Rhaglen a chofnodion

Croesawyd Aelodau’r Cabinet a Swyddogion i’r cyfarfod.

Derbyniwyd ymddiheuriad gan Iwan Trefor Jones.

Nid oedd unrhyw ddatganiad o fuddiant personol.

Nid oedd unrhyw fater brys.

Nid oedd unrhyw faterion yn codi o Bwyllgorau Craffu.

Llofnododd y Cadeirydd gofnodion y Cabinet a gynhaliwyd ar 16eg o Chwefror 2016.

Cyflwynwyd yr adroddiad gan y Cyng. W Gareth Roberts.

Eiliwyd yr adroddiad gan y Cyng. Ioan Thomas.

PENDERFYNIAD

Mabwysiadu Strategaeth Letya Pobl Hŷn.

Cyflwynwyd yr adroddiad gan y Cyng. W Gareth Roberts.

Eiliwyd yr adroddiad gan y Cyng. Ioan Thomas.

PENDERFYNIAD

Er mwyn cyflawni prosiectau strategol i ddiwallu rhai o’r anghenion tai yn y Sir, bwrw ymlaen i ddarparu benthyciadau o fewn Cynlluniau Tai Gofal Ychwanegol, Darpariaeth ar Gyfer y Digartref, Ymddiriedolaeth Tir a Tai Gwag i Ddefnydd, lle ceir sicrwydd trwy ernes neu warant briodol ac amodau cymesur sydd i’w pennu mewn ymgynghoriad gyda’r Pennaeth Cyllid a’r Pennaeth Gwasanaeth Cyfreithiol ar gyfer pob cynllun unigol.

Rhoi hawl i’r Uwch Reolwr Tai weithredu gyda chymeradwyaeth y Pennaeth Cyllid a’r Pennaeth Gwasanaeth Cyfreithiol.

Cyflwynwyd yr adroddiad gan y Cyng. Ioan Thomas.

Eiliwyd yr adroddiad gan y Cyng. Mair Rowlands.

PENDERFYNIAD

Cymeradwyo Cynllun Cydraddoldeb Strategol 2016-20 Cyngor Gwynedd.

Cyflwynwyd yr adroddiad gan y Cyng. Dyfed Edwards.

PENDERFYNIAD

Derbyn a nodi’r wybodaeth yn yr adroddiad a gyflwynwyd i’r cyfarfod.

Cyflwynwyd yr adroddiad gan y Cyng. W Gareth Roberts.

Eiliwyd yr adroddiad gan y Cyng. Peredur Jenkins.

PENDERFYNIAD

1.    Cadarnhau fod Cyngor Gwynedd yn ymarfer y disgresiwn a ganiateir gan y Ddeddf Gwasanaethau Cymdeithasol a Llesiant (Cymru) 2014, i godi tâl am Wasanaethau Gofal i Oedolion o’r 6/04/2016 ymlaen.

2.    Mabwysiadu Polisi Codi Tâl newydd y Gwasanaeth Oedolion fydd yn weithredol o’r 6/04/2016.

3.    Cymeradwyo’r ffioedd am wasanaethau gofal ar gyfer 2016/17.

4.    Rhoi caniatâd i’r Adran Oedolion, Iechyd a Llesiant i gychwyn ymgynghoriad ym mis Mai 2016 ar newidiadau sydd eu hangen i’r Polisi Codi Tâl.

Cyflwynwyd yr adroddiad gan y Cyng. Dafydd Meurig.

Eiliwyd yr adroddiad gan y Cyng. John Wynn Jones.

PENDERFYNIAD

Mabwysiadu’r Cynllun Rheoli Asedau Eiddo a Pholisiau Eiddo er mwyn atgyfnerthu a chefnogi’r hyn sydd eisioes wedi ei gyflawni drwy’r Strategaeth Eiddo Corfforaethol, gyda’r amod o –

• ail ymweld â Pholisi Eiddo ‘3. Ôl-Ddefnydd Safleoedd Ysgol sy’n Weddill i Anghenion’
• ail ymweld â chymal 9 yn y ‘Polisi Gwaredu Eiddo’, sef derbyniadau cyfalaf a ddaw o waredu eiddo.

Cyflwynwyd yr adroddiad gan y Cyng. Dafydd Meurig.

Eiliwyd yr adroddiad gan y Cyng. Dyfrig Siencyn.

PENDERFYNIAD

Defnyddio pwerau Caniatâd Gwaredu Cyffredinol (Cymru) 2003 i werthu cyn safle Ysgol yr Hendre, Caernarfon, yn uniongyrchol i Gartrefi Cymunedol Gwynedd (CCG) am lai na gwerth y farchnad er mwyn sicrhau buddiannau cymdeithasol, economaidd neu amgylcheddol.

Cyflwynwyd yr adroddiad gan y Cyng. Dyfed Edwards.

Eiliwyd yr adroddiad gan y Cyng. W Gareth Roberts.

PENDERFYNIAD

Cymeradwyo’r Flaenraglen a gynhwyswyd yn y papurau i’r cyfarfod.