Rhaglen, penderfyniadau a chofnodion
Lleoliad: Siambr Hywel Dda, Swyddfa'r Cyngor, Caernarfon LL55 1SH
Cyswllt: Annes Siôn 01286 679490
Media
Rhif | eitem |
---|---|
YMDDIHEURIADAU Dogfennau ychwanegol: Cofnod: Croesawyd Aelodau’r Cabinet a Swyddogion i’r cyfarfod. Ni dderbyniwyd unrhyw ymddiheuriadau |
|
DATGAN BUDDIANT PERSONOL Dogfennau ychwanegol: Cofnod: Bu i Cyng. Gareth Thomas ddatgan buddiant personol yn ystod Eitem 8 - Cyllideb 2019/20 pan ddaeth i’r amlwg fod arbedion Gwasanaeth Llyfrgelloedd yn cael ei drafod, a’i fab yng nghyfraith yn gweithio i’r gwasanaeth. Nid oedd y cynghorydd yn teimlo ei fod yn fuddiant a oedd yn rhagfarnu. |
|
MATERION BRYS Dogfennau ychwanegol: Cofnod: Nid oedd unrhyw faterion brys. |
|
MATERION YN CODI O DROSOLWG A CHRAFFU Dogfennau ychwanegol: Cofnod: Nid oedd unrhyw faterion yn codi o drosolwg a
chraffu. |
|
COFNODION CYFARFODYDD A GYNHALIWYD AR Y 15, 22 A 29 IONAWR PDF 79 KB Dogfennau ychwanegol:
Cofnod: Llofnododd y
Cadeirydd gofnodion cyfarfodydd y Cabinet a gynhaliwyd ar y 15, 22 a’r 29
Ionawr fel rhai cywir. |
|
ADOLYGU CYNLLUN Y CYNGOR 2018-23 PDF 84 KB Cyflwynwyd gan: Cyng. Dyfrig Siencyn Dogfennau ychwanegol:
Penderfyniad: Cymeradwyo
Cynllun y Cyngor 2018-23 (Adolygiad 2019/20) i’w gyflwyno i’r Cyngor Llawn ar
7fed o Fawrth Cofnod: Cyflwynwyd yr
adroddiad gan Cyng. Dyfrig Siencyn PENDERFYNWYD Cymeradwyo Cynllun y Cyngor 2018-23 (Adolygiad 2019/20) i’w
gyflwyno i’r Cyngor Llawn ar 7fed o Fawrth TRAFODAETH Cyflwynwyd yr adroddiad gan nodi fod Cynllun
y Cyngor wedi ei fabwysiadu fel Cynllun pum mlynedd y Cyngor fis Mawrth y
llynedd. Mynegwyd fod aelodau wedi cael cyfle i ystyried cynnwys y Cynllun, a
nodwyd fod ychydig newidiadau wedi eu gwneud yn dilyn adolygiad o’r Cynllun. Tynnwyd sylw at brosiectau sydd wedi eu
cwblhau neu wedi trosglwyddo i fod yn rhan o waith dydd i ddydd adrannau a oedd
yn cynnwys trawsnewid y gyfundrefn ysgolion, rhiantu corfforaethol a gwireddu
arbedion. Ychwanegwyd fod cynlluniau newydd wedi eu hychwanegu o dan
Flaenoriaeth Gwella 1 Creu Economi Hyfyw a Ffyniannus - sef Cynllun Hybu Canol
Tref yr adran Economi a Chymuned a Chynllun Prentisiaethau. Mynegwyd fod
Darpariaeth Ol-16 a Dalgylch Ysgol Treferthyr wedi eu hychwanegu o dan
Flaenoriaeth Gwella 2 - Pob disgybl yn
cael y cyfle i gyflawni ei botensial gan yr adran Addysg. Nodwyd fod rhan cynlluniau wedi newid gan
ymhelaethu ar Flaenoriaeth 3, Lleihau Anghydraddoldeb o fewn y Sir, gan ategu
fod y cynllun Trechu Tlodi wedi ei addasu bellach. Er mwyn sicrhau fod y
pwyslais ar y maes ataliol a’r gefnogaeth a gynnir er mwyn cynnwys pob adran
mae’r teitl y cynllun bellach yn Cefnogi Llesiant Pobl. Tynnwyd sylw ar newid
mewn teitl ar gyfer Lleihau’r Bwlch Cyflog rhwng Merched a Dynion i Ferched
mewn Arweinyddiaeth. Nodwyd fod y gwaith yn parhau ar Dai Addas a Fforddiadwy
ac Adnabod a Hyrwyddo Cynlluniau a Mentrau Tai yn parhau ond o dan y teitl
newydd Strategaeth Cantrefi i Bobl Gwynedd ym Mlaenoriaeth Gwella 4 sef
Mynediad ar Gartref Addas. Mynegwyd fod y cynlluniau i’w gweld yn
rhaglenni gwaith y Cyngor, er hyn fod y cynlluniau’n ddibynnol ar adnoddau’r
Cyngor, o ganlyniad i’r wasgfa ariannol
sydd ohoni. Ychwanegwyd y bydd y Cynllun yn mynd yn ei blaen i’r Cyngor Llawn
ar y 7 Mawrth, yn dilyn y penderfyniad y Cabinet. Sylwadau’n codi o’r drafodaeth -
Tynnwyd
sylw at fan newidiadau i’r adroddiad a nodwyd fod y ddogfen yn un byw a fydd yn
cael ei adolygu. Ychwanegwyd fod y dudalen sydd yn dangos uchelgais a
blaenoriaethau’r Cyngor yn pwysleisio blaenoriaethau’r Cyngor am y blynyddoedd
sydd i ddod. Awdur: Dewi Wyn Jones |
|
STRATEGAETH GOFALWYR GOGLEDD CYMRU PDF 101 KB Cyflwynwyd gan: Cyng. W Gareth Roberts a Cyng. Dilwyn Morgan Dogfennau ychwanegol: Penderfyniad: Ystyried
a derbyn y Strategaeth Gofalwyr a sicrhau fod trefniadau addas yn eu lle i
fonitro perfformiad y Cyngor yn erbyn y mesurau o fewn y strategaeth. Cofnod: Cyflwynwyd yr eitem
gan Cyng. W Gareth Roberts PENDERFYNWYD Derbyn y Strategaeth Gofalwyr a
sicrhau fod trefniadau addas yn eu lle i fonitro perfformiad y Cyngor yn erbyn
y mesurau o fewn y strategaeth. TRAFODAETH Cyflwynwyd yr adroddiad gan nodi fod y
Strategaeth wedi deillio o ganlyniad i hinsawdd Gofal Cymdeithasol ac Iechyd yn
dilyn Deddf Gwasanaethau Cymdeithasol a Llesiant (Cymru) 2014. Ychwanegwyd fod
y Bwrdd Rhanbarthol Gogledd Cymru wedi blaenoriaethu gofalwyr i sicrhau fod y
rhanbarth yn daprau’r gofynion ar eu cyfer sydd i’w gweld yn y ddeddf. Mynegwyd
fod y strategaeth wedi ei ysgrifennu gan y bartneriaeth ond fod angen i bob
awdurdod ei dderbyn yn unigol. Ychwanegwyd fod y strategaeth yn nodi be y
dylai gofalwyr ei ddisgwyl fel cefnogaeth, ynghyd a’r gwasanaeth a ddarperir i
ofalwyr drwy weithio mewn partneriaethau a gwasanaethau cymdeithasol a iechyd.
Ategwyd nad oes dim oblygiadau ariannol i’r strategaeth, ond wrth uchafu
gwasanaethau efallai y bydd costau yn codi ond ni fydd yn hyn yn uniongyrchol o
ganlyniad i’r strategaeth. Ychwanegodd y Cyfarwyddwr Corfforaethol fod
y maes wedi ei uchafu i fod yn faes
blaenoriaeth yn dilyn yr asesiad poblogaeth. Ategwyd mai hwn yw’r strategaeth
gyntaf cyd cynrychiolaeth mor dda o ofalwyr yn rhan o’r broses, a diolchwyd
iddynt am eu gwaith er mwyn cynhyrchu’r ddogfen. Mynegwyd fod yr ymgynghori
wedi digwydd gyda gofalwyr i bobl hyn neu ar gyfer anableddau, ond fod angen
sicrhau fod lleisiau gofalwyr ifanc yn cael ei glywed yn ogystal ag bod gwaith
angen ei wneud i sicrhau hyn. Nodwyd y bydd rhwystrau yn codi ar hyd y daith,
ond fod y strategaeth yn rhoi gofalwyr yn ganolog i beth mae’r holl wasanaethau
yn ei gynnig ac y bydd mwy o waith ataliol yn cael ei wneud i gynllunio cyn i
argyfyngau godi. Sylwadau yn codi
o’r drafodaeth -
Holwyd
sut y bydd y strategaeth yn cael ei weithredu, nodwyd y bydd dim llawer o newid
i’r gwasanaeth sydd ar gael ond y bydd angen meddwl ymhellach i mewn sut y bydd
tystiolaeth yn cael ei gasglu fel bod y mesuriadau perfformiad yn cyd-fynd a’r
strategaeth. Ychwanegwyd y bydd angen gweithio yn agos gyda’r Maes Iechyd gan
fod llawer o ofalwyr yn cael eu hadnabod yno. -
Croesawyd
y strategaeth gan nodi fod yn arbennig o dda fod pawb yn ymrwymo i’r un
safonau. -
Trafodwyd
mesur y perfformiad gan nodi y bydd y mesurau yn cyd-fynd a meddylfryd Ffordd
Gwynedd a bydd yn cael ei drafod mewn cyfarfodydd herio perfformiad yn yr adran
Blant a Chefnogi Teuluoedd, Adran Oedolion, Iechyd a Llesiant ac yn yr Adran
Addysg. Awdur: Morwena Edwards |
|
Cyflwynwyd gan: Cyng. Peredur Jenkins Dogfennau ychwanegol:
Penderfyniad: (a)
Argymell
i’r Cyngor (yn ei gyfarfod ar 7 Mawrth 2019) y dylid: 1.
Sefydlu
cyllideb o £248,013,890 ar gyfer 2019/20 i’w ariannu drwy Grant Llywodraeth o
£176,551,790 a £71,462,100 o incwm o’r Dreth Cyngor gyda chynnydd o 5.8%. 2.
Ychwanegu
£18,316,130 at y rhaglen gyfalaf i’w wario yn 2019/20 er mwyn sefydlu rhaglen
gyfalaf gwerth £34,991,250 erbyn 2019/20 i’w ariannu o’r ffynonellau a nodir yn
Atodiad 4 i’r adroddiad. (b)
Cymeradwyo symud ymlaen i weithredu’r rhestr cynlluniau
arbedion sy’n Atodiad 3 oni bai am 8 cynllun sef: -
Cynllun
4.4 – Parcio am ddim dros y Nadolig -
Cynllun
4.19 - Codi ffi am finiau wedi’u difrodi -
Cynllun
6.2 – Gwasanaeth Llyfrgelloedd i Ysgolion -
Cynllun
6.11 - Lleihau’r Llyfrgell Deithiol -
Cynllun
6.16 – Grantiau i’r Celfyddydau -
Cynllun
6.17 – Cronfa Llyfrau’r Llyfrgelloedd -
Cynllun
6.22 – Cymorth i Ferched -
Cynllun
6.25 - Gwasanaeth Cyfiawnder Ieuenctid er mwyn sefydlu’r gyllideb argymhellir
i’r Cyngor llawn. (c) Nodi’r Strategaeth Ariannol Tymor Canol Cofnod: Cyflwynwyd gan Cyng. Peredur Jenkins PENDERFYNIAD (a)
Argymell i’r Cyngor (yn ei gyfarfod ar
7 Mawrth 2019) y dylid: 1.
Sefydlu cyllideb o £248,013,890 ar
gyfer 2019/20 i’w ariannu drwy Grant Llywodraeth o £176,551,790 a £71,462,100 o
incwm o’r Dreth Cyngor gyda chynnydd o 5.8%. 2.
Ychwanegu £18,316,130 at y rhaglen
gyfalaf i’w wario yn 2019/20 er mwyn sefydlu rhaglen gyfalaf gwerth £34,991,250
erbyn 2019/20 i’w ariannu o’r ffynonellau a nodir yn Atodiad 4 i’r adroddiad. (b)
Cymeradwyo
symud ymlaen i weithredu’r rhestr cynlluniau arbedion sy’n Atodiad 3 oni bai am
8 cynllun sef: -
Cynllun 4.4 – Parcio am ddim dros y
Nadolig -
Cynllun 4.19 - Codi ffi am finiau
wedi’u difrodi -
Cynllun 6.2 – Gwasanaeth Llyfrgelloedd
i Ysgolion -
Cynllun 6.11 - Lleihau’r Llyfrgell
Deithiol -
Cynllun 6.16 – Grantiau i’r Celfyddydau -
Cynllun 6.17 – Cronfa Llyfrau’r
Llyfrgelloedd -
Cynllun 6.22 – Cymorth i Ferched -
Cynllun 6.25 - Gwasanaeth Cyfiawnder
Ieuenctid er mwyn sefydlu’r gyllideb argymhellir
i’r Cyngor llawn. (c) Nodi’r Strategaeth Ariannol Tymor Canol TRAFODAETH Cyflwynwyd yr adroddiad gan nodi mai
cyd-destun y gyllideb yw’r setliad ddifrifol sâl mae’r holl awdurdodau wedi ei
dderbyn gan y Llywodraeth, ychwanegwyd fod polisi llymder Llywodraeth Prydain
yn parhau ac mae sicrhau rheolaeth dynn a chynllunio ariannol gofalus yn gwbl
angenrheidiol i sicrhau gwasanaethau i drigolion Gwynedd. Mynegwyd ei bod yn mynd yn fwy anodd
cyflwyno mantolen cyllideb yn flynyddol, ac ychwanegwyd nad oes balchder mewn
cyllideb sydd yn gorfodi arbedion ac yn codi’r Dreth Cyngor. Ond ychwanegwyd
fod balchder mewn cael un o’r trefniadau cyllidebol gorau yng Nghymru gan fod
hynny yn sicrhau fod effaith hyn oll ar drigolion Gwynedd yn cael ei gadw i’r
lleiafswm. Mynegwyd mai dau brif incwm sydd gan y Cyngor sef Grant Llywodraeth
Cymru a'r Dreth Cyngor. Mynegwyd fod £13miliwn o fwlch ariannol, a bydd angen
dwy elfen i lenwi’r bwlch sef cynnydd yn y Dreth Cyngor ac arbedion. Mynegwyd
fod yr arbedion wedi'u craffu ac wedi cael ystyriaeth drylwyr gan yr aelodau
drwy gyfres o weithdai a gan y cyhoedd drwy ymgynghoriad. Ategodd y Pennaeth Cyllid ar y rhesymau dros
y blwch ariannol o £13miliwn. Mynegwyd nad yw’r cynnydd grant gan Lywodraeth
Cymru i’r awdurdodau lleol ddim yn ddigonol i gwrdd â chynnydd mewn chwyddiant
o £7.5m a galw anorfod ar wasanaethau o £4m. Manylwyd ar y bidiau, sydd i’w
gweld yn Atodiad 2, sydd â gwerth cyfanswm o £2.5m, gan nodi fod trafodaeth
wedi ei gynnal ar y bidiau yma, ble mae’r aelodau’n cytuno fod y gwariant yn
anorfod. Trafodwyd yr arbedion gan nodi y bydd angen i’r Cabinet benderfynu os am weithredu’r holl gynlluniau arbedion arfaethedig sydd yn atodiad 3. Manylwyd ar ffigyrau’r arbedion i ddygymod a’r bwlch ariannu gan nodi fod £2.48m o arbedion eisoes wedi’u cymeradwyo, fod £2.45m o arbedion arfaethedig, £0.5m o arbedion effeithlonrwydd pellach, sydd yn dod a chyfanswm o £5.4m o arbedion i leihau’r bwlch. Mynegwyd fod gofynion gwario’r Cyngor ar gyfer 2019/20 yn £253.2m, ac wedi tynnu Grant Llywodraeth Cymru a’r ... gweld y cofnod llawn ar gyfer eitem 8. Awdur: Dafydd L Edwards |
|
CYNLLUN ASEDAU CORFFORAETHOL 2019-29 PDF 147 KB Cyflwynwyd gan: Cyng. Peredur Jenkins Dogfennau ychwanegol: Penderfyniad: a)
Er mwyn osgoi ôl groniad cynnal a chadw pellach yn ein hadeiladau,
ein bod yn trosglwyddo’r gyllideb o £1.1m a roddwyd o’r neilltu ar gyfer
ariannu benthyciadau yn y cynllun asedau blaenorol i atgyfnerthu’r gyllideb
refeniw cynnal a chadw adeiladau b)
Bod y cabinet yn derbyn yr argymhellion a wneir yng nghymalau 28;
30; 32; 35; 40; 43 a 44 o’r adroddiad c)
Mabwysiadu’r Cynllun Asedau (atodiad 1 o’r adroddiad) sy’n
ymgorffori’r holl ganlyniadau a nodi’r uchod. Cofnod: Cyflwynwyd yr adroddiad gan Cyng. Peredur
Jenkins PENDERFYNIAD a) Er
mwyn osgoi ôl groniad cynnal a chadw pellach yn ein hadeiladau, ein bod yn trosglwyddo’r
gyllideb o £1.1m a roddwyd o’r neilltu ar gyfer ariannu benthyciadau yn y
cynllun asedau blaenorol i atgyfnerthu’r gyllideb refeniw cynnal a chadw
adeiladau b) Bod y
cabinet yn derbyn yr argymhellion a wneir yng nghymalau 28; 30; 32; 35; 40; 43
a 44 o’r adroddiad c) Mabwysiadu’r
Cynllun Asedau (atodiad 1 o’r adroddiad) sy’n ymgorffori’r holl ganlyniadau a
nodi’r uchod.. TRAFODAETH Cyflwynwyd yr adroddiad gan nodi fod y
Cynllun Asedau presennol wedi dod i ddiwedd ei oes, ac ychwanegwyd fod angen
datblygu un newydd ar gyfer cyfnod 2019/20-2029. Nodwyd fod trafodaethau wedi
eu cynnal ar adrannau er mwyn cael nodi beth fydd eu hanghenion tebygol dros y
10 mlynedd nesaf. Ychwanegwyd fod nifer o’r cynlluniau yn ymwneud a gwaith
ataliol ac yn edrych i’r hirdymor yn unol â darpariaethau’r ddeddf Llesiant
Cenedlaethau’r Dyfodol (Cymru) 2015. Ychwanegwyd, yn dilyn y trafodaethau yma,
fod yr aelodau wedi blaenoriaethu’r cynlluniau sydd yn rhan o’r cynllun. Ychwanegodd y Prif Weithredwr, fod yr
adroddiad yn amlinellu'r camau a gymerwyd er mwyn creu'r Cynllun Asedau.
Mynegwyd fod y cynllun asedau yn cyd-fynd a chynlluniau’r Cyngor. Nodwyd fod
nifer o gynlluniau yn cynrychioli risgiau coch Iechyd a Diogelwch, ac o
ganlyniad ac yn wyneb risg sylweddol i fywyd ac i’r Cyngor, bydd angen
dyrchafu'r rhain sydd yn cynnwys Canolfan Hamdden / Tenis Arfon, Parc Padarn a
Chanolfan Hamdden Plas Silyn i’r rhestr y bwriedir eu cyflawni. Tynnwyd sylw
hefyd at gynlluniau sydd yn cael eu hadnabod yn y categori risg oren, unai o
ganlyniad goblygiadau yn eithriadol o ddifrifol, materion cydraddoldeb neu ei
fod yn golygu na fyddai modd i’r Cyngor wireddu ei amcanion llesiant. Byddai’n
fuddiol i’r Cyngor geisio dod a’r cynlluniau yma i mewn i’r rhaglen yn ogystal. Nodwyd fod yr adroddiad yn argymell symud
cynlluniau 28 a 31, sef Darparu Grantiau er mwyn cyllido Cynllun Tai Gwag y
Cyngor ac Ariannu Pedwerydd Cynllun Tai Gofal Estynedig, i’w hystyried i gael
eu hariannu fel rhan o’r blaenoriaethu ar gyfer y Strategaeth Tai. Sylwadau’n codi o’r drafodaeth -
Mynegwyd
siom nad oes modd i’r Cyngor wneud pob cynllun. Holwyd os bydd ail
flaenoriaethu yn ystod y cyfnod o 10 mlynedd. Nodwyd fod y cynllun blaenorol
wedi ei adolygu dwywaith yn ystod y cyfnod a bydd cyfle i ail ystyried ac ail
flaenoriaethu wrth i ni symud ymlaen gyda’r Cynllun yma. Awdur: Dilwyn Williams |
|
CAU ALLAN Y WASG A'R CYHOEDD Bydd y Cadeirydd yn cynnig y dylid cau allan
y wasg a’r cyhoedd o’r cyfarfod yn ystod y drafodaeth ar yr eitem ganlynol gan
ei fod yn debygol y datgelir gwybodaeth eithriedig fel y’i diffinir
ym maragraff 14 ac 16 o Atodiad 12A o Deddf
Llywodraeth Leol 1972 Gofynnir i gadw’r eitem yn eithriedig o dan
yr adran isod: 14.10.2 Gwybodaeth Eithriedig – Disgresiwn i
Wahardd y Cyhoedd (a) Ceir gwahardd y cyhoedd o gyfarfodydd
pryd bynnag y bo’n debygol, oherwydd natur y busnes sydd i’w drafod, neu natur
y trafodion, y byddai gwybodaeth gyfrinachol yn cael ei ddatgelu. Mae’r adroddiad yn cyfeirio at amodau
masnachol sensitif sy’n destun negodi ar hyn bryd gyda cwmni Byw’n Iach Cyf a’i
gyfreithwyr. Gall cyhoeddi’r adroddiad ac ystyriaethau’r Cabinet yn llawn
danseilio gallu’r Cyngor i sicrhau’r amodau gorau ar gyfer gwarchod ei
ddiddordebau. Mae hefyd yn ymwneud a chyngor cyfreithiol ar y cytundeb a’r
amodau a gynigir o safbwynt y cwmni a materion
trethiant. Ymhellach, gall rhyddhau’r crynodeb o amodau arfaethedig ganiatáu i gyflenwyr annibynnol o’r Cyngor ddod i gasgliadau ynglŷn pherfformiad ariannol a gall hynny yn ei dro danseilio unrhyw drefniadau caffael yn y dyfodol fyddai’n gadael y Cyngor yn agored i risg ariannol. Dogfennau ychwanegol: Cofnod: Penderfynwyd y dylid cau allan y wasg a’r
cyhoedd o’r cyfarfod yn ystod y drafodaeth ar yr eitem ganlynol gan ei fod yn
debygol y datgelir gwybodaeth eithriedig fel y’i diffinnir ym mharagraff 14 ac
16 o Atodiad 12A o Ddeddf Llywodraeth Leol 1972 Gofynnir i gadw’r
eitem yn eithriedig o dan yr adran isod: 14.10.2 Gwybodaeth
Eithriedig – Disgresiwn i Wahardd y Cyhoedd (a) Ceir gwahardd
y cyhoedd o gyfarfodydd pryd bynnag y bo’n debygol, oherwydd natur y busnes
sydd i’w drafod, neu natur y trafodion, y byddai gwybodaeth gyfrinachol yn cael
ei ddatgelu. Mae’r adroddiad yn cyfeirio at amodau
masnachol sensitif sy’n destun negodi ar hyn bryd gyda chwmni Byw’n Iach Cyf
a’i gyfreithwyr. Gall cyhoeddi’r adroddiad ac ystyriaethau’r Cabinet yn llawn
danseilio gallu’r Cyngor i sicrhau’r amodau gorau ar gyfer gwarchod ei
ddiddordebau. Mae hefyd yn ymwneud a chyngor cyfreithiol ar y cytundeb a’r amodau
a gynigir o safbwynt y cwmni a materion trethiant. Ymhellach, gall rhyddhau’r crynodeb o amodau
arfaethedig ganiatáu i gyflenwyr annibynnol o’r Cyngor ddod i gasgliadau
ynglŷn pherfformiad ariannol a gall hynny yn ei dro danseilio unrhyw
drefniadau caffael yn y dyfodol fyddai’n gadael y Cyngor yn agored i risg
ariannol. |
|
CONTRACT CWMNI BYW'N IACH CYF Cyflwynwyd gan: Cyng. Craig ab Iago Dogfennau ychwanegol: Penderfyniad: 1) Derbyn yr
adroddiad a chadarnhau fod y cabinet yn fodlon fod y trosglwyddiad arfaethedig
yn parhau i gyfarch yr Achos Busnes a gymeradwywyd gan y Cyngor ar 5ed Hydref
2017 2) Dirprwyo’r hawl
i Bennaeth Adran Economi a Chymuned mewn ymgynghoriad a Phennaeth Gwasanaethau
Cyfreithiol a’r Pennaeth Cyllid: I.
I gwblhau’r dogfennau cytundebol, Prydlesi ac unrhyw
ddogfennaeth gyfochrog neu wasanaethol sydd yn angenrheidiol ar gyfer
trosglwyddo’r Gwasanaeth II.
I gytuno neu wneud unrhyw addasiadau pellach sydd yn
angenrheidiol i gyflawni’r trosglwyddiad o fewn yr Achos Busnes Cofnod: Cyflwynwyd yr adroddiad gan Cyng.
Craig ab Iago PENDERFYNIAD 1) Derbyn yr
adroddiad a chadarnhau fod y cabinet yn fodlon fod y trosglwyddiad arfaethedig
yn parhau i gyfarch yr Achos Busnes a gymeradwywyd gan y Cyngor ar 5ed Hydref
2017 2) Dirprwyo’r hawl
i Bennaeth Adran Economi a Chymuned mewn ymgynghoriad a Phennaeth Gwasanaethau
Cyfreithiol a’r Pennaeth Cyllid: i) I gwblhau’r
dogfennau cytundebol, Prydlesi ac unrhyw ddogfennaeth gyfochrog neu wasanaethol
sydd yn angenrheidiol ar gyfer trosglwyddo’r
Gwasanaeth ii) I gytuno neu
wneud unrhyw addasiadau pellach sydd yn angenrheidiol i gyflawni’r
trosglwyddiad o fewn yr Achos Busnes TRAFODAETH Nodwyd yn Hydref 2017, bu i’r
Cabinet a'r Cyngor Llawn gymeradwyo’r Achos Busnes dros sefydlu Cwmni,
cyfyngedig drwy warrant, wedi ei reoli gan y Cyngor, i ddarparu cyfleusterau
hamdden yng Ngwynedd. Mynegwyd bellach fod Cwmni Byw’n Iach Cyf, wedi ei
sefydlu gyda 6 o Gyfarwyddwr Cwmni.
Ategwyd fod ffrydiau gwaith o sefydlu a throsi’r gwasanaeth i weithredu
fel cwmni yn dirwyn i ben a’r bwriad yw trosglwyddo’r gwasanaeth i gyfrifoldeb
y cwmni o’r 1af Ebrill 2019. Ychwanegwyd fod gwaith o
baratoi’r ar gyfer y trosglwyddiad wedi bod ar waith ers rhai misoedd, ac mae’r
ddogfennaeth yn cael ei greu. Er mwyn symud ymlaen a’r trosglwyddiad mae angen
cadarnhau fod yr Achos Busnes yn parhau yn gyfredol a bod y Cabinet yn fodlon symud
ymlaen a’r trosglwyddiad. Mynegwyd pan fydd y trosglwyddiad ar 1af Ebrill, na
fydd newid yn syth i aelodau o’r Ganolfan a ni fydd datblygiadau i’w gweld tan
yn hwyrach yn y flwyddyn. Sylwadau’n codi o’r drafodaeth -
Trafodwyd
beth fydd y berthynas rhwng y Cyngor a Chwmni Byw’n Iach gan nodi ei fod yn
berthynas dwy ffordd a bydd trafodaethau cyson yn cael eu cynnal. -
Holwyd
am gytundebau lefel gwasanaeth yn dilyn trosglwyddo’r gwasanaeth i’r Cwmni
newydd, a nodwyd y bydd modd trafod a bod yn hyblyg. -
Diolchwyd
i staff am eu gwaith caled. Awdur: Sioned Williams |