Rhaglen a chofnodion
Lleoliad: Ystafell Gwyrfai - Pencadlys Caernarfon. Gweld cyfarwyddiadau
Cyswllt: Lowri Haf Evans 01286 679878
Rhif | eitem |
---|---|
YMDDIHEURIADAU Derbyn unrhyw
ymddiheuriadau am absenoldeb Cofnod: Dim i’w nodi |
|
DATGAN BUDDIANT PERSONOL Derbyn unrhyw
ddatganiad o fuddiant personol Cofnod: Dim i’w nodi |
|
MATERION BRYS Nodi unrhyw eitemau
sy’n fater brys ym marn y cadeirydd fel y gellir eu hystyried. Cofnod: Dim i’w nodi |
|
Bydd y Cadeirydd yn cynnig y dylid llofnodi cofnodion cyfarfod o’r pwyllgor hwn a gynhaliwyd 29.9.17 fel rhai cywir Cofnod: Llofnododd y Cadeirydd gofnodion cyfarfod o’r
pwyllgor hwn a gynhaliwyd ar yr 29 o Fedi 2017 fel rhai cywir. |
|
CYSONI ISAFSWM PENSIYNAU GWARANTEDIG (IPG PDF 201 KB I ystyried adroddiad y Rheolwr Pensiynau Cofnod: Cyflwynwyd adroddiad gan y Rheolwr Pensiynau yn gofyn i’r Pwyllgor
gymeradwyo cyfanswm costau ychwanegol i’r Uned Weinyddu Pensiynau barhau gyda’u
gwaith i gysoni Isafswm Pensiynau Gwarantedig (IPG) aelodau unigol yn unol â CThEM (Cyllid a Thollau EM). Adroddwyd bod
oediad yn ymateb y CThEM i ymholiadau a gyda bwriad gan y CThEM i gau’r holl
waith cysoni 31.12.18, nodwyd y byddai ymestyn cyfnod y tîm prosiect i ymateb
i’r gwaith ychwanegol yn sicrhau bod y gwaith yn cael ei gwblhau o fewn yr
amserlen. Amlygwyd bod Awdurdodau eraill yn defnyddio cwmnïau
allanol a bod cyfle yma yng Ngwynedd i barhau i fanteisio ar arbenigedd yr
adnoddau mewnol ac osgoi defnyddio ymgynghorwyr allanol, costus. Eglurwyd wrth yr Aelodau beth oedd y rhesymau dros
y gwaith ychwanegol a bod cysoni isafswm pensiynau gwarantedig yn waith
technegol iawn gyda’r angen i sicrhau bod y wybodaeth yn gyfredol, bod
anghysondebau wedi eu cywiro a bod risgiau wedi eu datrys. Cynigiwyd ac eiliwyd i gymeradwyo'r gwariant ychwanegol a diolchwyd i’r tîm
prosiect am eu gwaith trylwyr PENDERFYNWYD cymeradwyo £50,994 o gyllideb ychwanegol i’r Uned Weinyddu
Pensiynau, er mwyn ariannu parhad y tîm tan 31 Rhagfyr 2018 (dyddiad terfyn
CThEM) |
|
BWRDD PENSIWN - AD-DALU TREULIAU, TÂL A LWFANSAU PDF 182 KB I ystyried adroddiad y Pennaeth Cyllid (mewn ymgynghoriad gyda’r Pennaeth Gwasanaeth Cyfreithiol) Cofnod: Cyflwynwyd adroddiad gan y Pennaeth Cyllid mewn ymgynghoriad gyda’r
Pennaeth Gwasanaeth Cyfreithiol yn gofyn i’r Pwyllgor ystyried talu lwfans i
Gynrychiolwyr Cyflogwyr a Chynrychiolwyr Aelodau’r Cynllun am fynychu
cyfarfodydd a sesiynau hyfforddi'r Bwrdd Pensiwn. Nodwyd y byddai cyfraddau'r
lwfans yn unol â’r cyfraddau a osodwyd ar gyfer Aelodau Annibynnol Pwyllgor
Safonau Cyngor Gwynedd ac Aelod Lleyg Pwyllgor Archwilio a Llywodraethu Cyngor
Gwynedd. Amlygwyd y byddai’r costau yn cael eu codi ar y Gronfa Bensiwn a bod
grym rheolaeth cyllideb y Gronfa gyda’r Pwyllgor Pensiynau. Mewn ymateb, nodwyd bod yr argymhelliad yn un teg ac y byddai talu lwfans
yn adlewyrchu cyfraniad gwerthfawr a gwaith da'r Bwrdd Pensiwn. PENDERFYNWYD
i. Talu lwfans i Gynrychiolwyr
Cyflogwyr a Chynrychiolwyr Aelodau'r Cynllun am fynychu cyfarfodydd yn ymwneud
â busnes y Bwrdd Pensiwn (gan gynnwys mynychu hyfforddiant) ar y cyfraddau
gosodwyd ar gyfer aelodau annibynnol o Bwyllgor Safonau Cyngor Gwynedd a’r
aelod lleyg o Bwyllgor Archwilio a Llywodraethu Cyngor Gwynedd.
ii. Ni fydd unrhyw lwfans yn
cael ei dalu os yw'r aelod o'r Bwrdd yn cyflawni'r rôl hon o fewn eu diwrnod
gwaith arferol heb ostyngiad mewn tâl. Ar gyfer Cynghorwyr sydd wedi'u
penodi i'r Bwrdd, byddai'r rôl yn rhan o wahanol benodiadau'r cyngor y maen
nhw'n eu cymryd. Felly, mae'n fater i'r Cyngor penodol sy’n gwneud y
penodiad i ystyried sut y dylid ymdrin â chyfrifoldebau aelodaeth fel rhan o'u
Cynllun Lwfans Aelodau perthnasol.
iii. Bydd gan bob aelod o'r
Bwrdd Pensiwn hawl i hawlio lwfansau teithio a chynhaliaeth ar gyfraddau
gosodwyd i aelodau annibynnol Pwyllgor Safonau Cyngor Gwynedd a’r aelod lleyg o
Bwyllgor Archwilio a Llywodraethu Cyngor Gwynedd. Bydd yr holl gostau
(lwfans am fynychu cyfarfodydd y Bwrdd Pensiwn, lle’n briodol, ynghyd â
lwfansau teithio a chynhaliaeth) yn cael eu codi ar y Gronfa Bensiwn. |
|
CAU ALLAN Y WASG A'R CYHOEDD Bydd y Cadeirydd yn cynnig y dylid cau’r wasg
a’r cyhoedd allan o’r cyfarfod yn ystod y drafodaeth ar yr eitem ganlynol gan
ei fod yn debygol y datgelir gwybodaeth eithriedig fel y’i diffinnir ym
mharagraff 14 o Atodiad 12A o Deddf Llywodraeth Leol 1972 - Gwybodaeth ynglyn a trafodion ariannol neu
fusnes unrhyw berson penodol( yn cynnwys yr awdurdod sydd yn dal y wybodaeth
hynny). Mae'r Adroddiad Dethol Gweithredwr
yn darparu crynodeb o'r ymarferiad caffael i benodi gweithredwr ar gyfer
Partneriaeth Pensiwn Cymru, a gyflawnwyd gan yr wyth cronfa bensiwn yng
Nghymru. Mae'r gwybodaeth yma yn cynnwys gwybodaeth fasnachol sensitif am
gryfderau a gwendidau cymharol yr ymgeiswyr a'u cynigion, a'r sgoriau a
arfarnwyd i'r ymgeiswyr. Cofnod: PENDERFYNWYD Cau allan y wasg
a’r cyhoedd o’r cyfarfod yn ystod y drafodaeth ar yr eitem ganlynol gan ei fod
yn debygol y datgelir gwybodaeth eithriedig fel y’i diffinnir ym mharagraff 14
o Atodiad 12A o Ddeddf Llywodraeth Leol 1972 - Gwybodaeth ynglŷn â
thrafodion ariannol neu fusnes unrhyw berson penodol (yn cynnwys yr awdurdod
sydd yn dal y wybodaeth hynny). Mae’r Adroddiad Dethol Gweithredwr yn darparu
crynodeb i’r ymarferiad caffael i benodi gweithredwr ar gyfer Partneriaeth
Pensiwn Cymru a gyflawnwyd gan yr wyth cronfa bensiwn yng Nghymru. Mae’r
wybodaeth yma yn cynnwys gwybodaeth fasnachol sensitif am gryfderau a gwendidau
cymharol yr ymgeiswyr a’u cynigion a’r sgoriau a arfarnwyd i’r ymgeiswyr. |
|
ARGYMHELLIAD CAFFAEL Y BARTNERIAETH PENSIWN CYMRU I ystyried adroddiad y Pennaeth Cyllid (Copiau arwahan i aelodau’r Pwyllgor yn unig) Cofnod: Cyflwynwyd adroddiad gan y Pennaeth y Cyllid yn
adrodd ar y cynnydd a wnaed gyda chaffael gwasanaethau gweithredwr ar gyfer
Partneriaeth Pensiwn Cymru i reoli
asedau buddsoddi’r wyth Cynllun Pensiwn Llywodraeth Leol yng Nghymru ar sail gydweithredol. Amlygwyd y
byddai yn bidiwr llwyddiannus yn cael ei argymell i Gydbwyllgor Llywodraethu
Partneriaeth Pensiwn Cymru ac y byddai gofyn i’r wyth cynllun pensiwn gadarnhau
drwy eu proses gymeradwyo lleol, eu bod yn ymrwymo i’r contract gyda’r
Gweithredwr. Adroddwyd y byddai enw'r bidiwr llwyddiannus yn cael ei gyhoeddi unwaith y
bydd y Cydbwyllgor Llywodraethu yn cadarnhau'r penodiad yn swyddogol. Cynigwyd ac eiliwyd i dderbyn argymhelliad 1 a 3
o’r adroddiad (argymhelliad 2 wedi ei ddileu oherwydd yr angen am eglurhad
pellach). Derbyniwyd bod y broses caffael wedi bod yn un hir
a chymhleth, ond yn broses hanfodol a gwerthfawr.
PENDERFYNWYD
·
penodi Bidiwr 1 fel y bidiwr
llwyddiannus ar gyfer Partneriaeth Pensiwn Cymru (rhif cyfeirnod OJEU 2017/S
050-092093), ac ·
yn amodol ar gwblhau'r
cyfnod segur ac addasu'r Cytundeb Gweithredwr yn briodol, i symud ymlaen i
benodi Bidiwr 1 fel y Gweithredwr dan y Cytundeb Gweithredwr. |