Rhaglen, penderfyniadau a chofnodion
Lleoliad: Siambr Hywel Dda, Swyddfa'r Cyngor, Caernarfon LL55 1SH
Cyswllt: Annes Siôn 01286 679490
Media
Rhif | eitem |
---|---|
YMDDIHEURIADAU Dogfennau ychwanegol: Cofnod: Dim i’w nodi |
|
DATGAN BUDDIANT PERSONOL Dogfennau ychwanegol: Cofnod: Ni dderbyniwyd unrhyw ddatganiad o fuddiant personol |
|
MATERION BRYS Dogfennau ychwanegol: Cofnod: Nid oedd unrhyw faterion brys. |
|
MATERION YN CODI YN CODI O DROSOLWG A CHRAFFU Dogfennau ychwanegol: Cofnod: Nid oedd unrhyw faterion yn codi o drosolwg a chraffu. |
|
COFNODION CYFARFODYDD A GYNHALWYD AR 5 MEDI A 12 MEDI 2017 PDF 220 KB Dogfennau ychwanegol: Cofnod: Llofnododd y Cadeirydd gofnodion cyfarfod y
Cabinet a gynhaliwyd ar y 5ed o Fedi a’r 12fed o Fedi 2017, fel rhai cywir. |
|
ADRODDIAD PERFFORMIAD AELOD CABINET TAI, DIWYLLIANT A HAMDDEN PDF 183 KB Cyflwynwyd gan: Cyng. Craig ab Iago Dogfennau ychwanegol:
Penderfyniad: Derbyn a nodi’r wybodaeth yn yr adroddiad. Cofnod: Cyflwynwyd yr eitem gan Cyng. Craig ab Iago PENDERFYNWYD Derbyn a nodi’r
wybodaeth yn yr adroddiad TRAFODAETH Amlygwyd mai pwrpas yr
adroddiad oedd cyflwyno gwybodaeth gyfredol ar yr hyn oedd wedi ei gyflawni yn y
maes gan amlinellu’r diweddaraf ar y materion hynny oedd yn cael eu cynnwys yn
y Cynllun Strategol, y mesurau perfformiad a’r diweddaraf o ran cynllun
arbedion a thoriadau. Nododd yr Aelod Cabinet ei fod yn aelod newydd i’r
Cabinet ac wedi bod yn brysur yn ymgyfarwyddo ei hun gyda gwaith y
gwasanaethau. Mynegwyd bod nifer o’r gwasanaethau yn mynd drwy gyfnod o newid
ac ailfodelu ond ei fod yn gyffredinol, yn hapus gyda’r perfformiad. Roedd yn
awyddus i weld y gwasanaethau yn parhau i lwyddo er gwaethaf yr holl heriau
fydd yn eu hwynebu yn y dyfodol agos. Ategwyd mai ei flaenoriaeth am y cyfnod
nesaf fydd sicrhau cydweithio trawsadrannol er mwyn mynd i’r afael a thlodi ac
amddifadedd. Tynnwyd sylw at brosiect
strategol ‘Cydymdrechu yn erbyn Tlodi’ a nodwyd bod gwaith da wedi ei wneud i gynnal digwyddiadau ‘Call
efo’r Geiniog’ ar draws y Sir fel modd i drigolion Gwynedd gael gwybodaeth am
sut i gael y gorau o’u harian. Amlygwyd pryder mewn newidiadau yn y maes lles a
budd-daliadau a’r newid i’r Credyd Cynhwysol (gweithredol o Ebrill 2018) fydd
yn debygol o effeithio oddeutu 300+ aelwyd yn y Sir. Adroddwyd bod sesiynau
wedi eu trefnu ar gyfer staff rheng flaen i rannu gwybodaeth a pharatoi ar
gyfer yr addasiadau hyn. Sylwadau yn codi o’r drafodaeth: - A yw cyfrifoldebau newydd o fewn Deddfwriaeth Digartrefedd yn rhoi baich
ychwanegol ar amser staff i gadw cofnodion manwl o’r broses asesu yn ychwanegu
gwerth i’r gwasanaeth? - Nad yw perfformiad Grant Cyfleusterau i’r Anabl yn ddigonol (er yr
ystyriaeth sydd yn cael ei roi i gyfnodau trefnu a chodi estyniadau). - Yng nghyd–destun Credwyd Cynhwysol awgrymwyd y dylid amlygu’r pryderon i’r
Aelodau Seneddol Lleol gan y gall trefniadau gweinyddu’r credyd yn ganolog gan
y Llywodraeth amlygu pryderon pellach. - Croesawu awydd yr Aelod Cabinet i gydweithio yn drawsadrannol i ymdrin â
thlodi - Bod angen diweddariad ar safbwynt Llywodraeth Cymru ar yr agenda Trechu
Tlodi. Ymddengys nad yw bellach yn flaenoriaeth - Bod angen mesur effaith prosiectau megis Cyfeirio at Ymarfer a Dementia Go
wrth ystyried trosglwyddo Canolfannau Hamdden i gwmni newydd wedi ei reoli gan
y Cyngor. Mewn ymateb i sylw am y ddarpariaeth ddigartrefedd,
amlygodd y Pennaeth Gwasanaeth bod gofynion ychwanegol gan y Llywodraeth a
Phartneriaethau ar yr Uned am wybodaeth. Derbyniwyd y sylw bod angen adolygu'r
broses o ystyried bydd cynnydd pellach a’r ofynion yr Uned o ganlyniad i
newidiadau mewn budd-daliadau. Mewn ymateb i sylw ynglŷn â Trechu Tlodi,
nodwyd bod y Llywodraeth yn ail edrych ar y maes yn ei gyfanrwydd a bod y
strategaethau yn cael eu hadolygu. Awgrymwyd y byddai cyhoeddiad gan y
Llywodraeth yn Nhachwedd 2017. Mewn ymateb i sylw am y prosiectau Cyfeirio at Ymarfer a Dementia Go, nodwyd bod y prosiectau hyn yn bwysig iawn ... gweld y cofnod llawn ar gyfer eitem 6. Awdur: Iwan Trefor Jones |
|
DARPARU CYFLEUTERAU HAMDDEN - SEFYDLU CWMNI WEDI EI REOLI GAN Y CYNGOR PDF 494 KB Mae’r atodiadau ar wahan ar gyfer aelodau’r Pwyllgor yn unig. Mae’r eitemau yn eithredig o dan Paragraffau 14 ac 16 o Atodiad
12A Deddf Llywodraeth Leol 1972 (gwybodaeth yn ymwuneud a materion ariannol,
busnes a chyfreithiol). Mae’r adroddiad blaen yn agored ond mae’r atodiadau yn cynnwys gwybodaeth masnachol a chyfreithiol sensitif. Hynny oherwydd y byddai rhyddhau yr atodiadau yn llawn yn caniatáu i gyflenwyr annibynnol o’r Cyngor ddod i gasgliadau ynglyn â pherfformiad ariannol ynghyd â ffioedd rheoli y gwahanol fodelau darparu. Yn sgil hynny, gall rhyddhau danseilio unrhyw drefniadau caffael i’r dyfodol fyddai’n gadael y Cyngor yn agored i risg ariannol o safbwynt rheoliadau caffael .Mae hefyd yn cynnwys cyngor cyfreithiol fyddai yn ddarostyngedig i fraint cyfreithiol. Cyflwynwyd gan: Cyng. Craig ab Iago Dogfennau ychwanegol:
Penderfyniad: Penderfynwyd i -
argymell i’r Cyngor Llawn gymeradwyo’r
achos busnes ar gyfer sefydlu Cwmni a Reolir gan Gyngor Gwynedd i ymgymryd a
darpariaeth cyfleusterau hamdden. -
Argymell i’r Cyngor Llawn awdurdodi
sefydlu Cwmni wedi ei reoli gan Gyngor Gwynedd yn unol a’r ffurf sy’n cael ei
amlinellu o fewn yr achos fusnes er darparu cyfleusterau hamdden, gan dynnu
sylw at sylwadau ac ystyriaethau’r Pwyllgor Craffu. -
I gymeradwyo’r achos busnes i gytuno i
ryddhau cyllid unwaith ac am byth o £165k o’r Gronfa Trawsnewid i sefydlu’r
cwmni. Cofnod: Cyflwynwyd yr eitem gan
y Cyng. Craig ab Iago PENDERFYNWYD -
Argymell i’r
Cyngor Llawn gymeradwyo’r achos busnes ar gyfer sefydlu Cwmni a Reolir gan
Gyngor Gwynedd i ymgymryd â darpariaeth cyfleusterau hamdden. -
Argymell i’r
Cyngor Llawn awdurdodi sefydlu Cwmni wedi ei reoli gan Gyngor Gwynedd yn unol
â’r ffurf sy’n cael ei amlinellu o fewn yr achos fusnes er darparu cyfleusterau
hamdden, gan dynnu sylw at sylwadau ac ystyriaethau Pwyllgor Craffu Addysg ac
Economi a gynhaliwyd 26.9.17 -
Cymeradwyo’r achos
busnes i gytuno i ryddhau cyllid unwaith ac am byth o £165k o’r Gronfa
Trawsnewid i sefydlu’r cwmni. TRAFODAETH Cyflwynwyd adroddiad i
amlinellu sail dros sefydlu Cwmni wedi ei reoli gan y Cyngor i ddarparu
cyfleusterau hamdden o fewn y Sir. Ategwyd y byddai hyn yn gyfle i gyflawni
arbedion effeithlonrwydd heb gael effaith ar bobl Gwynedd. Adnabuwyd nifer o
opsiynau posib a derbyniwyd cyngor cyfreithiol ar y modelau ar sail y risgiau
gweithredol cysylltiedig. Nodwyd y byddai sefydlu cwmni newydd wedi ei reoli
gan y Cyngor yn sicrhau parhad i’r gwasanaeth
presennol ac yn gwireddu gofynion yr arbediad yn llawn. Tynnwyd sylw at y tabl yn yr adroddiad oedd yn
crynhoi gwerthusiad yr opsiynau ac er yr ymddengys nad creu cwmni wedi ei reoli
oedd y gorau, dyma'r un oedd yn gwarchod y risgiau diwylliannol, yng nghyswllt
yr Iaith Cymraeg ac egwyddorion eraill y Cyngor. Pwysleisiwyd na fyddai'r
gwasanaeth yn edrych yn wahanol i ddefnyddwyr a staff - efallai y byddai yn well. Tynnwyd sylw at sylwadau'r Pwyllgor Craffu Economi
ac Addysg (26.9.17) a ddosbarthwyd yn y cyfarfod. Nodwyd bod y Pwyllgor Craffu
yn argymell opsiwn 6 fel cyfeiriad ac yn pwysleisio yn glir bod dewis yr
Arweinyddiaeth gywir yn allweddol i
lwyddiant y cwmni. Nodwyd hefyd yr angen am graffu pellach wrth i’r gwaith
ddatblygu. Sylwadau yn codi o’r drafodaeth: - Bod y cam yn un rhesymegol a synhwyrol - Bod gan y Cyngor fwy o reolaeth dros
y gwasanaethau hamdden yn hytrach na defnyddio cwmni preifat (er y byddai cwmni
preifat yn debygol o sgorio yn uwch yng nghyd-destun arbedion) - Bod angen sicrhau bod Bwrdd y cwmni yn ymddwyn fel Bwrdd ac nid Pwyllgor
gan sicrhau cefnogaeth iddynt. - Bod angen canmol yr adran am gyrraedd yr arbediad yn llawn Mewn ymateb i sylw ynglŷn â phroses sgorio
cwmni allanol a’u gallu i gynnig arbedion pellach, nodwyd bod angen ystyried
cyfraniadau pensiwn ac amodau gwaith fyddai yn debygol o fod yn wahanol. Mewn ymateb i gwestiwn ynglŷn ar broses o
hysbysebu swyddi, nodwyd bod opsiwn i’r Cyngor benodi Arweinydd fyddai yn trosglwyddo i’r cwmni newydd, neu
sefydlu cwmni yn gyntaf a chaniatáu i Fwrdd y cwmni wneud y penodiad.
Pwysleisiwyd eto bod penodi arweinydd effeithiol yn hanfodol. Ategwyd nad oedd
cyfansoddiad y Bwrdd wedi ei benderfynu Awdur: Sioned Williams |
|
BWLETIN PERFFORMIAD AWDURDOD LLEOL 2016/17 PDF 151 KB Cyflwynwyd gan: Cyng. Dyfrig Siencyn Dogfennau ychwanegol:
Penderfyniad: Derbyn a nodi’r
wybodaeth yn y Bwletin Perfformiad a sicrhau y bydd aelodau Cabinet yn: -
Bodloni
eu hunain fod camau yn eu lle er mwyn gwella’r sefyllfa gan roi sylw i’r
mesurau sy’n ymddangos yn Nhabl 1: Crynodeb perfformiad mesurau cenedlaethol
Gwynedd 2016/17 (yn yr adroddiad) yn y cylch nesaf o gyfarfodydd herio
perfformiad y gynhelir ym mis Tachwedd. -
Adrodd
yn ôl ar unrhyw sylwadau sy’n crynhoi’r cyd-destun perfformiad ac unrhyw gamau
ar gyfer gwella sydd wedi eu cytuno fel rhan o adroddiadau perfformiad Aelodau
Unigol yn y cylch adrodd nesaf ym mis Ionawr. Cofnod: Cyflwynwyd yr eitem gan
y Cyng. Dyfrig Siencyn PENDERFYNWYD - Derbyn a nodi’r wybodaeth yn y Bwletin Perfformiad a sicrhau y bydd aelodau
Cabinet yn: Bodloni eu hunain fod camau yn
eu lle er mwyn gwella’r sefyllfa gan roi sylw i’r mesurau sy’n ymddangos yn
Nhabl 1: Crynodeb perfformiad mesurau cenedlaethol Gwynedd 2016/17 (yn yr
adroddiad) yn y cylch nesaf o gyfarfodydd herio perfformiad y cynhelir ym mis
Tachwedd. Adrodd yn ôl ar unrhyw
sylwadau sy’n crynhoi’r cyd-destun perfformiad ac unrhyw gamau ar gyfer gwella
sydd wedi eu cytuno fel rhan o adroddiadau perfformiad Aelodau Unigol yn y
cylch adrodd nesaf ym mis Ionawr. TRAFODAETH Adroddwyd bod Uned Data
Llywodraeth Cymru yn cyhoeddi Bwletin Perfformiad ar gyfer Awdurdodau Lleol Cymru
sydd yn cymharu set gyfyngedig o ddangosyddion perfformiad. Nodwyd bod y
Bwletin diweddaraf wedi ei gyhoeddi ar y 13eg o Fedi yn cynnwys gwybodaeth ar
berfformiad set o ddangosyddion perfformiad ar gyfer 2016 – 2017. Ategwyd bod
yr adroddiad yn un cadarnhaol o safbwynt Gwynedd Amlygwyd nad oedd rhai
o’r mesurau oedd yn cael eu hystyried gan y gwasanaethau yn rhai oedd yn
cynrychioli blaenoriaethau Cyngor Gwynedd ac nad oeddynt yn mesur yr hyn sydd
yn bwysig i bobl Gwynedd. Nodwyd hefyd bod gan y Gwasanaethau eu trefniadau
rheoli a mesur perfformiad eu hunain. Sylwadau yn codi o’r drafodaeth - Cais i’r Aelodau Cabinet dynnu sylw at y materion sydd angen sylw yn y
cylch nesaf o gyfarfodydd herio perfformiad Mewn ymateb i sylw ynglŷn â chyfleu i’r Llywodraeth
annilysrwydd rhai o’r mesurau i Wynedd, nodwyd bod rhaid i Wynedd ddewis
mesurau ar gyfer pobl Gwynedd a cytunwyd bod angen adolygu rhai mesurau
hanesyddol y Llywodraeth. Awdur: Dewi Wyn Jones |
|
CYNLLUN BUSNES PROSIECTAU HUNAN-WASANAETH PDF 194 KB Cyflwynwyd gan: Cyng. Mair Rowlands Dogfennau ychwanegol:
Penderfyniad: Cymeradwyo’r Cynllun Busnes
y Prosiect Hunan-wasanaeth
ac i ryddhau cyllid o
£104,794 o’r gronfa Trawsffurfio ar gyfer cwblhau’r gwaith. Cofnod: Cyflwynwyd yr eitem gan y Cyng. Mair Rowlands PENDERFYNWYD Cymeradwyo Cynllun Busnes y Prosiect Hunan-wasanaeth a
rhyddhau cyllid o £104,794 o’r gronfa Trawsffurfio ar gyfer cwblhau’r gwaith. TRAFODAETH Adroddwyd bod y Prosiect
Hunan Wasanaeth yn un o flaenoriaethau’r Cyngor mewn ymateb i ddisgwyliadau
cwsmeriaid sydd yn cynyddu’n barhaus. Bydd yr adnodd Hunan Wasanaeth yn
galluogi i’r cyhoedd gael mynediad at wasanaeth neu wybodaeth ar adegau sydd yn
gyfleus iddynt hwy. Nodwyd bod y cynllun yn un cyffrous a bod y Cynllun
Busnes yn cyfarch yr angen gyda rhai elfennau eisoes wedi eu datblygu. Y cam
nesaf fydd hyrwyddo a marchnata’r ddarpariaeth yn dilyn lansio’r pecyn
cychwynnol yn gyhoeddus yn Nhachwedd 2017. Byddai
ychwanegiad i’r ddarpariaeth mewn amser Diolchwyd i’r holl swyddogion oedd ynghlwm a’r gwaith
o sefydlu’r broses hunanwasanaeth Sylwadau yn codi o’r drafodaeth -
Croesawu’r cynllun – y gwasanaeth yn debygol o hwyluso’r
broses i’r defnyddwyr -
Bod pobl erbyn hyn yn disgwyl y math yma o wasanaeth
gyda’r arferiad o ddefnyddio technoleg gwybodaeth yn cynyddu Mewn ymateb i sylw ynglŷn â’r angen i greu
cyfrif, nodwyd bod angen annog pobl i greu cyfrif er mwyn iddynt ddilyn
datblygiadau/ymholiadau. Ategwyd na fyddai angen creu cyfrif i ddefnyddio App Gwynedd sydd yn rhan o’r gwasanaeth. Awdur: Geraint Owen |
|
GWIREDDU'R CYNLLUN CLWB BRECWAST PDF 139 KB Cyflwynwyd gan: Cyng. Gareth Thomas Dogfennau ychwanegol:
Penderfyniad: Cytunwyd i godi ffi o £0.80 am yr elfen gofal plant cyn y clwb brecwast, gan roi disgownt i deuluoedd gyda 3 neu ragor o blant gyda’r trefniadau hynny i gychwyn ar y 6 Tachwedd 2017. Cofnod: Cyflwynwyd yr eitem gan
y Cyng. Gareth Thomas PENDERFYNWYD Codi ffi o £0.80 am yr elfen gofal
plant cyn y clwb brecwast, gan roi
disgownt i deuluoedd gyda 3 neu ragor
o blant gyda’r trefniadau hynny i gychwyn ar y 6 Tachwedd 2017. TRAFODAETH Yn dilyn penderfyniad y Cyngor Llawn (3.3.16) i
dorri £100,000 oddi ar gyllideb Cynllun Clwb Brecwast mewn ymateb i doriadau
ariannol gan y Llywodraeth, ystyriwyd
dau opsiwn i gyfarch y toriad yma. Adroddwyd bod 75 o ysgolion cynradd
Gwynedd yn cynnig gofal plant cyn-ysgol gyda’r Cynllun Brecwast am Ddim
Llywodraeth Cymru. Pwysleisiwyd na fyddai’r bwriad yn effeithio dim ar y
ddarpariaeth bresennol. Yr opsiynau oedd codi ffi am yr amser gwarchod cyn
derbyn brecwast neu beidio derbyn plant cyn brecwast. Tynnwyd sylw at
ganlyniadau’r ymgynghoriad ynghyd ag amlinellu sut yr ystyriwyd y ffi o £0.80.
Ategwyd hefyd bod dyletswydd statudol i gynnig brecwast am ddim. Sylwadau yn codi o’r drafodaeth: - Bod y bwriad i’w groesawu, ond angen cadw llygad ar y cynllun i sicrhau ei fod
yn ymateb i’r angen ac i’r nifer fydd yn ei ddefnyddio. - Bod cyfanswm y nifer sydd wedi ymateb i’r ymgynghoriad yn galonogol - Bod y datrysiad yn un da - Croesawu disgownt i deuluoedd gyda 3 neu fwy Bod yr argymhelliad yn cyd-fynd a’r hyn sydd wedi ei nodi yn yr ymgynghoriad. Dengys bod y gwaith ymchwil cefndirol a’r ymgynghori sylweddol cyn cyflwyno'r adroddiad wedi sicrhau bod y cynllun ar y trywydd cywir. Awdur: Owen Owens |
|
ADRODDIAD PERFFORMIAD AELOD CABINET ADDYSG PDF 213 KB Cyflwynwyd gan: Cyng. Gareth Thomas Dogfennau ychwanegol:
Penderfyniad: Derbyn
a nodi’r wybodaeth yn yr adroddiad. Cofnod: Cyflwynwyd yr eitem gan y Cyng. Gareth Thomas PENDERFYNWYD Derbyn a nodi’r wybodaeth yn yr adroddiad. TRAFODAETH Amlygwyd mai pwrpas yr adroddiad oedd cyflwyno
gwybodaeth gyfredol ar yr hyn oedd wedi ei gyflawni yn y maes gan amlinellu’r
diweddaraf ar y materion hynny sydd yn cael eu cynnwys yn y Cynllun Strategol, y
mesurau perfformiad a’r diweddaraf o ran cynllun arbedion a thoriadau. Adroddwyd bod cynnydd da wedi ei wneud ar y rhan
fwyaf o brosiectau’r Cynllun Strategol a bod rhai meysydd angen sylw arbennig
gan yr Adran er mwyn gwella perfformiad.
Y prif flaenoriaethau ar gyfer y misoedd
nesaf fydd codi safonau'r cyfnod sylfaen, gwella safonau cyfnod allweddol 4
mewn pynciau penodol a gwella ansawdd y ddarpariaeth ôl-16. Cyfeiriwyd at lwyddiant y Bwrdd Ansawdd Sirol (BAS)
sydd yn monitro ansawdd a pherfformiadau ysgolion ar bob lefel. Nodwyd bod y
BAS yn profi ei werth yn gynyddol. Tynnwyd sylw hefyd at waith pellach sydd
angen ei gwblhau i finiogi’r prosiect Gwella Arweinyddiaeth a Rheolaeth. Nodwyd
bod cais i’r Adran ystyried rhaglen hyfforddiant cynhwysfawr sydd yn mapio'r
hyn sydd yn cael ei gynnig gan Lywodraeth Cymru, GwE a Chyngor Gwynedd fel bod
hyfforddiant priodol ar gyfer arweinwyr. Rhoddwyd diweddariad ar ddatblygiadau'r Rhaglen
Rhwydwaith o Ysgolion Hyfyw i’r Dyfodol gan nodi bod cyfarfod yn cael ei gynnal
yn Y Bala 4.10.17 i drafod statws yr ysgol (y gwaith adeiladau a’r gwariant yn
parhau yn unol â’r amserlen). Tynnwyd sylw hefyd at waith y ddarpariaeth
Anghenion Dysgu Ychwanegol a Chynhwysiad sydd yn cael ei weithredu ar y cyd
gyda Môn. Nodwyd mai anodd yw mesur canlyniadau arholiadau
TGAU 2017 yn erbyn 2016 oherwydd y newidiadau i’r drefn arholi a’r fanyleb.
Nodwyd er hynny, bod modd cymharu â lefel rhanbarth. Ategwyd y gall yr
ystadegau newid eto o ganlyniad i rai papurau yn cael eu hail farcio. Adroddwyd mai
presenoldeb plant Uwchradd Gwynedd yw
y gorau yng Nghymru. Mewn ymateb i gwestiwn ynglŷn â’r BAS amlygwyd
mai aelodau yw Swyddogion Ardal Addysg y Cyngor ac Ymgynghorwr Her GwE, ac yn
atebol i’r Pennaeth Addysg a’r Aelod Cabinet. Nodwyd bod cydweithio da a’r
berthynas wedi datblygu. Er hynny, heriwyd y ffaith bod un ysgol wedi disgyn i
fesurau arbennig yn ddiweddar a pham nad oedd hyn wedi dod i sylw y BAS. Nodwyd
bod pob ymgais yn cael ei wneud i adfer y sefyllfa yma. Awdur: Iwan Trefor Jones |
|
CAU ALLAN Y WASG A'R CYHOEDD PDF 95 KB Dogfennau ychwanegol: Cofnod: PENDERFYNWYD cau allan y wasg a’r
cyhoedd o’r cyfarfod yn ystod
y drafodaeth ar yr eitem ganlynol
gan ei fod
yn debygol y datgelir gwybodaeth eithriedig fel y’i diffinnir ym
mharagraffau 11, Rhan 4, Atodlen 12A, Deddf Llywodraeth Leol 1972.Gofynnwyd i
gadw’r eitem yn eithriedig o dan yr adran
isod: 14.10.2 Gwybodaeth Eithriedig – Disgresiwn i Wahardd y Cyhoedd (a) Ceir gwahardd y cyhoedd o gyfarfodydd pryd bynnag y bo’n
debygol, oherwydd natur y busnes sydd i’w drafod,
neu natur y trafodion, y byddai gwybodaeth gyfrinachol yn cael ei
ddatgelu. Mae’r adroddiad yn cynnwys
gwybodaeth yn ymwneud â manylion cytundeb a threfniadau gwerthiant nad yw’n hysbys ar
hyn o bryd. Mae’r wybodaeth yn cael ei
ystyried yn eithriedig yn unol
â chategori 14, gan ei fod yn
wybodaeth sy’n ymwneud â materion ariannol neu fusnes
unigolyn penodol. |
|
TIR YN LLANRUG Cyflwynwyd gan: Cyng / Cllr Gareth Thomas Dogfennau ychwanegol: Penderfyniad: Cadarnhawyd y penderfyniad a wnaethpwyd ar Fawrth 28 2017
i ddirprwyo hawl i’r Pennaeth Rheoleiddio mewn ymgynghoriad a’r Pennaeth Addysg
i brynu llain o dir yn Llanrug ac yn sgil y pryniant, rheolaeth briodol o’r
safle, yn unol ar adroddiad. Cofnod: Cyflwynwyd yr eitem gan
y Cyng. Gareth Thomas Croesawyd yr Aelod
Lleol Llanrug i’r cyfarfod – y Cynghorydd Charles Jones. PENDERFYNWYD Cadarnhawyd y penderfyniad a
wnaethpwyd ar Fawrth 28 2017 i ddirprwyo hawl i’r Pennaeth Rheoleiddio mewn
ymgynghoriad a’r Pennaeth Addysg i brynu llain o dir yn Llanrug ac yn sgil y
pryniant, rheolaeth briodol o’r safle, yn unol ar adroddiad TRAFODAETH Yn dilyn cais am wybodaeth ychwanegol am niferoedd
ysgolion dalgylch Brynrefail gohiriwyd y penderfyniad ar y mater yng nghyfarfod
y Cabinet 19.9.17. Bellach, gyda’r wybodaeth am niferoedd mewn dosbarth wedi ei
rannu gyda’r Aelodau roedd modd ail afael ar y drafodaeth. Roedd y tir yn parhau ar gael i’w brynu (rhag ofn y
byddai ei angen yn y dyfodol agos i’w ddatblygu). Nodwyd mai cyfle unwaith ac
am byth oedd yma i brynu’r tir ar gyfer gwella rhai o adnoddau'r ysgol. Sylwadau yn codi o’r drafodaeth: -
Bod angen buddsoddiad tymor hir
i uwchraddio'r safle gan nad oed modd adeiladu ysgol o’r newydd - Bod yr adeilad presennol yn is-safonol ac felly angen buddsoddiad tymor hir - Bod y safle presennol yn gyfyng iawn – iard yr ysgol yn annigonol ar gyfer
nifer y plant - Nad oedd capasiti yn fater oedd angen ystyriaeth – ansawdd yr adeiladau
oedd y broblem. - Bod y safle ddim yn ddigonol petai angen ad-drefnu darpariaeth y dalgylch - Nad oedd y dystiolaeth yn ddigonol - Bod costau refeniw cysylltiedig ynghyd a chostau cynnal a chadw'r tir - Mai diwallu un o’r anghenion yr ysgol fyddai prynu'r tir - Bod y pris yn uchel Gwnaed sylw bod angen pwysleisio nad oedd prynu'r
tir yn codi gobeithion trigolion lleol ac mai ymateb i gyfle yn unig oedd yma. Awdur: Diane Jones |