Rhaglen a chofnodion

Croesawyd Aelodau’r Cabinet a Swyddogion i’r cyfarfod.

Derbyniwyd ymddiheuriadau gan y Cynghorwyr Dyfed Edwards a Ioan Thomas.

Ni chafwyd unrhyw ddatganiad o fuddiant personol.

Nid oedd unrhyw faterion brys.

Arbedion Effeithlonrwydd Pellach – Adran Rheoleiddio

Cyflwynwyd yr adroddiad gan y Cyng. Dafydd Meurig.

Eiliwyd yr adroddiad gan y Cyng. W Gareth Roberts.

PENDERFYNIAD

Yn dilyn iddynt gael eu hystyried gan y Pwyllgor Craffu yn unol â’r gofyn, cymeradwyo i’r Adran Rheoleiddio fwrw ymlaen â’r camau canlynol:

1. Ymrwymo i wneud yr Uned Difa Pla mor hunan gyllidol a phosib drwy gynyddu incwm o oddeutu £40,000 y flwyddyn, yn hytrach na diddymu’r gwasanaeth Difa Pla yn ei gyfanrwydd.

2. Diddymu swydd Uwch Reolwr Gwarchod y Cyhoedd ac addasu swydd gyfredol yr Uwch Reolwr Cynllunio ac Amgylchedd i gynnwys cyfrifoldeb am y Gwasanaeth Gwarchod y Cyhoedd yn ogystal, er mwyn cwrdd â’r arbediad Cam 2 Gwarchod y Cyhoedd (£69,000).

3. Bwrw ymlaen i gyfarfod arbediad o £278,440 fel y manylir yn 5.2 o’r adroddiad a gyflwynwyd, drwy weithredu ar gynllun amgen. Fe fydd y cynllun amgen yn canolbwyntio ar gynyddu incwm (yn deillio yn bennaf o’r ymdrechion i sefydlu Gorchymyn Parcio newydd), newid strwythur a lleihau risgiau sydd yn rhwystro arbedion sydd wedi eu cymeradwyo rhag cael eu gwireddu.

Llofnododd y Cadeirydd gofnodion cyfarfod y Cabinet a gynhaliwyd ar 28ain o Fehefin 2016.

Cyflwynwyd yr adroddiad gan y Cyng. Peredur Jenkins.

Eiliwyd yr adroddiad gan y Cyng. Dafydd Meurig.

PENDERFYNIAD

Nodi’r risgiau cyllidebol sydd wedi’u hadnabod yn gynnar yn 2016/17 a gofyn i’r Aelodau Cabinet a’r penaethiaid adrannau perthnasol gymryd camau priodol ynglŷn â materion o dan eu rheolaeth.

Cyflwynwyd yr adroddiad gan y Cyng. Peredur Jenkins.

Eiliwyd yr adroddiad gan y Cyng. Mair Rowlands.

PENDERFYNIAD

Derbyn yr adroddiad ar adolygiad y chwarter gyntaf (sefyllfa 30 Mehefin 2016) o’r rhaglen gyfalaf, a chymeradwyo’r ariannu addasedig a gyflwynir yn rhan 4 o’r adroddiad a gyflwynwyd i’r cyfarfod, sef:

•       cynnydd £3,276,000 mewn amryw ffynhonnell i ariannu gwir lithriadau o 2015/16

•       cynnydd £3,459,000 mewn defnydd o grantiau a chyfraniadau

•       cynnydd £29,000 mewn defnydd o dderbyniadau cyfalaf

•       cynnydd £82,000 mewn defnydd o gyfraniadau refeniw

•       cynnydd £441,000 mewn defnydd o gronfeydd adnewyddu ac eraill

Cyflwynwyd yr adroddiad gan y Cyng. Gareth Thomas

Eiliwyd yr adroddiad gan y Cyng. W Gareth Roberts.

PENDERFYNIAD

Caniatáu’r Aelod Cabinet Addysg i ymgynghori gyda Llywodraethwyr ac ysgolion am addasrwydd yr egwyddorion a fydd yn sylfaen i gyfundrefn addysg ar gyfer y dyfodol i Wynedd.

Derbyn yr adroddiad ar Arweinyddiaeth fel sail i hyrwyddo trafodaeth am gyfundrefn addysg addas i bwrpas.

Cyflwynwyd yr adroddiad gan y Cyng. Dafydd Meurig.

Eiliwyd yr adroddiad gan y Cyng. Mair Rowlands.

PENDERFYNIAD

Yn dilyn ystyriaeth o’r sylwadau a gwrthwynebiadau a dderbyniwyd, symud ymlaen i gwblhau’r broses statudol i gadarnhau’r Gorchymyn Parcio newydd ar gyfer Gwynedd.

Sefydlu Tocyn Parcio Lleol newydd a fydd yn caniatáu i breswylwyr brynu tocyn parcio blynyddol ar gyfer y maes parcio agosaf at eu cartref am bris gostyngedig o £60 y flwyddyn.