Rhaglen a chofnodion

Derbyn unrhyw ymddiheuriadau am absenoldeb.

Croesawyd pawb i’r Pwyllgor gan y Cadeirydd, y Cynghorydd Eryl Jones- Williams yn arbennig y Cynghorwyr Annwen Daniels ac Wyn Williams fel Aelodau newydd i’r Pwyllgor Trwyddedu. Derbyniwyd ymddiheuriadau gan y Cynghorwyr, Craig ab Iago, Louise Hughes, Dilwyn Lloyd, W.Tudor Owen a Peter Read.

Anfonwyd dymuniadau gorau am wellhad buan i’r Cynghorwyr Peter Read a Louise Hughes.

Amlygwyd pryder eto bod angen adolygu presenoldeb aelodau mewn pwyllgorau i sicrhau bod Cynghorydd yn derbyn ei gyfrifoldeb i fynychu’r pwyllgorau y maent yn aelodau ohonynt.

Derbyn unrhyw ddatgan o fuddiant personol

Ni dderbyniwyd datganiad o fuddiant personol gan unrhyw aelod oedd yn bresennol

Nodi unrhyw eitemau sy’n fater brys ym marn y Cadeirydd fel y gellir eu hystyried.

Dim i’w nodi

Bydd y Cadeirydd yn cynnig y dylid llofnodi cofnodion cyfarfod diwethaf y pwyllgor hwn a gynhaliwyd ar yr 14 Medi 2015 fel rhai cywir.

Llofnododd y Cadeirydd gofnodion cyfarfod o’r pwyllgor a gynhaliwyd ar 14eg o Fedi  2015 fel rhai cywir.

Cyflwyno, er gwybodaeth, cofnodion cyfarfod o’r Is-bwyllgor Trwyddedu Canolog a gynhaliwyd ar y dyddiad canlynol:-

a)    2.9.15

Cyflwynwyd, er gwybodaeth, gofnodion cyfarfod o’r Is-bwyllgor Trwyddedu Canolog a gynhaliwyd ar 2.9.15

Cyflwyno  adroddiad Pennaeth yr Adran Rheoleiddio

Cyflwynwyd yr adroddiad gan y Rheolwr Trwyddedu.  Gosodwyd gwybodaeth gefndirol yr adroddiad gan nodi'r angen i bob awdurdod trwyddedu gyhoeddi datganiad o bolisi trwyddedu bob 5 mlynedd yn unol ag Adran 5 Deddf trwyddedu 2003. Bydd pob awdurdod yn adolygu eu polisi gan wneud unrhyw ddiwygiadau a ystyrir yn briodol o fewn y cyfnod pum mlynedd.

Yng nghyd-destun Cyngor Gwynedd, nodwyd bod y polisi presennol wedi ei gymeradwyo gan y Cyngor Llawn ar y 16 o Ragfyr 2010 gyda’r cyfnod 5 mlynedd yn dod i ben ar y 6ed o Ionawr 2016. Bydd cyfnod ymgynghori priodol yn cael ei weithredu cyn penderfynu a chyhoeddi polisi newydd.

Amlygwyd, fel rhan o’r prosiect cydweithio Gwarchod y Cyhoedd ar draws Gogledd Cymru, sefydlwyd Grŵp Tasg i greu datganiad o bolisi trwyddedu ‘cyffredin’ ar draws Gogledd Cymru. Cytunwyd ar strwythur ‘Cynnwys’ y polisi, ond, oherwydd effaith ffactorau economaidd a chymdeithasol ar bob awdurdod, eglurwyd bod pob datganiad wedi ei eirio’n wahanol ac yn berthnasol felly i ardal benodol.

O ran fformat y polisi drafft newydd, eglurwyd  bod ystyriaeth fanwl wedi ei roi i hwyluso’r darllenydd i ddod at y wybodaeth. Creuwyd adrannau ac isadrannau i ddarparu gwybodaeth ychwanegol ar faterion a phwerau sydd wedi dod i rym ers i’r polisi presennol cael ei fabwysiadu yn 2010 (enghraifft o hyn yw’r Gorchmynion Cyfyngu Bore Cynnar ac Ardoll Hwyr y Nos). Yn ychwanegol, amlygwyd bod geiriad y polisi wedi ei addasu er mwyn cyfeirio at ddeddfwriaeth gyfredol (enghraifft o hyn yw bod diffiniad adloniant wedi ei rheoleiddio wedi ei addasu’n sylweddol yn dilyn y Ddeddf Cerddoriaeth Byw 2012 a’r Ddeddf Dadreoleiddio 2015) a bod yr amcanion trwyddedu wedi ei hyrwyddo drwy’r polisi.

O ran trefniadau ymgynghoriad ffurfiol (fydd ar agor am 21 diwrnod), nodwyd y bydd y polisi yn cael ei rannu gyda; 

•           Heddlu Gogledd Cymru

•           Gwasanaeth Tan & Achub Gogledd Cymru

•           Bwrdd Iechyd Betsi Cadwaladr

•           Pobl/Cyrff sy’n cynrychioli busnesau a thrigolion y sir

•           Pobl/Cyrff sy’n cynrychioli deiliaid trwydded/tystysgrif gyfredol

•           Cynghorwyr, Cynghorau Cymuned ac awdurdodau cyfrifol. 

•           Siop Gwynedd ac gwefan Cyngor Gwynedd

Amlygwyd nad oedd unrhyw faterion dadleuol yn y polisi ac felly ni ragwelir nifer helaeth o ymatebion.

Yn dilyn trafodaeth, nodwyd y sylwadau canlynol:

Croesawu cydweithio da gyda swyddogion y Gogledd i sicrhau strwythur i’r  datganiad

Croesawu bod asesiad cydraddoldeb wedi ei ddosbarthu

Croesawu bod amddiffyn plant yn cael ei gynnwys yn y datganiad

Croesawu bod y datganiad yn haws i’w ddarllen a bod y prif faterion wedi eu hamlygu.

Diolchwyd i’r Rheolwr Trwyddedu am ei gwaith o ddiweddaru a diwygio’r datganiad.

PENDERFYNWYD

CYMERADWYO'R HAWL I BENNAETH ADRAN RHEOLEIDDIO DDECHRAU YMGYNGHORIAD STATUDOL AR Y DATGANIAD O BOLISI TRWYDDEDU DRAFFT.

BOD ADRODDIAD I’W GYFLWYNO I’R PWYLLGOR HWN 1AF O RAGFYR 2015,   FYDD YN AMLINELLU’R YMATEBION A DDERBYNIWYD AC I’R PWYLLGOR YSTYRIED NEWIDIADAU  ...  gweld y cofnod llawn ar gyfer eitem 6.