Rhaglen a chofnodion
Lleoliad: Siambr Hywel Dda - Swyddfeydd y Cyngor, Caernarfon. Gweld cyfarwyddiadau
Cyswllt: Bethan Adams 01286 679020
Rhif | eitem |
---|---|
YMDDIHEURIADAU Derbyn unrhyw ymddiheuriadau am absenoldeb. Cofnod: Y Cynghorydd Aled Ll. Evans a Mr John Pollard. |
|
DATGAN BUDDIANT PERSONOL Derbyn unrhyw ddatganiad o fuddiant personol. Cofnod: Ni dderbyniwyd
datganiad o fuddiant personol gan unrhyw aelod oedd yn bresennol. |
|
MATERION BRYS Ystyried unrhyw fater arall sydd yn teilyngu sylw brys ym marn y Cadeirydd. |
|
Bydd
y Cadeirydd yn cynnig y dylid llofnodi cofnodion cyfarfod y pwyllgor hwn, a gynhaliwyd ar 1 Rhagfyr, 2015, fel rhai cywir. Cofnod: Llofnododd
y Cadeirydd gofnodion o’r pwyllgor hwn
a gynhaliwyd ar 1 Rhagfyr 2015, fel rhai cywir. |
|
CYLLIDEB REFENIW 2015/16 - ADOLYGIAD TRYDYDD CHWARTER PDF 181 KB Cyflwyno adroddiad y Pennaeth Cyllid. Dogfennau ychwanegol:
Cofnod: Cyflwynwyd adroddiad monitro’r Pennaeth Cyllid a’r Uwch Reolwr Cyllid ar
y sefyllfa ariannol ddiweddaraf a gyflwynir i’r Cabinet ar 16 Chwefror. Gosododd yr Aelod
Cabinet Adnoddau y cyd-destun ac ymhelaethodd yr Uwch Reolwr Cyllid ar gynnwys
yr adroddiad. Cyfeiriwyd at sefyllfa gorwariant tebygol yr Adran Oedolion,
Iechyd a Llesiant a nodwyd bod gostyngiad sylweddol o’r lefel gorwariant a
ragwelwyd ar ddiwedd yr ail chwarter. Nodwyd bod rhaglen arbedion
effeithlonrwydd yr Adran wedi llithro ac y byddai oddeutu £725k heb ei gyflawni
eleni. Ymhelaethwyd y bydd rhaid i’r arbediad gael ei wireddu maes o law, ond
yn y cyfamser bod angen trefniadau pontio priodol yn eu lle. Mewn ymateb i gwestiwn
gan aelod parthed gorwariant yr Adran, nodwyd bod camau ariannol a rheolaethol
da wedi eu cymryd a bod y sefyllfa yn fwy derbyniol erbyn hyn. PENDERFYNWYD nodi’r sefyllfa a’r risgiau perthnasol
yng nghyswllt cyllidebau’r Cyngor a’i adrannau; ac argymell i’r Cabinet dderbyn yr adroddiad
a chymeradwyo’r argymhellion. |
|
RHAGLEN GYFALAF 2015/16 - ADOLYGIAD TRYDYDD CHWARTER PDF 180 KB Cyflwyno adroddiad y Pennaeth Cyllid. Dogfennau ychwanegol: Cofnod: Cyflwynwyd adroddiad
y Pennaeth Cyllid yn rhoddi manylion
am y rhaglen ddiwygiedig a’r ffynonellau ariannu perthnasol. Gosododd yr Uwch Reolwr
Cyllid y cyd-destun ac ymhelaethodd ar gynnwys yr adroddiad a gyflwynir
i’r Cabinet ar 16 Chwefror. Yn ystod y drafodaeth ddilynol ymatebodd y swyddogion i ymholiadau’r
aelodau fel a ganlyn: ·
O ran gwariant isel Tai hyd yn
hyn, bod gwariant megis grantiau ardaloedd adnewyddu yn ddibynnol ar
nifer o ffactorau ac nad oedd y sefyllfa
yn peri pryder; ·
Yr anfonir neges i’r Adran
bod angen hyrwyddo’r benthyciadau/grantiau tai sydd ar gael
i’r cyhoedd; ·
Bod y Cyngor yn blaen gynllunio
ar gyfer y cyfnod ar ôl
y rhaglen Ysgolion Ganrif 21 presennol, gyda’r Adran Addysg
yn cychwyn ar y broses o flaenoriaethu a fyddai’n bwydo i Gynllun Asedau
nesaf y Cyngor a fydd yn weithredol
o 2019-20 ymlaen. PENDERFYNWYD nodi sefyllfa rhaglen gyfalaf y Cyngor; ac argymell i’r Cabinet dderbyn yr adroddiad
a chymeradwyo’r argymhellion. |
|
MATERION CYLLIDEBOL |
|
STRATEGAETH ARIANNOL 2016/17 – 2019/20 A CHYLLIDEB 2016/17 PDF 136 KB Cyflwyno
adroddiad y Pennaeth Cyllid. Dogfennau ychwanegol: Cofnod: Cyflwynwyd adroddiad yr
Aelod Cabinet Adnoddau ar y gyllideb er mwyn rhoddi cyfle i’r Pwyllgor
Archwilio graffu’r wybodaeth o ran ei briodoldeb ariannol cyn i’r adroddiad
fynd gerbron y Cabinet ar 16 Chwefror. Gosodwyd cefndir a chyd-destun i’r adroddiad gan yr
Aelod Cabinet Adnoddau. Nododd bod Llywodraeth Cymru ar 10 Chwefror
2016 wedi hysbysu byddai grant y Cyngor yn llai
o £39,440, ac felly bod argymhelliad 1 a roddir gerbron y Cabinet wedi ei ddiwygio
fel a ganlyn, cyn ystyried yr eitem ‘Toriadau i Gyfarch y Bwlch
Ariannol’: “Sefydlu cyllideb o £226,954,990 ar gyfer 2016/17, i’w ariannu drwy
Grant Llywodraeth o £166,950,760 a £60,004,230 o incwm o’r Dreth
Cyngor gyda chynnydd o 3.5%.” Manylodd y Pennaeth Cyllid ar gynnwys yr
adroddiad gan nodi yr adolygir
cronfeydd y Cyngor erbyn Mehefin 2016, gan symud unrhyw
adnoddau a ryddheir i gwrdd â’r
anghenion am adnodd i bontio tua
£2 miliwn o doriadau ni ellir
cyflawni ar unwaith o Ebrill 2016. Rhoddwyd cyfle i’r aelodau ofyn cwestiynau a chynnig sylwadau. Yn ystod y
drafodaeth, amlygwyd y prif bwyntiau a ganlyn:- ·
Bod yr hyn a argymhellir yn
rhesymol; ·
Yn gweld y rhesymeg tu ôl
cynyddu Treth y Cyngor ar gyfer 2016/17 ond ei fod yn effeithio unigolion nad
yw eu cyflogau’n cynyddu a dylid ystyried yr effaith ar unigolion pan fo
gwasanaethau’n lleihau. |
|
TORIADAU I GYFARCH Y BWLCH ARIANNOL PDF 132 KB Cyflwyno adroddiad y Prif Weithredwr. Dogfennau ychwanegol:
Cofnod: Cyflwynwyd yr adroddiad gan y Prif Weithredwr,
nododd yn dilyn ymgynghoriad cyhoeddus Her Gwynedd ar y toriadau yn ystod
yr Hydref, y cynhaliwyd cyfres o weithdai i holl
aelodau’r Cyngor i graffu’r farn
a fynegwyd gan y cyhoedd. Nodwyd
bod yr hyn a argymhellir i’r
Cabinet yn cymryd i ystyriaeth y sylwadau a wnaed gan yr aelodau
yn y gweithdai. Tynnwyd sylw yr argymhellir
cynnydd o 3.97% yn Nhreth y Cyngor yn 2016/17, uwchben y 3.5% cynlluniedig, er mwyn osgoi gwireddu’r
toriadau ym Mand 5. Eglurwyd mai priodoldeb ariannol y cynigion oedd angen derbyn
sylw'r Pwyllgor ac y byddai cyfle i’r
holl aelodau roi eu barn o ran cynlluniau unigol yng nghyfarfod y Cyngor Llawn ar
3 Mawrth 2016 lle gosodir y gyllideb ar gyfer 2016/17. Yn ystod y drafodaeth ddilynol ymatebodd y swyddogion i ymholiadau’r
aelodau fel a ganlyn: · Bod rhaid i’r gyllideb
fod yn gytbwys
felly os ni chynyddir Treth y Cyngor 3.97% y byddai’n rhaid cynnwys cynlluniau
o fandiau 6-10; · Bod y cynnydd yr argymhellir
yn Nhreth y Cyngor yn agos
at gyfartaledd cynnydd mewn Treth Cyngor
cynghorau eraill yng Nghymru; · Yr argymhellir cynnwys yn y toriadau cynllun
20 ‘Cadw’r Teledu Cylch Cyfyng (CCTV) ond dileu’r adnodd
sy’n cadw golwg parhaus arno’
ac y dylid ceisio gwireddu’r arbediad drwy leihau cyfraniad
y Cyngor a gwneud unrhyw newidiadau gweithredu y gellid eu gwneud heb
amharu ar effeithioldeb y gyfundrefn; · Gan fod y Cyngor wedi
gweithredu’r gyfundrefn cofrestru awtomatig yng nghyswllt pensiynau,
ers rhai blynyddoedd, na
fyddai cost ychwanegol i’r Cyngor. |
|
ARGYMHELLIAD I'R CABINET - CYLLIDEB A TRETH CYNGOR 2016/17 Cofnod: PENDERFYNWYD argymell i’r Cabinet y dylid: (i) Sefydlu cyllideb o £227,227,120 ar gyfer 2016/17, i’w ariannu drwy
Grant Llywodraeth o £166,950,760 a £60,276,360 o incwm o’r Dreth
Cyngor gyda chynnydd o 3.97%; (ii) Sefydlu rhaglen gyfalaf o £22.141m yn 2016/17 a £12.286m yn 2017/18 i’w ariannu o’r
ffynonellau a nodir yng nghymal 9.4 o’r atodiad; (iii) Awdurdodi’r Pennaeth Cyllid, mewn ymgynghoriad gyda’r Aelod Cabinet dros Adnoddau, i drefnu i
ariannu swm addasedig o gronfeydd, fel bo angen,
er mwyn amddiffyn
penderfyniadau’r Cyngor ar y gyllideb a’r
dreth pe bai newidiadau ymylol mewn grant Llywodraeth, yn dilyn penderfyniadau Llywodraeth Cymru, fydd yn arwain
at ddatgan setliad grant terfynol ar gyfer
llywodraeth leol ar 2 Mawrth, a phleidlais yn y Cynulliad ar 9 Mawrth 2016 i’w gadarnhau. |
|
Cyflwyno adroddiad y Pennaeth Cyllid. Dogfennau ychwanegol: Cofnod: Cyflwynwyd adroddiad y Pennaeth Cyllid yn gofyn i’r pwyllgor argymell
i’r Cyngor Llawn ar 3 Mawrth fabwysiadu’r Datganiad Strategaeth Rheolaeth
Trysorlys a’r Strategaeth Buddsoddi Flynyddol am 2016/17, y Dangosyddion
Darbodus, y Datganiad Darpariaeth Lleiafswm Refeniw a’r trefniant uno gyda’r
Gronfa Bensiwn ar gyfer buddsoddi llif arian dyddiol. Gosododd y Rheolwr Buddsoddi y cyd-destun ac ymhelaethodd ar gynnwys yr
adroddiad. Tynnwyd sylw y byddai ‘Tabl 1: Crynodeb Mantolen a’r Rhagolwg’ ar
dudalen 3 Atodiad A yn cael ei ddiwygio i nodi £177,006 yn y golofn ‘Benthyca
CFR’ o dan ‘31.3.19 Amcangyfrif £’000’ pan cyflwynir yr adroddiad gerbron y
Cyngor Llawn. Nodwyd gwerthfawrogiad
o’r cyfarfod briffio a gynhaliwyd ar 28 Ionawr, 2016 i aelodau’r Pwyllgor gydag
ymgynghorydd arbenigol o gwmni Arlingclose ac
ymgynghorwyr trysorlys y Cyngor. PENDERFYNWYD argymell i’r Cyngor Llawn ar 3 Mawrth fabwysiadu’r Datganiad Strategaeth Rheolaeth Trysorlys a’r Strategaeth Buddsoddi Flynyddol am 2016/17 (Atodiad A), y Dangosyddion Darbodus (Atodiad B), y Datganiad Darpariaeth Lleiafswm Refeniw (Atodiad C) a’r trefniant uno gyda’r Gronfa Bensiwn ar gyfer buddsoddi llif arian dyddiol. |
|
HAWLIADAU YSWIRIANT YN ERBYN Y CYNGOR PDF 465 KB Cyflwyno adroddiad yr Uwch Reolwr Refeniw a Risg. Dogfennau ychwanegol: Cofnod: Cyflwynwyd adroddiad yr Uwch
Reolwr Refeniw a Risg a oedd yn
manylu ar drefniadau’r Cyngor o ran delio â hawliadau yswiriant. Tynnwyd sylw at yr atodiad
a oedd yn rhoi darlun llawn
o’r holl hawliadau Atebolrwydd Cyhoeddus ac Atebolrwydd Cyflogwr a setlwyd yn ystod 2013-14 a 2014-15 Yn ystod y drafodaeth ddilynol ymatebodd y swyddogion i ymholiadau’r
aelodau fel a ganlyn: · Bod y Gronfa Yswiriant Fewnol yn cyfarch
cost rhedeg y gwasanaeth ac
os yw maint
y gronfa yn cynyddu i lefel
uwch nag sydd ei angen ym
marn y swyddogion, yna fe ddychwelir
yr arian yn ôl i
falansau’r Cyngor; · Gan fod ‘excesses’ polisiau Yswiriant Atebolrwydd Cyhoeddus ac Atebolrwydd Cyflogwr yn cynyddu
i £50,000 o fis Ebrill 2016 ymlaen, y gallai olygu fwy
o alw ar y Gronfa Yswiriant Fewnol ac fe asesir
y sefyllfa yn rheolaidd; · Y rhoddir cyngor i’r adrannau o ran eu cofrestrau risg
er mwyn ceisio
lliniaru’r risgiau a allai godi o ganlyniad
i’r toriadau; · O ran talu costau hawlydd,
ers 2013 dim ond costau sefydlog y gellir eu hawlio; · Os gwelir patrwm cynyddol
yn y math o hawliadau a wneir yn erbyn
adrannau fe adroddir yn ôl
a rhoddir argymhellion o
ran gwersi i’w dysgu; · Yr edrychir ar drefn
bosib o wobrwyo neu gosbi adrannau
o ran eu cyfraniad i’r Gronfa Yswiriant
Fewnol er mwyn gyrru ymddygiad; · Er bod nifer uchel o hawliadau
yn cael eu
gwneud yn erbyn yr Adran
Priffyrdd a Bwrdeistrefol, fe amddiffynnwyd
llawer o’r hawliadau oherwydd trefniadau da o ran arolygu ffyrdd. PENDERFYNWYD derbyn yr adroddiad. |
|
BIL LLYWODRAETH LEOL (CYMRU) DRAFFT – YMGYNGHORIAD LLYWODRAETH CYMRU PDF 361 KB Cyflwyno adroddiad yr Uwch Reolwr Refeniw a Risg. Dogfennau ychwanegol:
Cofnod: Cyflwynwyd
adroddiad yr Uwch Reolwr Refeniw
a Risg yng nghyswllt ymgynghoriad Llywodraeth Cymru ar Fil Llywodraeth Leol (Cymru) Drafft
2015 a ddisgwylir i ddod yn Ddeddf
yn 2017. Gwahoddwyd sylwadau’r pwyllgor ar: ·
Rhan 1 (Ardaloedd Llywodraeth Leol a Chynghorau Sir), Pennod 3 (Sefydlu’r Cynghorau ar Gyfer y Siroedd
Newydd), Adran 16 (ac Atodlen 3) sy’n ymwneud a Chynghorau Newydd: Cyllid; ·
Rhan 5 (Cynghorau Sir:
Llywodraethu yn Well), Pennod 7 sy’n ymwneud
a Phwyllgorau Llywodraethu Corfforaethol ac Archwilio. PENDERFYNWYD
cyflwyno’r sylwadau a
ganlyn, i’w hystyried fel rhan o baratoi ymateb corfforaethol i’r Bil Llywodraeth Leol (Cymru) Drafft 2015: (i)
Cynnig Atodiad 1 fel ymateb i
gwestiynau 1.7, 1.8, 1.9 a 1.10; (ii)
Cynnig sylwadau yn seiliedig
ar baragraffau 3.5 a 3.6 fel ymateb i
gwestiwn 1.12; (iii) Cadarnhau bod y pwyllgor yn cytuno â’r
sylwadau aeth gerbron y Pwyllgor Craffu Corfforaethol ar 4 Chwefror fel
ymateb i gwestiwn 5.4 gan ychwanegu’r sylwadau a ganlyn: “Barn bendant Pwyllgor Archwilio Cyngor Gwynedd yw bod cael traean
o aelodau’r Pwyllgor Archwilio yn aelodau
lleyg yn ormodol. Barn
y Pwyllgor yw bod hyn yn erbyn
egwyddorion democrataidd, a
bod cynghorwyr presennol yn meddu ar
y ddealltwriaeth ac adnabyddiaeth
o’r Cyngor na all aelodau
lleyg eu cynnig. Mae Cynghorwyr hefyd
yn cynrychioli traws doriad eang
o gymdeithas ac ystod o sgiliau. Nodwyd hefyd nad
oes aelodau lleyg ar bwyllgorau’r
Cynulliad. Mae’r Pwyllgor Archwilio hefyd yn gwrthwynebu’r
egwyddor fod rhaid i Gadeirydd
y Pwyllgor Archwilio fod yn aelod
lleyg, gan nad oes rhesymeg amlwg y tu ôl i’r
cynnig yma.” |
|
ADRODDIAD Y GWEITHGOR GWELLA RHEOLAETHAU PDF 496 KB Cyflwyno adroddiad Cadeirydd y Pwyllgor yn cyflwyno adborth o gyfarfod y Gweithgor ar 19 Ionawr, 2016. Cofnod: Cyflwynwyd adroddiad Cadeirydd y Pwyllgor Archwilio ar gyfarfod o’r
gweithgor uchod a gynhaliwyd ar 19 Ionawr 2016 i ystyried
archwiliad ymatebol a gynhaliwyd ar Ganolfan
y Gwystl ynghyd a tri archwiliad a dderbyniodd gategori barn C yn ystod y cyfnod rhwng 14 Medi 2015 a 31 Hydref 2015 sef - a) Canolfan Hamdden Plas Ffrancon b) Cefn Rodyn, Dolgellau c) Trafnidiaeth Gyhoeddus Gwahoddwyd
swyddogion i fynychu’r cyfarfod er mwyn trafod
y materion sy’n codi o’r archwiliadau
a’r gwaith a wnaed ers cyhoeddi’r
adroddiadau archwilio er mwyn cryfhau’r
rheolaethau mewnol dan sylw. Nododd
aelod o’r gweithgor ei fod
yn arferiad i wahodd Uwch
Reolwyr i drafod y materion sy’n codi o’r
archwiliadau ond bod aelodau’r gweithgor wedi gweld budd
mewn gwahodd swyddogion oedd yn gweithredu o ddydd i ddydd
wrth drafod archwiliad Canolfan Hamdden Plas Ffrancon. Mewn
ymateb i sylw gan aelod
parthed archwiliadau Canolfannau Hamdden yn derbyn categori
barn C yn rheolaidd, nododd y Rheolwr Archwilio bod canllawiau a llawlyfr gan yr
Adran Economi a Chymuned i gynorthwyo
swyddogion y canolfannau ond bod angen newid
diwylliant yn y Canolfannau Hamdden. Nodwyd bod y Gwasanaeth Archwilio yn fwy
na bodlon
i gynorthwyo swyddogion ac i gynnig cyngor. PENDERFYNWYD derbyn yr adroddiad. |
|
CYNNYRCH ARCHWILIO MEWNOL PDF 707 KB Cyflwyno adroddiad y Rheolwr Archwilio yn amlinellu gwaith Archwilio Mewnol am y cyfnod rhwng 1 Tachwedd a 31 Ionawr 2016. Cofnod: Cyflwynwyd adroddiad
y Rheolwr Archwilio yn amlinellu gwaith
Archwilio Mewnol am y cyfnod rhwng 1 Tachwedd 2015 a 31 Ionawr 2016. Nodwyd bod 15 adroddiad am archwiliadau o’r cynllun gweithredol gyda’r categori barn berthnasol yn cael
ei ddangos wedi ei gwblhau
yn ystod y cyfnod, 6 adolygiad grant a 3 archwiliad dilyniant. Rhoddwyd ystyriaeth i’r adroddiadau yn unigol. PENDERFYNWYD: (a)
derbyn yr
adroddiad ar waith Archwilio Mewnol am y cyfnod o 1 Tachwedd 2015 i 31 Ionawr 2016 a chefnogi’r argymhellion a gyflwynwyd eisoes i reolwyr
y gwasanaethau perthnasol er gweithrediad. (b)
bod Cadeirydd ac Is-gadeirydd y pwyllgor, ynghyd â’r Cynghorwyr E. Selwyn
Griffiths, Aeron M. Jones ac W. Tudor Owen i wasanaethu ar y Gweithgor i ystyried
yr archwiliadau oedd wedi derbyn
categori barn ‘C’. (c)
mai cyfrifoldeb
unrhyw aelod na allai fod
yn bresennol yn y Gweithgor oedd trefnu eilydd. |
|
CYNLLUN ARCHWILIO MEWNOL 2015/16 PDF 487 KB Cyflwyno adroddiad y Rheolwr Archwilio ar y cynnydd ar Gynllun Archwilio Mewnol 2015/16. Cofnod: Cyflwynwyd adroddiad y
Rheolwr Archwilio yn rhoi diweddariad ar y sefyllfa gyfredol o ran cwblhau
cynllun archwilio mewnol 2015/16. Adroddwyd bod y
Gwasanaeth Archwilio Mewnol hyd at 31 Ionawr 2016 wedi cwblhau 56.76% o’r
cynllun gyda 42 o’r 74 archwiliad unigol wedi eu rhyddhau yn derfynol. PENDERFYNWYD nodi cynnwys yr adroddiad fel
diweddariad o gynnydd yn erbyn cynllun archwilio 2015/16. |
|
CYNLLUN ARCHWILIO MEWNOL DRAFFT 2016/17 PDF 403 KB Cyflwyno Cynllun Archwilio Mewnol Drafft ar gyfer y flwyddyn 1 Ebrill 2016 – 31 Mawrth 2017. Cofnod: Cyflwynwyd adroddiad y
Rheolwr Archwilio yn rhoi manylion am gynllun drafft o waith y Gwasanaeth
Archwilio Mewnol am y flwyddyn ariannol 2016/17 er sylwadaeth a chymeradwyaeth
y Pwyllgor. Nodwyd bod trafodaethau wedi eu cynnal eisoes gyda’r Penaethiaid
Adran a rheolwyr perthnasol gyda’u hawgrymiadau yn seiliedig ar yr hyn yn eu
tyb hwy sydd yn risg uchel wedi eu hymgorffori yn y cynllun. PENDERFYNWYD
cymeradwyo’r Cynllun Archwilio drafft ar gyfer y cyfnod 1 Ebrill 2016 i 31
Mawrth 2017. |
|
HUNANASESIAD O DREFNIADAU LLYWODRAETHU PDF 235 KB Cyflwyno adroddiad yr Uwch Reolwr Refeniw a Risg. Dogfennau ychwanegol: Cofnod: Cyflwynwyd
adroddiad yr Uwch Reolwr Refeniw
a Risg yng nghyswllt adolygiad y Grŵp Asesu Trefniadau Llywodraethu o drefniadau llywodraethu’r Cyngor yn ystod
Tachwedd a Rhagfyr 2015. Amlygwyd newidiadau i benawdau a sgoriau effeithiolrwydd rhai elfennau
o’r fframwaith llywodraethu ers yr hunanasesiad diwethaf, a wnaed gan y
Grŵp Asesu Trefniadau Llywodraethu, yn Mai 2015. Adroddwyd bod y Grŵp Rheoli Corfforaethol wedi ystyried yr adroddiad
ac wedi gwneud y sylwadau canlynol: ·
y dylid gwella sgôr effeithiolrwydd
‘Diwylliant y Cyngor’ i 5 a’i roi
yn yr oren; ·
y dylid rhoi sgôr effeithiolrwydd
o 4 i ‘Y Drefn Craffu’ a’i roi
yn yr oren; ·
y dylid newid y pennawd ‘Protocol Cyswllt Aelod/Swyddog’
i Gydberthynas Aelodau a Swyddogion. Nododd
aelod bod gwell dealltwriaeth yn y Cyngor o roi’r person yn y canol a bod y diwylliant yma yn dechrau gwreiddio. Nododd aelod er bod y Cyngor wedi derbyn adroddiad
beirniadol gan Swyddfa Archwilio Cymru, nad oedd
tystiolaeth mewn gwirionedd fod ‘Y Drefn Craffu’ wedi
gwaethygu, gan fod elfennau da yn y drefn. PENDERFYNWYD cymeradwyo’r asesiad o drefniadau llywodraethu yn ddarostyngedig i’w addasu yn
unol â sylwadau’r Grŵp Rheoli Corfforaethol. |