Rhaglen a chofnodion
Lleoliad: Canolfan Fenter Congl Meinciau, Botwnnog - Canolfan Fenter Congl Meinciau, Botwnnog. Gweld cyfarwyddiadau
Cyswllt: Bethan Adams 01286 679020
Rhif | eitem |
---|---|
CADEIRYDD I
ethol Cadeirydd am y flwyddyn 2019/20. Cofnod: Gofynnwyd am enwebiadau ar gyfer Cadeirydd am y
flwyddyn 2019-20. Nododd aelodau eu dymuniad i ohirio ethol Cadeirydd, tan y
cyfarfod nesaf, oherwydd nid oedd yr Is-Gadeirydd yn bresennol. PENDERFYNWYD ethol
Morgan Jones-Parry yn Gadeirydd am y cyfarfod yma. |
|
IS-GADEIRYDD I ethol Is-gadeirydd
am y flwyddyn 2019/20. Cofnod: PENDERFYNWYD gohirio’r eitem i’r cyfarfod nesaf. |
|
YMDDIHEURIADAU Derbyn
unrhyw ymddiheuriadau am absenoldeb. Cofnod: Y Cynghorwyr Gareth Williams a Angela Russell (Pencampwr Cefn Gwlad Cyngor Gwynedd) ynghyd â Eirian Allport (Cyngor Cymuned Clynnog Fawr), Alun Price (Cyfoeth Naturiol Cymru) a Gillian Walker (Cyfeillion Llŷn). |
|
DATGAN BUDDIANT PERSONOL Derbyn
unrhyw ddatganiad o fuddiant personol. Cofnod: Ni dderbyniwyd datganiad o fuddiant personol gan unrhyw aelod oedd yn bresennol. |
|
MATERION BRYS Ystyried
unrhyw fater arall sydd yn teilyngu sylw brys ym marn y Cadeirydd. Cofnod: Nid oedd unrhyw fater brys. |
|
Bydd y
Cadeirydd yn cynnig y dylid llofnodi cofnodion cyfarfod blaenorol o’r pwyllgor
hwn a gynhaliwyd ar 20 Tachwedd 2018, fel rhai cywir. Cofnod: Llofnododd y Cadeirydd gofnodion y cyfarfod diwethaf o’r Cyd-Bwyllgor
hwn a gynhaliwyd ar 20 Tachwedd 2018, fel rhai cywir. Holodd aelod yng nghyswllt penderfyniad y Cyd-Bwyllgor, yn y cyfarfod
diwethaf, i anfon llythyr i’r Prif Weithredwr i ofyn i’r Cyngor gael barn
gyfreithiol, gan fargyfreithiwr annibynnol a oedd yn arbenigwr yn y maes, ar
ddatblygiadau ym Mhlas Pistyll a Fferm Pistyll. Mewn ymateb, nododd y Swyddog
Cefnogi Aelodau y derbyniwyd ymateb gan Wasanaeth Cyfreithiol y Cyngor yn nodi
nad oedd dim wedi ei amlygu ei hun hyd yn hyn a fyddai’n creu’r angen am
gefnogaeth o’r fath. |
|
PROSIECT AWYR DYWYLL GOGLEDD CYMRU I dderbyn
cyflwyniad gan Dani Robertson. Cofnod: Eglurwyd fod yr 3
AHNE a’r Parc Cenedlaethol yn y gogledd yn cydweithio ar Brosiect Awyr Dywyll
ac fod swyddog prosiect wedi ei benodi i arwain ar y gwaith. Nododd Swyddog
AHNE Llŷn y derbyniodd neges gan Dani Robertson, a oedd i roi cyflwyniad
ar y prosiect, ei bod yn anffodus wedi ei dal mewn tagfeydd traffig o ganlyniad
i ddamwain ar Bont Britannia. |
|
RHAGLEN DDIGWYDDIADAU GWASANAETH AHNE LLŶN PDF 73 KB Cyflwyno
adroddiad Swyddog Prosiectau AHNE Llŷn. Cofnod: Cyflwynodd Swyddog Prosiectau AHNE Llŷn adroddiad ar raglen
digwyddiadau’r Gwasanaeth AHNE. Manylwyd ar y digwyddiadau canlynol gan annog
yr aelodau i rannu’r wybodaeth: ·
Hyfforddiant Sgiliau
Gwledig ·
Teithiau Cerdded ·
Arddangosfa Hanes Lleol ·
Cystadleuaeth
Ffotograffiaeth ·
Sesiwn Codi
Ymwybyddiaeth o Blanhigion Estron Ymledol ·
Diwrnod Awyr Dywyll Nododd aelod yng nghyswllt y Sesiwn Codi Ymwybyddiaeth o Blanhigion
Estron Ymledol, bod Jac y Neidiwr yn ymledu ar hyd cynefinoedd o ardal Pistyll
i Garn Boduan. Ymhelaethodd bod Gwasanaeth AHNE Cyngor Sir Ynys Môn wedi mynd
i’r afael â’r broblem yn Ynys Môn. Mewn ymateb, nododd y Swyddog AHNE Llŷn
y byddai’n cysylltu gyda’r Swyddog AHNE yng Nghyngor Sir Ynys Môn i gael
gwybodaeth. Mewn ymateb i ymholiad gan aelod, nododd y
Swyddog AHNE Llŷn bod Cyfoeth Naturiol Cymru yn cydnabod y broblem o ran
planhigion ymledol. Eglurodd bod y Gwasanaeth AHNE yn cydweithio gyda Chyfoeth
Naturiol Cymru i waredu Efwr Enfawr yn yr Afon Soch. Holodd aelod a fyddai’r chwynladdwr ‘Roundup’ yn cael ei ddefnyddio wrth
ymdrin â’r planhigion ymledol, gan nodi ei bryder o ran ei ddefnydd. Mewn
ymateb, nododd y Swyddog AHNE Llŷn bod materion yn cael eu trafod yn y
newyddion o ran effaith defnyddio’r chwynladdwr ar iechyd. Sicrhaodd mai
defnydd cyfyngedig byddai o’r chwynladdwr mewn ardal benodol gan gontractwyr
profiadol. PENDERFYNWYD derbyn y wybodaeth. |
|
PROSIECTAU YN AHNE LLŶN PDF 76 KB Cyflwyno
adroddiad Swyddog Prosiectau AHNE Llŷn. Cofnod: Cyflwynodd Swyddog Prosiectau AHNE Llŷn adroddiad ar waith y
Gwasanaeth AHNE. Rhoddwyd diweddariad ar y prosiectau canlynol: ·
Sbwriel Morol ·
Melinoedd Llŷn ·
Planhigion Estron
Ymledol ·
Gwella Mynediad ·
Gwella Amgylchedd ·
Llwybr y Morwyr Rhoddwyd cyfle i’r aelodau roi sylwadau a gofyn cwestiynau, nodwyd y prif bwyntiau canlynol gan aelodau: ·
Bod Sgwad Sbwriel Llanengan yn mynd o amgylch traethau yn yr ardal yn
casglu sbwriel. Roedd y gwaith yn gwneud gwahaniaeth gan ofalu am yr ardal; ·
Yn dilyn stormydd bod
micro blastigion yn dod i’r golwg ar draethau; ·
Ym mha leoliadau y
byddai’r gwaith gwaredu’r Efwr Enfawr yn yr Afon Soch yn cael ei gwblhau? ·
O ran gwaith adfer wal
gerrig gyda’r lôn o bentref Llithfaen at dai Cae’r Nant, a fyddai modd gwneud
gwelliannau i’r ffordd? ·
Ei fod yn anodd cael
mynediad i fyny i Gyrn Goch; ·
Bod rhywun yn gofalu am y grisiau igam-ogam o Chwarel Tyddyn Hywel. A
ellir hyrwyddo’r grisiau? ·
Bod Llwybr y Morwyr
rhwng Nefyn a Llanbedrog / Abersoch yn arbennig o dda. Roedd angen am fwy o
arwyddion gyda rhai rhannau angen sylw, gan gynnwys: Ø y llwybr o Madryn at yr hen dymp, gyda rhedyn yn tyfu’n afreolus; Ø o bopty’r llwybr pren rhwng Gors Geirch a Tyncoed, roedd y Cyngor wedi
cwblhau gwaith ar y llwybr ond yr oedd angen ei ail-wneud oherwydd bod gwartheg
wedi ei falurio; Ø y llwybr o Bryncynan; Ø y llwybrau pren ar Y Fach yn Abersoch. ·
Byddai gweddill yr arian ar gyfer prosiect Llwybr y Morwyr yn cael ei
wario ar wyro’r llwybr ger Plas Glyn y Weddw. Roedd arian dros ben oherwydd nid
oedd yn bosib cwblhau gwaith tarmac ar y clogwyni i Westy’r Cliffs oherwydd ei
fod mewn ardal Safle o Ddiddordeb Gwyddonol Arbennig (SoDdGA); ·
Bod Llwybr y Morwyr yn
ardderchog a’i fod yn bwysig o ran cysylltu llwybrau; ·
Bod angen rhoi sylw i’r
llwybr wrth ymyl Foel Fawr, roedd Llamwyr Llŷn yn rhedeg y llwybr yma yn
aml; ·
Beth oedd y diweddaraf o ran y llwybr bwriedig o Bwllheli i Garnguwch? ·
Bod tirfeddiannwr un cae
o’r lôn yn Madryn yn fodlon i greu llwybr cyhoeddus pe byddai’r Cyngor yn rhoi
ffens o amgylch y cae. A fyddai’n bosib bwrw ymlaen gyda’r trafodaethau gyda’r
tirfeddiannwr? Mewn ymateb i’r sylwadau uchod, nododd y swyddogion: ·
Bod Sgwad Sbwriel Llanengan yn gwneud gwaith clodwiw a’u bod wedi derbyn
cyfraniad ariannol o’r Gronfa Datblygu Cynaliadwy ar gyfer prynu offer; ·
Roedd trefniant rhwng Sgwad Sbwriel Llanengan a’r Gwasanaeth Morwrol o
ran casglu’r bagiau sbwriel yn dilyn ymgyrchoedd glanhau. Croesawir ymgyrchoedd
o’r fath ond fe anogir eraill i sicrhau bod trefniant o’r fath yn ei le; ·
Gwneir gwaith gwaredu’r Efwr Enfawr yn Saithbont a Llandegwning.
Byddai’r gwaith yn parhau yn y flwyddyn bresennol ynghyd â’r flwyddyn nesaf; ·
Gobeithir y gellir creu
man pasio wrth gwblhau gwaith adfer wal gerrig gyda’r lôn o bentref Llithfaen
at dai Cae’r Nant. Roedd Ymgynghoriaeth Gwynedd yn gyfrifol am y prosiect a
gobeithir gwneud y gwaith yn ystod mis Medi a mis Hydref; · Bod Swyddog ... gweld y cofnod llawn ar gyfer eitem 9. |
|
DIWEDDARIAD AR Y GRONFA DATBLYGU CYNALIADWY PDF 69 KB Cyflwyno
adroddiad Swyddog Prosiectau AHNE Llŷn. Cofnod: Cyflwynwyd adroddiad Swyddog Prosiectau AHNE
Llŷn a oedd yn manylu ar sefyllfa’r Gronfa Datblygu Cynaliadwy. Nodwyd mai
£55,000 oedd swm y Gronfa ar ddechrau blwyddyn ariannol 2018/19 ac fe lwyddwyd
i ddyrannu’r cyfan. Nodwyd mai £55,000 oedd swm y Gronfa ar
ddechrau’r flwyddyn ariannol bresennol gyda’r cyfan eisoes wedi ei glustnodi.
Tynnwyd sylw at grynodeb o’r prosiectau a dderbyniodd gyfraniad gan y Gronfa. Adroddwyd ni dderbyniwyd cadarnhad am barhad y
Gronfa tu hwnt i 2019/20. Nodwyd bod Thom Hadfield a Geraint Evans o
Lywodraeth Cymru wedi ymweld â’r Gwasanaeth AHNE yn ystod mis Mai ac aethpwyd
ar ymweliad i Hafod Ceiri, Amgueddfa Forwrol Llŷn, O Ddrws i Ddrws, Tafarn
yr Heliwr a Phlas Carmel. Pwysleisiwyd bod yr ymweliad yn ddigwyddiad pwysig
i’r Gwasanaeth AHNE gan roi cyfle i gyfleu neges gref fod y Gronfa wir yn
gwneud gwahaniaeth i gymunedau Llŷn. Nododd aelod ei longyfarchiadau am yr ymweliad
llwyddiannus gydag amryw o brosiectau llwyddiannus i’w dangos. Holodd aelod a fyddai’n bosib derbyn bathodyn
i’w arddangos er mwyn cydnabod cyfraniad y Gronfa tuag at brosiectau yn Nefyn.
Mewn ymateb, nododd y Swyddog Prosiectau AHNE Llŷn ei bod wedi cynnal
gwaith ymchwil o ran y dull gorau ar gyfer arddangos cyfraniad y Gronfa a’i fod
yn debygol mai sticeri a gynhyrchir. Nododd y byddai’n anfon rhai at yr aelod. PENDERFYNWYD derbyn y
wybodaeth. |
|
MATERION CENEDLAETHOL PDF 76 KB Cyflwyno adroddiad Swyddog AHNE Llŷn. Cofnod: Cyflwynodd Swyddog AHNE Llŷn yr
adroddiad, a oedd yn cynnwys gwybodaeth bellach am y sefyllfa genedlaethol mewn
perthynas â’r Ardaloedd o Harddwch Naturiol Eithriadol yng Nghymru. Nododd ymhellach i’r diweddariad a roddwyd yn
y cyfarfod diwethaf ar 20 Tachwedd 2018, yn niwedd 2018 bu newid mawr o ran y
swyddogion yn Llywodraeth Cymru a oedd yn gweithio ar faterion y Parciau a’r
AHNE (Adran Tir, Natur a Choedwigaeth). Ymhelaethodd bod tîm newydd o
swyddogion yn eu lle ac fe gynhaliwyd cyfarfod ym mis Mai 2019 er cyflwyno pawb
a chael trafodaeth ar y cynigion oedd wedi eu cyflwyno gan y Partneriaethau
AHNE, Cyfoeth Naturiol Cymru a’r Gymdeithas Genedlaethol. Nododd bod y cyfarfod
yn gyfarfod cychwynnol ond yn adeiladol. Eglurodd, fel cam cychwynnol, bod Llywodraeth
Cymru wedi paratoi a chylchredeg papur gyda chynigion ar gyfer sefydlu
Partneriaeth Tirlun Cenedlaethol Cymru. Ymhelaethodd y byddai’r sefydliad yma
yn anelu i wella cydweithio, rhannu gwybodaeth ac arfer da a chreu cysylltiadau
rhwng y tirluniau a sectorau eraill. Amlygodd bod y Gymdeithas dros AHNE (a oedd
yn gweithredu dros Gymru, Lloegr a Gogledd Iwerddon) wedi penodi Rheolwr
Datblygu Cymru. Nododd mai pwrpas y swydd fyddai cynorthwyo Partneriaethau AHNE
i weithredu blaenoriaethau Cydnerth a Gwerthfawr Llywodraeth Cymru. Nododd bod
Ian Rappel, oedd yn arfer gweithio i Ymddiriedolaeth
Bywyd Gwyllt Gwent, wedi ei benodi i’r swydd hon (am gyfnod o 2 flynedd). Nododd aelod pe byddai'r un statws yn cael ei
roi i’r AHNE a’r hyn a oedd gan y Parciau Cenedlaethol, fe fyddai’n rhaid
sicrhau bod adnoddau ariannol i wireddu. Mewn ymateb i ymholiad gan aelod, nododd y
Swyddog AHNE Llŷn bod Cynllun Rheoli’r AHNE wedi ei fabwysiadu ac fe
fyddai’n gwirio’r fersiwn a oedd ar y wefan. Mewn ymateb i gwestiwn pellach,
nododd y gellir rhoi copi papur o’r ddogfen yn y Llyfrgelloedd yn Nefyn a Phwllheli, ynghyd â Siop Gwynedd yn Swyddfeydd y Cyngor ym Mhwllheli. PENDERFYNWYD derbyn y
wybodaeth. |