Rhaglen a chofnodion
Lleoliad: Siambr Hywel Dda, Council Offices, Caernarfon, Gwynedd. LL55 1SH
Cyswllt: Lowri Haf Evans 01286 679878
Media
Rhif | eitem |
---|---|
YMDDIHEURIADAU I dderbyn unrhyw
ymddiheuriadau am absenoldeb Dogfennau ychwanegol: Cofnod: Derbyniwyd ymddiheuriadau gan y
Cynghorwyr
Peter Garlick, Keith Jones, Linda Morgan a Gethin Glyn Williams |
|
DATGAN BUDDIANT PERSONOL I dderbyn unrhyw
ddatganiad o fuddiant personol Dogfennau ychwanegol: Cofnod: Datganodd
yr aelod canlynol fuddiant personol, yn yr eitemau canlynol am y rhesymau a
nodir: ·
Y
Cynghorwyr Owain Williams a Berwyn Parry Jones yn eitemau 6 a 7 ar y rhaglen oherwydd eu bod yn Aelodau o’r
Pwyllgor Polisi Cynllunio ar y Cyd Roedd yr Aelodau
o’r farn ei fod yn fuddiant a oedd yn rhagfarnu a gadawsant y Siambr yn ystod y
drafodaeth. |
|
MATERION BRYS Nodi unrhyw eitemau
sy’n fater brys ym marn y cadeirydd fel y gellir eu hystyried. Dogfennau ychwanegol: Cofnod: Dim i’w nodi |
|
Bydd y Cadeirydd yn
cynnig y dylid llofnodi cofnodion cyfarfod o’r pwyllgor hwn a gynhaliwyd
07.02.2019 fel rhai cywir Dogfennau ychwanegol: Cofnod: Derbyniwyd cofnodion y cyfarfod diwethaf a gynhaliwyd ar 7.02.2018 fel
cofnod cywir o’r cyfarfod yn ddarostyngedig i nodi bod y Cynghorydd Stephen
Churchman yn bresennol. |
|
BWRDD GWASANAETHAU CYHOEDDUS PDF 85 KB Aelod Cabinet: Cynghorydd Dyfrig Siencyn Darparu adroddiad ar gynnydd gwaith y Bwrdd
Gwasanaethau Cyhoeddus Gwynedd ac Ynys Môn Dogfennau ychwanegol: Cofnod: Cyflwynwyd adroddiad gan yr Aelod Cabinet yn
adrodd ar gynnydd gwaith Bwrdd Gwasanaethau Gwynedd ac Ynys Môn. Atgoffwyd yr
aelodau bod y Bwrdd wedi cytuno ar feysydd blaenoriaeth fyddai’n gwella
llesiant economaidd, amgylchedd a diwylliannol y ddwy sir. Rhoddwyd diweddariad
byr ar y datblygiadau o fewn y chwe maes blaenoriaeth. Adroddwyd bod y Bwrdd Gwasanaethau Cyhoeddus yn
destun craffu gan Bwyllgor Craffu / Sgriwtini dynodedig awdurdodau lleol Gwynedd ac Ynys Môn.
Wrth sefydlu’r Bwrdd, cytunwyd y byddai panel craffu ar y cyd rhwng y ddwy sir
yn cael ei ddatblygu i wneud y gwaith craffu. Nodwyd y byddai swyddogion craffu Cyngor
Gwynedd a Chyngor Sir Ynys Môn yn
rhoi sylw i’r camau gweithredu
allweddol mewn perthynas â sefydlu panel ar y cyd yn
ystod y misoedd nesaf. Yn ystod y drafodaeth ddilynol, amlygwyd y
pwyntiau canlynol gan Aelodau unigol: ·
Er cytuno gyda’r ddelfryd, posib creu diwydiant o
eiriau / siop siarad ·
Bod angen dwyn perswâd ar gwmnïoedd mawr i ddatblygu
gwybodaeth ddwyieithog ·
Cynllun Iaith a Thaith plentyn – derbyn pwrpas y
cynllun, ond ar y llaw arall Canolfannau Iaith yn cael eu hadolygu ·
Cartrefi ar gyfer Pobl Leol – rhaid adnabod safleoedd
yn y llefydd cywir a bod y cartrefi yn ymateb i’r angen ·
Amcan Iechyd a Gofal - angen datblygu
cydweithio effeithiol rhwng y Bwrdd Iechyd
a’r Gwasanaethau Cymdeithasol. Angen sicrhau bod y gwasanaeth yn gallu cynnig
a chyflawni'r hyn sy’n cael ei
geisio ·
Awgrym i wahodd arweinyddion yr Is-grwpiau i wneud
cyflwyniadau unigol ar gynnydd y prosiectau. Mewn ymateb i’r sylw o’r pryder y gall
cyfarfodydd y Bwrdd fod yn ‘siop siarad’, nododd yr Aelod Cabinet ei fod yn
awyddus i weld y prosiectau sy’n atebol i’r Bwrdd, yn cael effaith ar
ddinasyddion Gwynedd a Môn. Er cytuno mai delfryd yw’r ddeddfwriaeth, mynegodd
bod ymdrech benodol i weithio mewn dulliau arloesol drwy gydweithio i wella’r
gwasanaeth. Mewn ymateb i gwestiwn
ynglŷn â’r panel craffu ar y cyd,
nododd yr aelod Cabinet y tebygolrwydd y byddai cynrychiolaeth debyg o’r ddwy
Sir yn aelodau
ar y panel. Ategodd bod Rheolwyr Craffu yn cyfarfod i
drafod y datblygiad. Gwnaed sylw pellach
bod sefydlu panel yn gallu arwain at greu siop siarad
arall a bod angen osgoi hyn. Mewn ymateb i sylw
ynglŷn â’r elfen economaidd, nododd nad
oedd y maes penodol yma wedi
ei adnabod fel un o feysydd gwaith y Bwrdd gan mai’r Bwrdd
Uchelgais Gogledd Cymru fydd yn
gwneud hyn ar draws y Gogledd. Wedi dweud hynny,
derbyniwyd y sylw bod gan yr economi
effaith uniongyrchol ar dlodi sef
un o feysydd gwaith y Bwrdd. Mewn ymateb i gwestiwn ynglŷn â sut mae cyllido’r prosiectau, nodwyd mai gwaith yr is-grwpiau, wrth adnabod eu prosiectau, yw cyflwyno ac adnabod ffynonellau ariannol ar eu cyfer yn eu cynllun busnes. Os gall prosiectau gael eu cyflawni yn well drwy gydweithio a chreu partneriaethau, debyg byddai arbedion posib. Mewn ymateb i awgrym i herio ... gweld y cofnod llawn ar gyfer eitem 5. |
|
GOR-DDATBLYGIAD MEYSYDD CARAFANAU PDF 487 KB Aelod Cabinet: Cynghorydd Dafydd Meurig I ystyried adroddiad Pennaeth yr Amgylchedd Dogfennau ychwanegol:
Cofnod: Cyflwynwyd adroddiad gan Uwch Reolwr Cynllunio a
Gwarchod y Cyhoedd yn rhoi cyfle i’r Pwyllgor graffu’r Canllaw Cynllunio
Atodol: Cyfleusterau ac Atyniadau i Dwristiaid (drafft terfynol), yn dilyn yr
ymgynghoriadau cyhoeddus, gan gynnig adborth cyn iddo gael ei ystyried gan y
Pwyllgor Polisi Cynllunio ar y Cyd. Yn ystod y drafodaeth ddilynol, amlygwyd y
pwyntiau canlynol gan Aelodau unigol: ·
Nad oedd y canllaw yn amlygu yn glir yr effaith
gronnol ·
Nad oedd gwrthwynebiad i’r safleoedd, ond angen
ceisio gwarchod yr Ardal o Harddwch Naturiol Eithriadol (AHNE) ·
Bod angen rheoli’r defnydd o leiniau caled – a oes
adnoddau i reoli hyn? ·
TWR 2 - pryderon bod modd dymchwel adeiladau
ac adeiladu uned gwyliau ac nid tŷ / tai i bobl leol ·
Airbnb - problem eithafol
yn ein cymunedau
wrth i bobl
droi eu tai yn lletyau gwyliau ·
Oes modd cyfyngu ar y nifer drwy roi cwota yn ei
le? Nododd yr Aelod Cabinet y byddai’r sylwadau yn cael
eu bwydo i mewn i drafodaeth y Pwyllgor Polisi Cynllunio ar y Cyd. Amlygodd Uwch Reolwr Cynllunio
a Gwarchod y Cyhoedd mai canllaw drafft
oedd wedi ei gyflwyno yn
ceisio rhoi arweiniad clir a chyson o ran gweithrediad polisïau. Mewn ymateb i’r sylwadau,
nododd o ran yr effaith gronnol, bod y mater wedi ei drafod
yn y canllaw, ond roedd yn
derbyn ac yn nodi'r angen i’w
amlygu yn gliriach ynghyd a’r sylw am TWR2. Yng nghyd-destun gorfodaeth,
amlygodd bod gorfodaeth yn faes heriol
ar draws y gwasanaeth a gwnaed cais i’r
Cynghorwyr adrodd ar unrhyw achlysur
o dor cyfraith. Ategodd bod amodau clir ar ddefnydd
safleoedd a defnydd llety y dylid cydymffurfio
a hwy. Mynegodd y Cadeirydd bod y sylwadau eisoes wedi
ei cyfleu mewn cyfarfodydd blaenorol ac er ‘yn nodi’, nid ydynt wedi eu cynnwys
yn y canllaw. Awgrymodd bod gwrthdaro rhwng swyddogion a chynghorwyr ac nad
oedd y sylwadau yn cael eu derbyn / cynnwys. Mewn ymateb i gwestiwn
ynglŷn â’r diffyg ymateb i’r
ymgynghoriad, nodwyd bod ymgynghori sylweddol wedi ei wneud
a derbyniwyd bod yr ymateb wedi bod yn siomedig, Cadarnhawyd
bod yr uned wedi mynd tu
hwnt i’w gallu i godi
ymwybyddiaeth a cheisio ymatebion a bod Gwasanaeth Cymru Wledig a’r
AHNE wedi cael ei cynnwys ar
y rhestr ymgynghori. Mewn ymateb i’r sylw am roi cwota yn ei le,
nododd yr Uwch Reolwr Cynllunio, er yn derbyn y sylw, bod angen rhoi ystyriaeth
i fanteision twristiaeth. Nododd hefyd bod y swyddogion yn derbyn sylwadau
Cynghorwyr, yn ymateb yn adeiladol iddynt a sicrhawyd y byddai’r sylwadau yn
mynd gerbron y Pwyllgor Polisi. Ategodd Pennaeth yr Amgylchedd nad oedd eisiau
i’r canfyddiad o ‘beidio gwrando’ gael ei ddiystyru a bod y sylw o wrthdrawiad
yn codi pryder. Nododd bod angen ceisio datrysiad. PENDERFYNWYD derbyn
yr adroddiad gyda chais i’r
canllaw terfynol gael ei gylchredeg yn y cylch nesaf. |
|
CCA CYNNAL A CHREU CYMUNEDAU NODEDIG A CHYNALIADWY PDF 587 KB Aelod Cabinet: Cynghorydd Dafydd Meurig I ystyried adroddiad Pennaeth yr Amgylchedd Dogfennau ychwanegol:
Cofnod: Cyflwynwyd adroddiad gan yr Uwch Reolwr Cynllunio
yn codi ymwybyddiaeth o ddatblygiad y
canllaw uchod cyn i’r Pwyllgor Polisi Cynllunio ar y Cyd benderfynu ar ei
addasrwydd i’w fabwysiadu 23.5.19. Gwnaed cais i’r Pwyllgor Craffu gyflwyno
sylwadau ar y canllaw i’r Pwyllgor Polisi. Atgoffwyd yr aelodau bod y gweithgor craffu, sydd yn ymchwilio
i’r broses ymgynghori ar y Canllaw Cynllunio
Atodol (CCA) drafft ar ran y Pwyllgor Craffu,
wedi cyflwyno sylwadau ac argymhellion i’r Pwyllgor, sydd, yn ei dro, wedi eu
cyflwyno i’r Pwyllgor Polisi eu hystyried cyn cyhoeddi’r Canllaw ar gyfer
ymgynghoriad cyhoeddus. Amlygodd Cadeirydd y Gweithgor Craffu ei ddymuniad
i wrthod yr adroddiad gan
fod awgrymiadau'r gweithgor wedi eu diystyru. Nododd
hefyd, yn dilyn cyhoeddiad Polisi Cynllunio Rhifyn 10 bod angen ystyried y newidiadau fyddai’n cael effaith
ar y CCA. Awgrymodd y dylid parhau i
ddefnyddio'r CCA presennol hyd 2020 a phenodi arbenigwyr i geisio
tystiolaethu ar effaith y canllaw gan lunio addasiadau
erbyn Awst 2020. Mynegodd bod trafodaethau wedi bod yn anodd
ac wedi eu hatal, ac nad
oedd y gweithgor wedi cael gwrandawiad
teg. Ategodd y Cynghorydd Aled Evans (aelod o’r gweithgor
craffu) bod angen i’r canllaw fod yn
gryf a gwerthfawr ac roedd yn cwestiynu ei werth yn y ffurf bresennol. Mewn ymateb i’r sylwadau, nododd y Swyddog Monitro,
bod yr adroddiad yn cynnwys sylwadau yn dilyn ymgynghoriad cyhoeddus gyda chais
i’r Pwyllgor am sylwadau pellach. Byddai gwrthod yr adroddiad yn golygu ail
gyfleu sylwadau blaenorol fyddai yn amhriodol. Nododd fod yr hyn oedd yn cael
ei ofyn yn anodd i’w gyflawni gan y byddai’n golygu newid y polisi.
Pwysleisiodd nad oes modd
i’r Canllaw newid y polisi, ac mai pwrpas y Canllaw
yw cynnig mwy o eglurhad ac arweiniad parthed sut i weithredu’r
polisi. Amlygodd bod y trothwyon o ran pryd mae’n ofynnol gofyn
am asesiad/datganiad ieithyddol wedi ei gosod allan yng ngeiriad y polisi Mewn ymateb i’r sylwadau
nododd Uwch Reolwr Cynllunio a Gwarchod y Cyhoedd bod y gweithgor yn gwrthwynebu’r
polisi ac mai ymdrech yw’r canllaw
ar sut i
gynnal a dehongli’r polisi. Ategodd mai annheg oedd
y cyhuddiad o ‘atal trafodaeth’ a pheidio gwrando. Nododd bod y broses o gydweithio gyda’r Pwyllgor Craffu, y Gweithgor Craffu a Phwyllgor Sgriwtini Môn, er yn
un hir, wedi bod yn un agored ac nad oedd sylwadau'r
Gweithgor a’r Pwyllgor Craffu wedi eu diystyru.
Amlygodd nad
oedd tystiolaeth wedi ei dderbyn
i dystiolaethu nad oedd y polisi
yn gweithio a’i fod yn
cael ei fonitro
yn flynyddol. Mynegodd fod cyfraniad
y gweithgor wedi bod yn werthfawr a bod rhai newidiadau wedi eu gwneud
yn dilyn y sylwadau a dderbyniwyd e.e., arbenigwyr allanol cynllunio ac iaith wedi eu
penodi i werthuso gwerth y canllaw. Ategodd bod cyfle am sylwadau pellach cyn i’r Pwyllgor Polisi
ei drafod ymhellach 23.05.19. Cwestiynodd y Cynghorydd Aled Evans yr angen am ganllaw os nad oes angen asesiad iaith ar safleoedd sydd ... gweld y cofnod llawn ar gyfer eitem 7. |
|
MATERION CYNLLUNIO A'R DREFN DIRPRWYO PDF 560 KB Aelod Cabinet:
Cynghorydd Dafydd Meurig I ystyried adroddiad Pennaeth yr Adran
Amgylchedd a Pennaeth y Gwasanaeth Cyfreithiol Dogfennau ychwanegol:
Cofnod: Cyflwynwyd adroddiad oedd
wedi ei baratoi ar y cyd gan Bennaeth yr Adran Amgylchedd a Phennaeth yr Adran
Gyfreithiol yn cyfarch penderfyniad a
wnaed yn y cyfarfod blaenorol (7.2.19) · bod cyfarfod anffurfiol yn cael ei gynnal rhwng y
Cadeirydd Y Cynghorydd Seimon Glyn, Cynghorydd Aled Wyn Jones, Cynghorydd
Gruffydd Williams, Cynghorydd Dafydd Meurig (Aelod Cabinet Amgylchedd) a’r
Swyddogion perthnasol er mwyn cytuno ar y materion sydd angen eu cyfarch yn yr
adroddiad fydd yn cael ei gyflwyno i gyfarfod Ebrill y 4ydd 2019. Amlygwyd bod yr adroddiad yn cyfarch y materion a
drafodwyd yn y cyfarfod anffurfiol a gynhaliwyd 20.02.19 ynghyd ag egluro
gofynion gyda chais cynllunio i newid amod a gweithrediad y Cynllun Dirprwyo. Mewn ymateb i’r adroddiad amlygodd y Cynghorydd
Gruffydd Williams fod ganddo bryderon parhaus am ‘judgement call’ y swyddogion yng nghyd-destun cais
cynllunio Plas Pistyll ac amlygodd siom o effaith y penderfyniadau hyn ar y
cais cynllunio. Holodd am y broses a
ddefnyddiwyd gan Swyddogion wrth wneud y penderfyniad. Mewn ymateb i’r sylw nododd y Cadeirydd bod y
pryderon eisoes wedi eu nodi yn y cyfarfod blaenorol Gwnaed awgrym gan y Cadeirydd, fel ychwanegiad i
bwynt 7 yn y Cynllun Dirprwyo, bod ‘ceisiadau cynllunio y mae’r Pennaeth Amgylchedd
yn ystyried y dylid eu cyfeirio at Bwyllgor,’ hefyd i gynnwys Cadeirydd y
Pwyllgor Cynllunio. Buasai hyn yn grymuso rôl y Cadeirydd. Awgrymwyd y byddai
modd i’r Cadeirydd gyfleu pryderon aelodau lleol. Mewn ymateb i’r awgrym
amlygwyd bod gan bob Cynghorydd yr hawl
i gyfeirio cais i Bwyllgor
os bydd datblygiad
arfaethedig yn ei ward. Ystyriwyd y byddai’r awgrym yn rhoi pwysau
ychwanegol diangen ar y Cadeirydd o ystyried nifer y ceisiadau. Nododd y Swyddog Monitro bod adolygiad o’r Cynllun
Dirprwyo ar y gweill ac nad
oedd problem ystyried yr awgrym. Mewn ymateb i gwestiwn
ynglŷn â threfniadau /
canllawiau galw ceisiadau i Bwyllgor
nodwyd bod trefniadau / canllawiau gwahanol gan Parc Cenedlaethol
Eryri a Chyngor Gwynedd, Cynigiwyd ac eiliwyd i
dderbyn yr adroddiad PENDERFYNWYD derbyn yr adroddiad |
|
Y GWASANAETH SYDD YN CAEL EI DDARPARU GAN YR UNED SAFONAU MASNACH (GWARCHOD Y CYHOEDD) PDF 113 KB Aelod Cabinet: Cynghorydd Dafydd Meurig I godi ymwybyddiaeth am ddyletswyddau a chyfrifoldebau’r Uned Safonau
Masnach, allbynnau’r gwaith a’r heriau Dogfennau ychwanegol:
Cofnod: Yn dilyn penderfyniad y Pwyllgor (cyfarfod Hydref 2018), cyflwynwyd adroddiad pellach gan Bennaeth yr
Adran Amgylchedd yn crynhoi prif
faterion a meysydd gwaith yr Uned
Safonau Masnach ynghyd a manylion pellach yn ymwneud
a pherfformiad yr Uned. Er yn canmol yr
adroddiad roedd y Pwyllgor o’r farn
mai ‘mater er gwybodaeth’ oedd yr eitem ac y dylid
ystyried, i’r dyfodol bod materion er gwybodaeth yn
cael eu gwarantu
fel eitemau ar gyfer y Fforymau
Ardal. Nododd
y Pennaeth Gwasanaeth, er yn derbyn
y sylw, bod angen codi ymwybyddiaeth er mwyn rhoi
cyfle i’r Aelodau graffu rhai swyddogaethau
o’r gwasanaeth. Mewn ymateb i gwestiwn
ynglŷn â’r bwriad i gydweithio
gyda chynghorau eraill ar draws y Gogledd mynegodd Rheolwr Gwarchod Y Cyhoedd (Masnach) bod cynllun rhanbarthol eisoes mewn bodolaeth
ar gyfer rhannu arbenigedd. Ategwyd bod dadansoddwr yn edrych ar
y problemau ac yna yn blaenoriaethu yn unol â’r
angen. Cynigiwyd ac eiliwyd derbyn yr adroddiad gydag
awgrym i’r mater gael ei drafod ymhellach yn y Fforymau Ardal PENDERFYNWYD
derbyn yr adroddiad ac i’r mater gael ei drafod ymhellach yn y Fforymau Ardal. |