Rhaglen a chofnodion

Croesawyd Aelodau’r Cabinet a Swyddogion i’r cyfarfod.

Derbyniwyd ymddiheuriadau gan y Cyng. Dyfrig Siencyn ac Iwan Trefor Jones.

Datganodd y Cynghorydd Gareth Thomas fuddiant personol yn Eitem 6 ar y rhaglen oherwydd bod ei fab-yng-nghyfraith yn gweithio i Wasanaeth Llyfrgelloedd y Cyngor. Roedd yr aelod o’r farn ei fod yn fuddiant oedd yn rhagfarnu a gadawodd y Siambr yn ystod y drafodaeth ar yr eitem hon.

Nid oedd unrhyw faterion brys.

Nid oedd unrhyw faterion yn codi o Bwyllgorau Craffu.

         Llofnododd y Cadeirydd gofnodion cyfarfod y Cabinet a gynhaliwyd ar 6 Hydref 2015.

Cyflwynwyd yr adroddiad gan y Cyng. Ioan Thomas.

Eiliwyd gan y Cyng. Dafydd Meurig.

PENDERFYNIAD

Gohirio’r penderfyniad terfynol ar Strategaeth Gwasanaeth Llyfrgell Gwynedd tan ar ôl Her Gwynedd.

Cyflwynwyd yr adroddiad gan y Cyng. Dyfed Edwards.

Eiliwyd gan y Cyng. W Gareth Roberts.

PENDERFYNIAD

Derbyn a nodi’r wybodaeth a gyflwynwyd yn yr adroddiad i’r cyfarfod, gan ddiolch i staff y Cyngor am gynnal lefelau perfformiad.

Gweithredu ar y canlynol –

·      Cynnal trafodaethau gyda’r Gweinidog Iechyd a Gwasanaethau Cymdeithasol a’r Dirprwy Weinidog Iechyd er mwyn amlygu’r pryderon recriwtio fel ag y nodir yng nghymal 4.3 o’r adroddiad, a cheisio datrysiad.

·      Parhau i geisio darganfod dulliau o wella perfformiad, gan ganolbwyntio ar ganfod datrysiadau ar gyfer meysydd ble nad ydi’r Cyngor yn llwyddo i ateb gofynion pobl Gwynedd.