Rhaglen a chofnodion
Lleoliad: Siambr Hywel Dda - Swyddfeydd y Cyngor, Caernarfon. Gweld cyfarwyddiadau
Cyswllt: Lowri Haf Evans 01286 679878
Media
Rhif | eitem |
---|---|
YMDDIHEURIADAU Derbyn unrhyw
ymddiheuriadau am absenoldeb Dogfennau ychwanegol: Cofnod: Derbyniwyd ymddiheuriadau gan y
Cynghorwyr Elwyn Edwards, Berwyn Parry
Jones, Linda Morgan, Gethin Glyn Williams a’r Cynghorydd Dafydd Meurig - Aelod
Cabinet Amgylchedd |
|
DATGAN BUDDIANT PERSONOL Derbyn unrhyw
ddatganiad o fuddiant personol Dogfennau ychwanegol: Cofnod: Dim i’w nodi |
|
MATERION BRYS Nodi unrhyw eitemau sy’n fater
brys ym marn
y cadeirydd fel y gellir eu hystyried. Dogfennau ychwanegol: Cofnod: Dim i’w nodi |
|
Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 21.6.17 fel rhai cywir Dogfennau ychwanegol: Cofnod: Derbyniwyd cofnodion y
cyfarfod diwethaf a gynhaliwyd ar 21.6 2017 fel cofnod cywir o’r cyfarfod. |
|
DIWEDDARIAD AR Y BARTNERIAETH DIOGELWCH CYMUNEDOL PDF 398 KB Aelod Cabinet: Cynghorydd Mair Rowlands Ystyried adroddiad ar ddatblygiad strategol y bartneriaeth gan Reolwr Cyflawni
Partneriaeth Diogelwch Cymunedol Gwynedd ac Ynys Môn Dogfennau ychwanegol:
Cofnod: a)
Cyflwynwyd adroddiad gan yr Aelod
Cabinet yn diweddaru’r Pwyllgor ar faes gwaith y Bartneriaeth. Eglurwyd bod gofyn i’r Bartneriaeth adrodd yn ffurfiol i’r Pwyllgor yn flynyddol i
gyflwyno trosolwg o brif ddatblygiadau strategol y Bartneriaeth dros y flwyddyn
ynghyd a’r gwaith comisiynu sydd yn gosod fframwaith i’r blaenoriaethau.
Ategwyd bod hyn yn sicrhau bod y Bartneriaeth yn cyflawni ei hymrwymiadau yn
unol ag adrannau Deddf Cyfiawnder Troseddol a’r Heddlu 2006, drwy gydweithio
gyda’r Heddlu, y Gwasanaeth Iechyd, y Gwasanaeth Prawf a’r Gwasanaeth Tân ac
Achub. Tynnwyd sylw at y
prif negeseuon oedd yn deillio o weithgarwch 2016/2017 ynghyd a phrif
lwyddiannau’r flwyddyn. Rhoddwyd sylw penodol i e-gylchlythyr Gogledd Cymru
gafodd ei ddatblygu gan Tîm Diogelwch Cymunedol Gwynedd a Môn ym maes
Camddefnyddio Sylweddau. Derbyniodd y Tîm ganmoliaeth gan Llywodraeth Cymru a
chafodd y cylchlythyr ei ddatblygu ymhellach i fod yn wefan rhyngweithiol
gyda’r Tîm bellach yn arwain yn rhanbarthol arno. Amlygwyd y prif gerrig milltir ar gyfer 2017 – 2018 a gofynnwyd i’r
Pwyllgor Craffu gefnogi’r blaenoriaethau oedd wedi eu rhestru yn yr adroddiad
ynghyd â chyfeiriad y gwaith i’r dyfodol. Ategwyd y byddai unrhyw gynlluniau /
brosiectau oedd yn ymddangos yn felyn
oherwydd nad oeddynt wedi eu cwblhau, yn cael eu trosglwyddo i’r cynllun ar
gyfer 2017 – 2018 neu yn cael eu cynnwys mewn prosiectau rhanbarthol. b)
Mewn ymateb i gwestiwn ynglŷn â sut roedd y
Bartneriaeth yn cydymffurfio gyda’r cynllun nodwyd bod sefydlu’r Bwrdd
Cymunedau Diogel wedi sicrhau bod asesiad strategol yn cael ei ddatblygu drwy
ddefnydd data cyfredol a bod y gwasanaeth yn ymateb yn lleol. Mewn ymateb i gwestiwn ynglŷn â ‘call block’
nodwyd bod modd cael offer gan Uned Safonau Masnach y Cyngor ac mewn ymateb i cybercrime
nodwyd nad oedd prosiect wedi ei adnabod o fewn y Bartneriaeth ond bod yr
Heddlu a’r Uned Safonau Masnach yn cydweithio ar y mater. Mewn ymateb i gwestiwn ynglŷn â gwersi sydd yn cael
eu dysgu mewn sefyllfa o Laddiad
Domestig, nodwyd bod dyletswydd statudol ar y Bartneriaeth i gynnal adolygiad i
bob lladdiad domestig. Amlygwyd bod adroddiad o’r gwersi sydd i’w dysgu ynghyd
ag argymhellion a chynllun gwaith yn cael eu cyflwyno i’r Swyddfa Gartref. Unwaith
mae’r Swyddfa Gartref yn derbyn yr adroddiad, bydd yn cael ei rannu gyda
Phartneriaethau eraill. Mewn ymateb i gwestiwn ynglŷn â throseddau tymhorol,
nodwyd bod yr Heddlu yn ymwybodol o’r sefyllfa ac yn cynllunio ar gyfer y
tymhorau prysuraf. Amlygwyd bod yr Heddlu yn defnyddio fformiwla arbennig i
ganfod lle sydd angen blaenoriaeth. Ategwyd nad oedd mwy o adnoddau ar gael ac
felly angen gwneud y gorau o bob sefyllfa. PENDERFYNWYD ·
derbyn
yr adroddiad ·
cefnogi
blaenoriaethau a chyfeiriad gwaith y Bartneriaeth i’r dyfodol. |
|
INCWM Y GWASANAETH DIFA PLA PDF 258 KB Aelod Cabinet:
Cynghorydd Dafydd Meurig Ystyried adroddiad Pennaeth yr Amgylchedd Dogfennau ychwanegol: Cofnod: a)
Cyflwynwyd adroddiad gan Pennaeth yr Amgylchedd yn rhoi
diweddariad i’r Aelodau ar gynnydd yn
ymdrech Gwasanaeth Difa Pla y Cyngor i gynhyrchu mwy o incwm. Atgoffwyd yr Aelodau
fel rhan o raglen arbedion effeithlonrwydd Adran yr Amgylchedd bod ystyriaeth
wedi ei roi i diddymu'r gwasanaeth. Yn dilyn penderfyniad gan y Pwyllgor Craffu
Cymunedau yn Ionawr 2016, i wneud y gwasanaeth yn hunangynhaliol gyllidol, lluniwyd fframwaith a chynllun i greu incwm
ychwanegol. Cyflwynwyd y cynllun i’r Pwyllgor Craffu Corfforaethol ym Mehefin
2016 lle cafodd yr argymhellion eu derbyn. Ymhellach, penderfynodd y Cabinet
gynyddu targed incwm y Gwasanaeth yn hytrach nai ddiddymu. Tynnwyd sylw at natur y gwasanaeth oedd yn cael ei gynnig
a hefyd at y gwaith manwl a wnaed i ystyried yr opsiynau oedd ar gael i sicrhau
gwasanaeth hunangynhaliol. Cyflwynwyd ffioedd newydd ar gyfer pob agwedd o’r
gwaith yn Medi 2016 ynghyd ac ymgyrch farchnata gyda chefnogaeth yr Uned
Gyfathrebu. Adolygwyd trefniadau gwaith a’r costau oedd ynghlwm ynddynt. Er nad
oedd modd adrodd ar effaith yr addasiadau yn llawn, adroddwyd bod cynnydd o
oddeutu £10k eisoes wedi ei wneud dros hanner blwyddyn ariannol 2016 / 2017. Ategwyd
bod yr Adran yn hyderus o gyrraedd y targed o £40k erbyn diwedd y flwyddyn
ariannol yma. Amlygwyd y byddai’r Gwasanaeth yn cadw llygad ar y galw
sydd yn ddibynnol ar nifer o ffactorau tu hwnt i’w rheolaeth. Adroddwyd bod
cynllun wrth gefn i gynyddu’r incwm petai'r llif gwaith yn annigonol. b)
Yn
ystod y drafodaeth nodwyd y sylwadau canlynol: ·
Bod
angen gwella’r elfen farchnata gan ystyried logo / brand / arwyddair deinamig ·
Bod
angen ystyried gwasanaeth fyddai yn ychwanegu gwerth i’r dyfodol - un fyddai yn
gwneud elw yn hytrach na hunangynhaliol yn unig ·
Bod
angen herio cwmnïau cenedlaethol yng nghyd-destun cytundebau masnachol c)
Mewn
ymateb i gwestiwn ynglŷn a unrhyw sylwadau gan y cyhoedd am anfodlonrwydd
y gwasanaeth, adroddwyd bod yr adborth oedd wedi ei gasglu hyd yma yn galonogol
iawn ac y gorau o fewn yr Adran Eiddo. Mewn ymateb i
gwestiwn ynglŷn â difa pal ar y stryd, adroddwyd nad oedd y gwaith yma yn
denu incwm, ond pe byddai pla yn tarfu ar iechyd y cyhoedd , byddai’r mater yn
cael ei flaenoriaethu ac fe fyddai’r
Gwasanaeth yn cydweithio gyda Gwasanaeth Gwarchod y Cyhoedd i ymdrin â’r
broblem. ch) Croesawyd
yr adroddiad a chanmolwyd y gwasanaeth. Ategwyd bod y gwasanaeth yn mynd i’r
cyfeiriad cywir. PENDERFYNWYD derbyn yr adroddiad |
|
ASIANTAETH SAFONAU BWYD PDF 239 KB Aelod Cabinet: Cynghorydd Dafydd Meurig Ystyried adroddiad Pennaeth yr Amgylchedd Dogfennau ychwanegol:
Cofnod: a)
Cyflwynwyd adroddiad Pennaeth yr Amgylchedd yn
diweddaru'r Aelodau ar y cynnydd a wnaed gan Gwasanaeth Gwarchod y Cyhoedd i
gyfarch argymhellion yr Asiantaeth Safonau Bwyd yn dilyn archwiliad a
gynhaliwyd Chwefror 2016. Adroddwyd bod y
Gwasanaeth wedi darparu cynllun gweithredu manwl i gyfarch y 34 argymhelliad. Tynnwyd sylw bod 21 o’r argymhellion wedi eu cyfarch hyd yma gyda’r gwaith
i gwrdd ar 13 arall yn parhau. Ategwyd bod rhai o’r argymhellion hynny sydd heb
eu cyfarch yn ddibynnol a’r gyfeirio mwy o adnoddau i’r Gwasanaeth. Adroddwyd
bod y Gwasanaeth wedi gweld gostyngiad sylweddol mewn staff o ganlyniad i’r
gyfundrefn toriadau ond yn parhau i geisio blaenoriaethu'r gwaith. Er hynny,
nodwyd nad oedd sefydliadau risg isel yn derbyn archwiliadau o fewn yr amserlen
sydd yn cael ei argymell gan yr Asiantaeth Safonau Bwyd. Adroddwyd hefyd bod
cymwysterau'r Asiantaeth Safonau Bwyd, sydd yn gorff annibynnol yn archwilio
sefyllfa ddelfrydol, yn uchel, ond y
gwasanaeth bellach yn cynnig hyfforddiant i gyfarch hyn. Nodwyd bod dros 2000 o sefydliadau bwyd o fewn ardal
wledig Gwynedd gyda 1500 ohonynt yn cael eu harchwilio yn flynyddol. O ran
perfformiad, adroddwyd bod 98% o’r sefydliadau bwyd ar draws y Sir yn sgorio
rhwng 3 a 5 sydd yn dda iawn. Ategwyd bod y gwasanaeth hefyd yn edrych ar
sicrhau modd y gall swyddogion weithio yn fwy effeithiol drwy fod allan yn y
maes yn hytrach na dyblygu gwaith gweinyddol / ychwanegol yn y swyddfa. Nodwyd
bod sefydliadau bwyd yn gwerthfawrogi'r Gwasanaeth ac yn cynnig adborth
cadarnhaol i’r gwaith. Ategwyd bod y
Gwasanaeth yn cefnogi’r economi leol wrth gynnal yr archwiliadau hyn. b)
Yn
ystod y drafodaeth nodwyd y sylwadau canlynol: ·
Pryder nad oedd gan y Gwasanaeth
adnoddau digonol i gyflawni gofynion yr Asiantaeth Safonau Bwyd yn llawn ·
Bod angen gwella cymwysterau
staff ·
Bod angen monitro'r sefyllfa yn aml ·
Y dylid rhoi blaenoriaeth i
sefydliadau risg uchel ·
Y dylid ystyried codi ffi am
ymweliadau neu gosb am beidio cydymffurfio c)
Mewn ymateb i sylw ynglŷn â gwella cymwysterau, nodwyd
bod cyfres o sesiynau hyfforddi wedi eu cynnal a bod y gwasanaeth yn debygol o
gyrraedd y lefel disgwyliedig. Mewn ymateb i sylw am godi ffi am
ymweliadau, nodwyd bod y sylw wedi ei drafod yn genedlaethol, ond gan fod
y gwaith yn statudol, nid oedd modd codi
incwm. Ategwyd nad oedd llawer o sgôp i godi ffi am waith o fewn y maes ond
gyda hawl darparu cyngor byddai modd ystyried hyn. PENDERFYNWYD ·
Bod y Pwyllgor yn hapus bod mwyafrif o’r argymhellion wedi eu cyflawni, ond
bod pryder o ddiffyg adnoddau i gyflawni’r gwaith statudol o fewn yr amserlen
yn creu risg i’r Cyngor ac i drigolion y Sir. ·
Bod y gwasanaeth yn cyflawni gwaith da o dan amgylchiadau heriol. ·
Cynnig i’r Adran gyflwyno mwy o wybodaeth a
ffeithiau er mwyn herio'r angen am fwy o adnoddau i gyfarch y gofynion
statudol. |
|
GORFODAETH GWASTRAFF PDF 246 KB Aelod Cabinet: Cynghorydd Gareth Griffith Ystyried adroddiad Pennaeth Priffyrdd a Bwrdeistrefol Dogfennau ychwanegol: Cofnod: a)
Cyflwynwyd adroddiad gan
Aelod Cabinet Priffyrdd a Bwrdeistrefol yn gofyn i’r Pwyllgor am gefnogaeth i sefydlu Tîm Tasg o Aelodau’r
Pwyllgor i edrych i mewn i faterion Gorfodaeth Gwastraff ac i bwrpas,
cynghori’r Pwyllgor ar y ffordd ymlaen. Tynnwyd sylw at gefndir y bwriad lle'r oedd cynnig gan
gyn Aelod wedi ei fabwysiadu gan y
Cyngor Llawn Mawrth 2017, i’r Aelod Cabinet ystyried cyflwyno cosb fel mater o
flaenoriaeth i drigolion sydd yn gwaredu eu sbwriel ar ddiwrnod anghywir neu yn
y ffordd anghywir. Awgrymwyd bod angen pedwar aelod o’r Pwyllgor i ymuno â swyddogion
perthnasol ar gyfer y Tîm Tasg. PENDERFYNWYD ·
Derbyn yr egwyddor ·
Rhaglennu a blaenoriaethu llwyth gwaith y Pwyllgor yn y Cyfarfod Anffurfiol
gan fod tri ymchwiliad / gweithgor bellach angen eu cynnal. ·
Enwebu y Cynghorwyr Stephen Churchman, Keith Jones, Mike Stevens a Catrin
Wager fel aelodau i’r Tîm Tasg Gorfodaeth Stryd
|