai, Council Offices, Caernarfon, Gwynedd. LL55 1SH
Cyswllt: Eirian Roberts 01286 679018
Rhif | eitem |
---|---|
YMDDIHEURIADAU Derbyn unrhyw
ymddiheuriadau am absenoldeb. Cofnod: Ni dderbyniwyd
unrhyw ymddiheuriadau am absenoldeb. |
|
DATGAN BUDDIANT PERSONOL Nodi unrhyw
ddatganiadau o fuddiant personol. Cofnod: Ni dderbyniwyd
datganiad o fuddiant personol gan unrhyw aelod oedd yn bresennol. |
|
MATERION BRYS Nodi unrhyw eitemau
sy’n fater brys ym marn y Cadeirydd fel y gellir eu hystyried. Cofnod: Ni chodwyd unrhyw
faterion brys. |
|
Bydd y Cadeirydd yn cynnig y dylid llofnodi cofnodion y cyfarfod
blaenorol o’r pwyllgor hwn a gynhaliwyd ar 1 Hydref, 2018 fel rhai cywir (ynghlwm). Cofnod: Llofnododd y
Cadeirydd gofnodion y cyfarfod blaenorol o’r pwyllgor hwn a gynhaliwyd ar 1
Hydref, 2018 fel rhai cywir. |
|
COFRESTR BUDDIANNAU AELODAU PDF 48 KB Cyflwyno adroddiad y Swyddog Monitro (ynghlwm). Dogfennau ychwanegol: Cofnod: Cyflwynwyd – adroddiad y Swyddog Monitro yn gofyn
i’r pwyllgor am ei farn ar y broses o gofrestru buddiannau ac ar y Ffurflen
Cofrestru Buddiannau oedd wedi ei hatodi i’r adroddiad. PENDERFYNWYD
bod y pwyllgor yn gefnogol i’r broses o gofrestru buddiannau ac o’r farn bod y
Ffurflen Cofrestru Buddiannau yn gynhwysfawr ac yn addas i bwrpas. |
|
CYFARFODYDD PWYLLGOR SAFONAU PDF 48 KB Cyflwyno adroddiad
y Swyddog Monitro (ynghlwm). Cofnod: Cyflwynwyd –
adroddiad y Swyddog Monitro yn ceisio barn y pwyllgor ar amlder a nifer
cyfarfodydd y pwyllgor. PENDERFYNWYD cynnal 3 cyfarfod o’r Pwyllgor Safonau
yn flynyddol, wedi eu hamseru i gyd-fynd ag amserlen y Cyngor, ond gan gadw’r
hawl i alw cyfarfod brys petai angen, e.e. i ystyried ceisiadau am oddefebau. |
|
HONIADAU YN ERBYN AELODAU PDF 52 KB Cyflwyno adroddiad y Swyddog Monitro (ynghlwm). Cofnod: Cyflwynwyd, er gwybodaeth, adroddiad y
Swyddog Monitro yn cyflwyno gwybodaeth am benderfyniadau’r Ombwdsmon ar gwynion
ffurfiol yn erbyn aelodau. Yn ystod y
drafodaeth, nodwyd y pwyntiau a ganlyn:- ·
Sylwyd
bod mwyafrif y cwynion yn deillio o gynghorau cymuned a thref a chadarnhawyd
bod y gwaith o drefnu hyfforddiant ar gyfer y cynghorau hynny ar droed, gyda’r
bwriad o gychwyn ar y sesiynau yn y gwanwyn. ·
Holwyd
a fyddai’n briodol i un o bwyllgorau craffu’r Cyngor edrych ar strwythur y
cynghorau cymuned a thref i weld oes modd sefydlu trefn o glercod mwy
proffesiynol llawn amser yn gyfrifol am fwy nag un cyngor. Mewn ymateb, eglurwyd bod Llywodraeth Cymru
yn cynnal astudiaeth ymchwil i rôl a swyddogaethau cynghorau cymuned a thref
a’u potensial i’r dyfodol. Croesawyd y
ffaith bod y Llywodraeth yn edrych ar hyn gan fod llawer o glercod rhan amser
yn gweithio dan bwysau sylweddol. PENDERFYNWYD nodi’r adroddiad. |
|
ADRODDIAD BLYNYDDOL Y PANEL DYFARNU PDF 43 KB Cyflwyno adroddiad y Swyddog Monitro (ynghlwm). Dogfennau ychwanegol: Cofnod: Cyflwynwyd, er
gwybodaeth, adroddiad y Swyddog Monitro yn amgáu adroddiad blynyddol Panel
Dyfarnu Cymru 2017/18. Tynnwyd sylw’n
benodol at y materion isod yn yr adroddiad:- ·
Mai’r
un themâu sydd wedi codi yn yr achosion a glywyd gan y Panel Dyfarnu dros y
flwyddyn ddiwethaf, sef aelodau etholedig yn bwlio ac yn aflonyddu ar
swyddogion cynghorau ac yn methu dangos parch ac ystyriaeth. ·
Yr
angen i bwyso a mesur yn ofalus hawl hanfodol cynrychiolwyr mewn democratiaeth
i fynegi eu barn a hawl pobl eraill i beidio â chael eu bwlio neu eu cam-drin
yn y gweithle. ·
Bod
y prif faterion sy’n codi yn ymwneud â diffyg parch a methu datgan buddiant. Mynegwyd tristwch
ynglŷn â’r bwlio a’r diffyg parch sy’n cael ei amlygu yn yr adroddiad a
phwysleisiwyd pwysigrwydd herio, nid pardduo.
Cyfeiriwyd hefyd at bwysigrwydd peidio tanseilio hyder cyhoeddus drwy
gam ddefnyddio ieithwedd, yn arbennig wrth wneud defnydd o gyfryngau
cymdeithasol. PENDERFYNWYD nodi’r adroddiad. |