Rhaglen a chofnodion

          Derbyn unrhyw ymddiheuriadau am absenoldeb.

Y Cynghorydd Michael Sol Owen a Mr David Clay.

          Derbyn unrhyw ddatganiad o fuddiant personol.

Ni dderbyniwyd datganiad o fuddiant gan unrhyw aelod oedd yn bresennol.

Nodi unrhyw eitemau sy’n fater brys ym marn y Cadeirydd fel y gellir eu hystyried.

Dim.

          Bydd y Cadeirydd yn cynnig y dylid llofnodi cofnodion y cyfarfod blaenorol o’r pwyllgor hwn a gynhaliwyd ar 27 Mehefin, 2016, fel rhai cywir  (ynghlwm).

Llofnododd y Cadeirydd gofnodion y cyfarfod blaenorol o’r pwyllgor hwn a gynhaliwyd ar 27 Mehefin, 2016 fel rhai cywir.

Ystyried adroddiad y Swyddog Monitro  (ynghlwm).

Cyflwynwyd – adroddiad y Swyddog Monitro yn atodi adroddiad fu gerbron Pwyllgor Gwasanaethau Democrataidd y Cyngor ar yr 20fed o Fedi ar y gwaith sy’n mynd rhagddo i baratoi ar gyfer anwytho aelodau newydd i’r awdurdod yn sgil etholiadau Mai 2017.

Gofynnwyd i’r pwyllgor ystyried yr adroddiad a chynnig arweiniad ar gyfleoedd hyfforddiant pellach posib’ ar y Cod Ymddygiad.

Nododd y Cadeirydd ei bod yn croesawu’r ffaith bod cynlluniau ar y gweill i baratoi ar gyfer yr etholiadau.

Yn ystod y drafodaeth, cyflwynwyd y sylwadau a ganlyn:-

·         Ei bod yn hanfodol bwysig bod yr aelodau newydd yn derbyn hyfforddiant ar y Cod Ymddygiad.

·         Bod angen meddwl am fformat sy’n cyflwyno prif bwyntiau’r Cod Ymddygiad i aelodau newydd mewn ffordd hwylus a gafaelgar gan hefyd barchu difrifoldeb y testun.

·         Bod angen i’r aelodau newydd gael cyfarwyddyd ar y cychwyn ynglŷn â sut i weithredu dros yr wythnosau cyntaf fel cynghorydd heb dramgwyddo’r Cod Ymddygiad.

·         Na chredir bod galw heibio stondin yn y Ffair Wybodaeth ar y dyddiau anwytho yn ffordd ddigonol yn ei hun o gyflwyno’r Cod Ymddygiad i aelodau newydd ac y bydd angen cyflwyniad mwy manwl gan y Swyddog Monitro i ddilyn yn fuan wedyn.

PENDERFYNWYD nodi’r adroddiad.

Ystyried adroddiad llafar y Swyddog Monitro.

Cyflwynwyd – adroddiad llafar gan y Swyddog Monitro yn nodi:-

·         Bod y mater hwn wedi’i gynnwys ar raglen waith y Pwyllgor Safonau, ond bellach bod Unllais Cymru wedi cychwyn ar y gwaith o lunio trefn genedlaethol i gynghorau cymuned gyda’r Ombwdsmon, Cymdeithas Llywodraeth Leol Cymru a swyddogion monitro yn rhan o’r broses hefyd.

·         Bod y newyddion hwn i’w groesawu a gobeithid y byddai’r drefn newydd yn creu mecanwaith ymarferol a mwy grymus fydd yn galluogi i gynghorau cymuned ddatrys problemau yn haws.

Yn ystod y drafodaeth, nodwyd y dylid cysylltu ag Unllais Cymru maes o law i awgrymu bod unrhyw hyfforddiant ar y drefn newydd yn cael ei gynnal yn lleol.

          PENDERFYNWYD nodi’r adroddiad.

Ystyried adroddiad y Swyddog Monitro  (ynghlwm).

Cyflwynwyd, er gwybodaeth – adroddiad y Swyddog Monitro yn amgáu’r rhannau hynny o adroddiad blynyddol yr Ombwdsmon am y flwyddyn 2015/16 sy’n berthnasol i gwynion cod ymddygiad ac yn nodi’r hyn sydd gan yr Ombwdsmon i’w ddweud yn ei lythyr blynyddol ynglŷn â chwynion cod ymddygiad.

Nododd y Cadeirydd mai canran fechan o’r cwynion sy’n mynd ymhellach a’i bod yn ymddangos mai parch ac uniondeb yw’r materion sy’n codi fwyaf.

          PENDERFYNWYD nodi’r adroddiad.

Ystyried adroddiad y Swyddog Monitro  (ynghlwm).

Cyflwynwyd, er gwybodaeth – adroddiad y Swyddog Monitro ar gwynion ffurfiol yn erbyn aelodau.

Nododd yr Uwch Gyfreithiwr fod dwy gŵyn arall i law ers paratoi’r adroddiad ac y byddai’n adrodd arnynt i’r cyfarfod nesaf.

PENDERFYNWYD nodi’r adroddiad.