Mater - cyfarfodydd

Adroddiad gan Iwan Evans, Cyngor Gwynedd  (ynghlwm).

Penderfynwyd i:

1.    Derbyn yr adroddiad

2.    I dderbyn y bydd Bwrdd Uchelgais Economaidd Gogledd Cymru cyn belled y mae’n rhesymol bosib yn cyfarfod mewn un lleoliad priodol yng Ngogledd Cymru yn ôl unol a’r adroddiad.

3.    Yn ddarostyngedig i sefydlu Bwrdd Arweinyddion Busnes ffurfiol. I benodi Cadeirydd y Grwp Busnes Gogledd Cymru fel Ymgynghorydd i’r Bwrdd Uchelgais Economaidd a chadarnhau strwythur Ymgynghorwyr.

4.    Fod adroddiad pellach ar yr Is fyrddau arfaethedig yn cael eu cyflwyno i’r cyfarfod nesaf o’r Bwrdd Uchelgais Economaidd Gogledd Cymru.

5.    I dderbyn Protocol Gweithredol ar gyfer y Bwrdd Uchelgais Economaidd Gogledd Cymru yn ddarostyngedig i gadarnhadu  hawl i’r Swyddog Monitro ac i’r Swyddog Adran 151 i adrodd yn unigongyrchol i’r Bwrdd Uchelgais Economaidd Gogledd Cymru pe cyfyd angen.

Cyflwynwyd gan Iwan Evans, Swyddog Monitro.

PENDERFYNIAD

Penderfynwyd i:

1. Derbyn yr adroddiad
2. I dderbyn y bydd Bwrdd Uchelgais Economaidd Gogledd Cymru cyn belled y mae’n rhesymol bosib yn cyfarfod mewn un lleoliad priodol yng Ngogledd Cymru yn ôl unol a’r adroddiad.
3. Yn ddarostyngedig i sefydlu Bwrdd Arweinyddion Busnes ffurfiol. I benodi Cadeirydd y Grwp Busnes Gogledd Cymru fel Ymgynghorydd i’r Bwrdd Uchelgais Economaidd a chadarnhau strwythur Ymgynghorwyr.
4. Fod adroddiad pellach ar yr Is fyrddau arfaethedig yn cael eu cyflwyno i’r cyfarfod nesaf o’r Bwrdd Uchelgais Economaidd Gogledd Cymru.
5. I dderbyn Protocol Gweithredol ar gyfer y Bwrdd Uchelgais Economaidd Gogledd Cymru yn ddarostyngedig i gadarnhadu  hawl i’r Swyddog Monitro ac i’r Swyddog Adran 151 i adrodd yn unigongyrchol i’r Bwrdd Uchelgais Economaidd Gogledd Cymru pe cyfyd angen.

TRAFODAETH

Cyflwynwyd yr adroddiad gan ddatgan mai ei brif fwriad yw i symud y rhaglen Lywodraethu yn ei blaen. Cafwyd trafodaeth am yr argymhellion yn y penderfyniad yn unigol.

Trafodwyd lleoliad priodol ar gyfer cyfarfodydd gyda’r bwriad o gael lleoliad canolog, nodwyd fod lleoliad wedi ei drefnu ar gyfer y cyfarfodydd nesaf yng Nghonwy. Mynegwyd na fydd amser yn cael ei nodi yn y protocol ond yn hytrach fod penderfyniad y bydd y cyfarfod yn anelu i gychwyn am 1y.h. gan bwysleisio fod hyblygrwydd o ran amser.  Trafodwyd penodi Cadeirydd y Gweithdy Busnes Gogledd Cymru fel ymgynghorydd i’r Bwrdd Uchelgais, a cytunwyd ar hyn.

Nodwyd o’r themâu allweddol fod Trafinidaieth a’r Cynllun Digidol wedi eu blaenoriaethu fel ys is-bwyllgorau cyntaf i gael eu ffufio. Ychwanegwyd fod angen trafodaeth bellach ar y mater er mwyn cael cynlluniau i sefydlu’r is-bwyllgorau o ran aelodaeth ac adrodd yn ôl i’r Bwrdd Uchelgais.

Tynnwyd sylw at y Protocol Gweithredol ar gyfer y Cydbwyllgor sydd yn gosod sylfaen ac amserlen ar gyfer cyfarfodydd ac adroddiadau ynghyd a gosod sicrwydd ar gyfer cyfeiriad y Bwrdd.

Sylwadau’n codi o’r drafodaeth

-        Cafwyd trafodaeth am y themâu allweddol sydd yn cael eu blaenoriaethu, mynegwyd fod angen trafodaeth bellach yn y grŵp gweithredol ac ystyried amserlen.

-        Tynnwyd sylw at adroddiadau y Bwrdd Uchelgais yn cael ei gyflwyno i’r Grŵp Gweithredol bythefnos cyn y cyfarfod, gan nodi na ddylid adroddiadau gan y Swyddog Monitro nac y Swyddog Adran 151 gael eu cynnwys yn y drefn ac y bydd modd iddynt hwy gyflwyno eu hadroddiadau yn uniongyrchol i’r Bwrdd.