Rhaglen a chofnodion
Lleoliad: Ystafell Gwyrfai, Council Offices, Caernarfon, Gwynedd. LL55 1SH
Cyswllt: Eirian Roberts 01286 679018
Rhif | eitem |
---|---|
YMDDIHEURIADAU Derbyn unrhyw ymddiheuriadau am absenoldeb. Cofnod: Dim. |
|
DATGAN BUDDIANT PERSONOL Derbyn unrhyw ddatganiad o fuddiant
personol. Cofnod: Ni dderbyniwyd datganiad o fuddiant
gan unrhyw aelod oedd yn bresennol. |
|
MATERION BRYS Nodi unrhyw eitemau sy’n fater brys ym marn
y Cadeirydd fel y gellir eu hystyried. Cofnod: Dim. |
|
Bydd y Cadeirydd yn cynnig y dylid llofnodi cofnodion y cyfarfod
blaenorol o’r pwyllgor hwn a gynhaliwyd ar 18 Ebrill, 2016 fel rhai cywir (ynghlwm). Cofnod: Llofnododd y
Cadeirydd gofnodion y cyfarfod blaenorol o’r pwyllgor hwn a gynhaliwyd ar 18
Ebrill, 2016 fel rhai cywir. Diolchodd y
Cynghorydd Lesley Day i’w chyd-aelodau am eu dymuniadau da. Nododd y
Cynghorydd Michael Sol Owen y bu iddo, trwy amryfusedd, anghofio anfon
ymddiheuriad. |
|
ADRODDIAD BLYNYDDOL Y PWYLLGOR SAFONAU 2015/16 PDF 181 KB Ystyried adroddiad y Swyddog Monitro (ynghlwm). Dogfennau ychwanegol: Cofnod: Cyflwynwyd – adroddiad y Swyddog Monitro yn amgáu drafft o adroddiad
blynyddol y pwyllgor ar gyfer y cyfnod 1 Ebrill 2015 hyd at 31 Mawrth
2016. Gwahoddwyd sylwadau a
chymeradwyaeth y pwyllgor i’r ddogfen.
Nodwyd y byddai’r Cadeirydd a’r Swyddog Monitro yn ychwanegu rhagair i’r
adroddiad cyn ei gyhoeddi. Nododd yr Uwch Gyfreithiwr y bwriedid
cylchredeg yr adroddiad i glercod y cynghorau cymuned a thref yn dilyn y Cyngor
llawn yn Hydref. Gofynnwyd i’r aelodau wirio eu manylion
personol ac e-bostio’r Uwch Gyfreithiwr. Yn ystod y drafodaeth ar gynnwys yr
adroddiad:- ·
Awgrymwyd cyfeirio at anallu Linda Byrne i barhau fel
aelod annibynnol oherwydd gwaeledd. ·
Nododd y Cynghorydd Lesley Day nad oedd yn gadeirydd y
Pwyllgor Gwasanaethau Democrataidd yn 2015/16. Holwyd a fyddai’n bosib’ cyflwyno’r
adroddiad blynyddol i gyfarfod Gorffennaf o’r Cyngor o hyn allan, ond eglurodd
y Swyddog Monitro nad oedd y calendr yn ffafrio hynny. PENDERFYNWYD
cymeradwyo’r drafft o adroddiad blynyddol a’i gyflwyno i gyfarfod 6 Hydref o’r
Cyngor. |
|
MYNYCHU AC ARSYLLU CYFARFODYDD PDF 106 KB Adroddiad
y Swyddog Monitro (ynghlwm). Cofnod: Cyflwynwyd – adroddiad y Swyddog Monitro yn adolygu’r drefn o ymweld â chyfarfodydd Cyngor Gwynedd a Chynghorau
Cymuned y Sir a’r budd a gafwyd ac yn gofyn i’r pwyllgor ystyried fyddai gwerth
mewn adnabod rhaglen fwy strwythuredig o arsyllu cyfarfodydd. Yn ystod y drafodaeth:- ·
Awgrymwyd y byddai’n fuddiol i’r
Pwyllgor Safonau arsyllu’r gwaith o baratoi ar gyfer Etholiadau Llywodraeth
Leol 2017, ac yn benodol y sesiynau i godi ymwybyddiaeth darpar ymgeiswyr a’r
rhaglen anwytho ar gyfer aelodau etholedig yn dilyn yr etholiadau. Awgrymwyd hefyd y byddai’n syniad cynnwys
eitem ar waith y Pwyllgor Safonau yn y sesiynau codi ymwybyddiaeth fel bo
darpar ymgeiswyr yn gwybod sut i ymddwyn yn y gweithgareddau ymgyrchu. Nododd y Swyddog Monitro ei fod eisoes mewn
trafodaethau gyda’r Gwasanaethau Democrataidd ynglŷn â chodi ymwybyddiaeth o fewn y drefn anwytho ynglŷn â rôl y Pwyllgor Safonau. ·
Awgrymwyd ei bod yn synhwyrol i
gysylltu â chynghorau ymlaen llaw i’w hysbysu o fwriad aelod i ddod i
arsyllu cyfarfod, yn enwedig os yw’r aelod hwnnw angen gwasanaeth cyfieithydd. PENDERFYNWYD (a) Bod gwerth mewn adnabod rhaglen fwy
strwythuredig o arsyllu cyfarfodydd ac ymddiried yn y Swyddog Monitro a’r Uwch
Gyfreithiwr i gytuno rhaglen ddrafft o ymweliadau â chymaint o gynghorau â phosib’ dros y 12 mis nesaf. (b) Gofyn i’r Swyddog Monitro ddarparu
adroddiad byr i’r cyfarfod nesaf yn amlinellu’r gwaith o baratoi ar gyfer
Etholiadau Llywodraeth Leol 2017 a sut mae’r drefn Safonau yn gweu i mewn i
hynny. |
|
HONIADAU YN ERBYN AELODAU PDF 100 KB Ystyried adroddiad y Swyddog Monitro (ynghlwm). Cofnod: Cyflwynwyd, er gwybodaeth – adroddiad y Swyddog Monitro ar gwynion
ffurfiol yn erbyn aelodau. Ymhellach i gynnwys yr adroddiad ysgrifenedig, nododd yr Uwch
Gyfreithiwr fod yr Ombwdsmon bellach wedi hysbysu’r Cyngor ei fod yn ymchwilio
i Achos 201600999. PENDERFYNWYD nodi’r adroddiad. |