Rhaglen a chofnodion
Lleoliad: Y Ganolfan, Porthmadog, Gwynedd. LL49 9LU
Cyswllt: Bethan Adams 01286 679020
Rhif | eitem |
---|---|
YMDDIHEURIADAU Derbyn unrhyw ymddiheuriadau am absenoldeb. Cofnod: Llywelyn Rhys (Cynrychiolydd Cyngor Tref
Porthmadog) ynghyd â Mici Plwm ac Alwyn Roberts (Aelodau Pwyllgor Ymgynghorol
Harbwr Pwllheli). |
|
DATGAN BUDDIANT PERSONOL Derbyn unrhyw ddatganiad o fuddiant personol. Cofnod: Ni dderbyniwyd
datganiad o fuddiant personol gan unrhyw aelod oedd yn bresennol. |
|
MATERION BRYS Ystyried unrhyw fater arall sydd yn teilyngu sylw brys ym marn y Cadeirydd. Cofnod: Nododd y Swyddog Morwrol a Pharciau Gwledig yn dilyn derbyn rhybudd gan
Gwmni Wynnes o ran y bwriad i long dramwyo yn yr harbwr yn fis Mehefin 2020 bod
cyfarfod brys wedi ei drefnu gyda’r cwmni ar 7 Mawrth 2019. Ymhelaethodd bod y
bwriad ynghlwm â gwaith trawsnewidyddion yn Trawsfynydd a Ffestiniog. Nododd
nad oedd amserlen y bwriad yn cyd-fynd gyda amserlen a thymor prysur yr harbwr
a chynhelir trafodaeth yn y cyfarfod o ran yr effaith ar yr harbwr a’r gwaith
sylweddol ac angenrheidiol i alluogi’r llong i dramwyo yn yr harbwr ynghyd ag
opsiynau tu allan i’r prif dymor. Cadarnhaodd y rhoddir diweddariad ar y bwriad
yng nghyfarfod dilynol y Pwyllgor ar 9 Hydref 2019. Mewn ymateb i gwestiwn, nododd y Swyddog Morwrol a Pharciau Gwledig ni
fyddai’r bwriad yn golygu costau i’r Cyngor. Ymhelaethodd y byddai cynnig
efallai i rai perchnogion symud i Bwllheli neu i le nad oedd ar lwybr mordwyo’r
llong. Holodd aelod o ran cyfnod y gwaith. Mewn ymateb, nododd y Swyddog
Morwrol a Pharciau Gwledig yn ddibynnol ar y llanw byddai’r gwaith am gyfnod o
oddeutu 3 mis. Ychwanegodd y byddai’n cysylltu â’r Cadeirydd, busnesau lleol
i’r harbwr a Chlwb Hwylio Madog yn dilyn y cyfarfod. Mewn ymateb i gwestiwn gan aelod, nododd y Swyddog Morwrol a Pharciau
Gwledig y byddai’n trafod gyda’r cwmni o ran budd cymunedol ond yn sicr y
byddai’r cwmni yn gyfrifol am y costau. Nododd y Swyddog Morwrol a Pharciau Gwledig y bwriedir adolygu
Is-ddeddfau’r Harbwr. Ymhelaethodd bod trafodaethau â’r Uned Gyfreithiol ac
amserlen mewn lle, bwriadwyd i’r is-ddeddfau newydd ddod yn weithredol yn fis
Mai 2020. Cadarnhaodd y byddai adroddiad ar yr is-ddeddfau yn cael ei gyflwyno
i’r cyfarfod nesaf ar 9 Hydref 2019. Holodd aelod yng nghyswllt y trefniadau ymgynghori. Mewn ymateb, nododd
y Swyddog Morwrol a Pharciau Gwledig y byddai’r ymgynghoriad yn eang, gan
gynnwys Cymdeithas Hwylio Cymru, Cyngor Tref Porthmadog, Tŷ’r Drindod ac
Asiantaeth Forwrol a Gwarchodwyr y Glannau. Ychwanegodd y byddai rhybudd o’r
ymgynghoriad yn ymddangos yn y papurau newydd. Llongyfarchwyd Peter L. Williams
(Cynrychiolydd Sefydliad y Bâd Achub) a Will Walker Jones (Sefydliad y Bâd
Achub) ar eu penodiad yn Gadeirydd a Rheolwr Gweithrediadau Gorsaf Bad Achub
Cricieth. |
|
Bydd y Cadeirydd yn cynnig y dylid llofnodi cofnodion cyfarfod o’r Pwyllgor hwn a gynhaliwyd ar 10 Hydref 2018, fel rhai cywir. Cofnod: Llofnododd y Cadeirydd gofnodion cyfarfod y
Pwyllgor hwn a gynhaliwyd ar 10 Hydref, 2018, fel rhai cywir. |
|
CYFLWYNIAD AR Y COD DIOGELWCH MOROL PORTHLADDOEDD I dderbyn
cyflwyniad gan Capten Forkanul Quader o Arolygaeth Asiantaeth Forwrol a
Gwarchodwyr y Glannau. Cofnod: Croesawyd Mr Forkanul Quader o Arolygaeth
Asiantaeth Forwrol a Gwarchodwyr y Glannau. Gosododd y Swyddog Morwrol a Pharciau Gwledig
y cyd-destun, gan nodi bod y Gwasanaeth Morwrol wedi ymateb i argymhellion a
nodwyd yn yr adroddiad a dderbyniwyd gan Arolygaeth Asiantaeth Forwrol a
Gwarchodwyr y Glannau ar drefniadau a systemau diogelwch harbyrau bwrdeistrefol
Gwynedd a chydymffurfiaeth â’r Cod Diogelwch Morol yn dilyn archwiliad yn 2017.
Nododd ei werthfawrogiad o waith yr Uwch Swyddog Harbyrau a’r Harbwr Feistri.
Eglurodd y cynhaliwyd archwiliad dilynol ar 5-6 Mawrth 2019 lle nodwyd gan yr
archwiliwr bod gan y Gwasanaeth seiliau cadarn gan nodi awgrymiadau i wella.
Nododd bod holl aelodau’r Pwyllgorau Harbwr wedi derbyn gwahoddiad i’r Pwyllgor
ar gyfer y cyflwyniad. Datganodd ei ddiolch am waith Forkanul Quader a’i
arweiniad proffesiynol. Derbyniwyd cyflwyniad gan Forkanul Quader,
nododd nad oedd y Cod yn statudol ond ei fod yn berthnasol a’r angen i systemau
rheoli diogelwch ac asesiadau risg fod mewn lle a’u bod yn cyd-fynd â maint a
gweithgareddau a wneir yn yr Harbwr. Rhestrodd y ddeddfwriaeth berthnasol a
nodir yn y Cod. Nododd y prif bwyntiau canlynol o ran yr hyn
a oedd angen sylw gan y Cyngor: ·
Bod
gan Harbwr Porthmadog statws fel Awdurdod Harbwr Cymwys, gan nad oedd llong
fasnachol wedi mordwyo yn yr Harbwr ers 23 mlynedd, fe ddylai’r Cyngor ystyried
os am barhau i ddal y statws a oedd yn golygu gofynion ychwanegol ar y Cyngor. ·
Bod
trefniadau adolygu mewnol wedi eu sefydlu ond bod gwaith gweithredol angen ei
wneud gyda lle i’r Harbwr Feistri gydweithio. ·
Bod
angen adolygu Is-ddeddfau Harbwr Porthmadog er sicrhau eu bod yn cyd-fynd gydag
arferion cyfredol. ·
Efallai
y gallai Harbwr Pwllheli gael ei eithrio o ran rhai gofynion yn ymwneud â
llygredd. ·
Bod
Hafan Pwllheli yn creu incwm, gyda’r sianel yn culhau roedd yn anodd i gychod
groesi a mordwyo i fyny’r sianel. Roedd angen cynnal arolwg hydrograffeg a
gwneud gwaith carthu. Cadarnhaodd bod gan y Gwasanaeth Morwrol
arferion da iawn gan gynnwys y defnydd o telimetrics. Nododd bod ymrwymiad i’r
system rheoli diogelwch gyda’r Deiliad Dyletswydd yn cymryd cyfrifoldeb ar
dudalen gyntaf Cod Diogelwch Morol y Cyngor. Nododd yr Aelod Cabinet Datblygu’r Economi ei fod wedi cyfarfod gyda’r
archwilydd i drafod ei adroddiad a bod ambell i beth angen sylw. Ymhelaethodd
ei fod yn eithaf hyderus y gellir ymateb i’r hyn a godwyd gan yr archwilydd.
Eglurodd bod yr archwilydd wedi canmol proffesiynoldeb ac ymroddiad swyddogion
y Gwasanaeth Morwrol. Mewn ymateb i gwestiwn gan aelod, nododd y Swyddog Morwrol a Pharciau
Gwledig y bwriedir cysylltu â Uned Gyfreithiol y Cyngor, Llywodraeth Cymru a
Llywodraeth Prydain i gyflwyno cais diddymu statws Harbwr Porthmadog fel
Awdurdod Harbwr Cymwys. Eglurodd bod gwaith sylweddol a chyfrifoldeb o dan
Ddeddf Peilota 1987 yn dod gyda’r statws ac ni fyddai diddymu’r statws yn atal
llong rhag tramwyo yn yr Harbwr fel rhan o gynllun gwaith trawsnewidyddion yn
Nhrawsfynydd a Ffestiniog. Nododd ei fod yn gobeithio byddai’r aelodau yn
cefnogi’r bwriad. Mewn ymateb i gwestiwn pellach, nododd y Swyddog Morwrol a ... gweld y cofnod llawn ar gyfer eitem 5. |
|
DIWEDDARIAD AR FATERION RHEOLI'R HARBWR PDF 66 KB Cyflwyno adroddiad yr Uwch Swyddog Harbyrau. Dogfennau ychwanegol:
Cofnod: Tywysodd yr Uwch Swyddog Harbyrau yr aelodau
drwy’r adroddiad, gan dynnu sylw at y prif bwyntiau canlynol: ·
Rhagwelwyd
y byddai archwiliad tanddwr o'r angorfeydd yn yr harbwr yn cael ei gynnal cyn cyfnod
y Pasg, yn amodol ar ymrwymiadau'r contractwr angorfeydd a’r amodau tywydd. ·
Hysbysebir
swydd Cymhorthydd Harbwr llawn amser yn Harbwr Porthmadog, byddai’r swyddog yn
rhoi cymorth i’r Harbwr Feistr gyda’i ddyletswyddau a’i gyfrifoldebau yn
ogystal â gweithio yn harbyrau Aberdyfi ac Abermaw pan fod angen. Rhannwyd crynodeb bras o gyllidebau'r harbwr a'r sefyllfa ariannol hyd
at ddiwedd Chwefror 2019. Manylodd y Swyddog Morwrol a Pharciau Gwledig ar y
cyllidebau gan nodi bod yr incwm a gasglwyd, £10,754 yn is na’r targed incwm.
Nododd y rhagwelwyd gorwariant o oddeutu £20,000 ar ddiwedd blwyddyn ariannol
2018/19 ond o ystyried maint a chyfrifoldebau’r Harbwr a bod adnoddau ariannol
wedi eu hymrwymo ar gyfer cynnal a chadw a oedd yn fuddsoddiad yn yr Harbwr.
Tynnodd sylw at ffioedd a thaliadau 2019/20. Mewn ymateb i sylw gan aelod o ran incwm parcio Traeth y Greigddu,
eglurodd y Swyddog Morwrol a Pharciau Gwledig bod costau traethau yn cael eu
cyllido dan gyllidebau traethau a nid oedd gwariant a incwm traethau yn rhan o
gyllideb harbyrau. Tynnodd aelod sylw bod swyddogion yr Harbwr yn gweithio ar adegau ar y
traethau. Holodd os oedd yr oriau a dreulir yn cwblhau’r gwaith yn cael eu
had-dalu o’r gyllideb traethau. Mewn ymateb, nododd y Swyddog Morwrol a
Pharciau Gwledig bod trefniant yn bodoli lle'r oedd swyddogion traethau a
swyddogion yr Harbwr yn cydweithio ar adegau ar waith yn yr Harbwr ac ar y
traethau er cyflwyno y budd gorau i drigolion Gwynedd yn unol â Ffordd
Gwynedd. Cyflwynodd Harbwr Feistr Porthmadog adroddiad a oedd yn rhoi crynodeb
o'r materion mordwyo a gweithredol a gododd yn ystod y cyfnod rhwng mis Hydref
2018 a mis Chwefror 2019, gan gynnwys materion cynnal a chadw a digwyddiadau yn
ystod y cyfnod. Nododd bod bwi mordwyo rhif 10 wedi dod i’r lan,felly roedd
Rhybudd i Forwyr wedi ei rhyddhau yn ychwanegol i’r hyn a nodwyd yn yr
adroddiad. Nododd aelod ei fod yn braf gweld lluniau yn nodi gwerthfawrogiad o’r
gwaith ynghlwm â’r morglawdd ym Morth-y-Gest gyda gwrthwynebwyr i’r bwriad
bellach yn ei groesawu gan ei fod wedi gwella’r sefyllfa. Nododd Cynrychiolydd Sefydliad y Bâd Achub bod arwyddion diogelwch
Sefydliad y Bâd Achub a fwriedir eu gosod yn ardal Morfa Bychan yn arwyddion da
iawn. Tynnodd sylw bod Bâd Achub Cricieth wedi achub 10 unigolyn oddi ar Fanc y
Gogledd ger Traeth y Greigddu yn ystod 2018 a oedd yn ganran sylweddol o’r
nifer o fywydau a achubwyd yn y Deyrnas Unedig ac Iwerddon yn ystod y flwyddyn
gyda 182 bywyd wedi eu hachub yn y cyfnod. Nododd aelod bod y Gwasanaeth yn un
effeithiol a phwysig iawn. Mewn ymateb i gwestiwn gan aelod yng nghyswllt y consesiwn hufen iâ, nododd Harbwr Feistr Porthmadog y byddai’r tendr yn cael ei hysbysebu yn ystod mis Mawrth. Ychwanegodd yr aelod ei fod yn awyddus ... gweld y cofnod llawn ar gyfer eitem 6. |
|
CYLCH GORCHWYL Y PWYLLGOR HARBWR PDF 57 KB I nodi cylch
gorchwyl y pwyllgor harbwr. Cofnod: Cyfeiriwyd at gyfansoddiad y Pwyllgor gan
nodi bod y Pwyllgor wedi ei sefydlu o dan erthygl 6 Gorchymyn Adolygu Harbwr Porthmadog
1998. Tynnwyd sylw bod dwy sedd wag, un sedd cynrychiolydd buddiannau
perchnogion tir a sedd wag arall. Nodwyd y bwriedir cysylltu gyda Clwb Hwylio
Porthmadog o ran enwebu cynrychiolydd i’r sedd wag yn dilyn derbyn cais
ganddynt. PENDERFYNWYD nodi a
derbyn y wybodaeth. |
|
DYDDIAD Y CYFARFOD NESAF I nodi y cynhelir cyfarfod nesaf Pwyllgor Ymgynghorol Harbwr Porthmadog ar 9 Hydref 2019 yn ddarostyngedig i’w gadarnhau gan y Cyngor Llawn. Cofnod: Nodwyd y caiff y cyfarfod
nesaf ei gynnal ar 9 Hydref, 2019. |