Rhaglen a chofnodion
Lleoliad: Neuadd Dwyfor, Stryd Penlan, Pwllheli, Gwynedd, LL53 5DE
Cyswllt: Bethan Adams 01286 679020
Rhif | eitem |
---|---|
YMDDIHEURIADAU I dderbyn
unrhyw ymddiheuriadau am absenoldeb. Cofnod: Y
Cynghorydd Simon Glyn. |
|
DATGAN BUDDIANT PERSONOL A MATERION PROTOCOL I dderbyn
unrhyw ddatganiad o fuddiant personol a nodi materion protocol. Cofnod: (a) Datganodd yr aelodau canlynol fuddiant personol, yn yr eitemau canlynol
am y rhesymau a nodir: ·
Y Cynghorydd Berwyn
Parry Jones yn eitem 5.2 ar y rhaglen (cais cynllunio rhif C19/0078/11/LL),
oherwydd ei fod yn Aelod o Fwrdd Cartrefi Cymunedol Gwynedd; ·
Y Cynghorydd Owain Williams yn eitemau 5.3 a 5.4 ar y rhaglen (ceisiadau cynllunio rhifau
C19/0592/43/LL a C19/0593/43/DA), oherwydd ei fod yn berchen yr eiddo lle’r
oedd y cais. Roedd yr aelodau o’r farn eu bod yn
fuddiannau a oedd yn rhagfarnu a gadawsant y Siambr yn ystod y drafodaeth ar y
ceisiadau. (b) Datganodd y Cynghorydd Mair Rowlands (nad
oedd yn aelod o’r Pwyllgor Cynllunio hwn), ei bod yn aelod lleol mewn perthynas
i eitem 5.2 ar y rhaglen, (cais cynllunio rhif C19/0078/11/LL). Ymneilltuodd yr aelod i ochr arall y Siambr yn ystod y drafodaeth ar y
cais dan sylw ac ni fu iddi bleidleisio ar y mater. |
|
MATERION BRYS I nodi
unrhyw eitemau sy’n fater brys ym marn y Cadeirydd fel y gellir eu hystyried. |
|
Bydd y Cadeirydd yn cynnig y dylid llofnodi
cofnodion y cyfarfod blaenorol o’r Pwyllgor hwn, a gynhaliwyd ar 22 Gorffennaf
2019, fel rhai cywir. Cofnod: Llofnododd y Cadeirydd gofnodion cyfarfod blaenorol y pwyllgor hwn a gynhaliwyd ar 22 Gorffennaf 2019, fel rhai cywir. |
|
CEISIADAU AM GANIATÂD CYNLLUNIO Cyflwyno
adroddiad Pennaeth Adran Amgylchedd. Cofnod: Rhoddodd y Pwyllgor ystyriaeth i’r ceisiadau
canlynol i ddatblygu. Ymhelaethwyd ar fanylion y ceisiadau ac
ymatebwyd i gwestiynau mewn perthynas â’r cynlluniau ac agweddau o’r polisïau. PENDERFYNWYD |
|
Cais Rhif C19/0338/42/LL - Bwthyn Bridyn, Lon Bridyn, Morfa Nefyn, Pwllheli PDF 142 KB Estyniad
porth blaen, addasiadau i'r to ac ymestyn adeilad allanol i greu anecs. AELOD LLEOL: Cynghorydd
Gareth T Morris Jones Dolen
i'r dogfennau cefndir perthnasol Dogfennau ychwanegol: Cofnod: Estyniad porth blaen, addasiadau i’r to ac ymestyn
adeilad allanol i greu anecs. (a)
Ymhelaethodd y Rheolwr
Cynllunio ar gefndir y cais, gan nodi y gohiriwyd y cais yng nghyfarfod y
Pwyllgor a gynhaliwyd ar 22 Gorffennaf 2019, er mwyn cynnal ymweliad safle a
chynnal trafodaethau pellach gyda’r asiant/ymgeisydd ynglŷn â’r balconi
llawr cyntaf. Nodwyd yn dilyn trafodaethau gyda’r asiant, bod yr elfen balconi
ar flaen yr eiddo wedi ei ddiddymu o’r cais. ‘Roedd rhai o’r aelodau wedi
ymweld â’r safle cyn y cyfarfod. Roedd y datblygiad yn dderbyniol o safbwynt polisïau lleol a
chenedlaethol perthnasol am y rhesymau a roddwyd yn yr adroddiad. (b) Cynigwyd ac eiliwyd i
ganiatáu’r cais. Nododd aelod ei
gwerthfawrogiad o’r ymweliad safle ac y byddai’r bwriad yn welliant.
Ychwanegodd aelod ei bod yn falch bod yr elfen balconi wedi ei ddiddymu o’r
cais ac y byddai’r bwriad yn sicrhau’r adeilad ar gyfer y dyfodol. PENDERFYNWYD
caniatáu’r cais. Amodau: 1. 5
mlynedd 2. Unol
â’r cynlluniau diwygiedig 3. Llechi 4. Gorffeniad
i gydweddu 5. Defnyddio’r
anecs fel defnydd atodol i’r tŷ yn unig 6. Amod
lefel llawr CNC Nodyn yn cyfeirio
at lythyr CNC |
|
Cais Rhif C19/0078/11/LL - Cyn-Glwb Cymdeithasol Dinas Bangor, Ffordd Deiniol, Bangor PDF 181 KB Darparu 38 uned breswyl (gan
gynnwys cymysg o unedau farchnad agored ac unedau fforddiadwy), mannau parcio a
mynedfa. AELODAU LLEOL: Y Cynghorwyr Mair Rowlands a
Catrin Wager Dogfennau ychwanegol: Cofnod: Darparu 38 uned breswyl (gan gynnwys cymysg o unedau
farchnad agored ac unedau fforddiadwy), mannau parcio a mynedfa. (a) Ymhelaethodd y Rheolwr Cynllunio ar gefndir y cais, gan nodi bod y safle
yn llecyn o dir diffaith gyferbyn â Ffordd Farrar a Ffordd Deiniol yn Ninas
Bangor. Tynnodd sylw bod caniatâd cynllunio gweithredol ar y safle ar gyfer 49
uned 1 a 2 llofft, a ganiatawyd ar apêl. Amlygodd bod egwyddorion dylunio’r adeilad arfaethedig yn dilyn yr
egwyddorion hynny a drafodwyd gan yr Arolygydd Cynllunio ar yr apêl.
Arddangoswyd cynlluniau o ran y caniatâd cynllunio gweithredol a’r cais
gerbron. Nododd bod cynlluniau’r cais gerbron yn welliant o ran dyluniad, gyda
lleihad o 11 uned a bod ffurf ac uchder yr adeilad yn weddol debyg, felly ni
fyddai’n golygu effaith gwahanol ar gymdogion. Cydnabodd bod rhai pryderon yn
lleol am raddfa a deunyddiau'r datblygiad, ond ni ystyriwyd y byddai'r rhain yn
amhriodol o fewn cyd-destun trefol y safle. Cyfeiriodd at benderfyniad diweddar
i ganiatáu apêl cyn safle Jewson ym Mangor lle'r oedd cydnabyddiaeth oherwydd
bod safle o fewn canol dinas bod ychydig o or-edrych cymunedol yn deillio o
ddatblygiad o’r fath. Nododd y ystyriwyd bod y bwriad yn dderbyniol a ni
fyddai’n cael effaith annerbyniol ar fwynderau preswyl na chyffredinol
trigolion lleol o ystyried nid oedd newid yn y ffurf a’r dwysedd. Tynnodd sylw nad oedd unrhyw bryderon o ran trafnidiaeth a mynediad.
Ymhelaethodd bod 38 man parcio yn rhan o’r bwriad a bod y safle, oherwydd ei
leoliad yng Nghanol Dinas Bangor, gyda chysylltiadau trafnidiaeth cyhoeddus ac
yn agos at gyfleusterau. Nododd bod Cartrefi Cymunedol Gwynedd (CCG), fel rhan o’r cais, wedi
cyflwyno Datganiad Tai Fforddiadwy a Datganiad Cymysgedd Tai. Nododd bod y
wybodaeth yn y dogfennau yma yn gyson gyda’r angen a oedd wedi ei adnabod gan
yr Uned Strategol Tai. Eglurodd bod y datblygiad wedi ei gynnwys i dderbyn
Grant Tai Cymdeithasol gan Lywodraeth Cymru. Ymhelaethodd y byddai’r bwriad yn
darparu 23 uned 2 lofft a 15 uned 1 llofft gyda 9 ohonynt yn rai rhent
cymdeithasol, 17 yn rhai rhent canolig a 12 yn rhai rhent marchnad agored. Ymhelaethodd y cyflwynwyd Datganiad Cymunedol ac Ieithyddol gyda’r cais,
er nad oedd yn ofynnol. Eglurodd ers cofrestru’r cais y mabwysiadwyd y Canllaw
Cynllunio Atodol: Cynnal a Chreu Cymunedau Nodedig a Chynaliadwy. Nododd y
derbyniwyd datganiad pellach a oedd yn cyd-fynd gyda gofynion y Canllaw Cynllunio
Atodol. Adroddwyd y derbyniwyd sylwadau'r Uned Iaith ar y datganiad a oedd yn
cydnabod ei fod yn ddatganiad trylwyr, mai CCG a fyddai’n rheoli’r safle ac fe
fyddai’r effaith ar yr iaith Gymraeg yn niwtral gyda’r bwriad yn cyfarch angen
lleol. Nododd nid oedd cyfraniad addysgol yn ofynnol, ond bod gofyn i’r
ymgeisydd roi cyfraniad o £8525.39 ar gyfer darpariaeth llecynnau agored er
mwyn gwella, cynnal neu greu mannau chwarae addas oddi ar y safle. Roedd y datblygiad yn dderbyniol o safbwynt polisïau lleol a
chenedlaethol perthnasol am y rhesymau a roddwyd yn yr adroddiad. (b) Yn manteisio ar yr hawl i siarad nododd ... gweld y cofnod llawn ar gyfer eitem 5.2 |
|
Cais Rhif C19/0592/43/LL - Parc Carafanau a Cwrs Golff Gwynus, Pistyll, Pwllheli PDF 86 KB Gosod tanc carthion yng nghae 470 ynghyd â system ymdreiddio o'r tanc. AELOD LLEOL: Cynghorydd Aled Wyn Jones Dogfennau ychwanegol: Cofnod: Gosod tanc carthion yng nghae 470 ynghyd â system ymdreiddio o’r
tanc. (a) Ymhelaethodd y Rheolwr Cynllunio ar gefndir
y cais, gan nodi bod lleoliad y tanc yn wahanol i’r hyn a ganiatawyd o dan cais
blaenorol i osod unedau gwyliau ar gae cyfochrog. Eglurodd bod y tanc wedi ei
osod a felly ei fod yn gais ôl-weithredol. Nododd ni fyddai’r tanc carthion i’w
weld uwchben y tir a roedd Cyfoeth Naturiol Cymru wedi trwyddedu’r
defnydd. Roedd y datblygiad yn dderbyniol o safbwynt polisïau lleol
a chenedlaethol perthnasol am y rhesymau a roddwyd yn yr adroddiad. (b) Cynigwyd ac eiliwyd i ganiatáu’r cais. Mewn ymateb i sylwadau gan aelod, nododd y Rheolwr Cynllunio bod
sylwadau Cyfoeth Naturiol Cymru ar y cais o ran bioamrywiaeth yn rhai safonol a
oedd yn atgoffa’r awdurdod o’i rôl. Cyfeiriodd at sylwadau’r Uned Bioamrywiaeth
ar y ffurflen sylwadau ychwanegol a oedd yn cadarnhau nid oedd pryderon
bioamrywiaeth. Mewn ymateb i sylw pellach, nododd y Rheolwr Cynllunio ei bod yn derbyn
y sylw, nid oedd y ffurflen sylwadau ychwanegol ar y wefan ond mai’r ddogfen
statudol oedd y rhybudd penderfyniad. PENDERFYNWYD caniatáu’r cais. Amodau: 1. Unol gyda’r cynlluniau. 2. Cytuno a gweithredu cynllun hadu ar gyfer adfer y safle. |
|
Cais Rhif C19/0593/43/DA - Parc Carafanau a Cwrs Golff Gwynus, Pistyll, Pwllheli PDF 87 KB Diwygiad di-faterol i symud lleoliad y lleiniau ar gae 470. AELOD LLEOL: Cynghorydd
Aled Wyn Jones Dogfennau ychwanegol: Cofnod: Diwygiad di-faterol i symud
lleoliad y lleiniau ar gae 470. (a) Ymhelaethodd
y Rheolwr Cynllunio ar gefndir y cais, gan nodi bod y cais am ddiwygiadau
ansylweddol i gynlluniau a ganiatawyd yn flaenorol. Eglurodd bod y newidiadau
yn ymwneud a lleoliad a gogwydd y 5 llain uned sefydlog oedd i’w lleoli ar gae
470. Nododd bod y slabiau concrid ar gyfer creu’r lleiniau wedi cychwyn cael eu
hadeiladu, a hynny yn unol gyda’r cynllun a gyflwynwyd fel rhan o’r cais
cynllunio presennol, ac nid yr hyn a ganiatawyd ar gais C15/0495/43/LL. Nododd
bod gosodiad y lleiniau ymhellach i ffwrdd o’r safle carafanau presennol ond ni
fyddai effaith gweledol sylweddol wahanol er y byddai’n well pe byddai’r
datblygiad yn unol â’r caniatâd cynllunio gwreiddiol. Ychwanegodd bod y cais yn
rhesymol a fe fyddai’n rheoli’r sefyllfa, felly argymhellwyd i ganiatáu’r cais
gydag amodau. (b) Cynigwyd ac eiliwyd i ganiatáu’r cais. Yn ystod y drafodaeth ddilynol nodwyd y prif sylwadau canlynol gan aelodau: ·
Ei fod yn ymddangos bod
y newid yn lleoliad a gogwydd y lleiniau er mwyn lleoli mwy o leiniau ar y tir.
Dylai bod yr ymgeisydd yn cydymffurfio â gweddill amodau caniatâd cais rhif
C15/0495/43/LL cyn cyflwyno cais arall; ·
Bod rhaid ystyried y
cais gerbron, ni fyddai’r bwriad yn cael effaith. (c) Mewn ymateb i’r sylwadau
uchod, nododd swyddogion: ·
Ni ellir
atal ymgeisydd rhag cyflwyno cais ac fe benderfynir ar geisiadau ar eu
haeddiant. Roedd y cais gerbron ar gyfer newid lleoliad a gogwydd 5 llain uned
sefydlog a bod angen rhoi ystyriaeth i effaith y newid o gymharu â’r hyn a
ganiatawyd eisoes. Bod gweithrediad gwahanol i’r hyn a ganiatawyd o dan gais
rhif C15/0495/43/LL, wedi dod i’r amlwg wrth gynnal trafodaethau gyda’r ymgeisydd
a’r asiant ar y safle a bod y sefyllfa yn cael ei gywiro wrth gyflwyno’r cais
yma. ·
Ni ddylid
rhagdybio, roedd rhaid delio ag unrhyw gais ar ei haeddiant ei hun. PENDERFYNWYD caniatáu’r cais. Amodau: 1. Yn unol â’r cynlluniau 2. Angen cydymffurfio gyda gweddill yr amodau ar ganiatâd cynllunio
C15/0495/43/LL. |