Lleoliad: Ystafell Gwyrfai - Pencadlys Caernarfon. Gweld cyfarwyddiadau
Cyswllt: Lowri Haf Evans 01286 679 878 E-bost: lowrihafevans@gwynedd.gov.uk
Rhif | eitem |
---|---|
YMDDIHEURIADAU Derbyn unrhyw ymddiheuriadau am absenoldeb Cofnod: Derbyniwyd ymddiheuriadau
gan y Cynghorwyr, Stephen Churchman, Peredur Jenkins a John P. Roberts. Croesawyd Osian Richards,
aelod o’r Bwrdd Pensiwn i’r cyfarfod,
fel sylwebydd. |
|
DATGAN BUDDIANT PERSONOL Derbyn unrhyw ddatganiad o fuddiant personol Cofnod: Dim i’w nodi |
|
MATERION BRYS Nodi unrhyw eitemau sy’n fater brys ym marn y cadeirydd fel y gellir eu hystyried. Cofnod: Dyddiadau er
gwybodaeth; 27 – 28 Mehefin
2016 Hyfforddiant Aelodau yn
Llundain 23 – 24 o Fehefin 2016 Cynhadledd ‘In
at the Deep End’.
Penderfynwyd bod y Cynghorwyr Trevor Edwards a Glyn
Thomas yn mynychu gyda chynnig hefyd i ddau aelod o’r Bwrdd Pensiwn. |
|
Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 11.2.16 fel rhai cywir . Cofnod: Llofnododd y
Cadeirydd gofnodion cyfarfod o’r pwyllgor hwn a gynhaliwyd ar 11eg o Chwefror
2016 fel rhai cywir. |
|
Ystyried adroddiad y Pennaeth Cyllid Dogfennau ychwanegol: Cofnod: Eglurwyd, yn unol
â Chyfarwyddyd Statudol Llywodraeth Cynulliad Cymru
ar Fuddsoddiadau Llywodraeth Leol, ei bod yn ofynnol i’r Cyngor, fel rhan o’r swyddogaeth
rheoli’r trysorlys, baratoi Strategaeth Fuddsoddi Flynyddol. Fel ymarfer da,
ystyrir y dylai Cronfa Bensiwn Gwynedd (y “Gronfa”) fabwysiadu Datganiad
Strategaeth Rheoli’r Trysorlys, fel ei addaswyd i bwrpas y Gronfa Bensiwn. Cyflwynwyd adroddiad
gan y Pennaeth Cyllid yn gofyn
i’r Pwyllgor Pensiynau gymeradwyo Datganiad Strategaeth Rheoli’r Trysorlys a’r Strategaeth Buddsoddi am 2016/2017. Eglurwyd
bod Datganiad Cyngor Gwynedd eisoes wedi ei graffu gan
y Pwyllgor Archwilio (Chwefror
11.2.16) ac wedi ei gymeradwyo gan y Cyngor Llawn ar
y 3ydd o Fawrth 2016. Yn ychwanegol,
gofynnwyd i’r Pwyllgor Pensiynau wneud cais i’r Cyngor, i ganiatáu i arian dros
ben y Gronfa Bensiwn barhau i gael ei gronni gyda llif arian cyffredinol yr
Awdurdod o’r 1af o Ebrill ymlaen. Eglurwyd bod cronni y llif arian yn denu llog
uwch, isafu costau bancio, ac yn osgoi dyblygu gwaith o fewn y Cyngor. O ystyried
cynnydd yn y risgiau a’r parhad
yn yr enillion
isel o fuddsoddiadau byrdymor ansicredig, nodwyd bwriad yr
Awdurdod yn ystod 2016/17, i arallgyfeirio i ddosbarthiadau o asedau sydd yn
fwy sicr a/neu sydd yn
cynnig enillion uwch. Ar hyn o bryd mae’r rhan
helaeth o’r arian parod sydd
dros ben gan yr Awdurdod wedi’i
fuddsoddi mewn adneuon banc anwarantedig, tystysgrifau adneuon a chronfeydd marchnadoedd arian. Ategwyd
bod Arlingclose, ymgynghorwyr
trysorlys yr Awdurdod yn cynnig
dulliau buddsoddi creadigol ac felly bydd yr arallgyfeirio’n cynrychioli newid sylweddol yn y strategaeth dros y flwyddyn i ddod. Cynigiwyd ac
eiliwyd i dderbyn yr argymhellion. PENDERFYNWYD ·
Cymeradwyo’r Datganiad Strategaeth
Rheoli’r Trysorlys a’r Strategaeth Buddsoddi Blynyddol atodol am 2016/17, fel ei addaswyd i bwrpas
y Gronfa Bensiwn ·
Gwneud cais i’r Cyngor (er nad yw’n gorff ar
wahân) i ganiatáu i arian dros ben y Gronfa Bensiwn barhau i gael ei gronni
gyda llif arian cyffredinol y Cyngor o 1 Ebrill 2016 ymlaen. |
|
DATGANIAD O EGWYDDORION BUDDSODDI PDF 188 KB Ystyried adroddiad y Rheolwr Buddsoddi Dogfennau ychwanegol: Cofnod: Cyflwynwyd
adroddiad gan y Rheolwr Buddsoddi yn gofyn i’r Pwyllgor fabwysiadu’r Datganiad
o Egwyddorion Buddsoddi. Nodwyd bod y ddogfen ddiwygiedig yn cynnwys y
newidiadau a gyflwynwyd ym mis Tachwedd 2015. Adroddwyd, yn dilyn cyfnod
ymgynghori o wyth wythnos, bod angen i’r Pwyllgor fabwysiadu’r fersiwn terfynol
yn ffurfiol. (Amlygwyd, er mai ychydig iawn o
addasiadau sydd i’r Datganiad,
bod yn ofynnol eu gweithredu). Tynnwyd sylw at
gyfrifoldeb y Rheolwyr Buddsoddi ac amlinellwyd mai'r datganiad sydd yn gosod
ffiniau a chyfrifoldebau. Cynigiwyd ac
eiliwyd i fabwysiadu’r Datganiad o Egwyddorion
Buddsoddi. PENDERFYNWYD mabwysiadu’r Datganiad o Egwyddorion Buddsoddi yn
ffurfiol. |
|
DIWEDDARIAD AR YMGYNGHORIADAU LLYWODRAETH WESTMINSTER (DCLG) PDF 101 KB Ystyried adroddiad y Pennaeth Cyllid Cofnod: Mewn adroddiad gan
y Pennaeth Cyllid atgoffwyd yr Aelodau bod ymatebion wedi eu cyflwyno i ddau
ymgynghoriad diweddar gan y DCLG sef: a) Cynllun Pensiwn Llywodraeth Leol: Meini Prawf
Diwygiad Buddsoddiadau ac Arweiniad. b) Diddymu a Disodli’r Rheoliadau Cynllun Bensiwn Llywodraeth Leol (Rheolaeth A Buddsoddi Cronfeydd) 2009 Adroddwyd nad oedd
ymateb i’r ymgynghoriadau wedi eu cyhoeddi gan y Llywodraeth
a bod y cronfeydd yn parhau i aros penderfyniad. Nodwyd bod dau ymateb posib -
ynteu ganiatáu UN gronfa i Gymru neu uno â chronfa
dros y ffin. Amlygwyd bod y
sefyllfa yn un bregus ac annhebygol y bydd arweiniad yn cael ei gynnig ar y
mater gan Lywodraeth San Steffan. Petai Gwynedd i uno gyda chronfeydd dros y
ffin, bydd gofyn i’r Cadeirydd a’r Pennaeth Cyllid gynnal trafodaethau gyda
chronfeydd i geisio’r budd gorau i’r gronfa bensiwn
yng Ngwynedd. Gwnaed cais i
ymateb Llywodraeth San Steffan gael ei rannu pan fydd cyhoeddiad. Petai'r angen
yn codi i rannu gwybodaeth ymhellach, yna gwnaed penderfyniad i alw cyfarfod
arbennig. Derbyniwyd y sylwadau. |