Mater - cyfarfodydd

1. Yn ddarostyngedig i 2 a 3 isod awdurdodi’r Uwch Reolwr eiddo mewn ymghynhoriad â’r Pennaeth Gwasanaeth Cyfriethiol a’r Pennaeth Cyllid i ildio’r gwaharddiad a chyfynghiadau ar werthu bwyd a man werthu yn Les Safle Gorsaf Rheilffordd Ucheldir Cymru, Caernarfon.
2. Fod y premiwm llawn i’w gyfrifo yn unol â thelerau’r Les yn daladwy gan y cwmni am y caniatâd.
3. Dirprwyo’r hawl i’r Uwch Reolwr Eiddo mewn ymgynghoriad â’r Pennaeth Gwasanaethau Cyfreithiol a’r Pennaeth Cyllid i gytuno cynllun talu dros gyfnod rhesymol gyda’r tenant petai angen.

Roedd un eitem brys i’w drafod.

GORSAF REILFFORDD UCHELDIR CYMRU, CAERNARFON

Cyflwynwyd yr eitem gan Cyng. Dafydd Meurig

PENDERFYNIAD

1. Yn ddarostyngedig i 2 a 3 isod awdurdodi’r Uwch Reolwr eiddo mewn ymgynghoriad â’r Pennaeth Gwasanaeth Cyfreithiol a’r Pennaeth Cyllid i ildio’r gwaharddiad a chyfyngiadau ar werthu bwyd a man werthu yn Les Safle Gorsaf Rheilffordd Ucheldir Cymru, Caernarfon.
2. Fod y premiwm llawn i’w gyfrifo yn unol â thelerau’r Les yn daladwy gan y cwmni am y caniatâd.
3. Dirprwyo’r hawl i’r Uwch Reolwr Eiddo mewn ymgynghoriad â’r Pennaeth Gwasanaethau Cyfreithiol a’r Pennaeth Cyllid i gytuno cynllun talu dros gyfnod rhesymol gyda’r tenant petai angen.

TRAFODAETH

Cyflwynwyd yr adroddiad gan nodi fod y Cwmni Rheilffordd Ucheldir Cymru yn dal llecyn o dir ar ffordd Santes Helen, Caernarfon ers 1999, ar brydles gan y Cyngor am gyfnod o 1,000 o flynyddoedd. Roedd y brydles wedi ei roi er mwyn caniatáu i’r cwmni ddatblygu rheilffordd o Gaernarfon i Dinas, gan ddefnyddio’r llecyn i greu’r orsaf yng Nghaernarfon.

Mae cymal penodol yn y brydles yn mynnu nad oes hawl gan y cwmni i werthu bwyd a diod ar y safle heb gael caniatâd penodol gan y Cyngor ac y byddai taliad pellach yn daladwy gan y tenant os fyddai’r Cyngor yn fodlon rhoi caniatâd o’r fath. Mae mecanwaith manwl yn y brydles yn amlinellu sut y byddai’r taliad yn cael ei gyfrifo.

Mae cais wedi dod gan y cwmni yn gofyn i’r Cyngor i beidio â hawlio’r ffi sy’n ddyledus o dan y brydles am ganiatâd o’r fath ac felly hepgor y swm unwaith ac am byth.

Ystyriwyd y  mater yma yn fater brys oherwydd gofynion amserlennu prosiect ac yn unol a pharagraff 7.25.2 o Gyfansoddiad y Cyngor a gyda chaniatâd Cadeirydd y Cyngor mae’r penderfyniad yn cael ei eithrio o’r drefn galw i mewn ac yn dod i rym ar dyddiad y cyfarfod a’r penderfyniad