Rhaglen a chofnodion
Lleoliad: Fideo Gynadledda Siambr Hywel Dda, Caernarfon / Dolgellau / Pwllheli
Cyswllt: Lowri Haf Evans 01286 679 878 E-bost: lowrihafevans@gwynedd.gov.uk
Rhif | eitem |
---|---|
YMDDIHEURIADAU Derbyn unrhyw ymddiheuriadau am absenoldeb. Cofnod: Derbyniwyd ymddiheuriadau gan y Cynghorwyr Annwen Hughes a Sian
Gwenllian, a Geraint Owen (Pennaeth Cefnogaeth Gorfforaethol) |
|
DATGAN BUDDIANT PERSONOL Derbyn unrhyw ddatganiad o fuddiant personol. Cofnod: Gofynnwyd i’r holl Aelodau ddatgan buddiant ar gyfer eitem 6, Ymgynghoriad Panel Annibynnol Cymru ar Gydnabyddiaeth Ariannol, ond amlinellwyd nad oedd yn fuddiant a oedd yn rhagfarnu. |
|
MATERION BRYS Nodi unrhyw eitemau sy’n fater brys ym marn y Cadeirydd fel y gellir eu hystyried Cofnod: Dim i’w nodi |
|
Bydd y Cadeirydd yn cynnig y dylid
llofnodi cofnodion y cyfarfod blaenorol o’r pwyllgor hwn
a gynhaliwyd ar 29 Medi, 2015 fel rhai cywir Cofnod: Llofnododd y Cadeirydd gofnodion y cyfarfod blaenorol o’r pwyllgor hwn a gynhaliwyd ar 29 Medi, 2015 fel rhai cywir. |
|
Y PWYLLGOR SAFONAU - ADRODD AR FAES GWAITH Y PWYLLGOR PDF 119 KB Derbyn adroddiad gan Gadeirydd y Pwyllgor Safonau Dogfennau ychwanegol: Cofnod: a)
Croesawyd Dr Einir Young, Cadeirydd y Pwyllgor Safonau, i’r Pwyllgor i
gyflwyno adroddiad blynyddol y Pwyllgor Safonau am 2014/15. Manylodd Dr Einir Young ar brif bwrpas a
swyddogaethau’r pwyllgor o hybu a chynnal safonau uchel o ymddygiad cynghorwyr
ac aelodau cyfetholedig Cyngor Gwynedd a chynghorau cymuned a thref Gwynedd.
Cyfeiriodd at aelodaeth y pwyllgor a’r
gwaith a gyflawnwyd yn ystod 2014/15. Ategodd eu bod yn mesur llwyddiant drwy
anogaeth a hyfforddiant yn hytrach nag ymdrin â chwynion. Diolchodd i Gwilym
Ellis Evans, fu’n Gadeirydd y Pwyllgor am 10 mlynedd, am ei waith diwyd a’i
ymroddiad; i Sam Soysa, fu’n Is-gadeirydd, cyn i’w
gyfnod ar y pwyllgor ddod i ben ac am gefnogaeth Ms Linda Byrne a fu’n aelod
o’r Pwyllgor Diolchodd hefyd i’r Swyddog
Monitro a’r swyddogion eraill sy’n rhoi cefnogaeth i’r pwyllgor. Diolchwyd i Dr Einir Young am gyflwyno’r
adroddiad. b) Ategodd y Cynghorydd Michael Sol Owen, oedd yn
Aelod o’r Pwyllgor Safonau, bod eu gwaith yn heriol ac yn gosod canllawiau da
ar gyfer y Cyngor a Chynghorau Cymunedau. c) Mewn ymateb i sylw
ynglŷn â rhannu neges glir gyda chynghorau cymuned parthed ‘datganiad o
fuddiant’, nodwyd bod cyfres o gyrsiau hyfforddiant wedi eu cynnal yn yr Hydref
gyda chynghorau cymuned i hyrwyddo a chodi ymwybyddiaeth o ystyr y côd ymddygiad. Gwnaed sylw pellach bod cynghorau cymuned,
yn eu cyfarfod blynyddol, yn derbyn y côd ymddygiad - cyfle blynyddol felly i’w hatgoffâ, ond
amlwg nad ydy hyn yn ymarfer cyson. d) O gofio rôl benodol y Pwyllgor o edrych ar wasanaethau i aelodau, gofynnwyd a oedd mwy y
gellid ei wneud o ran cefnogaeth i aelodau’r Cyngor yng nghyd destun ymddygiad,
neu a oedd digon wedi ei wneud yn barod. Mewn ymateb, amlygodd y Swydd Monitro ddau
ddatblygiad diweddar -
Prawf Budd Cyhoeddus -
Y cysyniad o hawl i rwydd hynt i siarad mewn fforwm Gwleidyddol lle gellid derbyn trafodaeth a beirniadaeth
gadarn. Nododd
bod bwriad i gynnal gweithdy hyfforddiant yn y Gwanwyn i hyrwyddo'r datblygiadau hyn. O safbwynt gwaith y Pwyllgor Gwasanaethau Democrataidd, y bwriad oedd amlygu rôl
y Pwyllgor Safonau a chreu perthynas mwy amlwg
gyda’r aelodau drwy godi ymwybyddiaeth
o’r gwaith a chynnal rhaglen ymgysylltiol i rannu gwybodaeth i gadw'r côd yn fyw
yn y meddwl. PENDERFYNWYD
derbyn yr adroddiad a diolch i’r Cadeirydd a’r
Pwyllgor am eu gwaith pwysig. |
|
YMGYNHGORIAD Y PANEL ANNIBYNNOL CYMRU AR GYDNABYDDIAETH ARIANNOL PDF 202 KB Derbyn adroddiad Pennaeth Gwasanaethau Democrataidd Cofnod: a) Cyflwynwyd
adroddiad Pennaeth Gwasanaethau Democrataidd i ysgogi trafodaeth ar
gynigion drafft y Panel Annibynnol ar
Gydnabyddiaeth Ariannol. O ran cefndir yr adroddiad, eglurwyd mai Panel
Annibynnol Cymru ar Gydnabyddiaeth Ariannol sydd yn gyfrifol am bennu cyflogau
a chostau sydd yn daladwy i gynghorwyr yn rhinwedd eu dyletswyddau. Yn
flynyddol, bydd y Panel yn cyhoeddi cynigion drafft ac yn ymgynghori arnynt,
ond yn hanesyddol, nid oes llawer o destun trafod ar yr argymhellion gan ei fod
yn cymryd agwedd gyffredin at y cyflogau a’r costau a delir i bob cynghorydd.
Ategwyd bod angen sylw pellach i rai o’r cynigion eleni, a thynnwyd sylw at yr
awgrymiadau hynny yn yr adroddiad - y peth sylfaenol oedd na fydd cynnydd yn y
cyflog sylfaenol. b) O ran y newidiadau
eraill, nodwyd eu bod yn amrywio o ran
barn, ond bod angen trafodaeth
ynglŷn ag awgrym o gyflwyno dwy haen i’r
Cabinet; awgrym o ddwy haen i gadeiryddion Pwyllgorau ac awgrym bod
arweinydd yr wrthblaid fwyaf i’w osod ar yr un lefel o ail haen y cadeiryddion. c) Nodwyd eleni, mai un peth oedd wedi achosi pryder, a bod Cymdeithas
Llywodraeth Leol Cymru wedi tynnu sylw ato, yw bod Gweinidog
Gwasanaethau Cyhoeddus wedi ysgrifennu at y Panel yn tynnu sylw at yr angen i
gadw llygad a lleihau gwariant cyhoeddus. Ategwyd anfodlonrwydd Cymdeithas
Llywodraeth Leol tuag at hyn a dadleuwyd y byddai’n ymddangos bod ymyrraeth wleidyddol ar y penderfyniad. Cydnabuwyd y
llythyr, ond gwneud penderfyniad ar sail
tystiolaeth fydd y Panel. d) Sylwadau yn codi o’r drafodaeth: - Awgrymwyd bod y drefn bresennol yn dderbyniol - Derbyn bod cyfrifoldeb cadeiryddion yn amrywio o ran amlder cyfarfodydd ac felly ystyriwyd bod cynnig y Panel yn un rhesymol - Y dylid ceisio cydnabyddiaeth i Is Gadeirydd sydd yn sefyll i mewn dros
y Cadeirydd am gyfnod PENDERFYNWYD derbyn yr adroddiad
ac awdurdodi’r swyddogion i
gyfleu’r sylwadau yn yr adroddiad
i’r Panel |
|
Derbyn adroddiad Pennaeth Gwasanaethau Democrataidd Cofnod: a) Cyflwynwyd
adroddiad Pennaeth Gwasanaethau Democrataidd yn argymell y Pwyllgor i
gadarnhau'r weledigaeth a’r penderfyniad gwreiddiol o ddefnydd e-byst Cynghorwyr. Atgoffwyd yr aelodau bod y weledigaeth honno wedi
cael ei mabwysiadau gan Bwrdd y Cyngor 27.3.2012 lle penderfynwyd ei bod yn orfodol i Aelod Etholedig dderbyn a
defnyddio e-bost corfforaethol y Cyngor. Cyfeiriwyd at y rhesymau dros
ddefnyddio cyfeiriad corfforaethol yn hytrach na chyfeiriad e-bost personol.
Amlinellwyd mai'r defnydd o dechnoleg electroneg yw prif ddull gohebu gydag
Aelodau - yn rhan o frand y Cyngor ac yn
gyfle i Aelodau Etholedig weithredu dan yr un faner a staff y Cyngor. b) Nodwyd yn
ddiweddar bod ambell Aelod wedi gwneud cais i dderbyn gohebiaeth drwy
gyfeiriadau e-bost personol ac nad oedd hyn wedi ei ganiatau
hyd yma (yn bennaf oherwydd nad oedd unrhyw sicrwydd o ddiogelwch gyda defnydd
e-bost personol). Ategwyd hefyd, bod cyfrif e-byst corfforaethol y Cynghorwyr yn cau os na fydd yr aelod wedi ei ddefnyddio o
fewn 12 mis. c) Mewn ymateb i gwestiwn ynglŷn â sut mae cysylltu gydag aelod sydd ddim yn
defnyddio e-byst, eglurwyd bod y rhai hynny sydd wedi ein hysbysu o’u
penderfyniad yn derbyn pob dim drwy
lythyr / copi papur. Fodd bynnag, mewn rhai achosion mae cyfrifon ebyst aelodau wedi eu cau yn awtomatig gan nad ydynt wedi
eu defnyddio am gyfnod o dros 12 mis, ac nid oedd yr Adran yn ymwybodol o’r
diffyg defnydd, ac felly nad oedd aelodau yn derbyn gohebiaeth o gwbl. Mewn ymateb pellach at newidiadau a
chyfyngiadau diweddar o ran defnydd e-byst ar gyfrifiadur personol, nodwyd bod
nodyn wedi ei yrru i bob aelod trwy Rhaeadr i gyfarch hyn a bod yr Adran
Technoleg wedi ymateb yn hwylus ac effeithiol. Yng nghyd destun cael mynediad
at e-byst o ffôn symudol, nodwyd bod yr Adran Dechnoleg yn gweithio ar declyn
all alluogi hyn (diweddariad i’w gyflwyno ym mis Chwefror). d) Sylwadau yn codi o’r drafodaeth - pryder nad oedd
rhai Aelodau yn defnyddio cyfrif e-bost y Cyngor - anodd deall sut mae
Cynghorydd yn gwneud ei gwaith yn effeithiol heb ddefnyddio / derbyn gwybodaeth drwy e-byst - cyfrif e-bost
corfforaethol yn sicrhau cyfathrebu teg a chywir - derbyn bod
fframwaith cadarn a diogel yn ei lle PENDERFYNWYD cadarnhau
eto benderfyniad gwreiddiol y Cyngor ynghylch gweledigaeth a chyfeiriadau e-bost swyddogol y Cynghorwyr: -
pwysleisio wrth y
nifer fechan hynny sydd ddim yn
defnyddio eu cyfrif e-bost corfforaethol
y dylid gwneud hynny ac -
annog y rhai hynny
sydd wedi penderfynu peidio defnyddio’r dechnoleg i ail ystyried eu
penderfyniad. |
|
Derbyn adroddiad Pennaeth Gwasanaethau Democrataidd Cofnod: a) Cyflwynwyd
adroddiad y Pennaeth Gwasanaethau Democrataidd i rannu gwybodaeth ar y defnydd
o’r system we-ddarlledu sydd bellach wedi bod yn weithredol ers 2015. Nodwyd
bod y Cyngor bellach wedi gwe ddarlledu 23 o gyfarfodydd gyda chyfanswm nifer y
gwylwyr oddeutu 3400. Ategwyd mai
arian grant sydd wedi bod yn cyfarch
cost y system hyd yma a bod
y grant yn dirwyn i ben. Yn dilyn arolwg
diweddar, nodwyd bod rhai cynghorau wedi amlygu gwahaniaeth
barn ynglŷn â pharhau gyda'r ddarpariaeth a hyn oherwydd cyfnod
lle mae toriadau
mewn gwasanaethau yn bwnc dadleuol.
Yng Ngwynedd, amlygwyd bod cyfle i geisio gwella’r cyswllt rhwng y ddarpariaeth fideo gynadleddau ar gallu i fynychu o bell i arbed costau i’r
Cyngor drwy ail gyfeirio adnoddau presennol i barhau gyda’r gwasanaeth gwe-ddarlledu. b) Mewn ymateb i
gwestiwn ynglŷn â chost y system, nodwyd mai un cwmni sydd yn
gwasanaethu’r mwyafrif o Gynghorau a bod modd negodi pris am eu gwasanaeth. c) Sylwadau yn codi
o’r drafodaeth - cefnogi'r angen i
barhau ond pryder am y gost - angen codi
ymwybyddiaeth a diddordeb - Megis dechrau
mae'r broses ac felly cynnig buddsoddiad pellach am flwyddyn arall o leiaf PENDERFYNWYD parhau
gyda System Gwe-ddarlledu y
Cyngor gan negodi pris o ran costau a chynnal trafodaethau pellach ar sut i gynyddu’r
diddordeb. |
|
ADRODDIADAU BLYNYDDOL 2014 / 2015 PDF 465 KB Derbyn adroddiad Pennaeth Gwasanaethau Democrataidd Cofnod: a) Cyflwynwyd
adroddiad y Pennaeth Gwasanaethau Democrataidd yn diweddaru’r aelodau ar y
nifer o adroddiadau blynyddol a gyhoeddwyd yn 2014/2015 ynghyd a chais am
sylwadau i hwyluso trefniadau ar gyfer 2015/2016. Amlygwyd
bod y nifer o Aelodau etholedig sydd wedi cyhoeddi adroddiad blynyddol wedi
cynyddu dros y blynyddoedd diwethaf, gyda 39 wedi cwblhau eleni. b) Mewn ymateb i’r
adroddiad nodwyd bod angen sicrhau mai adroddiad ffeithiol yw'r adroddiad am y
Cynghorydd. I sicrhau hyn rhaid cadw at y canllawiau cyfreithiol er mwyn
osgoi’r posibilrwydd o orfod golygu'r hyn gall ei gynnwys a’r hyn y dylid ei
adael allan. Cynigiwyd hefyd y dylid dosbarthu’r canllawiau gyda’r templed er
mwyn hwyluso’r drefn. Ategwyd, er y gall adroddiad ymddangos yn ddi fflach, cyhoeddiad y Cyngor ydyw o waith y Cynghorydd
ac nad oed unrhyw beth yn rhwystro cynghorydd rhag cyhoeddi adroddiad eu hun,
ar gyfryngau cymdeithasol eraill er enghraifft. c) Sylwadau yn codi o’r drafodaeth - angen gosod mwy o
gyd- destun - angen ail edrych ar
y canrannau presenoldeb - cynnig gosod
niferoedd cyfarfodydd mewn blwyddyn v presenoldeb - a oes sylwadau
/ ymateb wedi eu derbyn
gan y cyhoedd - a oes modd cynnwys
rhesymau dros absenoldeb? Mewn ymateb i’r sylwadau, nodwyd nad oedd
ymateb gan y cyhoedd wedi ei dderbyn ond bod posib gwneud ymholiadau pellach. O
ran presenoldeb, amlygwyd y bydd system Mod
Gov hefyd yn cofnodi canrannau presenoldeb fydd
yn cael eu cyhoeddi ar y wefan - bydd modd caniatáu cynnwys rhesymau dros
absenoldeb ar y templed ond nid ar y system Mod
Gov. PENDERFYNWYD diwygio’r templed i gyfarch y
sylwadau uchod ynghyd a dosbarthu'r canllawiau gyda’r templed. |
|
ADRODDIAD DIWEDDARU IS-GRWP AMRYWIAETH PDF 391 KB Derbyn adroddiad Cadeirydd yr Is Grŵp Amrywiaeth Dogfennau ychwanegol: Cofnod: a) Cyflwynwyd
adroddiad Cadeirydd yr Is-grŵp
Amrywiaeth ar waith diweddar yr
is-grŵp ynghyd a’r wybodaeth y maent wedi ei gasglu
i lunio rhaglen waith. Atgoffwyd yr aelodau bod yr Is-grŵp wedi ei sefydlu
ym mis Chwefror 2015 mewn ymateb i adroddiad cenedlaethol ac arweiniad yn Neddf
Llywodraeth Leol 2012 i geisio cynnydd amrywiaeth
mewn llywodraeth Leol. b) Nodwyd bod yr
is-grŵp wedi bod yn edrych ar sefyllfa gyfredol Gwynedd o gymharu
proffiliau Aelodau etholedig Gwynedd gyda phroffiliau trigolion y Sir - edrychwyd ar ystadegau yn
ymwneud ag oedran, rhyw, cefndir ethnig ac anabledd. Yn dilyn dadansoddiad o’r
sefyllfa lluniwyd rhaglen waith er mwyn ceisio gwahaniaeth ar gyfer Etholiad
2017. c) Trafodwyd y
rhaglen waith fesul pennawd. d) Sylwadau yn codi
o’r drafodaeth -
Cyfle yma i hybu / annog /rhannu gwybodaeth /
hyfforddi ieuenctid y Sir drwy Glybiau Ieuenctid, Clybiau Ffermwyr Ifanc ayyb -
Angen hybu
ymarfer da -
Cyflwyno pobl drwy faterion penodol i annog
diddordeb -
Awgrym i annog
ymweliadau â Phwyllgorau / gwylio gweddarllediad -
Cyngor Ysgolion - derbyn eu bod yn bwysig ond angen
cynyddu eu dealltwriaeth o Ddemocratiaeth -
Annog cyflogwyr i fod yn hyblyg i ryddhau unigolion
sydd yn ystyried gyrfa mewn gwleidyddiaeth -
Awgrym i ystyried cyfarfodydd gyda’r nos -
Awgrym i gynnig hyfforddiant i rai sydd yn ystyried
bod yn gynghorydd e) Mewn ymateb,
nodwyd bod y Llywodraeth wedi adnabod rhwystr o ran hyblygrwydd gan gyflogwyr
ac yng nghyd desun cyfarfodydd gyda'r nos, bydd y Cyngor yn ymgynghori ar hyn
yn flynyddol. Penderfynwyd cymeradwyo’r rhaglen waith arfaethedig |
|
SIARTER AELODAU - swydd ddisgrifiadau PDF 201 KB Derbyn adroddiad Pennaeth Gwasanaethau Democrataidd Cofnod: a) Cyflwynwyd, er
gwybodaeth, adroddiad Pennaeth Gwasanaethau Democrataidd yn rhoi diweddariad ar
gyfer ennill Siarter Aelodau i Gyngor Gwynedd. Argymhellwyd y dylid gweithredu mewn
dau gam. Y cam cyntaf fydd i swyddogion sicrhau eglurder o’r sefyllfa gyfredol
ac yn ail i’r Pwyllgor Gwasanaethau Democrataidd sefydlu grŵp bychan o
Gynghorwyr i edrych ar y gwaith o ennill y Siarter i Gyngor Gwynedd, gan
gychwyn gyda’r gwaith ar y swydd ddisgrifiadau. Penderfynwyd derbyn yr adroddiad gan awgrymu
y dylid parhau i geisio ennill Breinlen Cynorthwyo a
Datblygu Cynghorwyr Cymru |